लोकनेते बाळासाहेब देसाई सहकारी साखर कारखाना प्र.मे.टन 2700 रुपये पहिली उचल देणार. व्हा.चेअरमन पांडूरंग नलवडे.

 

 

दौलतनगर दि.24:- लोकनेते बाळासाहेब देसाई सहकारी साखर कारखाना लि.दौलतनगर यांचेकडून चालू गळीत हंगाम सन 2024-25 करीता गळीतास येणाऱ्या ऊसास पहिली उचल म्हणून प्रति मे.टन रु. 2700/- याप्रमाणे रक्कम ऊस पुरवठादार शेतकऱ्यांच्या खात्यावर वर्ग करणेत येणार असल्याची माहिती कारखान्याचे व्हा.चेअरमन पांडूरंग नलवडे यांनी प्रसिध्दी पत्रकाव्दारे दिली आहे.

 प्रसिध्दीपत्रकांत पुढे म्हंटले आहे की, लोकनेते बाळासाहेब देसाई सहकारी उद्योग समुहाचे  मार्गदर्शक,महाराष्ट्र राज्याचे पर्यटनमंत्री नामदार मा.श्री.शंभूराज देसाई व चेअरमन मा.श्री.यशराज देसाई(दादा) यांचे मार्गदर्शनाखाली कारखाना व्यवस्थापन चांगल्या पध्दतीने नियोजन केले आहे. लोकनेते बाळासाहेब देसाई कारखान्याचा सन 2024-25 चा गळीत हंगाम दि. 15 नोव्हेंबर 2024 पासून नियमित सुरु झालेला आहे. आज अखेर कारखान्याने 84225 मे.टन ऊसाचे गळीत केले असून आज अखेर 11.33%  सरासरी साखर उतारा मिळालेला आहे. चालू गळीत हंगामामध्ये साखरेचे दर हे जवळपास रु. 3300 /- ते 3400/- प्रति क्विंटलचे आसपास असून साखरेच्या दराचे प्रमाणात आपणांस बँकेकडून उचल मिळत असते. गतवर्षी कारखान्याने रु 2500/- प्र.मे.टन याप्रमाणे पहिली उचल अदा केलेली होती. चालू वर्षी बँकेकडून उत्पादित होणाऱ्या साखरेवर मिळणारी प्रति क्विंटल उचल व गळीत हंगामामध्ये अनुषंगिक खर्च पाहता आपले कारखान्याने गळीतास येणाऱ्या ऊसास पहिली उचल म्हणून रु. 2700/- प्र.मे.टन याप्रमाणे देणेचे नियोजन केले असून एफ.आर.पी.प्रमाणे होणारी उर्वरित रक्कम निधीची उपलब्धता होताच अदा केली जाईल, त्यामुळे चालू गळीत हंगाम यशस्वी करण्याच्या उद्देशाने कारखाना कार्यक्षेत्रातील सर्व ऊस उत्पादक सभासद व शेतकरी यांनी आपला पिकविलेला संपूर्ण ऊस हा लोकनेते बाळासाहेब देसाई सहकारी साखर कारखान्यास गळीतास देऊन गळीत हंगाम यशस्वी करण्यासाठी सहकार्य करावे, असे आवाहन शेवटी प्रसिध्दी पत्रकांत नमूद केले आहे.

मंत्री ना.शंभूराज देसाई यांचे मतदार संघात झाले जंगी स्वागत. विजयनगर पाडळी ते दौलतनगर मार्गावर स्वागत रॅली मोठया उत्साहात संपन्न.

दौलतनगर दि.23:- नुकत्याचा झालेल्या विधानसभा निवडणुकीमध्ये पाटण विधानसभा मतदारसंघामधून भरघोस मताधिक्याने विजयी झालेले उमेदवार मा.ना.श्री.शंभूराज देसाई यांनी नागपूर येथे महाराष्ट्र मंत्रीमंडळामध्ये कॅबिनेट मंत्री म्हणून शपथ घेतल्यानंतर हिवाळी अधिवेशन संपल्यानंतर पाटण विधानसभा मतदारसंघाचे लोकप्रतिनिधी व महाराष्ट्र राज्याचे पर्यटन,खनीकर्म व माजी सैनिक कल्याण मंत्री मा.ना.श्री.शंभूराज देसाई यांचे सोमवारी पाटण विधानसभा मतदारसंघामध्ये  जंगी स्वागत करण्यात आले. त्यांचे स्वागताच्या निमित्ताने शिवसेना- भाजपा राष्ट्रवादी व मित्रपक्षाचे पदाधिकारी, कार्यकर्ते यांनी विजयनगर पाडळी ते दौलतनगर या मार्गावर भव्य सवाद्यासह स्वागत रॅली काढण्यात आली तसेच स्वागत रॅलीचे मार्गावरील विविध गावांच्या ठिकाणी त्यांचा जाहिर सत्कार करण्यात आला.

