मा.यशराज देसाई यांच्या वाढदिवसानिमित्त आयोजित मोफत आरोग्य उपक्रमाच्या पहिल्या टप्प्याला उत्स्फूर्त प्रतिसाद 5 ऑक्टोबर ते 7 नोव्हेंबर 2026 या कालावधीत 6415 गरजूंची नेत्रतपासणी, 5553 जणांना मोफत चष्मे वाटप; 1137 रुग्णांना मोतीबिंदू अढळून आले असून त्यातील 322 रुग्णांची शस्त्रक्रिया पूर्ण.

 

दौलतनगर, दि.0९ नोव्हेंबर : महाराष्ट्र राज्याचे पर्यटन खनिकर्म माजी सैनिक कल्याण मंत्री तथा पालकमंत्री सातारा मा.ना.शंभूराज देसाई यांचे सुपुत्र लोकनेते बाळासाहेब देसाई सहकारी साखर कारखान्याचे चेअरमन यशराज देसाई यांच्या वाढदिवसानिमित्त स्वर्गीय शिवाजीराव देसाई ट्रस्ट, दौलतनगर आणि एच. व्ही. देसाई हॉस्पिटल, पुणे यांच्या संयुक्त विद्यमाने पाटण विधानसभा मतदारसंघातील गरजू नागरिकांसाठी आयोजित करण्यात आलेल्या मोफत नेत्र तपासणी शिबिराच्या पहिल्या टप्प्याला उत्स्फूर्त प्रतिसाद मिळाला आहे. दि. ५ ऑक्टोबर ते ७ नोव्हेंबर २०२६ या कालावधीत हा पहिला टप्पा यशस्वीरीत्या पूर्ण झाला असून, मतदारसंघातील नागरिकांनी या उपक्रमाला मोठा प्रतिसाद दिला आहे.

या पहिल्या टप्प्यात मल्हारपेठ गणातील विहे, ठोमसे, बोडकेवाडी, नावडी, सोनाईचीवाडी, नहिंबे-चिरंबे, मंद्रुळ हवेली येराड गणातील कारवट, घाणबी, वाटोळे, आंबवणे, चिटेघर/तामकणे, दिवशी खु, चाफोली/आरल, बोंद्री, पिंपळोशी, टोळेवाडी, कातवडी, कवडेवाडी चाफळ गणातील पाठवडे, केळोली, विरेवाडी, खराडवाडी, चव्हाणवाडी, नाणेगाव खु., कोचरेवाडी, शिंगणवाडी, चाफळ, खोनोली, वाघजाईवाडी, सणबुर गणातील तामिणे, पाळशी, सळवे, बाचोली मंद्रुळ कोळे गणातील जानुगडेवाडी, उमरकांचन, कोळेकरवाडी, सातर काळगाव गणातील कसणी, निगडे, काळगाव, चव्हाणवाडी धा., मस्करवाडी, कुठरे, धामणी, मोरेवाडी, पवारवाडी, सुपुगडेवाडी, वाझोली, पाचुपतेवाडी तब्बल 50 गावांतील 6415 गरजू नागरिकांची मोफत नेत्र तपासणी करण्यात आली असून त्यापैकी 5553 नागरिकांना मोफत चष्म्यांचे वाटप करण्यात आले आहे. तसेच तपासणी दरम्यान 1137 रुग्णांना मोतीबिंदू असल्याचे निदर्शनास आले असून यातील 322 रुग्णांवर पुणे येथील एच. व्ही. देसाई हॉस्पिटलमध्ये मोफत मोतीबिंदू शस्त्रक्रिया करण्यात आली आहे. त्यामुळे आर्थिक परिस्थितीमुळे उपचार घेणे शक्य नसलेल्या गरजू रुग्णांना मोठा दिलासा मिळाला आहे.

वाढदिवस साजरा करताना अनावश्यक खर्च आणि दिखावा करण्यापेक्षा समाजातील गरजू घटकांच्या आरोग्याची काळजी घेणे, त्यांना आवश्यक वैद्यकीय सुविधा उपलब्ध करून देणे, हीच खरी सामाजिक बांधिलकी आहे, या भावनेतून या उपक्रमाचे आयोजन करण्यात आले आहे.यंदा राज्यातील दुष्काळी परिस्थिती आणि सर्वसामान्य नागरिकांची आर्थिक परिस्थिती लक्षात घेता पाटण विधानसभा मतदारसंघातील गरजू नागरिकांना मोफत आरोग्य सुविधा मिळाव्यात, हा या उपक्रमामागील मुख्य उद्देश आहे. नागरिकांना नेत्रतपासणी, आवश्यक चष्मे, पुढील उपचार, शस्त्रक्रिया आणि औषधोपचार यांसारख्या सुविधा मोफत उपलब्ध करून देण्याचा संकल्प करण्यात आला आहे. यापूर्वीही अतिवृष्टीच्या काळात बाधित कुटुंबांना संसारोपयोगी साहित्याचे वाटप, जिल्हा परिषद शाळांमधील विद्यार्थ्यांना शालेय साहित्याचे वितरण अशा विविध सामाजिक उपक्रमांच्या माध्यमातून देसाई कुटुंबाने सामाजिक बांधिलकी जपली आहे. त्याच परंपरेतून यंदाच्या वाढदिवसानिमित्त आरोग्यसेवेचा हा उपक्रम राबविण्यात येत आहे.

