पाटण -मणदुरे -जळव -तारळे- पाल -काशीळ ४६ कि.मी रस्त्याला राज्यमार्ग म्हणून दर्जोन्नती. गृहराज्यमंत्री ना.शंभूराज देसाईंच्यामुळे पाटण ते काशीळ रस्त्याची आता राज्यमार्ग क्रं.३९८ अशी ओळख.

            दौलतनगर दि.२५:-  सातारा जिल्ह्यातील पाटण तालुक्यातील प्रमुख जिल्हा मार्ग क्रं.57 अशी ओळख असणाऱ्या पाटण-मणदुरे-जळव-तारळे-पाल-काशीळ या ४६ किलोमीटर रस्त्याला गृहराज्यमंत्री ना.शंभूराज देसाईंच्या विशेष प्रयत्नामुळे राज्यमार्ग म्हणून दर्जोन्नती मिळाली असून गृहराज्यमंत्री ना.शंभूराज देसाईंच्यामुळे या रस्त्याची ओळख आता राज्यमार्ग क्रं.३९८ अशी झाली आहे.या रस्त्याला राज्यमार्ग म्हणून दर्जोन्नती देण्याचा शासन निर्णय राज्याच्या सार्वजनीक बांधकाम विभागाने आज दि.२५ फेब्रुवारी, २०२० रोजी पारित केला आहे.

                पाटण विधानसभा मतदारसंघ हा अतिशय डोंगरी व दुर्गम मतदारसंघ असून पाटण मतदारसंघाला पुणे-बेंगलोर या राष्ट्रीय महामार्ग क्र.4 हा जोडला जातो. मतदारसंघात नव्याने गुहागर-चिपळूण-कराड-जत-विजापूर हा राष्ट्रीय महामार्ग झालेला असून या दोन्ही राष्ट्रीय महामार्गाला जोडणारा पाटण-मणदुरे-जळव-तारळे-पाल-काशीळ हा प्रमुख जिल्हा मार्ग क्रं.57 अस्तित्वात आहे. याची लांबी एकूण ४६ कि.मी. आहे. या मार्गावर मोठया प्रमाणांत वाहतूक होत असून हा प्रमुख जिल्हा मार्ग खुप अरुंद आहे.मौजे जळव,ता.पाटण व मौजे निवकणे,ता.पाटण येथे पाटण तालुक्यातील सर्वात मोठे अनुक्रमे श्री.जोतिर्लिंग व श्री.जानाईदेवीचे प्रसिध्द अशी देवस्थाने असून याच मार्गावर मौजे पाल, ता.कराड येथे श्री खंडोबा देवाचे प्रसिध्द देवस्थान आहे.या तीन देवस्थानांना महाराष्ट्राबरोबर इतर राज्यातील भाविक भक्त मोठया संख्येने भेट देत असतात. प्रमुख जिल्हा मार्ग क्रं.57 पाटण-मणदुरे-जळव-तारळे-पाल-काशीळ या मार्गावर मोठया प्रमाणांत होत असलेल्या वाहतुकीमुळे अनेकदा वाहतुकीची मोठया प्रमाणांत कोंडी होते. त्यामुळे गुहागर-चिपळूण-कराड व पुणे-बेंगलोर या दोन राष्ट्रीय महामार्गाला जोडणारा प्रमुख जिल्हा मार्ग क्रं.57 असणारा पाटण-मणदुरे-जळव-तारळे-पाल-काशीळ या मार्गाला विशेष बाब म्हणून राज्य मार्गाची दर्जोन्नती दयावी याकरीता गृहराज्यमंत्री ना.शंभूराज देसाईंचा गत पंचवार्षिकमध्ये आमदार असताना सातत्याने पाठपुरावा होता. दीडच महिन्यापुर्वी गृहराज्यमंत्री झालेले ना.शंभूराज देसाईंनी या प्रमुख जिल्हा मार्गाला राज्यमार्ग दर्जोन्नती मिळणेकरीता राज्याचे सार्वजनीक बांधकाम मंत्री ना.अशोकराव चव्हाण यांची दि.२२ जानेवारी, २०२० रोजी भेट घेतली व या मार्गाला राज्यमार्ग दर्जोन्नती देण्याची आग्रही भूमिका मांडली एक महिन्याच्या आत सार्वजनीक बांधकाम मंत्री ना.अशोकराव चव्हाण यांचे सुचनेवरुन व गृहराज्यमंत्री ना.शंभूराज देसाई यांचे विशेष प्रयत्नामुळे राज्य शासनाच्या सार्वजनीक बांधकाम विभागाने दि.२५ फेब्रुवारी, २०२० रोजी पाटण-मणदुरे-जळव-तारळे-पाल-काशीळ या ४६ कि.मी अंतर असणाऱ्या मार्गाला राज्यमार्ग म्हणून दर्जोन्नती देण्याचा शासन निर्णय पारित केला आहे. या राज्यामार्गाला भूसंपादनाची आवश्यकता नसून प्रमुख जिल्हा मार्ग क्रं.57  अशी ओळख असणाऱ्या पाटण-मणदुरे-जळव-तारळे-पाल-काशीळ या रस्त्याला गृहराज्यमंत्री ना.शंभूराज देसाई यांच्यामुळे आता राज्यमार्ग क्रं.३९८ अशी ओळख निर्माण झाली आहे. नव्याने राज्यमार्ग झालेल्या पाटण-मणदुरे-जळव-तारळे-पाल-काशीळ या रस्त्याच्या दर्जोन्नतीमुळे या रस्त्यांवर राज्य शासनाच्या अर्थसंकल्पातून भरघोस असा निधी मिळणेकरीता मदत होणार असून यामुळे वाहतुकीची होणारी कोंडी आता दुर होणार असून प्रवाशांचा प्रवास आता सुखकर होणार आहे. या रस्त्याला राज्यमार्ग म्हणून दर्जोन्नती मिळवून दिल्याबदद्ल गृहराज्यमंत्री ना.शंभूराज देसाईंना जनतेकडून धन्यवाद देण्यात येत आहेत.

