राज्य सरकार सहकारी साखर कारखानदारीच्या पाठीशी ठाम-ना.शंभूराज देसाई देसाई कारखान्याचे कारभाराचे केले कौतुक. लोकनेते बाळासाहेब देसाई सहकारी कारखान्याची ५3 वी वार्षिक सर्वसाधारण सभा खेळीमेळीत संपन्न.

 

दौलतनगर,ता.22: महाराष्ट्र राज्यात १२५० मेट्रिक टन  गाळप क्षमता असणारे अनेक कारखाने आहेत. मात्र या सर्व कारखान्यात लोकनेते बाळासाहेब देसाई सहकारी साखर कारखान्याने 1250 मेट्रिक टन कार्यक्षमता असताना सुद्धा जिल्ह्यातील इतर कारखान्याच्या बरोबर दर दिला आहे .त्यामुळे 1250 मेट्रीक  टन गाळप क्षमता असणाऱ्या कारखान्यात तुलनेत दर देणारा देसाई कारखाना हा राज्यातील अग्रेसर कारखाना असल्याचे प्रतिपादन राज्याचे उत्पादन शुल्क मंत्री तथा ठाणे आणि सातारा जिल्ह्याचे पालकमंत्री नामदार शंभूराज देसाई यांनी केले.दरम्यान राज्य सरकार राज्यातील सहकारी साखर कारखानदारीच्या पाठीशी ठाम असल्याचे सांगत लोकनेते बाळासाहेब देसाई सहकारी साखर कारखान्याने 1250 मे.टन गाळप क्षमता असतानाही जिल्हयातील इतर कारखान्यांचे बरोबरीत दर दिल्याने देसाई कारखान्याच्या कारभाराचे कौतुक केले. 

              दौलत नगर ता.पाटण येथे लोकनेते बाळासाहेब देसाई कारखान्याच्या ५३ व्या वार्षिक सर्वसाधारण सभेत ते बोलत होते. यावेळी लोकनेते बाळसाहेब देसाई सहकारी साखर कारखान्याचे चेअरमन मा.यशराज देसाई,मोरणा शिक्षण संस्थेचे अध्यक्ष मा.रविराज देसाई, चि.आदित्यराज देसाई, चि.जयराज देसाई,डॉ.दिलीपराव चव्हाण,अशोकराव पाटील,व्हाईस चेअरमन पांडूरंग नलवडे,शशिकांत कदम,सोमनाथ खामकर,प्रशांत पाटील,बळीराम साळुंखे,शंकरराव पाटील,विजय सरगडे,सुनील पानस्कर,सर्जेराव जाधव,संचालिका श्रीमती जयश्री कवर,सौ.दिपाली पाटील,बबनराव शिंदे,विजयराव जंबुरे,अभिजित पाटील,ॲङमिलिंद पाटील,ॲङ बाबूराव नांगरे,चंद्रकांत पाटील, प्रकाशराव जाधव,आर.बी.पवार यांचेसह संचालक मंडळाची प्रमुख उपस्थिती होती.

