शिष्यवृत्तीधारक विद्यार्थीनींनी चांगले शिक्षण घेऊन स्वावलंबी व्हावे.-ना.शंभूराज देसाई दौलतनगर,ता. पाटण येथे कै.सौ.वत्सलादेवी देसाई (ताईसाहेब) यांचा 66 वा पुण्यतिथी सोहळा संपन्न. स्व.ताईसाहेब यांचे पुण्यतिथीनिमित्त गरीब कुटुंबातील विद्यार्थीनींना शिष्यवृत्ती वितरण.

 

दौलतनगर दि.20:- महाराष्ट्राचे पोलादी पुरुष,राज्याचे माजी गृहमंत्री लोकनेते बाळासाहेब देसाईसाहेब यांच्या धर्मपत्नी कै.सौ.वत्सलादेवी देसाई यांनी अत्यंत प्रतिकूल परिस्थितीमध्ये लोकनेते साहेबांना मोलाची साथ दिली.पडत्या काळामध्ये लोकनेते बाळासाहेब देसाई यांचा परिवार सांभाळण्याचे काम केले. आज जे वैभव दिसत आहे ते ते कै.सौ.ताईसाहेब यांचे आशिर्वादामुळेच असून त्यांचे कार्याची माहिती नव्या पिढीला होण्यासाठी त्यांचे पुण्यतिथी दिनाचे औचित्यसाधून कै.सौ.वत्सलादेवी देसाई(ताईसाहेब) यांच्या नावाने पाटण तालुक्यातील गोर-गरीबा कुटुंबातील विद्यार्थीनींना पुढील शिक्षण घेण्यासाठी मदत व्हावी या संकल्पनेतून शिष्यवृत्ती देण्याचा चांगला निर्णय घेतला असून शिष्यवृत्ती धारक विद्यार्थीनींनी या पुढील काळामध्ये चांगले शिक्षण घेऊन स्वावलंबी होण्यासाठी प्रयत्नशील रहावे,असे प्रतिपादन महाराष्ट्र राज्याचे पर्यटन,खनिकर्म व माजी सैनिक कल्याण मंत्री तथा सातारा जिल्हयाचे पालकमंत्री ना.शंभूराज देसाई यांनी केले.

 ते दौलतनगर ता.पाटण येथे कै.सौ.वत्सलादेवी देसाई(ताईसाहेब) यांचे 66 व्या पुण्यतिथी सोहळा व या सोहळयाच्या निमित्ताने आयोजित गरीब कुटुंबातील विद्यार्थीनींना शिष्यवृत्ती वितरण कार्यक्रम अशा संयुक्त कार्यक्‌रमप्रसंगी ते बोलत होते. यावेळी मोरणा शिक्षण संस्थेचे अध्यक्ष मा.रविराज देसाई(दादा),अशोकराव पाटील,विजय पवार,प्रदिप पाटील,मिलिंद पाटील, सभापती बाळासो पाटील,सुरेश पानस्कर,संजय देशमुख,सुनिल पानस्कर,मनोज मोहिते,जालंदर पाटील,सोमनाथ खामकर, सुनील पवार यांचेसह लोकनेते बाळासाहेब देसाई सहकारी उद्योग व शिक्षण समुहातील सर्व पदाधिकारी, कार्यकर्ते,अधिकारी  कर्मचारी, शिष्यवृत्तीधारक विद्यार्थीनी व पालक मोठया संख्येने उपस्थिती होते. तत्पुर्वी ना.शंभूराज देसाई यांनी कै.सौ.वत्सलादेवी देसाई (ताईसाहेब) यांचे प्रतिमेचे पूजन करुन पुष्पहार अर्पण करत विनम्र अभिवादन केले. तसेच शिष्यवृत्तीधारक विद्यार्थीनींना शिष्यवृत्तीचे वितरण करण्यात आले.

  याप्रसंगी बोलताना ते पुढे म्हंटले की, थोर व्यक्तींचे योगदान नव्या पिढीला माहिती होण्यासाठी आपण लोकनेते बाळासाहेब देसाई,स्व.शिवाजीराव देसाई व कै.सौ.वत्सलादेवी देसाई(ताईसाहेब) यांचे जयंती व पुण्यतिथी कार्यक्रम आपण विविध सामाजिक उपक्रमांनी साजरा करत असतो.या थोरव्यक्तीमत्व असलेल्या व्यक्तींच्या कार्याची माहिती तरुण पिढीला होऊन त्यांचा आदर्श डोळयासमोर ठेवत विद्यार्थ्यांनी आपली पुढील वाटचाल केली पाहिजे. स्व.ताईसाहेब यांचे पुण्यतिथीचे औचित्य साधून आपण पाटण तालुक्यातील गोर-गरीब कुटुंबातील विद्यार्थीनींना इयत्ता 10 वी नंतरच्या पुढील पदवी पर्यंतच्या शिक्षणासाठी हातभार लागण्याच्या उद्देशाने आपण गेल्या 13 वर्षापासून कै.सौ.वत्सलादेवी देसाई यांचे नावाने शिष्यवृत्तीचे वितरण करण्यास सुरुवात केली असून आतापर्यंत 228 गोर गरीब कुटुंबातील विद्यार्थीनींना या शिष्यवृत्तीचा लाभ झाला असून आपल्या उद्योग समुहाकडून हा छोटासा पण चांगला उपक्रम सुरु केला असल्याचे सांगत ते पुढे म्हणाले की, लोकनेते बाळासाहेब देसाई यांना शिक्षणाची मोठी जिद्द होती. आपण शिकलो तरच काही करु शकतो, शिक्षणाशिवाय पर्याय नसल्याने त्यांनी बोडींगला राहून वकीलीपर्यंतचे शिक्षण पुर्ण केले. लोकनेते साहेब राजकारणात,समाजकारणात आल्यानंतर त्यांना कै.सौ.वत्सलादेवी देसाई यांनी अत्यंत खडतर व गरीबीच्या परिस्थितीमध्ये मोलाची साथ दिली, त्यांचा संपूर्ण परिवार सांभाळत मुलांना चांगले संस्कार देत वाढवलं, कौटुंबिक मोठा आधार देण्याचे काम त्यांनी केले असल्याने आजच्या दिवशी त्यांच्या स्मृतिंना नतमस्तक होणे, त्यांचे विचार पुढे नेणं खूप गरजेचे आहे.त्यांचा आदर्श घेऊन आपण पुढील वाटचाल सुरु ठेवली आहे.या थोर व्यक्तींच्या त्यागातूनच हे वैभव प्राप्त झाले आहे.अशा थोर व्यक्तींचा आदर्श डोळयासमोर ठेऊन शिष्यवृत्तीधारक विद्यार्थीनींनी या शिष्यवृत्तीचा वापर हा शैक्षणिक कामासाठी चांगला वापर करावा.आपल्या आई वडीलांचे कष्ट डोळयासमोर ठेऊन मोठया जिद्दीने इयत्ता दहावीनंतर पदवीपर्यंतचे शिक्षण घ्यावे. चांगले शिक्षण घेऊन स्वता:च्या पायावर उभे राहून स्वावलंबी  होण्यासाठी प्रयत्नशील राहणे गरजेचे असून खऱ्या अर्थाने या शिष्यवृत्तीचा उद्देश सफल होईल.तसेच लोकनेते बाळासाहेब देसाई शैक्षणिक समुहातील विद्यालयांनी चांगली यशाची पंरपरा राखली असून या शिक्षण समुहाचा नावलौकीक वाढविण्यासाठी  यशस्वी विद्यार्थी तसेच शिक्षक यांचा मोलाचा हातभार लागत असल्याचे सांगत पाटण तालुक्यात, सातारा जिल्हयात तसेच महाराष्ट्रभर या थोर व्यक्तींना साजेस काम करण्याचा प्रयत्न करत असल्याचे त्यांनी शेवटी  स्पष्ट केले.