                                

गृहराज्यमंत्री ना.शंभूराज देसाईंकडून पांढरेपाणी गाव दत्तक. मुख्यमंत्री ग्रामसडक योजनेतंर्गत मंजुर रस्त्यांच्या भूमिपुजन समारंभात ना.देसाईंची घोषणा.

        

            दौलतनगर दि.२५:- मतदारसंघाच्या टोकावर डोंगरपठारावर वसलेल्या पांढरेपाणी गांवाला यापुर्वी मुलभूत सुविधा उपलब्ध झाल्या नाहीत. यापुर्वी केवळ पांढरेपाणी गांवाच्या विकासाच्या गप्पाच मारल्या गेल्या मी केवळ आमदार असताना गतवर्षी पांढरेपाणी गांवाला राज्य शासनाच्या मुख्यमंत्री ग्रामसडक योजनेतंर्गत रस्ता मंजुर करुन आणला आता तर आपण मंत्री आहोत मतदारसंघाचा लोकप्रतिनिधी आणि राज्याचा मंत्री म्हणून पांढरेपाणी गांवाच्या सर्वांगीण विकासाकरीता मी हे गांव दत्तक घेत असल्याची घोषणा गृहराज्यमंत्री ना.शंभूराज देसाईंनी यांनी केली.  

            मुख्यमंत्री ग्रामसडक योजनेतंर्गत ना.शंभूराज देसाईंनी मंजुर केलेल्या पांढरेपाणी ता.पाटण येथील गावपोहोच रस्त्याचा भूमिपुजन समारंभ त्यांचे हस्ते आयोजीत करण्यात आला होता याप्रसंगी त्यांनी वरीलप्रमाणे घोषणा केली. सुमारे ०२ किमी रस्त्यांच्या कामांकरीता ना.शंभूराज देसाईंनी ०१ कोटी ९४ लाख रुपयांचा निधी मंजुर करुन आणला आहे. या रस्त्याचे भूमिपुजन त्यांचेच हस्ते करण्यात यावे असा आग्रह पांढरेपाणी गांवातील ग्रामस्थांचा होता त्यानुसार ना.शंभूराज देसाईंच्या हस्ते या रस्त्याच्या कामांचे भूमिपुजन करण्यात आले. प्रांरभी डोंगरपठारावरील ग्रामस्थांनी गृहराज्यमंत्री ना.शंभूराज देसाई यांचा पांरपारिक पध्दतीने घोंगडे व काठी देवून सत्कार केला.

           याप्रसंगी कार्यक्रमास मोरणा शिक्षण संस्थेचे अध्यक्ष रविराज देसाई,जिल्हा परीषद सदस्या सौ.सुग्रा खोंदू, माजी सदस्य बशीर खोंदू,माजी पंचायत समिती सदस्य नथूराम कुंभार,शिवदौलत बँकेचे संचालक दगडू शेळके, भागोजी शेळके,किसन गालवे,गणेश भिसे,रमेश गालवे,आटोली सरपंच सावळाराम शेळके,उपसरपंच भिमराव जगताप,माजी सरपंच राम पवार,लक्ष्मण शेळके,दिनकर शिंदे,बंडू चाळके,दिनकर कोळेकर,आनंदा मोहिते  या प्रमुख पदाधिकारी यांच्यासह आटोली,पांढरेपाणी येथील ग्रामस्थ व महिलांची व मुंबई मित्रमंडळातील पदाधिकारी,कार्यकर्ते यांची प्रमुख उपस्थिती होती.