             मंत्री ना. शंभूराज देसाई म्हणाले की "महाराष्ट्र राज्यात अनेक सहकारी साखर कारखाने आहेत मात्र 1250 मेट्रिक टनाची गाळप क्षमता असणाऱ्या देसाई कारखान्याने अतिशय चांगली कामगिरी करून जिल्ह्यातील इतर कारखान्याच्या बरोबरीत शेतकऱ्यांच्या उसाला दर दिला आहे. ही अभिमानाची बाब असून अशा कारखान्याच्या पाठीशी राज्य सरकार ठामपणे निश्चित उभे राहील,असे स्पष्ट करून मंत्री देसाई म्हणाले राज्यातील शिंदे आणि फडणवीस सरकारने केंद्रातील मोदी सरकारला विनंती करून राज्यातील सहकारी साखर कारखान्याचा इन्कम टॅक्स बाबतचा प्रलंबित प्रश्न तातडीने सोडवण्यासाठी केंद्र सरकारला विनंती केली. केंद्र सरकारने प्रधानमंत्री नरेंद्र मोदी आणि सहकार मंत्री अमितजी शहा यांच्या मार्गदर्शनाखाली आणि  राज्याचे मुख्यमंत्री एकनाथ शिंदे, उपमुख्यमंत्री देवेंद्र फडणवीस यांच्या नेतृत्वाखाली तातडीने निर्णय घेऊन राज्यातील इन्कम टॅक्स प्रश्न तडीस नेला.त्यामुळे राज्यातील कारखान्यांचे साडेसात हजार कोटी माफ झाले तर त्यामध्ये देसाई कारखान्याचे 55 कोटी रुपयांचा समावेश असून या ऐतिहासिक निर्णयाचा फायदा राज्यातील सर्व साखर कारखान्यांना झाला. त्यामुळे  केंद्र सरकारने प्रसंगी कायद्यात बदल करून घेतलेला  निर्णय हा राज्यातील शेतकऱ्यांच्या हिताचा ठरला आहे. दरम्यान देसाई कारखान्याची अध्यक्ष यशराज देसाई यांनी केलेल्या मागणीचा विचार करून राज्य सरकार राज्यातील सहकारी साखर कारखाने दिवाळीनंतर सुरू करण्याच्या विचार करण्यासाठी  कारखान्याची बाजू  मंत्री मंडळासमोर मांडण्यासाठी प्रयत्न  करणार असल्याचे सांगितले.

                कारखान्याचे चेअरमन यशराज देसाई म्हणाले की, गेल्या पन्नास वर्षापासून देसाई कारखाना हा 1250 मेट्रिक टन क्षमतेमध्ये  गाळप करीत आहे.मात्र यावर्षीपासून सर्व शेतकरी सभासद यांच्या मार्गदर्शनाखाली तसेच या जिल्ह्याचे पालकमंत्री माननीय शंभूराज देसाई यांच्या मार्गदर्शनाखाली 1250 मेट्रिक टनाचा हा कारखानातीन हजार मेट्रिक टन गाळप क्षमतेचा करण्यात आला आहे. तसेच तसेच देसाई कारखाना क्षेत्रातील सभासदांची एफ.आर.पी.ची उर्वरित रक्कम लवकरच शेतकरी सभासदांच्या थेट खात्यावर जमा केली जाईल असे आश्वासनही त्यांनी यावेळी दिले.राज्यात सध्या पावसाचे प्रमाण सरासरीपेक्षा कमी आहे त्यामुळे त्याचा परिणाम उसाच्या क्षेत्रावर होण्याची शक्यता आहे त्यामुळे आगामी गळीत हंगाम अडचणीचा ठरण्याची शक्यता आहे . सातारा जिल्ह्यात एकूण 15 सहकारी आणि खाजगी साखर कारखाने आहेत त्यामध्ये 1250 मे.टन क्षमतेचा लोकनेते बाळासाहेब देसाई हा एकमेव कारखाना आहे मात्र शेतकऱ्यांना दिला जाणाऱ्या दरात लोकनेते देसाई कारखान्याने जिल्ह्यातील इतर कारखान्याच्या बरोबरीत दर दिला आहे ही अभिमानाची बाब आहे, असे सांगत यशराज पुढे म्हणाले कारखान्याच्या कार्यक्षेत्रात ऊस तोडणी कामगारांची टंचाई निर्माण होत असते या टंचाईवर मात करण्यासाठी आगामी गळीत हंगामात हार्वेस्टरच्या मार्फत ऊस तोडणी साठी प्रयत्न केला जाईल त्यामुळे शेतकऱ्यांच्या उसाची तोडणी वेळेत होईल,असे सांगून खांडसरी सारख्या कारखान्यावर राज्य शासनाचे बंधने लागू होताना दिसत नाहीत त्यामुळे यापुढे राज्य शासनाने खांडसरी साखर कारखान्यावर साखर कायद्याप्रमाणे नियम लागू करावीत अशी मागणी केली तसेच 17 कोटींची मदत राज्य शासनाने देसाई कारखान्याला तातडीने जाहीर केली त्याबद्दलही राज्य शासनाचे आभार मानले.अशोकराव पाटील यांनी प्रास्ताविक स्वागत केले.नोटीस वाचन कार्यकारी संचालक सुहास देसाई यांनी केले.अहवाल वाचन वैभव जाधव यांनी केले. एकूण १5 विषयावर चर्चा करुन सर्व ठराव सर्वानुमते मंजूर करण्यात आले. लोकनेते बाळासाहेब देसाई सहकारी साखर कारखान्याची 53 वी वार्षिक सर्वसाधारण सभा खेळीमेळीच्या वातावरणात पार पडली. तर बबनराव शिंदे यांनी आभार मानले.

