मुख्यमंत्री ना.एकनाथजी शिंदे व आमदार शंभूराज देसाई यांनी घेतलेल्या भूमिकेला पाटण विधानसभा मतदारसंघातील 2642 लोकप्रतिनिधी व पदाधिकारी यांचे जाहिर समर्थन.

 

  

दौलतनगर दि.16:- महाराष्ट्राच्या राजकारणामध्ये गत महिन्यापासून अनेक राजकीय घडामोडी घडल्या. हिंदू हृदयसम्राट वंदनीय शिवसेना प्रमुख बाळासाहेब ठाकरे, धर्मवीर आनंद दिघे यांचे कट्टर हिंदुत्वाचे विचार पुढे नेण्यासाठी मुख्यमंत्री ना.एकनाथ शिंदे यांचेसह राज्यातील तब्बल 50 आमदारांनी उठाव करत राज्यामध्ये पुन्हा एकदा शिवसेना-भाजपा युती साकाराली.राज्याचे मुख्यमंत्री ना.एकनाथजी शिंदे व माजी गृहराज्यमंत्री आणि पाटण तालुकयाचे आमदार शंभूराज देसाई यांचेसह 50आमदारांनी घेतलेल्या या भूमिकेला पाटण विधानसभा मतदार संघातील शिवसेना पक्षाचे नेतृत्वाखाली असणाऱ्या स्थानिक स्वराज्य संस्था व सहकारी संस्थांच्या 2642 लोकप्रतिनिधीं व पदाधिकारी यांनी जाहीर समर्थन करुन पाठिंबा व्यक्त  केला आहे.

          सन 2019 च्या विधानसभा निवडणूकीत शिवसेना-भाजपा युतीच्या माध्यमातून निवडणूकीला सामोरे गेल्यानंतर या विधानसभा निवडणूकीचे निकालामध्ये शिवसेना-भाजपा युतीला स्पष्ट बहुमत दिले होते.परंतु अचानक काही घटना घडल्याने महाराष्ट्रामध्ये महाविकास आघाडीची स्थापना होऊन राज्यात शिवसेना-राष्ट्रवादी व काँग्रेस तसेच समविचारी पक्षांची महाविकास आघाडी स्थापन झाली. परंतु या महाविकास आघाडीचे सरकारमध्ये शिवसेना पक्षाचे मुख्यमंत्री असूनही शिवसेना पक्षाच्या  लोकप्रतिनिधी यांचेसह पदाधिकारी,शिवसैनिक यांची घुसमट होत असल्याचे अनेकवेळा स्पष्ट झाले. पक्षवाढीसाठी अनेक अडचणी निर्माण होत होत्या तसेच विकास कामांचा श्रेयवादही त्या-त्या मतदारसंघामध्ये उफाळून येत होता. त्यामुळे राज्याचे मुख्यमंत्री ना.एकनाथ शिंदे यांच्या नेत्वृवाखाली शिवसेना प्रमुख बाळासाहेब ठाकरे, वंदनीय आनंद दिघे यांचे कट्टर हिंदुत्वाचे विचार पुढे नेण्यासाठी उठाव झाला.या उठावात राज्यातील शिवसेनेचे सर्व पदाधिकारी,लोकप्रतिनिधी व शिवसैनिक मोठया प्रमाणांत सहभागी झाले.त्यानंतर महाराष्ट्र राज्यात मुख्यमंत्री ना.एकनाथ शिंदे यांच्या नेत्वृवाखाली नवे सरकार साकारले सरकार स्थापन झाल्यानंतर राज्यातून मोठ्या प्रमाणात मुख्यमंत्री ना.एकनाथ शिंदे यांच्या पाठीशी राज्यातील शिवसेनेचे अनेक लोकप्रतिनिधी,पदाधिकारी आणि शिवसैनिक यांनी पाठीशी ठाम राहून मंत्री एकनाथ शिंदे यांना समर्थन  दिले.