या उपक्रमाच्या पहिल्या टप्प्याला मिळालेला उत्स्फूर्त प्रतिसाद निश्चितच समाधानकारक असून, पाटण विधानसभा मतदारसंघातील जास्तीत जास्त गरजू रुग्णांपर्यंत या आरोग्य योजनेचा लाभ पोहोचविण्याचा आमचा प्रयत्न राहणार आहे. कोणताही राजकीय किंवा सामाजिक भेदभाव न करता गरजू रुग्णांना आरोग्यसेवा मिळावी, हीच या उपक्रमामागील प्रामाणिक भूमिका असल्याचे चेअरमन यशराज देसाई यांनी सांगितले.

चेअरमन मा.यशराज देसाई यांच्या वाढदिवसानिमित्ताने समाजाचे ऋण फेडण्याचा प्रयत्न आणि आरोग्यसेवेच्या माध्यमातून गरजूंच्या जीवनात नवा प्रकाश निर्माण करण्याचा हा उपक्रम पाटण विधानसभा मतदारसंघात कौतुकाचा विषय ठरत आहे.

पालकमंत्री ना.शंभूराज देसाई यांच्या प्रयत्नातून मतदारसंघातील 52 गावांतील नळ पाणी पुरवठा योजनां निधी. कोयना भूकंप पुनर्वसन निधीतून नळ पाणी पुरवठा योजनांच्या कामांसाठी 10 कोटी 65 लक्ष रुपयांचा निधी मंजूर.

 

दौलतनगर दि.26:- पाटण विधानसभा मतदारसंघातील डोंगरी व दुर्गम भागातील विविध गावांतील नळ पाणी पुरवठा योजनांचे कामांसाठी निधी मंजूर होण्यासाठी महाराष्ट्र राज्याचे पर्यटन,खनिकर्म व माजी सैनिक कल्याण मंत्री तथा सातारा जिल्हयाचे पालकमंत्री ना.शंभूराज देसाई यांनी कोयना भूकंप पुनर्वसन निधी समिती न्यासाकडे शिफारस केली होती.त्यानुसार पाटण विधानसभा मतदारसंघातील 52 गावांतील नळ पाणी पुरवठा येाजनांचे कामांना कोयना भूकंप पुनर्वसन निधी समितीमधून 10 कोटी 65 लाख 46 हजार रुपयांचा निधी मंजूर झाला असल्याची माहिती पालकमंत्री ना.शंभूराज देसाई यांचे कार्यालयाचेवतीने प्रसिध्दीपत्रकां दिली आहे.