दौलतनगर,ता. पाटण येथे दि.२० मे रोजी कै.सौ.वत्सलादेवी देसाई (ताईसाहेब) यांचा ६6 वा पुण्यतिथी सोहळा. स्व.ताईसाहेब यांचे पुण्यतिथीनिमित्त गरीब कुटुंबातील विद्यार्थीनींना शिष्यवृत्ती वितरण कार्यक्रम.

 

दौलतनगर दि. १7:- महाराष्ट्राचे पोलादी पुरुष आणि राज्याचे माजी गृहमंत्री लोकनेते बाळासाहेब देसाई यांच्या धर्मपत्नी कै.सौ.वत्सलादेवी देसाई (ताईसाहेब) यांचा ६6 वा पुण्यतिथी सोहळा व या पुण्यतिथी सोहळया निमित्त कै.सौ.वत्सलादेवी देसाई (ताईसाहेब) शिष्यवृत्तीचे वितरण कार्यक्रम मंगळवार दि.२० मे, २०२5 रोजी सकाळी १०.3० वा.“महाराष्ट्र दौलत ” लोकनेते बाळासाहेब देसाई शताब्दी स्मारक दौलतनगर,ता.पाटण येथे राज्याचे पर्यटन,खनिकर्म व माजी सैनिक कल्याण मंत्री तथा सातारा जिल्हयाचे पालकमंत्री  मा. ना. श्री. शंभूराज देसाई, लोकनेते बाळासाहेब देसाई सहकारी साखर कारखान्याचे चेअरमन मा. श्री. यशराज देसाई(दादा) व मोरणा शिक्षण संस्थेचे अध्यक्ष मा.श्री.रविराज देसाई(दादा) यांचे प्रमुख उपस्थितीत होणार आहे. प्रति वर्षाप्रमाणे कै.सौ.वत्सलादेवी देसाई (ताईसाहेब) यांचे पुण्यतिथीनिमित्त पाटण मतदारसंघातील गरीब कुटुंबातील गरजू विद्यार्थीनींना दहावीनंतरचे महाविद्यालयीन शिक्षण घेणेकरीता कै.सौ.वत्सलादेवी देसाई (ताईसाहेब) यांचे नावाने सुरु असलेल्या शिष्यवृत्तीचे वितरणाचा कार्यक्रम होणारअसल्याची माहिती लोकनेते बाळासाहेब देसाई सहकारी उद्योग व शिक्षण समुहाच्यावतीने प्रसिध्दीस देण्यात आली आहे.

