जिल्ह्यातील सर्वाधिक महत्वाच्या असणाऱ्या सातारा नगरपालिकेवर भाजप ने आपला निर्विवाद भगवा फडकवला असताना या नगरपालिकेत शिंदे शिवसेने ने धनुष्य बाणाच्या चिन्हावर 'संकेत साठे' हे एक उमेदवार निवडून आणून नगरपालिकेत प्रवेश केला आहे.यासाठी पालकमंत्री शंभूराज देसाई यांच्या नेतृत्वाखाली त्यांचे पुत्र आणि देसाई कारखान्याचे चेअरमन 'यशराज देसाई' यांची चाणक्यनीती आणि परफेक्ट नियोजन महत्वाचे मानले जात आहे.
सातारा पालिकेच्या निवडणुकीत भारतीय जनता पार्टीन घवघवीत यश मिळविले.या निवडणुकीच्या निमित्ताने सातारकरांना सार्वजनिक बांधकाम मंत्री शिवेंद्रसिंहराजे भोसले यांच्या नेतृत्वाखाली भाजप ने नगराध्यक्ष पदाच्या उमेदवाराने तब्बल ४२ हजार ३२ मतांच्या फरकाने विजय मिळवला. महाविकास आघाडीचा या निवडणुकीत सातारकरांनी धुव्वा उडवला.
सातारा नगरपालिका निकालामध्ये भारतीय जनता पार्टीने अपेक्षेप्रमाणे वर्चस्व राखले. मात्र हे यश मिळवताना प्रभाग क्रमांक तीनमध्ये रक्षक प्रतिष्ठानचे सुशील मोझर यांचे मयूर कांबळे आणि जयश्री जाधव या दोन अपक्ष उमेदवारांनी खाते खोलले तर थेट शिवसेनेच्या धनुष्यबाण चिन्हावर प्रभाग क्रमांक दोनमध्ये संकेत संजय साठे यांचीही एन्ट्री झाली.
या निडवणुकीत अपक्षानी मारलेली बाजी आणि शिवसेना शिंदे गटाचा चंचू प्रवेश ही पालिका निवडणुकीतील महत्त्वपूर्ण घटना ठरली आहे. भारतीय जनता पक्ष,आणि महाविकास आघाडीचे वर्चस्व असणाऱ्या सातारा पालिकेत धनुष्य बाणा ची भले ही 'चंचू एन्ट्री' ही राजकीय दृष्ष्ट्या विचार करणारी आणि महत्वपूर्ण बाब समजली जात आहे.
संकेत साठे हे महाराष्ट्र राज्याचे पर्यटन मंत्री तथा सातारा जिल्ह्याचे पालकमंत्री माननीय नामदार शंभूराज यांच्या मार्गदर्शनाखाली पाटण तालुक्याचे युवा नेते लोकनेते बाळासाहेब देसाई साखर कारखान्याचे चेअरमन यशराज देसाई आणि सदर बाजार प्रभाग दोन मध्ये राहणारे संकेत साठे हे दोघेही क्रिकेट खेळाडू आणि एकमेकांचे जवळचे मित्र आहेत.
त्यामुळे संकेत साठे यांच्या विजयात 'यशराज देसाई' यांचे परफेक्ट नियोजन महत्वपूर्ण मानले जाते.
दरम्यान 'यशराज देसाई' यांनी क्रिकेट खेळणाऱ्या आपल्या मित्राला थेट साताऱ्याचा नगरसेवक बनवून संकेत साठे यांच्या रूपाने शिवसेनेने साताऱ्यात आपलं खातं उघडलं असल्याची चर्चा साताऱ्याच्या राजकारणात उमटत आहेत.
No comments:
Post a Comment