          प्रसिध्दीपत्रकांत पुढे म्हंटले आहे की, पाटण विधानसभा मतदारसंघात विविध गावांतील नळ पाणी पुरवठा योजनांचे कामांना निधी मंजूर होणे गरजेचे होते.गेली तीन महिन्यांपासून पावसाने ओढ दिल्याने या गावांमध्ये संभाव्या पिण्याच्या पाण्याची टंचाई लक्षात घेऊन या नळ पाणी पुरवठा योजनांचे कामांना निधी मंजूर होण्यासंदर्भात संबंधित गावातील ग्रामस्थांनी पालकमंत्री ना.शंभूराज देसाई यांचेकडे मागणी केली होती. त्यानुसार पालकमंत्री ना.शंभूराज देसाई यांनी पाटण विधानसभा मतदारसंघातील 52 गावांतील नळ पाणी पुरवठा योजनांचे कामांना निधी मंजूर होण्यासाठी कोयना भूकंप पुनर्वसन निधी समिती न्यासाकडे शिफारस केल्यानुसार या नळ पाणी पुरवठा योजनांचे कामांना कोयना भूकंप पुनर्वसन निधी समितीमधून 10 कोटी 65 लाख 46 हजार रुपयांचा निधी मंजूर झाला आहे. कोयना भूकंप पुनर्वसन निधी समितीमधून मंजूर झालेल्या नळ पाणी पुरवठा योजनांचे कामांमध्ये लोहारवस्ती केरळ 15 लक्ष, चिटेघर 25 लक्ष,एकावडेवाडी सळवे 10 लक्ष,भुडकेवाडी 30 लक्ष,गायमुखवाडी बांबवडे 10 लक्ष,शिंदेवाडी 35.59 लक्ष,जाळगेवाडी 18 लक्ष,तामिणे 15 लक्ष,शिंगणवाडी 20 लक्ष,मरळोशी 10 लक्ष,मोरगिरी 15 लक्ष,हुंबरवाडी 15 लक्ष,आडूळ गावठाण 20 लक्ष,खडकवाडी वजरोशी 15 लक्ष,नुने 20 लक्ष,आडदेव 20 लक्ष,मानेगाव 20 लक्ष,वेताळवाडी 20 लक्ष,साईकडे 19.95 लक्ष,कातवडी 17 लक्ष,कामरगाव 15 लक्ष,कोकीसरे 20 लक्ष,सुतावाडी मालदन 15 लक्ष,कुशी पुनर्वसन वेखंडवाडी 10 लक्ष,आडूळपेठ 15 लक्ष, चिंचेवाडी वजरोशी 10 लक्ष,कोरिवळे 50 लक्ष,मस्करवाडी नं.2 10 लक्ष,सावंतवस्ती मारुल तर्फ पाटण 13 लक्ष,रामेल 23 लक्ष,आंबळे 15 लक्ष,माणगाव खालची डोंगळेवाडी 16.50 लक्ष,जुंगठी 20 लक्ष,शिरळ 20 लक्ष,बोर्गेवाडी पुनर्वसन सांगवड 15 लक्ष,चोपदारवाडी 20 लक्ष,चोपडी 20 लक्ष,डोणी मालोशी पाडेकरवाडी 10 लक्ष,घेरादातेगड 5 लक्ष,नाणेगाव चव्हाणवाडी 15 लक्ष,मंद्रुळकोळे 20 लक्ष,रुवले 21 लक्ष,कुसवडे झाकडे 35 लक्ष,पाणेरी वाल्मिकवाडी 20 लक्ष,वरकवस्ती केंजळवाडी 17 लक्ष,मोरेवाडी पेठशिवापूर 15 लक्ष,पाचगणी खडकचा वाडा 15 लक्ष,मुरुड डिगेवाडी गोरेवाडी धुमुकवाडी 20 लक्ष,डफळवाडी निवडे 42.50 लक्ष,मरळी  जलशुध्दीकरण प्रकल्प 97.50 लक्ष, दौलतनगर मरळी सावठवण टाकी 25.50 लक्ष व विठ्ठलवाडी शिरळ 20 लक्ष या 52 गावांतील नळ पाणी पुरवठा योजनांचे कामांचा समावेश आहे. ग्रामीण पाणी पुरवठा विभाग जिल्हा परिषद सातारा या कार्यान्वित यंत्रणांचे माध्यमातून ही कामे मार्गी लागणार असल्याने या कामांची तातडीने निविदा प्रक्रिया करण्याच्या सूचनाही यावेळी संबंधित अधिकारी यांना केल्या असल्याची माहिती प्रसिध्दीपत्रकांत दिली आहे.

चौकट : टंचाईच्या पार्श्वभूमीवर 52 गावांतील योजनांना निधी मंजूरीने मोठा दिलासा.

पाटण विधानसभा मतदारसंघातील 52 गावांतील नळ पाणी पुरवठा योजनांना 10 कोटी 65 लक्ष रुपयांचा निधी मंजूर झाल्याने ऐन दुष्काळाच्या पार्श्वभूमीवर योजना मंजूर झालेल्या गावांतील पिण्याच्या पाण्याची  टंचाई दूर होण्यास मोठी मदत होणार आहे.पालकमंत्री ना.शंभूराज देसाई यांनी टंचाईच्या पार्श्वभूमीवर मतदार संघातील 52 गावांतील नळ पाणी पुरवठा योजनांना भरघोस निधी मंजूर केल्याने या गावांतील नागरिकांना मोठा दिलासा निर्माण झाला.

केंद्रीय मार्ग निधीतून पाटण मतदार संघातील 03 रस्त्यांच्या कामांसाठी 40 कोटी रुपयांचा निधी मंजूर. केंद्रीय मंत्री ना.नितीन गडकरी यांचेकडे ना.शंभूराज देसाई यांनी केलेल्या पाठपुराव्याला यश.

 

दौलतनगर दि.09 :  पाटण विधानसभा मतदार संघातील दळण-वळणाचे दृष्टीने महत्त्वाच्या असलेल्या प्रमुख जिल्हा मार्गांना सन 2026-27 या आर्थिक वर्षात केंद्रीय मार्ग निधी (सी.आर.एफ.)मधून निधी मंजूर होण्यासाठी ना. शंभूराज देसाई यांनी केंद्रीय रस्ते वाहतूक आणि परिवहन मंत्री ना. नितीन गडकरी यांचेकडे शिफारस केली होती. ना.शंभूराज देसाई यांनी सातत्याने केलेल्या पाठपुराव्यामुळे पाटण विधानसभा मतदारसंघातील 03 प्रमुख जिल्हा मार्गांची सुधारणा करण्यासाठी सन 2026-27 या आर्थिक वर्षामध्ये केंद्रीय मार्ग निधी (सी.आर.एफ.)मधून 40 कोटी रुपयांचा निधी मंजूर झाला असल्याची माहिती ना.शंभूराज देसाई यांचे कार्यालयाचे वतीने प्रसिध्दीपत्रकांत दिली आहे.