प्रसिध्दीस दिलेल्या पत्रकांत म्हंटले आहे की, महाराष्ट्राचे पोलादी पुरुष आणि राज्याचे माजी गृहमंत्री लोकनेते बाळासाहेब देसाई यांच्या जन्मशताब्दी वर्षापासून त्यांच्या धर्मपत्नी कै.सौ.वत्सलादेवी देसाई (ताईसाहेब) यांचा पुण्यतिथी कार्यक्रम प्रतिवर्षी दि.२० मे रोजी लोकनेते बाळासाहेब देसाई सहकारी उद्योग व शिक्षण समुहाच्या वतीने साजरा करण्यात येतो. राज्याचे पर्यटन,खनिकर्म व माजी सैनिक कल्याण मंत्री तथा सातारा जिल्हा पालकमंत्री मा.ना.श्री.शंभूराज देसाई यांच्या संकल्पनेतून कै.सौ.वत्सलादेवी देसाई (ताईसाहेब) यांच्या पुण्यस्मरण कार्यक्रमाच्या निमित्ताने पाटण मतदारसंघातील गरीब व गरजू विद्यार्थीनींना दहावीनंतरचे महाविद्यालयीन शिक्षण घेण्याकरीता कै.सौ.वत्सलादेवी देसाई (ताईसाहेब) यांच्या नावाने शिष्यवृत्ती योजना राबविण्यात येत आहे. आतापर्यंत पाटण विधानसभा मतदार संघातील  दोनशे अठ्ठावीस पेक्षा अधिक विद्यार्थीनींना शिष्यवृत्ती देण्यात आली आहे. गरजू कुटुंबातील विद्यार्थीनींना शिक्षणाकरीता हातभार लागावा याकरीता या शिष्यवृत्ती बरोबर वहया,शालेय साहित्याचे वितरणही करण्यात येते. सध्या शिष्यवृत्ती पात्र विद्यार्थीनींना वार्षिक रू.6050/- प्रमाणे शिष्यवृत्ती देण्यात येत आहे. कै.सौ.वत्सलादेवी देसाई (ताईसाहेब) यांचे पुण्यतिथी सोहळया निमित्त कै.सौ.वत्सलादेवी देसाई (ताईसाहेब) पुण्यतिथी सोहळा, गरीब व गरजू विद्यार्थीनींना शिष्यवृत्तीचे वितरण कार्यक्रम मंगळवार दि.२० मे, २०२5 रोजी सकाळी १०.3० वा.“महाराष्ट्र दौलत ” लोकनेते बाळासाहेब देसाई शताब्दी स्मारक दौलतनगर,ता.पाटण येथे राज्याचे पर्यटन,खनिकर्म व माजी सैनिक कल्याण मंत्री तथा सातारा जिल्हयाचे पालकमंत्री  मा. ना. श्री. शंभूराज देसाई, लोकनेते बाळासाहेब देसाई सहकारी साखर कारखान्याचे चेअरमन मा. श्री. यशराज देसाई (दादा) व मोरणा शिक्षण संस्थेचे अध्यक्ष मा.श्री.रविराज देसाई (दादा) यांचे प्रमुख उपस्थित होणार असून या कार्यक्रमास पाटण विधानसभा मतदारसंघातील सर्व पदाधिकारी,कार्यकर्ते यांनी मोठया संख्यने उपस्थित रहावे,असे आवाहन शेवटी प्रसिध्दीपत्रकांत करण्यात आले आहे.

दौलतनगर येथे श्रीग्रंथराज ज्ञानेश्वरी पारायण सोहळाउत्साहात साजरा. लोकनेते बाळासाहेब देसाई यांना 42 व्या पुण्यतिथीनिमित्त विनम्र अभिवादन. भव्यदिव्य दिंडी व रिंगण सोहळयाने दौलतनगरला भक्तीमय वातावरण

 

दौलतनगर दि.२३:-महाराष्ट्राचे पोलादी पुरुष,पाटण तालुक्याचे दैवत लोकनेते बाळासाहेब देसाई यांच्या 42 व्या पुण्यतिथीनिमित्त पाटण तालुक्यातील दौलतनगर येथे प्रतिवर्षी साजऱ्या होणाऱ्या तीनदिवसीय श्री ग्रंथराज ज्ञानेश्वरी पारायण सोहळा यंदाच्या वर्षी मोठया उत्साहात साजरा करण्यात आला.लोकनेते बाळासाहेब देसाई यांचे पुण्यतिथी दिवशी तीन दिवसीय श्री ग्रंथराज ज्ञानेश्वरी पारायणाच्या निमित्ताने भव्य दिव्य दिंडी सोहळयाने श्री ज्ञानेश्वर महाराज, संत तुकाराम महाराज व लोकनेते बाळासाहेब देसाई यांचे प्रतिमांची भव्य मिरवणूक काढण्यात आली. तसेच लोकनेते बाळासाहेब देसाई सहकारी साखर कारखाना कार्यस्थळावरील लोकनेते साहेब यांचे पुर्णाकृती पुतळयावर हेलिकॉप्टरने पुष्पवृष्टी करत पारायण सोहळयातील भाविक भक्तांच्या उपस्थितीत लोकनेते बाळासाहेब देसाई यांना विन्रम अभिवादन करण्यात आले.भव्यदिव्य दिंडी व रिंगण सोहळयाने दौलतनगरला सकाळपासून भक्तीमय वातावरण होते.

            दौलतनगर ता.पाटण येथील महाराष्ट्र दौलत लोकनेते बाळासाहेब देसाई शताब्दी स्मारकामध्ये लोकनेते बाळासाहेब देसाई यांचे 42 व्या पुण्यतिथीनिमित्त गत पंधरा वर्षापासून सुरु असलेल्या श्री.ग्रंथराज ज्ञानेश्वरी पारायण सोहळयाचे यंदाचे सोळावे वर्ष होते.या पारायण सोहळयामध्ये 783 वाचक सहभागी झाले होते.तर वारकरी साप्रंदयातील विविध मान्यवरांची प्रवचने,कीर्तने तसेच गावोगावच्या भजनांचे जागराचे कार्यक्रम यानिमित्ताने आयोजीत करण्यात आले होते.या संपुर्ण पारायण सोहळयामध्ये श्रीमती विजयादेवी देसाई, पालकमंत्री नामदार शंभूराज देसाई, लोकनेते बाळासाहेब देसाई सहकारी साखर कारखान्याचे चेअरमन यशराज देसाई (दादा), मोरणा शिक्षण संस्थेचे अध्यक्ष रविराज देसाई, सौ.स्मितादेवी देसाई, डॉ.सौ.वैष्णवीराजे देसाई,चि.जयराज देसाई,चि.आदित्यराज देसाई यांचा विशेष सहभाग होता. लोकनेते बाळासाहेब देसाई यांचे पुण्यतिथी निमित्त आयोजित पारायण सोहळा यशस्वी करण्यासाठी ह.भ.प.जयवंतराव शेलार महाराज, ह.भ.प.अनिल पाटील महाराज पापर्डेकर, ह.भ.प.जगन्नाथ ठोंबरे महाराज ह.भ.प.दगडू माळी, नाना देसाई पापर्डेकर,शैलेंद्र शेलार,भरत पाटील,सुरेश शिंदे,अमित लोहार यांच्यासह त्यांचे सहकारी यांचाही सहभाग होता.