चौकट: केंद्र आणि राज्य शासनाच्या अभिनंदनाचा ठराव.

राज्यातील साखर कारखान्यांच्या एफ.आर.पी./एस.एम.पी.बाबतच्या गेल्या अनेक वर्षापासूनचा प्रलंबित असणारा आयकराचा प्रश्न पंतप्रधान नरेंद्र मोदी आणि केंद्रीय गृह आणि सहकार मंत्री ना.अमित शहा यांनी केंद्रीय मंत्रीमंडळाच्या पहिल्याच बैठकीत तातडीने सोडविला. त्यामुळे राज्याचा 7500 हजार कोटी तर देसाई कारखान्याचा 55 कोटी आयकर माफ झाला. त्याचबरोबर राज्याचे मुख्यमंत्री ना.एकनाथ शिंदे,उपमुख्यमंत्री ना.देवेंद्र फडणवीस, वित्त मंत्री ना.अजितदादा पवार आणि राज्य उत्पादन शुल्कमंत्री ना.शंभूराज देसाई यांनी केंद्र सरकारकडे केलेल्या पाठपुराव्यामुळे हा ऐतिहासिक निर्णय झाल्याने केंद्र व राज्य सरकारचा अभिनंदनाचा ठराव वार्षिक सर्वसाधारण सभेत घेण्यात आला.

 

जिल्हा वार्षिक आराखडयात जनसुविधा योजनेमधून ग्रामपंचायत कार्यालय व स्मशानभूमींकरीता 02 कोटी 63 लक्ष रुपयांचा निधी मंजूर. पालकमंत्री ना.शंभूराज देसाई यांचे प्रयत्नातून 16 नविन ग्रामपंचायत कार्यालयांची होणार उभारणी. तर 18 गावांत स्मशानभूमींची कामे लागणार मार्गी.

 

दौलतनगर दि.04:- पाटण विधानसभा मतदारसंघातील डोंगरी व दुर्गम गावात सध्या अस्तित्वात असलेल्या ग्रामपंचायत इमारती हया नादुरुस्त झाल्याने या इमारतींमध्ये दैनंदिन कामकाज करताना अनेक अडचणींचा सामना करावा लागत  असल्याने तसेच काही गावात स्मशानभूमी शेड नसल्याने या गावातील ग्रामस्थांना पालकमंत्री ना.शंभूराज देसाई यांचेकडे नविन ग्रामपंचायत कार्यालय इमारती व स्मशानभूमींची कामे मंजूर होण्यासाठी विनंती केली होती.त्यानुसार पालकमंत्री ना.शंभूराज देसाई यांनी सन 2023-24 च्या जिल्हा वार्षिक आराखडयामध्ये जनसुविधा योजनेअंतर्गत या गावातील ग्रामपंचायत कार्यालय इमारती व स्मशानभूमींची कामे मंजूर होण्यासाठी शिफारशी केल्यानुसार सन 2023-24 च्या जिल्हा वार्षिक आराखडयामध्ये जनसुविधा योजनेअंतर्गत पाटण विधानसभा मतदारसंघातील तब्बल 16 गावातील नविन ग्रामपंचायत कार्यालय इमारतींसाठी  01 कोटी 92 लक्ष तर 18 गावातील स्मशानभूमींचे कामांसाठी 71 लक्ष असा 02 कोटी 63 लक्ष रुपयांचा निधी मंजूर झाला असल्याची माहिती पालकमंत्री ना.शंभूराज देसाई यांचे कार्यालयाचेवतीने प्रसिध्दीपत्रकांत देण्यात आली आहे.