             या सर्व राजकीय घडामोडीत महत्वाचे कामगिरी बजवणारे आणि मुख्यमंत्री शिंदे यांच्या पाठीशी ठामपणे असणारे राज्याचे माजी गृहराज्यमंत्री व पाटण तालुक्याचे आमदार शंभूराज देसाई यांच्या मतदार संघातही मोठा उठाव झाला आहे. शिवसेनेचे आजी माजी पदाधिकारी स्थानिक स्वराज संस्था, सहकारी संस्थाचे लोकप्रतिनिधी  यामध्ये सरपंच, उपसपंच, चेअरमन,व्हा.चेअरमन,संचालक,जिल्हा परिषद,पंचायत समिती,नगरपंचायतीचे नगरसेवक आदी सदस्यांनी मुख्यमंत्री ना.एकनाथजी शिंदे व आमदार शंभूराज देसाई यांनी घेतलेल्या भूमिकेला जाहिर समर्थन देवून पाठिंबा व्यक्त केला आहे.               यामध्ये पाटण विधानसभा मतदार संघातील आमदार शंभूराज देसाई यांचे नेतृत्वाखालील‍ शिवसेना पक्षाचे 3 जिल्हा परिषद सदस्य, 6 पंचायत समिती सदस्य, ग्रामपंचायतींचे 141 सरपंच, 145 उपसरपंच आणि 880 सदस्य, तसेच नगरपंचायतीचे 2  सदस्य असे मिळूण एकूण 1177 स्थानिक संस्थांचे लोकप्रतिनिधी व पदाधिकारी यांनी जाहिर पाठिंबा व्यक्त केला आहे, तर सहकारी संस्थामधील विकास सेवा सोसायटी, सहकारी पाणी पुरवठा संस्था, सहकारी दुध संस्था, नागरी सहकारी पतसंस्था, सहकारी बॅंक,आणि सहकारी साखर कारखान्याचे पदाधिकारी यामधील  एकूण 124 चेअरमन, 123 व्हा.चेअरमन,आणि 1218 संचालक असे मिळूण 1465 सहकारी संस्थाचे लोकप्रतिनिधीं व पदाधिकारी यांनी असे मिळूण  पाटण मतदार संघातील स्थानिक स्वराज्य संस्था लोकप्रतिनिधी 1117 व सहकारी संस्था प्रतिनिधींनी 1465 असे एकत्रित 2642 लोकप्रतिनिधीं व पदाधिकारी यांनी मुख्यमंत्री ना.शिंदे  आणि आमदार शंभूराज देसाई यांना जाहीर समर्थन दिले आहे. दिवसेंदिवस राज्यातील शिवसैनिक पदाधिकारी यांचेकडून  मुख्यमंत्री ना.शिंदे  यांना मोठया प्रमाणांत मिळत असलेल्या समर्थनानंतर पाटण विधानसभा मतदार संघातूनही मुख्यमंत्री ना.शिंदे  आणि आमदार शंभूराज देसाई स्थानिक स्वराज्य संस्था व सहकारी संस्थांचे लोकप्रतिनिधी व पदाधिकारी यांनी जाहिर समर्थन दिले आहे.

लोकनेते बाळासाहेब देसाई सह.साखर कारखान्याचे संचालक मंडळाची निवडणूक बिनविरोध. नवनिर्वाचित संचालक मंडळामध्ये लोकनेते बाळासाहेब देसाई यांचे पणतू यशराज देसाई यांची दमदार एन्ट्री.

 

      

दौलतनगर दि.13:- पाटण तालुक्यातील लोकनेते बाळासाहेब देसाई सहकारी साखर साखर कारखान्याची सन 2022-23 ते 2026-27 या कालावधीतील पंचावार्षिक संचालक मंडळाची निवडणुक  अखेर बिनविरोध झाल्याचे शिक्कामोर्तब करण्यात आले असून यासंदर्भात निवडणूक निर्णय अधिकारी सुनील गाढे यांनी घोषणा केली. दरम्यान या निवडणुकीत आमदार शंभूराज देसाई आणि लोकनेते बाळासाहेब देसाई यांचे पणतू यशराज देसाई यांच्या सहीत १५ संचालकांची बिनविरोध निवड झाल्याचे स्पष्ट झाले.