            तीन दिवसीय श्री ग्रंथराज ज्ञानेश्वरी ग्रंथाचे वाचन पुर्ण झालेनंतर लोकनेते बाळासाहेब देसाई यांचे पुण्यतिथी दिवशी फुलाने सजविलेल्या पालखीत श्री ज्ञानेश्वर महाराज,संत तुकाराम महाराज व लोकनेते बाळासाहेब देसाई यांच्या प्रतिमा ठेवून टाळ मृदुंगाच्या तालावर,डोक्यावर कलश,तुळशी वृंदावन घेतलेल्या सुहासिनी महिला ढोल वाद्यांसमवेत श्री विठ्ठल नामाचा तसेच ज्ञानोबा माऊली ज्ञानराज माऊली यांचे गजरात आणि लोकनेते बाळासाहेब देसाई यांच्या जयघोषात माऊलीच्या निघालेल्या भव्य दिंडीला लोकनेते बाळासाहेब देसाई यांचे शताब्दी स्मारकापासून सुरुवात करण्यात आली.पारायण सोहळयाची भव्य दिंडी ही कारखाना कार्यस्थळावरील लोकनेते यांचे पुर्णाकृती पुतळयासमोर आलेनंतर नामदार शंभूराज देसाई यांचे संकल्पनेतून लोकनेते बाळासाहेब देसाई यांच्या पुतळयावर हेलिकॉप्टरने पुष्पवृष्टी करण्यात आली तसेच २१ तोफांची सलामी देण्यात आली.तसेच सातारा जिल्हा पोलीस दलाचेवतीने मान वंदना देण्यात आली. तर पुतळयासमोर अभंग व आरती करुन लोकनेते बाळासाहेब देसाई यांचा 42 वा पुण्यतिथी सोहळा साजरा करण्यात आला. त्यानंतर पुतळ्यासमोर भव्य असा रंगलेला रिंगण सोहळा हे दृष्य अत्यंत मनमोहक होते. चौथ्या दिवशी काल्याच्या किर्तनाने उपस्थित सर्व भाविक भक्तांना महाप्रसाद देवून या अखंड हरीनाम भव्य सोहळ्याची सांगता करण्यात आली.लोकनेते बाळासाहेब देसाई यांचे पुण्यतिथी दिवशी दौलतनगरला प्रती पंढरपुर अवतरले होते. गत चौदा वर्षापासून ह.भ.प.पुडंलिक महाराज कापसे आळंदीकर हे या पारायण सोहळ्यामध्ये व्यासपीठ चालक म्हणून आपली सेवा बजावीत आहेत. यंदाचा सोहळयातही त्यांनी व्यासपीठ चालक म्हणून सेवा बजावली तर हा पारायण सोहळा यशस्वी करण्याकरीता मंत्री ना. शंभूराज देसाई यांच्या मार्गदर्शनाखाली ह.भ.प.जयवंतराव शेलार महाराज,ह.भ.प.अनिल पाटील महाराज,ह.भ.प.जगन्नाथ ठोंबरे महाराज यांच्यासह त्यांचे सहकारी यांचेसोबत लोकनेते बाळासाहेब देसाई सहकारी उद्योग व शिक्षण समूहातील अधिकारी व कर्मचारी यांनी कष्ट घेतले. या सोहळ्यास लोकनेते बाळासाहेब देसाई सहकारी उद्योग व शिक्षण समूहातील सर्व प्रमुख पदाधिकारी व कार्यकर्ते यांची मोठया संख्येने उपस्थिती होती.

चौकट-रिंगण सोहळा ठरला भाविकांसाठी आकर्षण.

लोकनेते बाळासाहेब देसाई यांचे पुण्यतिथी निमित्ताने लोकनेते बाळासाहेब देसाई यांचे पुतळ्यास अभिवादन केलेनंतर पुतळ्यासमोर प्रतिवर्षी साजरा करण्यात येणारा रिंगण सोहळा हा या कार्यक्रमाचे मुख्य आकर्षण असते, या रिंगण सोहळ्यामध्ये अबाल वृध्दासंह लहानथोर सर्वजण मोठ्या संख्येने सहभागी होत असतात. यंदाच्या वर्षी लोकनेते साहेबयांचे पुण्यतिथी सोहळयानिमित्त रिंगण सोहळयाचे आयोजन करण्यात आले होते. या रिंगण सोहळयामध्ये मा.ना.श्री.शंभूराज देसाई यांचेसह सौ.स्मितादेवी देसाई, मा.यशराज देसाई, मा.रविराजदेसाई, डॉ.सौ. वैष्णवीराजे देसाई,चि.जयराज देसाई,चि.आदित्यराज देसाई यांचे उपस्थितीमुळे हा रिंगण सोहळा उपस्थित सर्व भक्त,भाविकांसाठी आकर्षण ठरले.तसेच हा रिंगण सोहळा पाहून उपस्थित भाविक भक्त भारावून गेले.

लोकनेते बाळासाहेब देसाई यांचे 42 व्या पुण्यतिथीनिमित्त दौलतनगर,ता.पाटण येथे भक्तीमय वातावरणात श्री ग्रंथराज ज्ञानेश्वरी पारायण सोहळयास प्रारंभ.