        प्रसिध्दीपत्रकांत पुढे म्हंटले आहे की, पाटण विधानसभा मतदार संघातील तारळे विभागातील काटेवाडी फाटा आवर्डे मालोशी रस्ता एम.डी.आर.134, मारुलहवेली विभागातील एनएच 166 ई निसरे मारुल गुढे काळगाव भुरभूशी रस्ता एमडीआर 54 किमी 0/00 ते 20/00 आणि किमी 22/00 ते 35/350 व त्रिपुडी मुळगाव कवरवाडी नेरळे गुंजाळी लेंढोरी मणेरी चिरंबे काढोली चाफेर रिसवड ढोकावळे रस्ता एमडीआर 129 किमी 0/00 ते 13/00 आणि 22/00 ते 26/00 किमी हे दळण वळणाचेदृष्टीने महत्तवाचे रस्ते असून या प्रमुख जिल्हा मार्गावरुन मोठया प्रमाणांत वाहनांची वर्दळ असते. या प्रमुख जिल्हा मार्गावरुन दैनंदिन होत असलेली दळण-वळण आणि जास्त वाहनांची वर्दळ लक्षात घेऊन या प्रमुख जिल्हा मार्ग असलेल्या रस्त्यांची तातडीने दुरुस्ती करणे गरजेचे होते. दैनंदिन ये-जा करणाऱ्या प्रवाशांची गैरसोय लक्षात घेता काटेवाडी फाटा आवर्डे मालोशी रस्ता एम.डी.आर.134, एनएच 166 ई निसरे मारुल गुढे काळगाव भुरभूशी रस्ता एमडीआर 54 किमी 0/00 ते 20/00 आणि किमी 22/00 ते 35/350 व त्रिपुडी मुळगाव कवरवाडी नेरळे गुंजाळी लेंढोरी मणेरी चिरंबे काढोली चाफेर रिसवड ढोकावळे रस्ता एमडीआर 129 किमी 0/00 ते 13/00 आणि 22/00 ते 26/00 किमी  या रस्त्यांची सुधारणा करण्याकरीता भरीव निधी मंजूर होणेबाबतचा प्रस्ताव सार्वजनिक बांधकाम विभागाकडून तयार करत केंद्रीय रस्ते वाहतूक आणि परिवहन मंत्री ना.नितीन गडकरी यांचेकडे सन 2026-27 चे आर्थिक वर्षात केंद्रीय मार्ग निधी (सी.आर.एफ.) मधून भरीव निधी मंजूर करावा,अशी लेखीपत्राव्दारे विनंती केलेली होती. त्यानुसार काटेवाडी फाटा आवर्डे मालोशी रस्ता एम.डी.आर.134, एनएच 166 ई निसरे मारुल गुढे काळगाव भुरभूशी रस्ता एमडीआर 54 किमी 0/00 ते 20/00 आणि किमी 22/00 ते 35/350 व त्रिपुडी मुळगाव कवरवाडी नेरळे गुंजाळी लेंढोरी मणेरी चिरंबे काढोली चाफेर रिसवड ढोकावळे रस्ता एमडीआर 129 किमी 0/00 ते 13/00 आणि 22/00 ते 26/00 किमी  या रस्त्यांची सुधारणा करण्याकरीता सन 2026-27 चे आर्थिक वर्षात केंद्रीय मार्ग निधी (सी.आर.एफ.)मधून 40 कोटी रुपयांचा निधी मंजूर झाला असल्याचे केंद्रीय रस्ते वाहतूक आणि परिवहन  विभागाचे सचिव यांनी राज्याचे सार्वजनिक बांधकाम विभागाचे सचिव यांना लेखी पत्राव्दारे कळविले असून ना. नितीन गडकरी यांचेकडे प्रमुख जिल्हा मार्ग असलेल्या 03 रस्त्यांच्या कामांना केंद्रीय मार्ग निधी (सी.आर.एफ.) मधून निधी मंजूर होणेकरीता ना.शंभूराज देसाई यांनी सातत्याने केलेल्या पाठपुराव्याला यश मिळाले असल्याचे सांगत या कामाची निविदा प्रक्रिया करण्यात येऊन तातडीने प्रमुख जिल्हा मार्गाच्या दुरुस्तीचे काम हाती घेण्यात यावे, अशा सूचना सार्वजनिक बांधकाम विभागाच्या संबंधित अधिकाऱ्यांना केल्या असून या रस्त्याच्या कामांस आवश्यक असणारा निधी तातडीने मंजुर करुन दिलेबद्दल केंद्रीय रस्ते वाहतूक आणि परिवहन मंत्री ना. नितीन गडकरी, राज्याचे मुख्यमंत्री ना.देवेंद्र फडणवीस, उपमुख्यमंत्री ना.एकनाथजी शिंदे,ना.सुनेत्राताई पवार यांचे आभार मानल्याचेही शेवटी प्रसिध्दीपत्रकांत नमूद केले आहे. 