दौलतनगर,ता. पाटण तालुक्यातील ऊस सभासद शेतकऱ्यांची अर्थवाहिनी समजली जाणारे लोकनेते बाळासाहेब देसाई सहकारी साखर कारखान्याच्या पंचवार्षिक निवडणुकीचा बिगुल ऐन पावसात वाजला होता. गत जून महिन्याचे  20 तारखेपासून उमेदवारी अर्ज सादर करण्यास सुरुवात झाली होती. दरम्यान या निवडणूकीसाठी ना.शंभूराज देसाई मार्गदर्शनाखाली युवा नेते यशराज देसाई यांनी या निवडणूकीची धुरा सांभाळली स्व.शिवाजीराव देसाई शेतकरी पॅनेलमधून 17 जागांसाठी अर्ज दाखल झाले होते.त्यानंतर  झालेल्या उमेदवारी अर्जांची छाननीत सर्व उमेदवारी अर्ज वैध ठरविण्यात आले. तर अर्ज माघार घेण्याच्या शेवटच्या दिवसापर्यंत स्व.शिवाजीराव देसाई शेतकरी पॅनेलचे 17 च अर्ज राहिल्यामुळे निवडणूक निर्णय अधिकारी सुनील गाढे यांनी ही निवडणूक बिनविरोध झाल्याचे जाहीर केले.

दरम्यान लोकनेते बाळासाहेब देसाई सहकारी साखर साखर कारखान्याची निवडणूक कार्यक्रम जाहिर झाल्यानंतर आमदार शंभूराज देसाई हे महाराष्ट्रामध्ये घडलेल्या राजकीय घडामोडींमुळे मतदारसंघामध्ये नव्हते.त्यांचे पश्चात आमदार शंभूराज देसाई यांचे मार्गदर्शनाखाली त्यांचे पुत्र यशराज देसाई यांनी कारखाना निवडणूकीची संपूर्ण धुरा आपल्या खांद्यावर घेऊन इच्छुक उमेदवारांच्या मुलाखतीपासून ते उमेदवारांच्या निवडीपर्यंत बारकाईने अभ्यास करत ही निवडणूक नुसतीच पार पाडली नाही तर बिनविरोध करण्यात त्यांना यश आले. यामध्ये यशराज देसाई यांनी पहिल्यापासून कारखाना कार्यक्षेत्रातील सभासदांचा विचार करुन आमदार शंभूराज देसाई यांच्या मार्गदर्शनाखाली स्व.शिवाजीराव देसाई शेतकरी पॅनेलमध्ये सर्वसमावेशक उमेदवार निवडले.यामध्ये ऊस उत्पादक सभासद प्रतिनिधींमधून आमदार शंभूराज शिवाजीराव देसाई,यशराज शंभूराज देसाई,अशोकराव अनंत पाटील,सोमनाथ हिंदुराव खामकर,प्रशांत व्यंकटराव पाटील,शशिकांत मोहनराव निकम,सर्जेराव लक्ष्मण जाधव,पांडूरंग आण्णासो नलवडे,प्रशांत राजाराम पाटील,सुनील शिवराम पानस्कर,बळीराम शंकर साळूंखे,महिला राखीव मधून सौ. दिपाली विश्वास पाटील,श्रीमती जयश्री रामचंद्र कवर तर अनुसुचित जाती जमाती गटातून विजय  मधुकर सरगडे , इतर मागासवर्गीय जागेसाठी शंकरराव गणपतराव पाटील, विमुक्त जाती-भटक्या जमातीमधून एका जागेसाठी भागुजी विठ्ठल शेळके तर सहकारी संस्था गटातून डॉ.दिलीपराव बापूराव चव्हाण हे बिनविरोध संचालक  झाले.
          दरम्यान लोकनेते बाळासाहेब देसाई सहकारी उद्योग व शिक्षण समुहाचे प्रमुख आ.शंभूराज देसाई यांचे मार्गदर्शनाखाली प्रथमच कारखान्याची पंचवार्षिक निवडणूक प्रथमच बिनविरोध झाली असून लोकनेते बाळासाहेब देसाई सहकारी साखर कारखान्याच्या निवडणूक  बिनविरोध  झालेबद्दल  कारखाना  कार्यक्षेत्रातील  सर्व  सभासद  शेतकरी, हितचिंतक, पदाधिकारी  व कार्यकर्ते यांचे लोकनेते बाळासाहेब देसाई उद्योग समुहाचे प्रमुख,माजी गृहराज्यमंत्री आमदार शंभूराज देसाई,युवा नेते यशराज देसाई यांचेसह नवनिर्वाचित संचालक मंडळाने जाहिर आभार मानले.