            याप्रसंगी बोलताना ना.शंभूराज देसाई म्हणाले, पांढरेपाणी गांवाने सन २०१४ च्या व २०१९ च्या विधानसभा निवडणूकीमध्ये मला १०० टक्के मतदान करीत गावातील गावकऱ्यांनी एकही मत विरोधात जावू दिले नाही. गतवेळीही मतदारसंघात मताच्या बाबतीत पहिल्या क्रमांकाचे बक्षिस या गावाने मिळविले आणि आत्ताही. ग्रामस्थांच्या मागणीवरुन आपण गतवेळेस ग्रामदैवताच्या सभामंडपाचे विकासकाम दिले तर या गावाला प्रमुखत: रस्त्याच्या कामांची गरज होती ती गरज आपण मुख्यमंत्री ग्रामसडक योजनेतंर्गत हा रस्ता प्रस्तावित करुन पुर्ण करुन घेतली. रस्त्याची लांबी एकूण ०६ किमी असून यातील ०२ किमीचा रस्ता मुख्यमंत्री ग्रामसडक योजनेतंर्गत मंजुर आहे तर उर्वरीत ०४ किमीचा रस्ता करणेकरीता आपणांस अजुनही निधीची आवश्यकता भासणार आहे. येणाऱ्या आर्थिक वर्षात उर्वरीत राहिलेल्या कामांना आवश्यक निधी मंजुर करुन देणेकरीता मी कटीबध्द असून एक मंत्री म्हणून या गावांच्या विकासाकरीता हे गांव मी दत्तक घेत आहे.या गांवाच्या सर्वांगीण विकासासाठी राज्यस्तरीय,जिल्हास्तरीय यंत्रणे कडील आवश्यक योजना राबविणेकरीता एक आराखडा तयार करण्यात येवून या गांवाला आवश्यक असणारी विविध विकासकामे पुर्ण करण्याची जबाबदारी आता माझी आहे. गावांमध्ये कोणकोणती कामे प्राधान्याने करावयाची याकरीता आत्ताच गा्रमस्थांनी पाच लोकांची कमिटी तयार करावी व कमिटीने ठरवलेली कामे माझेकडे प्रस्तावित करावित. या कामांना आवश्यक असणारा निधी टप्प्या टप्प्याने देण्यास मी कटीबध्द आहे. आपल्या गांवाचा प्रलंबीत विकास पुर्ण करुन घेवूया या एका मुद्दयावर एकत्रित आलेले गांव आज एकसंघ आहे हे पाहून आनंद होत आहे. जो विश्वास या गांवातील ग्रामस्थांनी माझेवर दाखविला आहे तो विश्वास सार्थकी लागणार असून पांढरेपाणी गावाच्या सर्वांगीण विकासासाठी मी कटीबध्द आहे असे सांगुन ते म्हणाले येथील डोगंरपठारावरील लोकांचे दैवत असणाऱ्या वाघजाई देवीच्या दर्शनाकरीता खडकच्या वाघजाईला मी प्रतिवर्षी दसऱ्यादिवशी न चुकता येतो. आमचे मरळी येथील निनाई मातेचा जसा आशिर्वाद माझे पाठीशी आहे तसाच आशिर्वाद वाघजाई मातेचाही आहे. येथील मंदीराच्या परीसरातील विकासकामांकरीताही माझे येथील ग्रामस्थांना सहकार्य राहील.असेही ना.शंभूराज देसाई शेवठी बोलताना म्हणाले.

चौकट:- देसाई कुटुबांतील आमदारांच्या पाठीशी ठाम राहण्याचा पांढरेपाणी गावकऱ्यांचा निर्णय.

            भूमिपुजन कार्यक्रम संपन्न झालेनंतर प्रारंभी पांढरेपाणी येथील ग्रामस्थांनी गृहराज्यमंत्री ना.शंभूराज देसाई यांचा पांरपारिक पध्दतीने घोंगडे व काठी देवून सत्कार केला व आमच्या गावाच्या विकासासाठी आम्हाला पाठबळ देणाऱ्या ना.शंभूराज देसाई यांच्यासह देसाई कुटुंबातील आमदारांच्या पाठीशीच ठाम उभे राहून भविष्यात येणाऱ्या प्रत्येक निवडणूकीत गांवातील एकही मत विरोधात न जावू देण्याचा निर्णय ग्रामस्थांनी घेत तसे वचन ग्रामस्थांनी ना.शंभूराज देसाईंना दिले.

गृहराज्यमंत्री ना.शंभूराज देसाई पक्षवाढीसाठी आघाडीवर. शासनाच्या माध्यमातून पक्षसंघटनेला बळकटी देण्याचा प्रयत्न, मंत्रीपदाच्या ५० दिवसात दाखवून दिला उल्लेखनीय कार्याचा करीष्मा.

            दौलतनगर दि.१८:-  ३० डिसेंबर,२०१९ रोजी महाराष्ट्र राज्याचे राज्यमंत्री म्हणून शपथ घेतलेले पाटण विधानसभा मतदारसंघाचे आमदार आणि आताचे राज्याचे गृह (ग्रामीण),वित्त,नियोजन,राज्य उत्पादन शुल्क,कौशल्य विकास व उद्योजकता, पणन राज्यमंत्री ना.शंभूराज देसाई यांनी त्यांना महाविकास आघाडीमध्ये मिळालेल्या राज्यमंत्रीपदाच्या तसेच वाशिम जिल्हयाच्या पालकमंत्री पदाच्या माध्यमातून पक्षवाढीसाठी पश्चिम महाराष्ट्रातील महाविकास आघाडीमध्ये आघाडी घेतली असून शासनाच्या आणि मिळालेल्या मंत्रीपदाच्या मोठमोठया खात्यांच्या माध्यमातून त्यांनी पक्षसंघटनेला बळकटी देण्याचा उल्लेखनीय प्रयत्न सुरु केला आहे.मंत्रीपदाची शपथ घेवून आज त्यांना ५० दिवस पुर्ण होत असून एक मंत्री म्हणून कसे उल्लेखनीय आणि जनहितार्थ काम करता येते हे त्यांनी गेल्या ५० दिवसात महाराष्ट्रातील विशेषत: पश्चिम महाराष्ट्रातील जनतेला दाखवून दिले आहे.

           २००४ ला पहिल्याच आमदारकीच्या टर्ममध्ये महाराष्ट्र विधानमंडळाचे उत्कृष्ट संसदपटू म्हणून देशाच्या तत्कालीन राष्ट्रपती यांच्या शुभहस्ते गौरविलेले ना.शंभूराज देसाई यांचा प्रशासकीय तसेच विधानसभेतील कामांचा आमदार तसेच चारवेळा विधानसभा तालिका अध्यक्ष म्हणून दांडगा अभ्यास असून एक शिस्तप्रिय आणि जनतेच्या जनहितार्थ कामांसाठी धडपडणारा लोकप्रतिनिधी म्हणून त्यांची सातारा जिल्हयासह संपुर्ण महाराष्ट्रात ओळख आहे.तीनवेळा पाटण या डोंगरी आणि दुर्गम भागाचे आमदार म्हणून निवडून आलेले शंभूराज देसाई यांच्या आमदारकीच्या मागील दोन टर्ममधील कामांची तसेच जनहितार्थ कार्याची आणि ग्रामीण भागात पक्षसंघटना मजबूत करण्याकरीता केलेल्या प्रयत्नांची पध्दत पाहून राज्यातील महाविकास आघाडीचे प्रमुख आणि राज्याचे मुख्यमंत्री ना.उध्दवजी ठाकरे यांनी शंभूराज देसाईंना राज्याच्या राज्यमंत्री पदाची जबाबदारी सोपविली आहे.