चौकट : केंद्रीय मार्ग निधीतून मतदारसंघातील सुमारे 43.35 किमी रस्त्यांची सुधारणा होणार .

ग्रामीण भागातील दळण वळणाची होणारी गैरसोय दूर होण्यासाठी  रस्ते सुधारणा वर भर देत पालकमंत्री ना.शंभूराज देसाई यांनी मतदारसंघातील प्रमुख जिल्हा मार्ग असलेले काटेवाडी फाटा आवर्डे मालोशी रस्ता एम.डी.आर.134, एनएच 166 ई निसरे मारुल गुढे काळगाव भुरभूशी रस्ता एमडीआर 54 व त्रिपुडी मुळगाव कवरवाडी नेरळे गुंजाळी लेंढोरी मणेरी चिरंबे काढोली चाफेर रिसवड ढोकावळे रस्ता एमडीआर 129 या तीन प्रमुख जिल्हा मार्गावरील सुमारे 43.35 किमी लांबीमध्ये रस्त्यांची सुधारणा होणार असून पायाभूत दळण वळणाची सुविधा अधिक मजबूत होण्यास मदत होणार आहे.

दुष्काळाच्या पार्श्वभूमीवर पाटण विधानसभा मतदारसंघामध्ये शिवसेना पक्षाचेवतीने अन्न धान्याचे किटचे वितरण. पाटण विधानसभा मतदारसंघातील गोर गरीब कुटुंबांना दिला मदतीचा आधार.

 

दौलतनगर दि.06:- पाटण विधानसभा मतदारसंघामध्ये दुष्काळाच्या पार्श्वभूमीवर मतदारसंघातील गोर-गरीब कुटुंबांना मदतीचा हात म्हणून शिवसेना पक्षाच्यावतीने महाराष्ट्र राज्याचे पर्यटन, खनिकर्म व माजी सैनिक कल्याण मंत्री ना.शंभूराज देसाई यांच्या माध्यमातून पाच हजार अन्नधान्याचे किटचे वितरण करण्यात आले असून दिवाळी सणापूर्वी अजून दहा हजार अन्न धान्य किटचे वितरण पाटण विधानसभा मतदार संघातील तारळे, चाफळ, म्हावशी, शिरळ, कोयना, नाटोशी, मारुलहवेली, ढेबेवाडी,कुंभारगाव व सुपने तांबवे भागामधील गावो-गावी  करण्यात येत असून या विभागातील गरीब कुटुंबांना मदतीचा हात देण्यात आला. शिवसेना पक्षाच्यावतीने ना.शंभूराज देसाई यांनी केलेली मदत मोलाची  ठरली असून मदत मिळालेल्या कुटुंबियांमध्ये समाधानाचे वातावरण निर्माण झाले.