             प्रसिध्दीपत्रकांत पुढे म्हंटले आहे की,पाटण विधानसभा मतदारसंघातील डोंगरी व दुर्गम भागातील अनेग गावच्या ग्रामपंचायत कार्यालय इमारती नादुरुस्त आहेत.तसेच काही ठिकाणी ग्रामपंचायत कार्यालयासाठी स्वतंत्र इमारती नसल्याने दैनंदिन कामकाज करताना अनेक अडचणी निर्माण होत आहेत.दरम्यान अतिवृष्टीमुळे या इमारतींचे मोठया प्रमाणांत नुकसान झाल्याने या ग्रामपंचायत इमारती धोकादायक परिस्थितीत आहेत.तर पाटण विधानसभा मतदारसंघातील अनेक गावांमध्ये स्मशानभूमी नसल्याने या गावांमध्ये अंत्यविधी करताना स्थानिक ग्रामस्थांना विशेषत: पावसाळयात अनेक अडचणींचा सामना करावा लागत असल्याने पाटण विधानसभा मतदारसंघातील या गावांतील ग्रामस्थांनी नवीन ग्रामपंचायत कार्यालय इमारती व स्मशानभूमींची कामे नव्याने मंजूर करण्यासाठी पालकमंत्री ना.शंभूराज देसाई यांचेकडे निवेदनाव्दारे विनंती केलेली होती.त्यानुसार पालकमंत्री ना.शंभूराज देसाई  यांनी संबंधित गावाच्या ग्रामपंचायत कार्यालय इमारती व स्मशानभूमींची नवीन कामे सन 2023-24 च्या जिल्हा वार्षिक आराखडयामध्ये जनसुविधा योजनेअंतर्गत मंजूर होण्यासाठी शिफारस केली होती.त्यानुसार सन 2023-24 च्या जिल्हा वार्षिक आराखडयामध्ये जनसुविधा योजनेअंतर्गत पाटण विधानसभा मतदारसंघातील तब्बल 16 गावातील नविन ग्रामपंचायत कार्यालय इमारतींसाठी  01 कोटी 92 लक्ष तर 18 गावातील स्मशानभूमींचे कामांसाठी 71 लक्ष असा 02 कोटी 63 लक्ष रुपयांचा निधी मंजूर झाला असून नवीन ग्रामपंचायत कार्यालय इमारतींचे कामासाठी प्रत्येकी 12 लाख निधी मंजूर झाला असून मंजूर झालेल्या नवीन ग्रामपंचायत कार्यालय इमारतीचे कामांमध्ये पाणेरी, काठी, घाणबी, हावळेवाडी, मस्करवाडी,जाधववाडी (चाफळ), गलमेवाडी, शेडगेवाडी(विहे)आंबळे,लेंढोरी,आंबवडे खुर्द,मालोशी,शिद्रुकवाडी (खळे),मालदन,आबईचीवाडी व पाडळी (केसे) या कामांचा समावेश आहे.तर स्मशानभूमींचे कामांमध्ये आटोली स्मशानभूमी रस्ता सुधारणा 04 लाख, आडदेव बुद्रुक येथे स्मशानभूमी शेड 03 लाख, गिरेवाडी ता.पाटण येथे स्मशानभूमी शेड 04 लाख, कातकरीवस्ती तारळे येथे स्मशानभूमी 04 लाख, दुसाळे स्मशानभूमी 04 लाख, उधवणे ता.पाटण स्मशानभूमी सुशोभिकरण 04 लाख, कडवे बुद्रुक स्मशानभूमी शेड 04 लाख, काहिर स्मशानभूमी सुधारणा 04 लाख, खळे येथे मातंगवस्ती येथे स्मशानभूमी 04 लाख, गाढखोप स्मशानभूमी 04 लाख, घाणबी येथे स्मशानभूमी 04 लाख, गोजेगाव पुनर्वसन बोंद्री येथील स्मशानभूमी 04 लाख, चव्हाणवाडी धामणी येथे स्मशानभूमी सुधारणा 04 लाख, चिंचेवाडी वजरोशी येथे स्मशानभूमी 04 लाख, चेवलेवाडी येथे स्मशानभूमी 04 लाख, जगदाळवाडी कडवे बु येथे स्मशानभूमी रस्ता 04 लाख, जाधववाडी चाफळ येथे स्मशानभूमी 04 लाख, जौरातवाडी भारसाखळे येथे स्मशानभूमी 04 लाख या कामांचा समावेश आहे.नव्याने मंजूर झालेल्या ग्रामपंचायत कार्यालय इमारतींमुळे ग्रामपंचायतीमधील दैनंदिन कामकाज चांगले होण्यास मदत होणार आहे.तर स्मशानभूमींची कामे मंजूर झाल्याने या गावांतील ग्रामस्थांची होणारी गैरसोय दूर होण्यास मदत होणार असल्याने जनसुविधा योजनेअंतर्गत मंजूर झालेल्या गावातील ग्रामस्थांनी पालकतंत्री ना.शंभूराज देसाई यांचे आभार मानले असल्याचे शेवटी प्रसिध्दीपत्रकांत देण्यात आले आहे.