 

दौलतनगर दि.20:- महाराष्ट्राचे पोलादी पुरुष,राज्याचे माजी गृहमंत्री लोकनेते बाळासाहेब देसाई यांच्या 42 व्या पुण्यतिथीनिमित्त लोकनेते बाळासाहेब देसाई सहकारी कारखान्याचे मार्गदर्शक संचालक आणि महाराष्ट्र राज्याचे पर्यटन,खनिकर्म व माजी सैनिक कल्याण मंत्री तथा पालकमंत्री ना.शंभूराज देसाई यांच्या संकल्पनेतून लोकनेते बाळासाहेब देसाई सहकारी उदयोग समुह व पाटण तालुका वारकरी संघ यांचे सौजन्याने दौलतनगर, ता. पाटण येथील महाराष्ट्र दौलत लोकनेते बाळासाहेब देसाई शताब्दी स्मारकामध्ये  सोळाव्या वर्षी ग्रंथराज श्री ज्ञानेश्वरी पारायण सोहळयाचा प्रारंभ रविवार दि. २० एप्रिल,२०25 रोजी भाविक भक्तांच्या उदंड प्रतिसादाने भक्तीमय वातावरणात ह.भ.प.जयवंतराव शेलार व त्यांच्या सुविद्य पत्नी सौ. रंजना जयवंतराव शेलार यांच्या शुभहस्ते दिप प्रज्वलन करण्यात आले.तसेच श्रीमती विजयादेवी देसाई, ना.शंभूराज देसाई यांचे शुभहस्ते श्री ज्ञानेश्वरी ग्रंथाचे पूजन करण्यात आले.

                   मंत्री ना.शंभूराज देसाई यांचे संकल्पनेतून सन २०१० या लोकनेते बाळासाहेब देसाई यांच्या जन्मशताब्दी वर्षापासून पाटण तालुक्यात श्री ग्रंथराज ज्ञानेश्वरी पारायण सोहळयाचे आयोजन करण्यात येत असून श्री ग्रंथराज ज्ञानेश्वरी पारायण सोहळयास पाटण तसेच शेजारील तालुक्यातील भाविकांचा मिळालेला उदंड प्रतिसाद पाहता लोकनेते बाळासाहेब देसाई यांची पुण्यतिथी हि दौलतनगर येथे तीन दिवसीय श्री ग्रंथराज ज्ञानेश्वरी सामुदायिक पारायण सोहळयानेच साजरी करण्यात येत आहे. यंदा या पारायणाचे सोळावे वर्ष असून प्रति वर्षाप्रमाणे लोकनेते बाळासाहेब देसाई यांचे 42 व्या पुण्यतिथीनिमित्त दि. २० ते २३ एप्रिल, २०25 पर्यंत तीन दिवसीय पारायण या ठिकाणी होत आहे.

              दौलतनगर,ता.पाटण येथील महाराष्ट्र दौलत लोकनेते बाळासाहेब देसाई शताब्दी स्मारकामध्ये सुरु झालेल्या पारायण सोहळयामध्ये 783 वाचक सहभागी झाले आहेत. पालकमंत्री नामदार शंभूराज देसाई यांच्या संकल्पनेतून सुरु झालेल्या या पारायण सोहळयाच्या निमित्ताने तालुक्यातील तसेच शेजारील तालुक्यातील किर्तनकार, प्रवनचनकारांना एक चांगले तालुकास्तरीय व्यासपिठ निर्माण झालेले असून प्रतिवर्षाप्रमाणे याही वर्षी पाटण तालुक्यातील दौलतनगरला लोकनेते बाळासाहेब देसाई नगरीमध्ये पारायण सोहळयामुळे प्रति पंढरीचे रुप अवतरले असल्याचे चित्र दिसत आहे. दरम्यानयंदाचे पारायण सोहळयास वाचकांनी चांगला प्रतिसाद दिला आहे. प्रति वर्षाप्रमाणे व्यासपीठ चालक म्हणून ह.भ.प.पुंडलिक महाराज कापसे,आळंदीकर हे उपस्थित असून सोमवार दि. २१ एप्रिल, २०२5 रोजी ह.भ.प. वासुदेव गुरव महाराज, चिपळूण यांचे प्रवचन तर ह.भ.प. प्रशांत महाराज मोरे,संत तुकाराम महाराज यांचे 11 वे वंसज यांचे किर्तन आणि मंगळवार दि.२२ एप्रिल, २०२5 रोजी ह.भ.प रविंद्र महाराज लोहार,अध्यक्ष गुरुकुल श्री ज्ञानेबाराय वारकरी शिक्षण संस्था श्री क्षेत्र करंडी ता.सातारा  यांचे प्रवचन तर ह.भ.प. श्रीमहंत पुरुषोत्तमदादा पाटील आळंदीकर यांचे किर्तन होणार असून लोकनेते बाळासाहेब देसाई यांच्या 42 व्या पुण्यतिथी सोहळयानिमित्त बुधवार दि. २३ एप्रिल २०२5 रोजी सकाळी 8.३० ते 9.३० वा.श्रीमतीविजयादेवीदेसाई(मॉसाहेब),मा.नामदार श्री. शंभूराज देसाई व मा.सौ.स्मितादेवी देसाई,लोकनेते बाळासाहेब देसाई सहकारी साखर कारखान्याचे चेअरमन मा.श्री.यशराज देसाई (दादा),मोरणा शिक्षण संस्थेचे अध्यक्ष मा.श्री.रविराज देसाई (दादा) यांचे प्रमुख उपस्थितीत लोकनेते बाळासाहेब देसाईसाहेब यांचे पुतळयापर्यंत दिंडी सोहळा व पुतळयावर पुष्पवृष्टी आणि विनम्र अभिवादन व नंतर रिंगण सोहळा होणार असून त्यानंतर सकाळी १० ते १२ वा.पर्यंत ह.भ.प. अमोल पाटील महाराज,संस्थापक अध्यक्ष श्री संत तुकाराम वारकरी शिक्षण संस्था गिरेवाडी यांचे काल्याचे किर्तन झाल्यानंतर लोकनेते बाळासाहेब देसाई सहकारी उद्योग समुह,दौलतनगर यांचेतर्फे महाप्रसादाचे आयोजन करण्यात आले असून त्यांनतर पारायणाची सांगता करण्यात येणार आहे.

लोकनेते बाळासाहेब देसाई यांचे चित्ररथ गौरव यात्रेची उत्साहात मिरवणूक. लोकनेते साहेबांना पाटण विधानसभा मतदारसंघातील आम जनतेने केले विनम्र अभिवादन.