चौकट:-. योगायोग आणि बिनविरोध एन्ट्री..!

           स्व.शिवाजीराव देसाई (आबासाहेब) यांनी अत्यंत कठीण परिस्थितीमध्ये लोकनेते बाळासाहेब देसाई सहकारी साखर कारखाना उभा केला तो कर्जमुक्त करुन शेतकऱ्यांच्या सभासदांच्या मालकीचा केला.तद्नंतर लोकनेते बाळासाहेब देसाई सहकारी उद्योग व शिक्षण समुहाचे प्रमुख राज्याचे माजी गृहराज्यमंत्री  आमदार शंभूराज देसाई यांनी तालुक्यातील विरोधकांशी संघर्ष करत हा कारखाना नावारुपाला आणला. स्व.शिवाजीराव देसाई (आबासाहेब) यांचे  दि.12 जुलै रोजीचे पुण्यतिथी दिनी कारखाना निवडणूक बिनविरोध झाल्याचे निवडणूक निर्णय अधिकारी यांनी घोषीत केले.व याच दिवशी स्व.शिवाजीराव देसाई (आबासाहेब) यांचे  नातू युवा नेते यशराज देसाई यांची कारखान्याचे संचालक म्हणून दमदार अशी बिनविरोध एन्ट्री  झाल्याने हा अनोखा योगा-योग पुण्यतिथी दिवशी जुळून आला.

स्व.शिवाजीराव देसाई(आबासाहेब) यांचे 36व्या पुण्यतिथीनिमित्त मान्यवरांनी केले विनम्र अभिवादन.

               

दौलतनगर दि.12:लोकनेते बाळासाहेब देसाई सहकारी साखर कारखान्याचे संस्थापक चेअरमन स्व.शिवाजीराव देसाई (आबासाहेब) यांचा ३6 वा पुण्यतिथीनिमित्त युवा नेते मा.यशराज देसाई मोरणा शिक्षण संस्थेचे अध्यक्ष मा.रविराज देसाई, व कारखान्याचे संचालक,पदाधिकारी व कार्यकर्ते यांनी स्व.शिवाजीराव देसाई (आबासाहेब) यांचे पुर्णाकृती पुतळयास, समाधी स्थळावर पुष्पचक्र व महाराष्ट्र दौलत लोकनेते बाळासाहेब देसाई शताब्दी स्मारक दौलतनगर,ता.पाटण येथे प्रतिमेस पुष्पहार अर्पण करुन विनम्र अभिवादन करण्यात आले.