चौकट:-क वर्ग तिर्थक्षेत्र विकास योजना व मोठया ग्रामपंचातींना नागरी सुविधा पुरविणे अंतर्गत 50 लक्ष रुपयांचा निधी मंजूर.

पालकमंत्री ना.शंभूराज देसाई यांचे प्रयत्नातून सन 2023-24 चे जिल्हा वार्षिक आराखडयांतर्गत पाटण विधानसभा मतदारसंघातील क वर्गतिर्थ क्षेत्र असलेल्या दौलतनगर(मरळी) व येराड येथील प्रसिध्द तिर्थक्षेत्राचे ठिकाणी पिण्याच्या पाण्याची व्यवस्था व विद्युतीकरण करण्याच्या कामांसाठी 30 लक्ष रुपयांचा निधी तर मोठया ग्रामपंचायतींना नागरी सुविधा पुरविणे अंतर्गत तारळे अंतर्गत रस्ता सुधारणा करण्यासाठी 20 लक्ष रुपयांचा निधी मंजूर करण्यात आला आहे.

पाटण विधानसभा मतदार संघातील जिल्हा वार्षिक आराखडयांतर्गत ग्रामीण मार्ग व इतर जिल्हा मार्गांसाठी निधी मंजूर. पालकमंत्री ना.शंभूराज देसाई यांचे प्रयत्नातून ग्रामीण व इतर जिल्हा मार्गांसाठी 05 कोटी 35 लक्ष रुपयांचा निधी मंजूर.

 

दौलतनगर दि.02:- पाटण विधानसभा मतदारसंघातील डोंगरी व दुर्गम भागात वसलेल्या गावांचे पोहोच असलेले ग्रामीण मार्ग व इतर जिल्हा मार्ग हे अतिवृष्टीमुळे नादुरुस्त झाल्याने या रस्त्यांचे दुरुस्तीसाठी निधीची आवश्यकता होती.पालकमंत्री ना.शंभूराज देसाई यांनी पाटण विधानसभा मतदारसंघातील ग्रामीण मार्ग व इतर जिल्हा मार्गांचे पुनर्बांधणीसाठी जिल्हा वार्षिक आराखडयांतर्गत निधी मंजूर होण्यासाठी निधीची आवश्यकता असलेल्या ग्रामीण मार्ग व इतर जिल्हा मार्ग या रस्त्यांच्या कामांचा समावेश सन 2023-24 या आर्थिक वर्षाचे जिल्हा वार्षिक आराखडयात समावेश समावेश करत या रस्त्यांच्या कामांना निधी मंजूर होण्यासाठी शिफारशी केल्या होत्या.पालकमंत्री ना.शंभूराज देसाई यांनी शिफारस केल्याप्रमाणे पाटण विधानसभा मतदारसंघांतील 12 ग्रामीण रस्त्यांचे कामांसाठी 03 कोटी 35 लक्ष तर इतर जिल्हा मार्गासाठी 02 कोटी असा 05 कोटी 35 लक्ष रुपयांचा निधी मंजूर झाला असल्याची माहिती  पालकमंत्री ना.शंभूराज देसाई यांचे कार्यालयाचे वतीने प्रसिध्दीपत्रकांत देण्यात आली आहे.