 

दौलतनगर दि.१9:- महाराष्ट्राचे पोलादी पुरुष लोकनेते बाळासाहेब देसाई यांच्या 42 व्या पुण्यतिथी सोहळयानिमित्त लोकनेते साहेब यांचे जीवन कार्यावरील काही महत्त्वाच्या घटनांचे दर्शन घडविणारे तसेच पालकमंत्री ना.शंभूराज देसाई यांचे माध्यमातून मार्गी लागलेली व नियोजित विकास कामांचे दर्शन घडविणारे चित्ररथ व गौरव यात्रेची व पालखीची भव्य मिरवणूक पाटण तालुक्यात शनिवारी मोठया उत्साहात पार पडली. लोकनेते बाळासाहेब देसाई सहकारी उद्योग व शिक्षण समुहाचे प्रमुख व महाराष्ट्र राज्याचे पर्यटन,खनिकर्म व माजी सैनिक कल्याण मंत्री ना.शंभूराज देसाई यांचे संकल्पनेतून साकारलेल्या लोकनेते बाळासाहेब देसाई यांचे जीवन कार्यावरील चित्ररथ व गौरव यात्रेला तालुक्यातील जनतेने चांगला प्रतिसाद दिला. तसेच या चित्ररथ गौरव यात्रेमधील पालखीमध्ये ठेवलेल्या लोकनेते साहेब यांचे पादुकांचे दर्शन घेऊन अभिवादन केले.

                  लोकनेते बाळासाहेब देसाई यांच्या पुण्यतिथीचे औचित्य साधून प्रतिवर्षी दौलतनगर, ता.पाटण येथे श्री ग्रंथराज पारायण सोहळा आयोजित केला जातो. यंदाच्या वर्षी लोकनेते बाळासाहेब देसाई यांच्या42 व्या पुण्यतिथी सोहळया निमित्त रविवारदि. 20 ते बुधवार दि. 23 एप्रिल पर्यंत दौलतनगर, ता.पाटण येथील महाराष्ट्र दौलत लोकनेते बाळासाहेब देसाई शताब्दी स्मारकामध्ये तीन दिवसीय श्री ग्रंथराज पारायण सोहळा संपन्न होत आहे. पालकमंत्री ना.शंभूराज देसाई यांच्या संकल्पनेतून पारायण सोहळयाच्या अगोदर लोकनेते बाळासाहेब देसाई यांनी महाराष्ट्र राज्याकरीता केलेल्या अतुलनीय कार्याची ओळख करुन देण्याकरीता त्यांच्या कार्याचा मागोवा घेणारे, लोकनेते साहेब यांनी राज्यासाठी, जिल्हयासाठी तसेच तालुक्यासाठी दिलेल्या योगदानाची युवा पिढीला माहिती देणारे तसेच लोकनेते साहेब यांचे स्वप्नातील तालुका या संकल्पनेतून पालकमंत्री ना.शंभूराज देसाई यांचे माध्यमातून मतदार संघात साकारलेले तसेच नियोजित विकास कामे या सर्वांचे चित्ररथांची गैारवयात्रा व गौरव यात्रेच्या पुढे लोकनेते यांच्या पादुकांचा पालखी रथ असा सोहळा साजरा करण्यात येऊन तालुक्यातील 22 गावातून हे चित्ररथ व गौरव यात्रेचे मार्गक्रमण झाले. शनिवारी सकाळी 09 वाजता लोकनेते बाळासाहेब देसाई सहकारी साखर कारखान्याचे चेअरमन मा.यशराज देसाई यांचे शभहस्ते कारखाना कार्यस्थळावरील लोकनेते बाळासाहेब देसाई यांच्या पुर्णाकृती पुतळयास पुष्पहार अर्पण करुन विनम्र अभिवादन करीत लोकनेते बाळासाहेब देसाई यांच्या पादूकांचे पूजन करुन या चित्ररथ गौरव यात्रेचा शुभारंभ करण्यात आला. तसेच श्रीमती विजयादेवी देसाई यांनी लोकनेते बाळासाहेब देसाई ग्रामसचिवालय मल्हारपेठ येथे लोकनेते बाळासाहेब देसाई यांचे प्रतिमेचे पूजन करुन पुष्पहार अर्पण करत अभिवादन केले.पालकमंत्री ना.शंभूराज देसाई यांनी लोकनेते बाळासाहेब देसाई भवन पंचायत समिती पाटण लोकनेते बाळासाहेब देसाईसाहेब यांचे फोटोला पुष्पहार अर्पण करत अभिवादन केले. लोकनेते बाळासाहेब देसाई यांचे चित्ररथ गौरव यात्रेवेळी पालकमंत्री ना.शंभूराज देसाई, लोकनेते बाळासाहेब देसाई सहकारी साखर कारखान्याचे चेअरमन यशराज देसाई(दादा),उपविभगीय अधिकारी सोपान टोंपे,तहसिलदार अनंत गुरव अशोकराव पाटील, विजय पवार, संतोष गिरी, भरत साळूंखे, अभिजित पाटील, बबनराव शिंदे, सोमनाथ खामकर, संजय देशमुख, जालंदर पाटील यांचेसह लोकनेते बाळासाहेब देसाई सहकारी उद्योग व शिक्षण समुहातील विविध संस्थांचे पदाधिकारी, कार्यकर्ते तसेच शासनाच्या विविध विभागाचे अधिकारी व कर्मचारी हे अभिवादन करण्यासाठी दौलतनगर येथे उपस्थित होते.