                 सध्या देशासह संपूर्ण राज्यावर दुष्काळाचे मोठे संकट असून या भयावह परिस्थितीमध्ये गरीब मोल मजूरी करणाऱ्या कुटुंबांचा उदर निर्वाहाचा गंभीर प्रश्न निर्माण होत आहे.त्यात ऐन दिवाळी सणाच्या अगोदरच दुष्काळाची दाहकता जाणवू लागली असल्याने दुष्काळाच्या पार्श्वभूमीवर शिवसेना पक्षाच्यावतीने महाराष्ट्र राज्याचे पर्यटन,खनिकर्म व माजी सैनिक कल्याण मंत्री तथा सातारा जिल्हयाचे पालकमंत्री ना.शंभूराज देसाई यांचे माध्यमातून मतदारसंघातील गोर गरीब कुटुंबियांना मदत व्हावी या दृष्टीकोनातून पाटण विधानसभा मतदारसंघामध्ये आतापर्यंत पाच हजार अन्न धान्याचे किटचे वितरण हे गावा गावातील गरीब कुटुंबियांना पदाधिकारी व कार्यकर्ते यांचे मार्फत करण्यात आले. तर दिवाळी सणापूर्वी अजून दहा हजार अन्न धान्य किटचे वितरण करण्यात येणार आहे. या अन्नधान्य किटमध्ये तांदूळ, साखर,डाळ,तेल,मिठ,मिरची पावडर,हळद,चहा पावडर,गरम मसाला,आटा, बिस्किट,कोलगेट इ. वस्तूंचे चांगल्या दर्जाचे साहित्याचा समावेश असून ना.शंभूराज देसाई  यांचेवतीने तारळे, चाफळ, म्हावशी, शिरळ, नाटोशी, मारुलहवेली, ढेबेवाडी, काळगाव, कुंभारगाव व सुपने तांबवे या भागामध्ये डोंगर पठारावरील गावांमध्ये  त्या त्या भागातील पदाधिकारी व कार्यकर्ते यांनी गोर गरीब कुटुंबियांना त्यांचे घरामध्ये जाऊन हे अन्न धान्याचे किटचे जागेवर जाऊन वितरण केले. ना.शंभूराज देसाई हे संकट काळी नेहमी आपल्या मतदारसंघातील ग्रामस्थांच्या पाठीशी खंबीरपणे उभे असतात.  आपत्तीच्या कालावधीमध्ये मतदारसंघामध्ये अशा प्रकारच्या घटनांमुळे जर काही नुकसान झाले तर प्रथम मदत म्हणून नेहमी ना.शंभूराज देसाई हे मदतील धावून येतात. कोविड सारख्या काळामध्ये ना.शंभूराज देसाई यांनी हातावरचे पोट असलेल्या मोल मजूरी करणाऱ्या कुटुंबियांना, पानटपरी, वडाप चालक यांना त्याकाळात असेच अन्नधान्याचे किटचे वितरण करुन मोठया प्रमाणांत मदत केली होती. तसेच अतिवृष्टीमुळे बेहाल झालेल्या शेतकऱ्यांना मदत करणे गरजेचे असल्याचे लक्षात घेऊन ना.शंभूराज देसाई यांनी तब्बल पाच हजार अन्न धान्याचे किटचे वितरण हे आपल्या पदाधिकारी व कार्यकर्ते यांच्या मार्फत करण्यात येत आहे. लोकप्रतिनिधी म्हणून त्यांनी प्राधान्याने पाटण तालुक्याचा दुष्काळी तालुक्यांच्या यादीमध्ये समावेश होण्यासाठी सातत्याने पाठपुरावा करत दुष्काळग्रस्त तालुक्यात समावेश करुन घेतला. तर गेली दोन ते तीन महिन्यामुळे पावसाने दडी मारल्याने शेतकऱ्यांची हाता तोंडाशी आलेली पिके ही वाया गेली असून शेतकऱ्यांचे मोठे नुकसान झाले असल्याने नुकसानग्रस्त शेतकऱ्यांचे तातडीने पंचनामे करण्यासंदर्भात प्रशासनाला सूचना करुन शेतकऱ्यांना जास्तीत जास्त मदत मिळण्यासाठी सातत्याने प्रयत्नशील असल्याने गोर गरीब शेतकरी कुटुंबियांना मोठा दिलासा मिळणार आहे. ना.देसाई हे जरी कॅबिनेट मंत्री असले तरी त्यांचे संपूर्ण लक्ष हे आपल्या मतदारसंघावर केंद्रीत असते,आजही त्यांची नाळ ही सर्व सामान्य जनतेशी जोडली गेली आहे. सर्व सामान्य कार्यकर्त्याच्या सुख: दुखाबरोबर सार्वजनिक कार्यक्रमाव्दारे विविध गावांमध्ये आपली उपस्थिती लावून त्यांचा आजही मोठा जनसंपर्क असल्याचे पहायला मिळते.आपल्या व्यस्त कार्यक्रमांमधून ते आठवडयातून दोन दिवस ते मरळी या ठिकाणी जनता दरबार घेऊन सर्व सामान्य जनतेचे प्रश्न सोडविण्यासाठी उपलब्ध असतात. सामान्य जनतेसाठी सतत कार्यरत असलेल्या ना.शंभूराज देसाई यांनी यावेळी दुष्काळाच्या पार्श्वभूमीवर पाटण विधानसभा मतदारसंघातील सर्व सामान्य कुटुंबियांना धान्याची किटचे वितरण करुन मोठे सहकार्य केल्याने या किटचा लाभ मिळालेल्या कुटुंबियांनी ना.शंभूराज देसाई यांना धन्यवाद देत त्यांचे आभार मानले आहेत.

लोकनेते बाळासाहेब देसाई सह.साखर कारखान्याचा नामदार शंभूराज देसाई व 11 ज्येष्ठ सभासदांच्या हस्ते बुधवार दि.07 ऑक्टोंबर रोजी 53 वा गळीत हंगामाचा शुभारंभ- व्हा.चेअरमन पांडूरंग नलवडे.

 

दौलतनगर दि.03:- दौलतनगर, ता.पाटण येथील लोकनेते बाळासाहेब देसाई सहकारी साखर कारखान्याचा सन २०२6-२7 मधील 53 व्या गळीत हंगामाचा शुभारंभ कार्यक्रम बुधवार दि.07 ऑक्टोंबर,२०२6 रोजी दुपारी 01.00 वा. लोकनेते बाळासाहेब देसाई सहकारी उद्योग व शिक्षण समुहाचे मार्गदर्शक, महाराष्ट्र राज्याचे पर्यटन,खनिकर्म व माजी सैनिक कल्याण मंत्री तथा सातारा जिल्हयाचे पालकमंत्री नामदार श्री. शंभूराज देसाई व त्यांच्या सुविद्य पत्नी मा.सौ. स्मितादेवी देसाई, कारखान्याचे चेअरमन मा.श्री.यशराज देसाई(दादा), मोरणा शिक्षण संस्थेचे अध्यक्ष मा.श्री.रविराज देसाई(दादा) यांचे प्रमुख उपस्थितीत व कारखान्याचे ज्येष्ठ १1 सभासद यांचे शुभहस्ते कारखाना कार्यस्थळ,दौलतनगर,ता.पाटण येथे संपन्न होणार असल्याची माहिती कारखान्याचे व्हा.चेअरमन पांडूरंग नलवडे यांनी प्रसिध्दीपत्रकाव्दारे दिली आहे.