            महाराष्ट्राच्या मंत्रीमंडळामध्ये कॅबिनेट मंत्रीपदाची शपथ घेतल्यानंतर नामदार शंभूराज देसाई हे प्रथमच पाटण विधानसभा मतदार संघामध्ये येत असताना शिवसेना भाजपा राष्ट्रवादी महायुतीचे सर्व पदाधिकारी कार्यकर्ते यांनी त्यांच्या जल्लोषी स्वागताची तयारी केली होती. पाटण विधानसभा मतदारसंघामध्ये येत असताना त्यांचे तारळे विभागाचेवतीने नागठाणे येथे स्वागत करण्यात आले तद्नंतर वारुंजी फाटा येथेही त्यांचे जंगी स्वागत करण्यात आले. त्यानंतर विजयनगर पाडळी येथे मंत्री ना.श्री.शंभूराज देसाई यांचे आगमन झाल्यानंतर तमाम पाटण विधानसभा मतदारसंघाचेवतीने त्यांचे स्वागत केल्यानंतर स्वागत रॅलीला सुरुवात झाली. विजयनगर पाडळी,सुपने,वसंतगड  साकुर्डी (तांबवे फाटा), विहे, निसरे फाटा,मल्हारपेठ,नाडे मार्गे दौलतनगर या मार्गावर आयोजित केलेल्या स्वागत रॅलीमध्ये अनेक दुचाकीस्वार तसेच चारचाकी यांचा मोठा सहभाग होता. तसेच या मार्गावरील प्रमुख गावांच्या ठिकाणी स्वागत करण्यात आले आहे. नाडे नवारस्ता येथील पहिले शिवतिर्थ असलेल्या छत्रपती शिवाजी महाराज यांच्या पुतळयाला पुष्पहार अर्पण केल्यानंतर दौलतनगर येथील  लोकनेते बाळासाहेब देसाई, स्व. शिवाजीराव देसाई (आबासाहेब),कै.सौ.वत्सलादेवी देसाई यांच्या स्मृतीस्थळावर अभिवादन करण्यात येऊन मंत्री नामदार शंभूराज देसाई यांनी मरळी गावचे ग्रामदैवत श्री. निनाईदेवीचे दर्शन घेतले. तद्नंतर पर्यटनमंत्री ना.श्री.शंभूराज देसाई हे दौलतनगर ता.पाटण येथील निवासस्थानी शिव-विजय हॉल येथे पाटण विधानसभा मतदारसंघातील तमाम पदाधिकारी,कार्यकर्ते मतदार बंधू भगिनीं व हितचिंतक यांचेकडून शुभेच्छा स्विकारल्या.

चौकट:- ना.शंभूराज देसाई यांचे पाटण मतदारसंघामध्ये उत्साहात स्वागत.

महाराष्ट्र राज्याचे पर्यटनमंत्री ना.शंभूराज देसाई हे प्रथमच पाटण विधानसभा मतदार संघामध्ये येत असताना ठिक-ठिकाणी  त्यांचे जंगी स्वागत करण्यात येत होते. त्यामुळे त्यांना विजयनगर पाडळी येथे येण्यास उशीर झाला तरीही पदाधिकारी व कार्यकर्त्यांमध्ये उत्साह तसाच होता. सकाळपासून वाट पाहणाऱ्या पदाधिकारी व कार्यकर्त्यांनी  ना. शंभूराज देसाई यांचे स्वागत मोठया उत्साहात केले.तसेच त्यांचे स्वागतासाठी  आयोजित केलेल्या स्वागत रॅलीमध्ये दुचाकी व चारचाकी घेऊन हजारो कार्यकर्ते सहभागी झाल्याचे दिसत होते.दुसऱ्यांदा कॅबिनेट मंत्री झालेल्या ना.शंभूराज देसाई यांचे कार्यकर्त्यांच्या चेहऱ्यावर आज आनंद दिसत होता तर काही कार्यकर्ते हे भारावून गेले होते.

मंत्री ना.शंभूराज देसाई यांचे सोमवार मतदार संघात होणार जंगी स्वागत. विजयनगर पाडळी ते दौलतनगर मार्गावर स्वागत रॅलीचे आयोजन.