             आपल्याला मिळालेल्या गृह (ग्रामीण),वित्त,नियोजन,राज्य उत्पादन शुल्क,कौशल्य विकास व उद्योजकता, पणन या पाच खात्याचा पदभार स्विकारल्यानंतर त्यांनी गत ५० दिवसात त्यांच्या अंगी असणाऱ्या कार्याचा करीष्माच दाखविण्यास सुरुवात केली आहे.महिन्याभरातच त्यांनी राज्यमंत्री पदाच्या माध्यमातून त्यांचेकडील खात्यांच्या आढावा बैठका घेण्या बरोबरीने वित्त व नियोजन विभागांच्या राज्यस्तरीय बैठकांना उपस्थित राहून राज्याचे वित्तमंत्री ना.अजितदादा पवार यांचेकडे आग्रही राहून सातारा जिल्हयाबरोबर पालकत्व असलेल्या वाशिम जिल्हयाच्या विकासासाठी तसेच सातारा जिल्हयाच्या शेजारील सांगली,कोल्हापुर जिल्हयाच्या विकासासाठी जादाचा निधी कसा आणता येईल यासाठी प्रयत्नशील राहून वित्त व नियोजन विभागांच्या माध्यमातून या चारही जिल्हयांना जिल्हा नियोजन समितीच्या माध्यमातून जादाचा निधी खेचून आणणेकरीता ते यशस्वी झाले आहेत.मागील पाच ते दहा वर्षात या चारही जिल्हयाना जिल्हा नियोजनच्या माध्यमातून निधी आला नाही त्याहीपेक्षा जादाचा निधी त्यांनी वित्तमंत्री ना. पवार यांचेकडून वित्त व नियोजन राज्यमंत्री म्हणून मिळवून दिला आहे. जिल्हा नियोजनच्या निधीच्या माध्यमातून ग्रामीण भागाच्या विकासाकरीता या वाढीवच्या निधीचा हातभार लागणार असून ग्रामीण भागाचा पायाभूत विकास होण्यास या निधीची मदत होणार आहे.

             एका बाजूला मिळालेल्या खात्यांच्या आढावा बैठका घेण्याबरोबर त्यांनी महाविकास आघाडीच्या माध्यमातून सातारा असो वा वाशिम तसेच सांगली आणि कोल्हापुर येथील शिवसेना पक्षाचे आजी माजी आमदार,पक्षाचे जिल्हाप्रमुख, उपजिल्हा प्रमुख,जिल्हा महिला संघटक,युवा सेना जिल्हाप्रमुख,उपजिल्हाप्रमुख,तालुकाप्रमुख तसेच पक्षाचे पदाधिकारी,कार्यकर्ते यांच्या आढावा बैठका घेण्यावर जोर लावला आहे.प्रमुख पदाधिकारी यांच्या समस्या जाणून घेवून त्यावर शासनाकडे पाठपुरावा करुन त्या सोडविण्याचा तसेच काही प्रश्न जिल्हास्तरीय अधिकाऱ्यांकडे प्रलंबीत असतील तर त्या संबधित अधिकाऱ्यांना बोलावून घेवून त्या जागेवरच सोडविण्याचा प्रयत्न करुन तसेच त्या त्या विषयासंदर्भात अधिकाऱ्यांच्या बैठका घेवून पक्षाच्या पदाधिकारी व कार्यकर्ते यांना राजकीय ताकद मिळवून देण्याचा त्यांचा प्रयत्न कौतुकास्पद मानला जात आहे.गत ५० दिवसात त्यांनी सातारा जिल्हयातील शिवसेना पक्षाच्या पदाधिकारी कार्यकर्ते यांच्या दोनदा तर वाशिम,सांगली व कोल्हापुर येथील पक्षाच्या पदाधिकारी कार्यकर्ते यांच्या एक एक आढावा बैठका घेतल्या आहेत.दोनच दिवसापुर्वी कोल्हापुर जिल्हयाच्या पक्षाच्या आढावा बैठकीमध्ये उपस्थित असणारे आजी माजी आमदार यांनी त्यांच्या मनोगतामध्ये ना.शंभूराज देसाईंच्या राज्यमंत्री म्हणून कार्याचा उल्लेखनीय गौरव करीत शिवसेना पक्षाच्या पदाधिकारी व कार्यकर्ते यांच्या बैठका घेवून त्यांच्या समस्या जाणून घेवून त्यावर तोडगा काढत पदाधिकारी कार्यकर्त्यांना ताकद देण्याचा ना.शंभूराज देसाईंच्या या उपक्रमामुळे शिवसेना पक्षाचे पदाधिकारी व कार्यकर्ते यांच्या मनगटावर इंचभर मांस वाढले असल्याची मनोगते व्यक्त केली आहेत. हे सगळे होत असताना पाटण मतदारसंघातील विविध जनहितार्थ कामांवरील लक्ष त्यांनी अजिबात विचलीत केले नसून मतदारसंघावरील त्यांची पकड त्यांनी कणभरही कमी होवू दिली नाही.मंत्रालयीन कामकाज उरकुन मतदारसंघाच्या दौऱ्यावर आलेनंतर मतदारसंघातील विविध भागात स्वत: जावून ते मतदारसंघातील जनतेच्या समस्या, अडीअडचणी जाणून घेत त्यावर तोडगा काढत आहेत.मंत्रीपदाची शपथ घेवून आज त्यांना ५० दिवस पुर्ण होत असताना ना.शंभूराज देसाईंनी त्यांच्या कार्याचा उल्लेखनीय करीष्मा दाखविण्याबरोबर महाविकास आघाडीच्या शासनाच्या माध्यमातून पश्चिम महाराष्ट्रामध्ये पक्षसंघटना मजबुत व पक्षाला बळकटी आणण्याकरीता ना.शंभूराज देसाईंनी आघाडी घेतली असल्याचे त्यांच्या कामांतून दिसून येत आहे.