           लोकनेते बाळासाहेब देसाई चित्ररथ व गौरवयात्रेमध्ये विविध वाद्य, लोकनेत्यांची आकर्षक पालखी, फटाक्यांची आतषबाजी यामुळे तालुक्यातील सर्व वातावरण दुमदुमुन गेले होते. तालुक्यातील दौलतनगर,चोपदारवाडी, मारुलहवेली,निसरे फाटा,मल्हारपेठ, नाडेनवारस्ता,पाटण असा मार्ग होता.एकूण 22 गावातून जाणारा हा चित्ररथ गौरवयात्रेच्या सोहळयाचे मोठया उत्साहात ठिकठिकाणी पुष्पहार अर्पण करुन लोकनेत्यांच्या पालखी मधील पादुकांचे महिला वर्गाकडून पूजन करुन या चित्ररथ गौरवयात्रेचे स्वागत करण्यात आले.या चित्ररथ गौरवयात्रेमध्ये शासकीय विभागांचा सहभाग होता. शासकीय विविध विभाग व लोकनेते बाळासाहेब देसाई सहकारी उद्योग व शिक्षण समुह यांचे 23 आकर्षक चित्ररथ या सोहळयामध्ये सहभागी झाले होते. या चित्ररथ गौरवयात्रेची मिरवणूक भर उन्हातही अत्यंत उत्साहात संपन्न झाली. दरम्यान रविवार दि. 20 एप्रिल पासून ग्रंथराज श्री ज्ञानेश्वरी पारायण सोहळयाचा प्रारंभ महाराष्ट्र दौलत लोकनेते बाळासाहेब देसाई शताब्दी स्मारक दौलतनगर येथे होणार असून रविवार दि. २० एप्रिल २०२5 रोजी ह.भ.प.रामकृष्ण महाराज कारंजकर तासगाव यांचे प्रवचन, ह.भ.प. तुकाराम हजारे महाराज अथणी बेळगाव यांचे किर्तन, सोमवार दि. २१ एप्रिल, २०२5 रोजी ह.भ.प. वासुदेव गुरव महाराज, चिपळूण यांचे प्रवचन तर ह.भ.प. प्रशांत महाराज मोरे,संत तुकाराम महाराज यांचे 11 वे वंसज यांचे किर्तन आणि मंगळवार दि.२२ एप्रिल, २०२5 रोजी ह.भ.प रविंद्र महाराज लोहार,अध्यक्ष गुरुकुल श्री ज्ञानेबाराय वारकरी शिक्षण संस्था श्री क्षेत्र करंडी ता.सातारा  यांचे प्रवचन तर ह.भ.प. श्रीमहंत पुरुषोत्तमदादा पाटील आळंदीकर यांचे किर्तन होणार असून लोकनेते बाळासाहेब देसाई यांच्या 42 व्या पुण्यतिथी सोहळयानिमित्त बुधवार दि. २३ एप्रिल २०२5 रोजी सकाळी 8.३० ते 9.३० वा.श्रीमती विजयादेवी देसाई (मॉसाहेब), मा.नामदार श्री. शंभूराज देसाई व मा.सौ.स्मितादेवी देसाई,लोकनेते बाळासाहेब देसाई सहकारी साखर कारखान्याचे चेअरमन मा.श्री.यशराज देसाई (दादा),मोरणा शिक्षण संस्थेचे अध्यक्ष मा.श्री.रविराज देसाई (दादा) यांचे प्रमुख उपस्थितीत लोकनेते बाळासाहेब देसाईसाहेब यांचे पुतळयापर्यंत दिंडी सोहळा व पुतळयावर पुष्पवृष्टी आणि विनम्र अभिवादन व नंतर रिंगण सोहळा होणार असून त्यानंतर सकाळी १० ते १२ वा.पर्यंत ह.भ.प. अमोल पाटील महाराज,संस्थापक अध्यक्ष श्री संत तुकाराम वारकरी शिक्षण संस्था गिरेवाडी यांचे काल्याचे किर्तन झाल्यानंतर लोकनेते बाळासाहेब देसाई सहकारी उद्योग समुह,दौलतनगर यांचेतर्फे महाप्रसादाचे आयोजन करण्यात आले असून त्यांनतर पारायणाची सांगता करण्यात येणार आहे.

प्रादेशिक पर्यटन विकास योजने अंतर्गत येराड येथील विविध जलपर्यटनाचे कामांना 4 कोटी 95 लक्ष निधी मंजूर. महाराष्ट्र पर्यटन विकास महामंडळांतर्गत जेट्टी,बोट थांबा,पर्यटक केंद्र,स्वच्छतागृह इ.कामे विकसित होणार.

 

दौलतनगर दि.05:- महाराष्ट्राचे पर्यटन मंत्री ना.शंभूराज देसाई यांचे संकल्पनेतून पाटण विधानसभा मतदारसंघातील हेळवाक ते पापर्डे या दरम्यान जलपर्यटन हा प्रकल्प साकारात आहे. जलपर्यटन वाढीस चालना देण्याकरीता कोयना नदीकाठी येराड येथील श्री येडोबा मंदिर परिसरामध्ये जलपर्यटनाच्या अनुषंगाने विविध विकास कामांना  मंत्री ना.शंभूराज देसाई यांनी प्रादेशिक पर्यटन विकास योजने अंतर्गत निधी मंजूर केला आहे. महाराष्ट्र पर्यटन विकास महामंडळाच्या कोयना  नदीकाठी येराड येथील श्री येडोबा मंदिर परिसरामध्ये जलपर्यटनाच्या अनुषंगाने जेट्टी,बोट थांबा,काठावरील पर्यटक केंद्र,स्वच्छता गृह ई. बांधकाम करण्याच्या कामांना 4 कोटी 95 लक्ष रुपयांचा निधी मंजूर झाला असल्याचा शासन निर्णय शासनाचे पर्यटन व सांस्कृतिक कार्य विभागाने  पारित केला असल्याची माहिती  पालकमंत्री ना.शंभूराज देसाई यांचे कार्यालयाचेवतीने प्रसिध्दीपत्रकांत देण्यता आली आहे.