 

 

दौलतनगर दि.19:- नुकत्याचा झालेल्या विधानसभा निवडणुकीमध्ये पाटण विधानसभा मतदारसंघामधून भरघोस मताधिक्याने विजयी झालेले उमेदवार मा.ना.श्री.शंभूराज देसाई यांनी नागपूर येथे महाराष्ट्र मंत्रीमंडळामध्ये कॅबिनेट मंत्री म्हणून शपथ घेतली.नागपूर येथील हिवाळी अधिवेशन संपल्यानंतर पाटण विधानसभा मतदारसंघाचे लोकप्रतिनिधी व मंत्री मा.ना.श्री.शंभूराज देसाई यांचे सोमवारी पाटण विधानसभा मतदारसंघामध्ये आगमन होत आहे. त्यानिमित्ताने त्यांचे जंगी स्वागत करण्याचे नियोजन शिवसेना- भाजपा राष्ट्रवादी व मित्रपक्षाचे पदाधिकारी, कार्यकर्ते यांनी केले असून त्यांचे स्वागतासाठी विजयनगर पाडळी ते दौलतनगर या मार्गावर स्वागत रॅलीचे आयोजन केले आहे. तसेच स्वागत रॅलीचे मार्गावरील विविध गावांच्या ठिकाणी त्यांचा जाहिर सत्कार करण्यात येणार असल्याची माहिती मंत्री ना.शंभूराज देसाई स्वागत समितीच्यावतीने प्रसिध्दीपत्रकांत दिली आहे.

            महाराष्ट्राच्या मंत्रीमंडळामध्ये कॅबिनेट मंत्रीपदाची शपथ घेतल्यानंतर मा.ना.श्री.शंभूराज देसाई हे प्रथमच पाटण विधानसभा मतदार संघामध्ये येत असून शिवसेना भाजपा राष्ट्रवादी महायुतीचे सर्व पदाधिकारी कार्यकर्ते यांनी त्यांच्या जल्लोषी स्वागताची तयारी केली आहे. सकाळी 10 वाजता विजयनगर पाडळी येथे मंत्री ना.श्री.शंभूराज देसाई यांचे आगमन झाल्यानंतर तमाम पाटण विधानसभा मतदारसंघाचेवतीने त्यांचे स्वागत केल्यानंतर स्वागत रॅलीला सुरुवात होणार आहे.विजयनगर पाडळी,सुपने,वसंतगड  साकुर्डी (तांबवे फाटा), विहे, निसरे फाटा,मल्हारपेठ,नाडे मार्गे दौलतनगर या मार्गावर आयोजित केलेल्या स्वागत रॅलीला तसेच या मार्गावरील प्रमुख गावांच्या ठिकाणी स्वागत करण्यासाठी त्या-त्या गावांतील प्रमुख पदाधिकारी व कार्यकर्ते यांनी उपस्थित राहण्याचे आवाहन करण्यात आले आहे.नाडे नवारस्ता येथील पहिले शिवतिर्थ असलेल्या छत्रपती शिवाजी महाराज यांच्या पुतळयाला पुष्पहार अर्पण केल्यानंतर स्वागत रॅली दौलतनगर येथे येणार असून या ठिकाणी लोकनेते बाळासाहेब देसाई, स्व. शिवाजीराव देसाई (आबासाहेब),कै.सौ.वत्सलादेवी देसाई यांच्या स्मृतीस्थळावर अभिवादन करण्यात येणार  आहे. त्यानंतर मरळी गावचे ग्रामदैवत श्री. निनाईदेवीचे दर्शन घेणार आहेत या नियोजीत कार्यक्रमानंतर दौलतनगर ता.पाटण येथील निवासस्थानी आल्यानंतर स्वागत रॅलीची सांगता होणार आहे. तद्नंतर मंत्री ना.श्री.शंभूराज देसाई हे दौलतनगर ता.पाटण येथील निवासस्थानी शिव-विजय हॉल येथे पाटण विधानसभा मतदारसंघातील तमाम पदाधिकारी,कार्यकर्ते मतदार बंधू भगिनीं व हितचिंतक यांचेकडून शुभेच्छा स्विकारणार असल्याचे मंत्री ना.शंभूराज देसाई स्वागत समितीच्यावतीने प्रसिध्दीपत्रकांत नमूद केले आहे.

चौकट:- मंत्री ना.शंभूराज देसाई यांचे स्वागतासाठी शालेय वस्तू भेट देण्याचे आवाहन.

मंत्री ना.शंभूराज देसाई हे कॅबिनेट मंत्री पदाची शपथ घेतल्यानंतर प्रथमच पाटण विधानसभा मतदार संघामध्ये येत असल्याने त्यांचे स्वागत करण्यासाठी येणाऱ्या पाटण विधानसभा मतदार संघातील पदाधिकारी,कार्यकर्ते व हितचिंत यांनी वहया,पेन इ. शालेय साहित्य भेट म्हणून देण्याचे आवाहन मंत्री ना.शंभूराज देसाई स्वागत समितीच्यावतीने प्रसिध्दीपत्रकांत करण्यात आले आहे.