               लोकनेते बाळासाहेब देसाई सहकारी साखर कारखान्याचे संस्थापक चेअरमन स्व.शिवाजीराव देसाई (आबासाहेब) पुण्यतिथी कार्यक्रम दौलतनगर,ता.पाटण येथे प्रतिवर्षी साजरा करण्यात येतो. पुण्यतिथी निमीत्त प्रतिवर्षी तालुक्यातील गुणवंत विध्यार्थी विध्यार्थींनींचा सत्कार कार्यक्रम होत असतो, परंतु गत पाच दिवसांमध्ये तालुक्यामध्ये सुरु असलेल्या मुसळधार पावसामुळे स्व.शिवाजीराव देसाई यांचे पुण्यतिथी निमित्ताने आयोजित पाटण तालुक्यातील गुणवंत विद्यार्थ्यांचा सत्कार कार्यक्रम पुढे ढकलण्यात आला आहे. युवा नेते यशराज देसाई व मोरणा शिक्षण संस्थेचे अध्यक्ष रविराज देसाई यांनी आज स्व.शिवाजीराव देसाई (आबासाहेब) यांचा ३6 वा पुण्यतिथीनिमित्त कारखाना कार्यस्थळावरील लोकनेते बाळासाहेब देसाई, स्व.शिवाजीराव देसाई (आबासाहेब) यांचे पुर्णाकृती पुतळयास व समाधी स्थळावर पुष्पचक्र अपर्ण केलेनंतर,  महाराष्ट्र दौलत लोकनेते बाळासाहेब देसाई शताब्दी स्मारक दौलतनगर,ता.पाटण येथे स्व.शिवाजीराव देसाई (आबासाहेब) व कै.अरुणराव देसाई (काका) यांचे प्रतिमांचे पूजन करुन पुष्पहार अपर्ण करुन विनम्र अभिवादन केले. यावेळी अशोकराव पाटील,डॉ.दिलीपराव चव्हाण, राजाराम पाटील,ॲङडी.पी.जाधव,विजयराव जंबुरे,बबनराव भिसे,शशिकांत निकम,सोमनाथ खामकर,पांडूरंग नलवडे,संजय देशमुख,सुरेश पानस्कर,अभिजित पाटील,राजेंद्र गुरव,भागोजी शेळके,बळीराम साळूंखे,श्रीमती जयश्री कवर,सौ.दिपाली पाटील,सर्जेराव जाधव,शंकर शेजवळ,शंकरराव पाटील,विजय सरगडे,प्रशांत पाटील,विजयराव मोरे,जालंदर पाटील,विष्णू पवार,विजय शिंदे,बाळासो पाटील,नाना देसाई,अशोकराव डिगे,आनंदराव चव्हाण,सुनील पानस्कर,विश्वनाथ पानस्कर यांचेसह पदाधिकारी व कार्यकर्ते उपस्थित होते.

चौकट:-स्व.आबसाहेब यांचे पुण्यतिथीनिमित्त मा.गृहराज्यमंत्री आमदार शंभूराज देसाई यांनी मुंबई येथे केले विनम्र अभिवादन.

महाराष्ट्र राज्याचे मा.गृहराज्यमंत्री आमदार शंभूराज देसाई यांना कोरोनाची लागण झाली असल्याने ते मुंबई येथील सुरुची शासकीय निवासस्थान येथे गृहविलगीकरणामध्ये औषधोपचार घेत आहेत. स्व.शिवाजीराव देसाई (आबासाहेब) यांचे 36 व्या पुण्यतिथी निमित्त आमदार शंभूराज देसाई यांनी मुंबई येथील सुरुची शासकीय निवासस्थानामध्ये स्व.आबासाहेब यांचे प्रतिमेचे पूजन करुन प्रतिमेस पुष्पहार अर्पण करत त्यांना विनम्र अभिवादन केले.

चौकट:- स्व.आबासाहेब यांना पाटण तालुका कराड रहिवाशी मित्रमंडळाकडून अभिवादन.