           पत्रकात म्हंटले आहे की, चालु गळीत हंगामाची पुर्वतयारी पुर्ण झाली असून गाळप हंगाम पुर्ण क्षमतेने होण्याच्या दृष्टीने कारखान्यातील सर्व कामकाज पुर्णत्वाकडे गेले आहे. कारखान्याने ऊस तोडणी व वाहतूकीकरीता पुरेसे तोडणी मजुर व वाहनांचे करार पुर्ण केलेले असून कारखान्याकडे करार केलेली सर्व ऊस तोडणी व वाहतूक मजुर यंत्रणा कारखाना कार्यक्षेत्रात दाखल होण्यास सुरुवात झाली आहे. यंदाचाही गळीत हंगाम कारखान्याचे सभासद,ऊस उत्पादक शेतकरी यांचे सहकार्यातून यशस्वी होईल असा विश्वास व्यक्त करीत या गळीत हंगामाचा शुभारंभ हा प्रतिवर्षाप्रमाणे कारखान्याचे ज्येष्ठ सभासद श्री.विश्वासराव बापूराव जानुगडे जानुगडेवाडी, श्री.संभाजी अंतू कदम पवारवाडी, श्री. विनायक आण्णा जामदार नावडी,श्री.हिंदूराव दगडू जाधव मारुलहवेली, श्री. शंकर गोविंद पानस्कर बहुले, श्री. शिवाजी शंकर पानस्कर मंद्रुळहवेली, श्री.बाबूराव रामचंद्र देसाई ऊरुल, श्री. बाळासाहेब किसन कवठेकर कवठेकरवाडी, श्री. चंद्रकांत विष्णू खामकर आवर्डे, श्री.आनंदराव दगडू जाधव चोपडी व श्री. गणपतराव बंडू पाटील काळोली या १1 ज्येष्ठ सभासदांचे शुभहस्ते व लोकनेते बाळासाहेब देसाई सहकारी उद्योग व शिक्षण समुहाचे मार्गदर्शक, नामदार शंभूराज देसाई व त्यांच्या सुविद्य पत्नी मा.सौ.स्मितादेवी शंभूराज देसाई, कारखान्याचे चेअरमन मा.यशराज देसाई(दादा) व मोरणा शिक्षण संस्थेचे अध्यक्ष मा.श्री.रविराज देसाई (दादा) यांचे प्रमुख उपस्थितीत बुधवार दि. 07 ऑक्टोंबर, २०२6 रोजी दुपारी 01.00 वा. संपन्न होणारअसून या गळीत हंगाम शुभारंभाचे निमित्ताने कारखान्याचे संचालक श्री.रामचंद्र बाबासो पाटील व  त्यांच्या सुविद्य पत्नी सौ. वत्सला रामचंद्र पाटील यांचे शुभहस्ते सत्यनारायण महापुजा आयोजीत केलेली आहे. तरी या समारंभास कारखान्याचे सर्व सभासद, ऊस उत्पादक शेतकरी, पदाधिकारी, कार्यकर्ते, हितचिंतक यांनी बहुसंख्येने उपस्थित रहावे, असे आवाहनही व्हा.चेअरमन पांडूरंग नलवडे यांनी शेवटीपत्रकात केले आहे.

पाटणसह पाच तालुक्यांच्या दुष्काळी समावेशासाठी साताऱ्याचे पालकमंत्री शंभूराज देसाईंचा पाठपुरावा मुख्यमंत्री फडणवीस, उपमुख्यमंत्री शिंदे यांच्याकडे मागणी; मुख्य सचिवांना तातडीच्या कार्यवाहीचे निर्देश

*मुंबई, दि. २९ :* सातारा जिल्ह्यातील पाटण, वाई, सातारा, जावली आणि कोरेगाव या तालुक्यांचा दुष्काळी क्षेत्रात समावेश करून शेतकऱ्यांना दुष्काळी उपाययोजनांचा लाभ द्यावा, अशी मागणी सातारा जिल्ह्याचे पालकमंत्री शंभूराज देसाई यांनी केली आहे. याबाबत त्यांनी मुख्यमंत्री देवेंद्र फडणवीस आणि उपमुख्यमंत्री एकनाथ शिंदे यांच्याकडे पत्राद्वारे पाठपुरावा केला आहे. या मागणीची दखल घेत मुख्यमंत्री फडणवीस आणि उपमुख्यमंत्री शिंदे यांनी मुख्य सचिवांना आवश्यक कार्यवाही तातडीने करण्याचे निर्देश दिले आहेत.