           प्रसिध्दीपत्रकांत पुढे म्हंटले आहे की, पाटण विधानसभा मतदारसंघातील हेळवाक ते पापर्डे दरम्यान जल पर्यटन प्रकल्प होण्यासाठी  पालकमंत्री ना.शंभूराज देसाई यांनी निधी मंजूर केला आहे. त्यानुसार हेळवाक व पापर्डे या ठिकाणी दोन बोटींग स्पॉट निश्चित करण्यात येऊन जलपर्यटनाच्यादृष्टीने या दोन स्पॉट  विकसित करण्याकरीता आवश्यक ती कामे हाती घेण्यात आली  आहेत. पालकमंत्री ना.शंभूराज देसाई यांचे संकल्पनेतून साकारत असलेल्या या जलपर्यटनामुळे स्थानिकांना रोजगार उपलब्ध होणार असून महाराष्ट्रासह इतर राज्यातील पर्यटकांसाठी एक पर्वणी ठरणारा हा जलपर्यटन प्रकल्प पाटण मतदारसंघात साकारत आहे. हेळवाक ते पापर्डे दरम्यान एक बोट थांबा विकसित करण्यासंदर्भात पालकमंत्री ना.शंभूराज देसाई यांनी सर्व संबंधित अधिकारी यांना घेऊन कराड चिपळूण महामार्गावरील महाराष्ट्रातील प्रसिध्द तिर्थक्षेत्र असलेल्या येराड ता.पाटण येथील श्री येडाबा मंदिर परिसरातील कोयना नदी काठी असलेल्या जागेची  प्रत्यक्ष जाऊन पाहणी केली होती.त्यानंतर सर्व शासकीय अधिकारी यांचे समवेत झालेल्या बैठकीमध्ये जलपर्यटनाच्यादृष्टीने बोट थांबा विकसित करण्यासाठी  येराड हे ठिकाण निश्चित करुन बोट थांबा विकसित करण्याच्या अनुषंगाने या ठिकाणी  जी विकास कामे मार्गी लावणे गरजेचे आहे अशा विकास कामांचा प्रस्ताव तातडीने शासनास सादर करावा अशा सुचना पालकमंत्री ना.शंभूराज देसाई यांनी अधिकाऱ्यांना केल्या होत्या.तद्नंतर सदरचा बोट थांबा विकसित करण्याचा प्रस्ताव शासनाकडे सादर झाल्यानंतर प्रादेशिक पर्यटन विकास योजने अंतर्गत महाराष्ट्र पर्यटन विकास महामंडळाच्या कोयना नदीकाठी येराड येथील श्री येडोबा मंदिर परिसरामध्ये जलपर्यटनाच्या अनुषंगाने  आवश्यक असलेल्या विकास कामांना 4 कोटी 95 लक्ष रुपयांचा निधी मंजूर झाला असल्याचा शासन निर्णय शासनाचे पर्यटन व सांस्कृतिक कार्य विभागाने  पारित केला आहे. त्यानुसार महाराष्ट्र पर्यटन विकास महामंडळाकडून श्री येडोबा मंदिर येराड परिसरामध्ये बोट थांबा विकसित करण्यासाठी जेट्टी,बोट थांबा,काठावरील पर्यटक केंद्र,स्वच्छता गृह ई. बांधकाम करण्यासारखी कामे मार्गी लागणार असून राज्यासह इतर भागातून येणाऱ्या पर्यटकांसाठी  विविध सोयी सुविधा उपलब्ध करुन दिल्या जाणार आहेत.दरम्यान पालकमंत्री ना.शंभूराज देसाई यांनी प्रादेशिक पर्यटन विकास योजने अंतर्गत मंजूर केलेल्या निधीचा शासन निर्णय हा समस्थ ग्रामस्थ मंडळ येराड यांना सुपुर्द केला.

 

चौकट: ना.शंभूराज देसाई यांनी श्रध्देपोटी प्रादेशिक पर्यटन योजनेधून पहिला निधी श्री येडोबा देवस्थानला मंजूर.

           कराड चिपळूण या राष्ट्रीय महामार्गावरील महाराष्ट्रातील प्रसिध्द तिर्थक्षेत्र असलेल्या येराड येथील श्री येडोबा मंदिर या ठिकाणी दररोज हजारो भाविक भक्त हे भेट देत असतात. पालकमंत्री ना.शंभूराज देसाई यांची पहिल्यापासून येराड येथील श्री येडोबा देवावर श्रध्दा असल्याने ते शुभकार्याप्रसंगी पहिल श्री येडोबा चरणी नतमस्तक होऊन आशिर्वाद घेतात. पालकमंत्री ना.शंभूराज देसाई यांच्या माध्यमातून क वर्ग तिर्थक्षेत्र असलेल्या श्री येडोबा मंदिराच्या परिसरामध्ये विविध विकासाची कामे मार्गी लागली असून भाविक भक्तांना विविध सोयी सुविधा देण्यात आल्या आहेत.दरम्यान ना.शंभूराज देसाई यांचे प्रयत्नातून प्रादेशिक पर्यटन विकास योजने अंतर्गत येराड येथील श्री येडोबा मंदिर परिसरामध्ये जलपर्यटनासाठी  महत्त्वपूर्ण असलेला बोट थांबा महाराष्ट्र पर्यटन विकास महामंडळाकडून विकसित होणार असल्याने येराड येथील श्री येडोबा मंदिर परिसराचा कायापालट होणार आहे.तसेच येराड येथे येणाऱ्या पर्यटकांना महाराष्ट्र पर्यटन विकास महामंडळाकडून चांगल्या सुविधा पुरविण्यावर भर राहणार असल्याने पर्यटकांची गैरसाय दूर होण्यास मदत होणार असल्याने पालकमंत्री ना.शंभूराज देसाई यांनी श्री येडोबा देवावरील  श्रध्देपोटी प्रादेशिक पर्यटन योजनेमधील पहिला निधी श्री येडोबा देवस्थान परिसरातील कामांसाठी मंजूर केला आहे.