स्व.शिवाजीराव देसाई (आबासाहेब) यांचे ३6 व्या पुण्यतिथी कार्यक्रमाच्या निमित्ताने प्रतिवर्षीप्रमाणे कराड येथे पाटण तालुक्यातील रहिवाशी असणा-या नागरीकांकरीता स्थापन केलेल्या पाटण तालुका कराड रहिवाशी मित्र मंडळाकडून शिवदौलत सहकारी बँक लि.मल्हारपेठच्या मलकापूर,ता.कराड येथील शाखेमध्ये स्व.शिवाजीराव देसाई (आबासाहेब) यांचे प्रतिमचे पूजन करुन पुष्पहार अर्पण करत विनम्र अभिवादन करण्यात आले आहे.

 

युवा नेते यशराज देसाई यांनी घेतली जितकरवाडीच्या तात्पुरते स्थलांतरीत कुटुंबीयांची भेट. तात्पुरते स्थलांतर केलेल्या जितकरवाडी येथील कुटुंबांची केली आस्थेवाईपने चौकशी.

 

  दौलतनगर दि. 12 :- गेल्या चार  ते पाच दिवसांपासून पाटण तालुक्यात मोठया प्रमाणांत अतिवृष्टी होत आहे.गतवर्षी माहे जुलैमध्ये झालेल्या अतिवृष्टीमुळे भूस्खलन होऊन धोकादायक स्थितीत असलेल्या जिंती  गावांतर्गत येणाऱ्या जितकरवाडीचे तात्पुरते स्थलांतर करण्यात आले होते.यंदाही अतिवृष्टीमुळे धोकादायक असलेल्या जितकरवाडी येथील कुटुंबांचे तालुका प्रशासनामार्फत मौजे जिंती येथील प्राथमिक शाळेमध्ये तात्पुरते स्थलांतर करण्यात आले.तात्पुरते स्थलांतरीत केलेल्या जितकरवाडी येथील कुटुंबियांना युवा नेते यशराज देसाई यांनी आज भेट देऊन या कुटुंबांची आस्थेवाईपणे विचारपूस केली.यावेळी उपविभागीय अधिकारी सुनील गाडे,तहसिलदार रमेश पाटील,मनोज मोहिते,नाना साबळे, जोतिराज काळे,प्रशांत घार्गे पंकज जानूगडे यांचेसह पदाधिकारी व कार्यकर्ते उपस्थित होते.

                प्रसिध्दीपत्रकांत पुढे म्हंटले आहे की, सध्या पाटण तालुक्यामध्ये मोठया प्रमाणांत अतिवृष्टी सुरु असून डोंगरी व दुर्गम भागामध्ये वसलेल्या गावांना दरड तसेच डोंगराचा कडा कोसळण्याचा संभाव्य धोका ओळखून तालुका प्रशासनाने वेळीच या धोकादायक स्थितीमध्ये असलेल्या गावांचे सुरक्षित स्थळी तात्पुरते स्थलांतर करण्यात येत आहे. गतवर्षी माहे जुलै महिन्यामध्ये झालेल्या अतिवृष्टीमध्ये तालुक्यातील डोंगरी  व दुर्गम भागात अनेक ठिकाणी भूस्खलन होऊन जिवीत व सार्वजनिक मालमत्तेची मोठया प्रमाणांत हानी झाली होती.यामध्ये जितकरवाडी येथेही भूस्खलन होऊन या गावातील कुटुंबांना स्थलांतरीत व्हावे लागले होते. चालुवर्षी ही गेले चार ते पाच दिवसापासून पाटण तालुक्यामध्ये सुरु असलेल्या मुसळधार पावसामुळे संभाव्य भूस्खलनाचा धोका लक्षात घेऊन जितकरवाडी येथील सुमारे 30 कुटुंबियांना तालुका प्रशासनाने जिंती येथील प्राथमिक शाळेमध्ये स्थलांतरीत केले.आज मंगळवारी पाटण तालुक्याचे युवा नेते यशराज देसाई यांनी जितकरवाडीच्या स्थलांतरीत कुटुंबियांची जिंती येथे जाऊन प्रत्यक्ष भेटून आस्थेवाईपणे विचारपूस केली.स्थलांतरीत केलेल्या ठिकाणी आवश्यक असणारे साहित्य लवकरच कार्यकर्त्यामार्फत पोहोच केले जाईल.तसेच आमदार शंभूराज देसाई हे जितकरवाडी गावच्या पुनर्वसनाचा प्रश्न तातडीने मार्गी लावण्यासाठी प्रयत्नशील असल्याचे सांगत स्थलांतरीत केलेल्या ठिकाणी काही सोयी-सुविधा अपुऱ्या आहेत का याची विचारणा त्यांनी  येथील कुटुंबियांना काही अडचणी असल्यास जरुर कळविण्याचे त्यांनी यावेळी जितकरवाडी ग्रामस्थांना सांगीतले.युवा नेते यशराज देसाई यांनी स्थलांतरीत कुटुंबियांची भेटून विचारपूस केल्याने जिंती व जितकरवाडी ग्रामस्थांमध्ये समाधानाचे वातावरण होते.