            प्रसिध्दीपत्रकांत पुढे म्हंटले आहे की,पालकमंत्री ना.शंभूराज देसाई यांनी पाटण विधानसभा मतदारसंघातील डोंगरी व दुर्गम भागातील दळण वळणाच्यादृष्टीने महत्त्वाचे असलेल्या ग्रामीण मार्ग व इतर जिल्हा मार्ग यांचे पुनर्बांधणीसाठी निधीची गरज लक्षात घेऊन पाटण विधानसभा मतदारसंघातील ग्रामीण मार्ग व इतर जिल्हा मार्ग या रस्त्यांची कामे ही सन 2023-24 च्या जिल्हा वार्षिक आराखडयात समावेश करत या कामांचे दुरुस्तीसाठी आवश्यक असलेला निधी मंजूर होण्यासाठी संबंधित विभागाला सूचित केले होते.पालकमंत्री ना.शंभूराज देसाई यांनी सुचित केलेप्रमाणे पाटण विधानसभा मतदारसंघातील नादुरुस्त झालेल्या व निधीची आवश्यकता असलेल्या ग्रामीण मार्ग व इतर जिल्हा मार्ग या रस्त्यांच्या कामांचा समावेश जिल्हा वार्षिक आराखडयात करत प्राधान्याने पाटण विधानसभा मतदारसंघातील 12 ग्रामीण रस्त्यांचे कामांसाठी 03 कोटी 35 लक्ष तर इतर जिल्हा मार्गासाठी 02 कोटी असा 05 कोटी 35 लक्ष रुपयांचा निधी मंजूर झाला आहे. 3054 ग्रामीण मार्ग दुरुस्ती अंतर्गत मालोशी पाडेकरवाडी रस्ता ग्रामा 3 रस्ता सुधारणा 30 लक्ष, डेरवण हरीजनवस्ती भैरेवाडी रस्ता ग्रामा 129 सुधारणा 30 लक्ष, केळोली बाटेवाडी पाठवडे ग्रामा 115 रस्ता सुधारणा 30 लक्ष, दुसाळे चव्हाणवाडी रस्ता ग्रामा 44 सुधारणा 30 लक्ष, जाधववाडी जोडरस्ता (चाफळ)ग्रामा 127 सुधारणा 30 लक्ष, सोनाईचीवाडी रस्ता ग्रामा 138 रस्ता सुधारणा 30 लक्ष, शिरळ काजारवाडी जोडरस्ता ग्रामा 172 रस्ता सुधारणा 30 लक्ष, मत्रेवाडी ग्रामा 314 रस्ता सुधारणा 30 लक्ष, शितपवाडी ग्रामा 293 रस्ता सुधारणा 30 लक्ष, जंगलवाडी चाफळ जोडरस्ता ग्रामा 126 सुधारणा 20 लक्ष, मोगरवाडी कोंजवडे रस्ता ग्रामा 27 सुधारणा 15 लक्ष व तांबवे भोळेवाडी आरेवाडी गमेवाडी पाठरवाडी रस्ता ग्रामा 147 खडीकरण डांबरीकरण करणे भाग सटावाई ते बोरिंग गमेवाडी 30 लक्ष या 12 ग्रामीण मार्गांचे दुरुस्तीसाठी 03 कोटी 35 लक्ष तर 5054 इतर जिल्हा मार्ग दुरुस्ती अंतर्गत काठीटेक चाफोली दिवशी खुर्द चिटेघर केर रस्ता इजिमा 133 सुधारणा 02 कोटी या प्रमाणे पाटण विधानसभा मतदारसंघातील ग्रामीण मार्ग व इतर जिल्हा मार्ग दुरुस्ती अंतर्गत 13 कामांना 05 कोटी 35 लक्ष रुपयांचा निधी मंजूर झाला आहे.पालमंत्री ना.शंभूराज देसाई यांनी मंजूर झालेल्या रस्त्यांच्या कामांचा निविदा प्रक्रिया तातडीने करण्याच्या सूचना जिल्हा परिषद बांधकाम विभागाच्या जिल्हास्तरीय अधिकाऱ्यांना केल्या असून निविदा प्रक्रिया पूर्ण झाल्यानंतर पावसाळा संपताच या कामांना तातडीने सुरुवात करण्याच्या सूचनाही ना.शंभूराज देसाई यांनी अधिका-यांना केल्या असल्याचे शेवटी प्रसिध्दीपत्रकांत म्हंटले आहे.