सडादाढोली गावांचा सर्वांगीण विकास साधणार, गावाच्या कायम पाठीशी गृहराज्यमंत्री ना.शंभूराज देसाईंची ग्वाही.

            दौलतनगर दि.१७:- डोंगरपठारावर वसलेल्या सडादाढोली गांवाने एकमुखाने राहून गावांचा प्रलंबीत राहिलेला विकास साध्य करुन घेण्याचा घेतलेला ध्यास खरोखरच कौतुकास्पद आहे. अनेक वर्षे या गांवाला पोहोच रस्ता नव्हता काम करणाऱ्या नेत्याच्या पाठीशी ठाम उभे राहून आपल्या गांवाचा रस्ता पुर्ण करुन घेवूया या एका मुद्दयावर एकत्रित आलेले गांव आज एकसंघ आहे हे पाहून आनंद होत आहे. जो विश्वास या गांवातील ग्रामस्थांनी माझेवर दाखविला आहे तो विश्वास सार्थकी लागणार असून सडादाढोली गावाच्या सर्वांगीण विकासासाठी मी कटीबध्द आहे गांवाच्या कायम पाठीशी राहून गांवामध्ये प्रलंबीत राहिलेली विकासकामे पुर्ण करणार असल्याची ग्वाही गृहराज्यमंत्री ना.शंभूराज देसाईंनी दिली आहे.

              सडादाढोली रामघळ ता.पाटण येथे ग्रामस्थांच्या वतीने गृहराज्यमंत्री ना.शंभूराज देसाईंचा राज्यमंत्रीपदी निवड झालेबद्दल सत्कार समारंभ आयोजीत केला होता या सत्कार समारंभात ते बोलत होते. प्रांरभी डोंगरपठारावरील ग्रामस्थांनी गृहराज्यमंत्री ना.शंभूराज देसाई यांचा पांरपारिक पध्दतीने घोंगडे व काठी देवून सत्कार केला.याप्रसंगी कार्यक्रमास लोकनेते बाळासाहेब देसाई कारखान्याचे व्हा.चेअरमन राजाराम पाटील,शंभूराज युवा संघटना अध्यक्ष भरत साळुंखे,माजी संचालक प्रकाश नेवगे,वसंत झोरे,प्रकाश झोरे,जयराम झोरे,आनाजी झोरे,लक्ष्मण झोरे,शिवाजी झोरे,मनोहर कडव,वैभव मुळगांवकर,कुणाल चंदुगडे,गोरख चव्हाण,शंकर सांळुखे या प्रमुख पदाधिकारी यांच्यासह सडादाढोली येथील ग्रामस्थ व महिलांची व मुंबई मित्रमंडळातील कार्यकर्ते यांची प्रमुख उपस्थिती होती.

                    याप्रसंगी बोलताना ना.शंभूराज देसाई म्हणाले, सडादाढोली गांवाला जोडणारा तीन किलोमीटरचा रस्ता अनेक वर्षापासून प्रलंबीत होता. अनेक ठिकाणी मागणी करुनही हा रस्ता न झाल्याने या गांवातील ग्रामस्थांनी तसेच मुंबई मित्रमंडळातील कार्यकर्त्यांनी माझी भेट घेवून आमचे गांवाच्या रस्त्याचे काम पुर्ण करा अशी मागणी केल्यानंतर तीन किलोमीटरचा रस्ता मुख्यमंत्री ग्रामसडक योजनेतंर्गत प्रस्तावित करुन तो मंजुर करुन घेतला या रस्त्याच्या कामांसाठी सुमारे पावणे दोन कोटी रुपयांचा निधी या योजनेतून मंजुर करुन घेतला या रस्त्याचे काम सध्या सुरु झाले आहे. गावाला जोडणारा रस्त्याचा काही भाग शिल्लक राहत आहे त्याकरीताही आवश्यक निधी मंजुर केला आहे. लवकरच याचेही काम सुरु होईल. जो शब्द येथील ग्रामस्थांनी मला दिला तो त्यांनी पाळला त्याचपध्दतीने मीही जो शब्द येथील ग्रामस्थांना दिला तो मी पाळला.गावाच्या विकासासाठी एकत्रित आलेल्या गांवाने माझी राज्याच्या राज्यमंत्री निवड झालेबद्दल सत्कार समारंभ घेवून माझा सत्कार करुन नेत्यावरील असणारी एकनिष्ठा दाखवून दिली. ज्यां नेत्याने आपली मुलभूत सुविधांची गैरसोय दुर केली त्या नेत्याच्या पाठीशी ठाम उभे राहण्याचा घेतलेला निर्णय खरोखरच कौतुकास्पद आहे. आज सत्कार समारंभाच्या निमित्ताने गावातील एकसंघता पाहून मनस्वी आनंद झाला. भविष्यातही गावाच्या विकासासाठी गावकऱ्यांनी एकत्रित, एकसंघ राहून गावाचा राहिलेला प्रलंबीत विकास पुर्ण करुन घ्यावा. आपल्या मागणीप्रमाणे भविष्यात गांवाच्या विकासासाठी आवश्यक असणारा निधी मंजुर करायला मी कुठेही कमी पडणार नाही. ज्याप्रमाणे गाव माझे पाठीशी ठाम उभे राहिले आहे त्याचपध्दतीने मीही गावाच्या पाठीशी तालुक्याचा आमदार आणि राज्याचा राज्यमंत्री म्हणून ठाम उभा राहणार असल्याची ग्वाही गृहराज्यमंत्री ना.शंभूराज देसाईंनी दिली . कार्यक्रमाचे प्रस्ताविक वैभव झोरे आभार कोडींबा झोरे यांनी मानले.