राज्यात दुष्काळ जाहीर करताना सातारा जिल्ह्यातील माण, खटाव, फलटण, खंडाळा आणि महाबळेश्वर आदी तालुक्यांचा समावेश करण्यात आला आहे. मात्र, पाटणसह वाई, सातारा, जावली आणि कोरेगाव या तालुक्यांचा दुष्काळी तालुक्यांच्या यादीत समावेश झालेला नाही. दरम्यान, या तालुक्यांमध्येही पावसाने दीर्घ विश्रांती घेतल्याने शेतीपिकांवर त्याचा परिणाम झाला आहे. या पार्श्वभूमीवर संबंधित तालुक्यांचा दुष्काळी क्षेत्रात समावेश करण्याची मागणी देसाई यांनी केली आहे.

पाटण तालुक्यातील परिस्थिती अधिक गंभीर असल्याचे देसाई यांनी निदर्शनास आणून दिले आहे. तालुक्यात एकूण १४ महसूल मंडळे असून त्यापैकी नऊ महसूल मंडळांमध्ये ७५ टक्क्यांपेक्षा कमी पाऊस झाला आहे. उर्वरित पाच महसूल मंडळांमध्ये ८० टक्क्यांपेक्षा अधिक पाऊस झाला असला, तरी सप्टेंबर महिन्यात पावसाने पूर्णपणे विश्रांती घेतल्यामुळे पिकांवर प्रतिकूल परिणाम झाला आहे. पावसाअभावी पिके करपण्याच्या मार्गावर असून शेतकऱ्यांसमोर आर्थिक संकट उभे राहिले असल्याचे त्यांनी पत्रात नमूद केले आहे.

पाटणप्रमाणेच वाई, सातारा, जावली आणि कोरेगाव तालुक्यांमध्येही पावसाच्या खंडामुळे शेतीपिकांचे नुकसान झाले आहे. त्यामुळे केवळ पर्जन्यमानाचा विचार न करता पावसाच्या खंडाचा पिकांवर झालेला प्रत्यक्ष परिणाम लक्षात घेऊन दुष्काळी निकषांनुसार या तालुक्यांचा समावेश करण्याची मागणी देसाई यांनी केली आहे.

सातारा जिल्ह्यातील शेतकऱ्यांना दुष्काळी उपाययोजनांचा लाभ मिळावा, यासाठी देसाई यांनी मुख्यमंत्री आणि उपमुख्यमंत्र्यांकडे ही बाब मांडली. 

मुख्यमंत्री देवेंद्र फडणवीस आणि उपमुख्यमंत्री एकनाथ शिंदे यांनी मुख्य सचिवांना तातडीने आवश्यक कार्यवाही करण्याचे निर्देश दिल्याने या मागणीवर शासनस्तरावर पुढील कार्यवाहीला वेग येण्याची अपेक्षा आहे. 

सातारा जिल्ह्यातील उर्वरित तालुक्यांबाबतही दुष्काळी निकषांच्या आधारे निर्णय होण्याची प्रक्रिया आता महत्त्वाची ठरणार आहे.

लोकनेते बाळासाहेब देसाई सहकारी साखर कारखान्याची शनिवार दि. 12 सप्टेंबर रोजी दौलतनगर येथे 56 वी वार्षिक सर्वसाधारण सभा.

 

दौलतनगर दि.10 :दौलतनगर,ता.पाटण येथील लोकनेते बाळासाहेब देसाई सहकारी साखर कारखान्याची 56 वी वार्षिक सर्वसाधारण सभा महाराष्ट्र राज्याचे पर्यटन,खनिकर्म व माजी सैनिक कल्याण मंत्री तथा सातारा जिल्हयाचे पालकमंत्री         मा.ना.श्री.शंभूराज देसाई यांचे प्रमुख उपस्थितीत शनिवार दि.12 सप्टेंबर,2026 रोजी दु.01.00वा. संपन्न होणार आहे. “महाराष्ट्र दौलत” लोकनेते बाळासाहेब देसाई शताब्दी स्मारक दौलतनगर, ता.पाटण या ठिकाणी पालकमंत्री मा. ना. श्री. शंभूराज देसाई,लोकनेते बाळासाहेब देसाई सहकारी साखर कारखान्याचे चेअरमन मा.श्री.यशराज देसाई(दादा), मोरणा शिक्षण संस्थेचे अध्यक्ष मा.श्री.रविराज देसाई(दादा) व सर्व संचालक मंडळ हे 56व्या वार्षिक सर्वसाधारण सभेकरीता उपस्थित राहणार आहेत. तरी लोकनेते बाळासाहेब देसाई सहकारी साखर कारखान्याचे 56 व्या वार्षिक सर्वसाधारण सभेकरीता जास्तीत जास्त सभासदांनी उपस्थित रहावे,असे आवाहन कारखान्याचे व्हा.चेअरमन पांडूरंग नलवडे यांनी शेवटी प्रसिध्दीपत्रकांत केले आहे.