गृहराज्यमंत्री ना.शंभूराज देसाईंच्या माध्यमातून पाटण मतदारसंघातील १४४.५०० ‍कि.मी.लांबीच्या ग्रामीण रस्त्यांना प्रमुख जिल्हा मार्ग म्हणून दर्जोन्नती. ग्रामीण रस्त्यांवर राज्याच्या अर्थसंकल्पातून निधी खर्ची पडणार.

दौलतनगर दि.०६:- राज्याच्या गृह (ग्रामीण),वित्त,नियोजन,राज्य उत्पादन शुल्क,कौशल्य विकास व उद्योजकता,पणन या महत्वाच्या खात्यांच्या राज्यमंत्रीपदावर विराजमान झालेले ना.शंभूराज देसाई यांचेकडे राज्याच्या या महत्वाच्या खात्यांची जबाबदारी असताना देखील त्यांनी आपल्या पाटण विधानसभा मतदारसंघातील विविध जनहितार्थ कामांवरील लक्ष अजिबात विचलीत केले नाही. आपल्याला मिळालेल्या राज्यमंत्रीपदाचा लाभ हा पाटण मतदारसंघातील जनतेला झालाच पाहिजे ही त्यांची भूमिका असून अनेक वर्षापासून राज्य शासनाकडे पाटण विधानसभा मतदारसंघातील ग्रामीण रस्त्यांना प्रमुख जिल्हा मार्ग म्हणून दर्जोन्नती देण्याचा विषय प्रलंबीत होता तो त्यांनी राज्यमंत्रीपदाची शपथ घेतल्यानंतर एका महिन्याच्या आतच शासनाकडून मार्गी लावून घेतला आहे. ना.शंभूराज देसाईंच्या माध्यमातून पाटण विधानसभा मतदारसंघातील १४४.५०० किलोमीटर लांबीच्या एकूण १० ग्रामीण व इतर जिल्हा मार्गाच्या रस्त्यांना प्रमुख जिल्हा मार्ग म्हणून दर्जोन्नती मिळाली असून दर्जोन्नती झालेल्या ग्रामीण रस्त्यांवर आता राज्याच्या अर्थसंकल्पातून निधी खर्ची पडणार आहे.

                पाटण विधानसभा मतदारसंघातील डोंगरी आणि दुर्गम भागातील ग्रामीण व इतर जिल्हा मार्गाच्या रस्त्यांना प्रमुख जिल्हा मार्ग याप्रमाणे दर्जोन्नती मिळणेचा विषय राज्याच्या सार्वजनीक बांधकाम विभागाकडे अनेक वर्षापासून प्रलंबीत होता याकरीता ना.शंभूराज देसाईंनी गत पंचवार्षिकमध्ये युतीच्या शासनाकडे पाठपुरावा करुन पाटण मतदारसंघातील ग्रामीण व इतर जिल्हा मार्गाच्या रस्त्यांना प्रमुख जिल्हा मार्ग असा दर्जा मिळणेकरीताचा आराखडा जिल्हा परीषद बांधकाम व सार्वजनीक बांधकाम विभागामार्फत तयार करुन घेतला व राज्याचे गृहराज्यमंत्री झालेनंतर त्यांनी हा आराखडा राज्याचे सार्वजनीक बांधकाम मंत्री ना.अशोकराव चव्हाण यांचे निर्दशनास आणून देत या ग्रामीण व इतर जिल्हा मार्गावरील रस्त्यांच्या कामांना प्रमुख जिल्हा मार्ग म्हणून दर्जोन्नती देण्याची आग्रही मागणी सार्वजनीक बांधकाम मंत्री ना.अशोकराव चव्हाण यांचेकडे केली. त्यांनीही तात्काळ या प्रस्तावास मान्यता देवून पाटण विधानसभा मतदारसंघातील १४४.५०० किलोमीटर लांबीच्या एकूण १० ग्रामीण व इतर जिल्हा मार्गाच्या रस्त्यांना प्रमुख जिल्हा मार्ग म्हणून दर्जोन्नती दिली. दर्जोन्नती दिल्याचा शासन निर्णय सार्वजनीक बांधकाम विभागाने दि.०५ फेब्रुवारी, २०२० रोजी पारित केला असून या निर्णयामध्ये दहा ग्रामीण आणि इतर जिल्हा मार्गावरील रस्त्यांचा समावेश आहे. दर्जोन्नती मिळालेल्या ग्रामीण आणि इतर जिल्हा मार्गावर आता राज्य शासनाच्या अर्थसंकल्पातून निधी उपलब्ध होणार असून दळणवळणाच्या दृष्टीने पाटण मतदारसंघाच्या विकासात यामुळे भर पडणार आहे.

                ना.शंभूराज देसाईंच्या आग्रही मागणीमुळे राज्य शासनाच्या सार्वजनीक बांधकाम विभागाने पाटण विधानसभा मतदारसंघातील दर्जोन्नती दिलेल्या १० रस्त्यांमध्ये इजिमा 138 ते निगडे-कसणी-निवी-डाकेवाडी-धामणी-चव्हाणवाडी-मस्करवाडी-घराळवाडी रस्ता दर्जोन्नतीची लांबी २५ कि.मी,भोसगाव-आंब्रुळकरवाडी-नवीवाडी-रुवले-कारळे-पाणेरी रस्ता दर्जोन्नतीची लांबी १२.५०० कि.मी,त्रिपुडी-मुळगाव-कवरवाडी-नेरळे-गुंजाळी-लेंढोरी-मणेरी-चिरंबे-काढोली-चाफेर-रिसवड-ढोकावळे रस्ता दर्जोन्नतीची लांबी २६ कि.मी,प्रजिमा 53-चोपडी-बेलवडे खुर्द-सुळेवाडी-सोनवडे-हुंबरवाडी-नाटोशी-धावडे इजिमा-134 रस्ता दर्जोन्नतीची लांबी १९ कि.मी,बनपूरी- आंबवडे-कोळेकरवाडी-उमरकांचन रस्ता दर्जोन्नतीची लांबी १३ कि.मी,ढेबेवाडी-भोसगावं-उमरकांचन-जिंती-मोडकवाडी-सातर रस्ता दर्जोन्नतीची लांबी १२ कि.मी,मल्हारपेठ-पानस्करवाडी-मंद्रुळहवेली-जमदाडवाडी-नवसरवाडी रस्ता दर्जोन्नतीची लांबी ०६ कि.मी,काटेवाडी-आवर्डे-मुरुड-मालोशी रस्ता दर्जोन्नतीची लांबी ११ कि.मी, लोरेवाडी (प्रजिमा 37 पासून) कोंजवडे-भूडकेवाडी-कडवे खुर्द रस्ता इजिमा-141 दर्जोन्नतीची लांबी १० कि.मी व गमेवाडी-कडववाडी-पाडळोशी-मसुगडेवाडी रस्ता दर्जोन्नतीची लांबी १० कि.मी असे एकूण १४४.५०० किलोमीटर लांबीच्या ग्रामीण व इतर जिल्हा मार्गाच्या एकूण १० रस्त्यांना प्रमुख जिल्हा मार्ग म्हणून दर्जोन्नती देण्यात आली आहे. राज्याचे सार्वजनीक बांधकाम मंत्री ना.अशोकराव चव्हाण यांनी पाटण विधानसभा मतदारसंघातील १० ग्रामीण व इतर जिल्हा मार्गावरील रस्त्यांच्या कामांना तात्काळ प्रमुख जिल्हा मार्ग म्हणून दर्जोन्नती दिल्याबद्दल ना.शंभूराज देसाईंनी त्यांचे विशेष आभार मानले असून या १० रस्त्यांच्या कामांचा समावेश राज्याच्या अर्थसंकल्पामध्ये करुन या १० रस्त्यांच्या कामांवरील अत्यंत खराब झालेल्या रस्त्यांच्या भागांची सुधारणा करणेकरीता आवश्यक असणारा निधी सन २०२०-२१ चे अर्थसंकल्पामधून उपलब्ध करुन देणेबाबत ना.अशोकराव चव्हाण यांचेकडे मागणीही केली आहे.

डोंगरपठारावर प्रथमत:च झालेले सर्वरोग निदान शिबिराचा ५९ गांवातील 3014 रुग्णांनी घेतला लाभ. गृहराज्यमंत्री ना.शंभूराज देसाईंच्या संकल्पनेतून साकारलेले सर्वरोग निदान शिबीरास चांगला प्रतिसाद.

दौलतनगर दि.०३:- राज्याचे गृह राज्यमंत्री नामदार शंभूराज देसाई यांनी पाटण मतदारसंघात सत्कार, समारंभांना फाटा देत डोंगरपठारावर मोफत सर्वरोग निदान शिबीर आयोजीत करण्याची संकल्पना मांडली होती. त्यांच्या संकल्पनेतून पाटण मतदारसंघातील डोंगरपठारावरील जनतेकरीता राज्य शासनाच्या वतीने घाणबी डोंगर पठारावर आयोजीत मोफत सर्वरोग निदान शिबीराचा या विभागातील ५९ गांवातील ३०१४ रुग्णांनी लाभ घेतला असून डोंगरपठारावर ना.शंभूराज देसाईंच्या विशेष प्रयत्नामुळे प्रथमत:च झालेल्या या सर्वरोग निदान शिबीरास डोंगरपठारावरील नागरिक महिलांनी आपल्या मुलाबांळासंह उदंड प्रतिसाद दिला.

 घाणबी ता.पाटण येथील डोंगरपठारावर गृह राज्यमंत्री नामदार शंभूराज देसाई यांच्या संकल्पनेतून येथील डोंगरपठारावरील जनतेकरीता राज्य शासनाच्या वतीने शनिवार दि.01/02/2020 रोजी मोफत सर्वरोग निदान शिबीराचे आयोजन करण्यात आले होते.या शिबीराचे उद्धाटन गृह राज्यमंत्री ना.शंभूराज देसाई यांचे हस्ते आयोजीत करण्यात आले होते मात्र राज्याचे मुख्यमंत्री ना.उध्दवजी ठाकरेसाहेब हे सातारा जिल्हयाच्या दौऱ्यावर असल्या कारणामुळे ना.शंभूराज देसाईंना या शिबीरास उपस्थित राहता आले नाही. त्यांच्या वतीने युवा नेते यशराज देसाई (दादा) यांच्या हस्ते या मोफत सर्वरोग निदान शिबीराचा शुभारंभ करण्यात आला. यावेळी प्रभारी तहसिलदार समीर यादव,गटविकास अधिकारी श्रीमती मीना साळुंखे,निवासी वैद्यकीय अधिकारी डॉ.सुधीर धुमाळ,अतिरिक्त जिल्हा आरोग्य अधिकारी डॉ.सचिन पाटील,तालुका आरोग्य अधिकारी डॉ.आर.बी.पाटील, पाटण ग्रामीण रुग्णालयाचे डॉ.चंद्रकांत यादव,ढेबेवाडी ग्रामीण रुग्णालयाचे डॉ.डी.बी.डोंगरे आदीची प्रमुख उपस्थिती होती.

             शुभारंभानंतर बोलताना युवा नेते यशराज देसाई (दादा) म्हणाले, डोंगरपठारावरील जनतेला वर्षानुवर्षे आरोग्य सुविधा मिळत नाहीत आरोग्य सुविधा घेणेकरीता डोंगरपठारावरील जनतेला,वयोवृध्दांना,लहान बालकांना तालुक्याच्या ठिकाणी येवून आरोग्य तपासणी करावी लागत असल्याने डोंगरपठारावरील जनतेला, वयोवृध्दांना तसेच महिलांचे व त्यांच्या लहान बालकांचे शासनाच्या वतीने मोफत सर्व रोग निदान व्हावे त्यांच्यावर उपचार व्हावेत याकरीता गृह राज्यमंत्री नामदार शंभूराज देसाई यांनी डोंगरपठारावरच शासनाच्या वतीने मोफत सर्व रोग निदान शिबीराचे आयोजन करण्याची संकल्पना मांडली त्यानुसार ग्रामीण,दुर्गम व डोंगराळ जनतेच्या आरोग्य सेवांचा दर्जा वाढविण्याच्या दृष्टीने महाराष्ट्र शासनाच्या आरोग्य विभागाच्या व शासनाच्या वतीने हे मोफत सर्वरोग निदान शिबिर होत आहे ही अतिशय आनंदाची बाब आहे. या शिबीराचा डोंगरपठारावरील जनतेला नक्कीच लाभ होईल. असे सांगून युवा नेते यशराज देसाई (दादा) यांनी या आरोग्य शिबीराची प्रत्यक्ष रुग्णांपर्यंत जावून पहाणी केली. तसेच त्यांच्या हस्ते सुमारे २०० नेत्र तपासणी झालेल्यांना चष्मे वाटप व अंगणवाडीतील मुलांना शक्तीवर्धक औषधांचे वाटप करण्यात आले.

 या शिबीरामध्ये नेत्र रोग (६३५), स्त्री रोग (१८५), बालरोग (१४३), मदुमेह (१८७),अस्थिरोग (२१७), नाक, कान,घसा (८७), त्वचारोग (१५१), जनरल मेडीसीन (४५७), जनरल सर्जरी (१८२), क्षयरोग (४०),कुष्ठरोग (५१), आयूष (४६), प्रयोगशाळा तपासणी (४३३) व चष्मे वाटप (२००) असे एकूण ३०१४ रुग्णांची मोफत तपासणी जिल्हा ग्रामीण रुग्णालय,सातारा,ग्रामीण रुग्णालय-पाटण,जिल्हा परीषद आरोग्य विभाग,कृष्णा हॉस्पीटल-कराड, सहयाद्री हॉस्पीटल-कराड,शारदा हॉस्पीटल-कराड व कोळेकर हॉस्पीटल-कराड येथील विशेष तज्ञ डॉक्टरांच्या सल्ल्याने करण्यात आली.रुग्णाच्या वेगवेगळया तपासण्या करण्याकरीता याठिकाणी शिबीरात वेगवेगळी दालने उघडण्यात आली होती. दरम्यान तपासणी केलेल्या रुग्णांना पुढील औषधोपचाराकरीता विशेष तज्ञ डॉक्टरांच्या सल्लयाने औषधोपचार देणाऱ्या हॉस्पीटलशी संपर्क साधून या रुग्णांवर आवश्यक औषधोपचार करण्याचे संदर्भही देण्यात आले.जिल्हा ग्रामीण रुग्णालय-सातारा,ग्रामीण रुग्णालय- पाटण,जिल्हा परीषद आरोग्य विभाग,कृष्णा हॉस्पीटल-कराड,सहयाद्री हॉस्पीटल-कराड,शारदा हॉस्पीटल-कराड व कोळेकर हॉस्पीटल-कराड यांचे कडील औषधांबरोबर सातारा जिल्हा, पाटण व कराड तालुका केमिस्ट असोशियन  तसेच गौरव सर्जीकल-कराड यांच्या वतीनेही आवश्यक औषधे तसेच आवश्यक आरोग्य साहित्य पुरविण्यास मोठे सहकार्य करण्यात आले.हे शिबीर यशस्वी करण्याकरीता महसूल,बांधकाम,आरोग्य विभागासह अंगणवाडी सेविका व आशा स्वयंसेविका,आरोग्य कर्मचारी यांनी कष्ट घेत मोलाचे सहकार्य करुन हे शिबीर यशस्वी करण्यास हातभार लावला. डोंगरपठारावर मोफत सर्वरोग निदान शिबीराचे आयोजन करुन आमच्या आरोग्याची मोफत तपासणी करुन घेतल्याबद्दल डोंगरपठारावरील ५९ गांवातील ३०१४ रुग्णांनी,जनतेने,वयोवृध्दांनी, महिलांनी ना.शंभूराज देसाईंचे विशेष आभार व्यक्त केले आहेत.