चौकट : आमदार शंभूराज देसाई यांचे सारखीच मा.यशराज देसाई यांची तत्परता.

कालच माजी गृहराज्यमंत्री आमदार शंभूराज देसाई यांची कोरोना टेस्ट पॉझीटीव्ह आल्याने ते गृहविलगीकरणामध्ये सुरुची शासकीय निवासस्थान मुंबई येथे आवश्यक ते औषधोपार घेत असल्याने अतिवृष्टी असूनही तालुक्यामध्ये येता आले नाही.याऊलट गतवर्षी अतिवृष्टीच्या कालावधीमध्ये आमदार शंभूराज देसाई यांनी पायाला भिंगरी लावून अतिवृष्टी  बाधित गावांचे दौरे करुन तातडीने  उपाय योजना केल्या होत्या.तर आज स्व.शिवाजीराव देसाई यांचा नियोजित पुण्यतिथी कार्यक्रम असतानाही युवा नेते यशराज देसाई यांनी प्रथम ढेबेवाडी विभागाचा दौरा करत जितकरवाडी येथील स्थलांतरीत कुटुंबियांची  भेट घेऊन त्यांची विचारपूस केली.नंतर ते पुढील कार्यक्रमासाठी निघून आले.यावरुन आमदार शंभूराज देसाई यांचे सारखीच मा.यशराज देसाई यांची तत्परता असल्याचे आज ‍दिसून आले. 

शिवशाही सरपंच संघाकडून आयोजित स्व.शिवाजीराव देसाई शिवशाही आदर्श ग्राम व आदर्श सरपंच स्पर्धा पुढे ढकलली.

 

दौलतनगर दि.08 :- दि. 12 जुलै,2022 रोजी शिवशाही सरपंच संघाचा प्रथम वर्धापन दिन असून या वर्धापन दिनानिमित्त गृहराज्यमंत्री ना.शंभूराज देसाई यांचे मार्गदर्शनाखाली युवा नेते यशराज देसाई यांचे संकल्पनेतून पाटण विधानसभा मतदारसंघातील सर्व पातळीवर चांगले काम करणाऱ्या पहिल्या तीन ग्रामपंचायतींना स्व.शिवाजीराव देसाई शिवशाही आदर्श ग्राम पुरस्कार व पहिल्या तीन सरपंचांना "स्व.शिवाजीराव देसाई शिवशाही आदर्श सरपंच पुरस्कार"  स्व.शिवजीराव देसाई (आबासाहेब) यांचे दि. 12 जुलै रोजीचे पुण्यतिथी व शिवशाही सरपंच संघाच्या वर्धापन दिन कार्यक्रमप्रसंगी मा.गृहराज्यमंत्री आमदार शंभूराज देसाई यांचे शुभहस्ते देण्याचे नियोजित होते.परंतु पाटण विधानसभा मतदार संघात गत पाच दिवसापासून पावसाचे प्रमाण वाढले असून पुढील पाच दिवसमध्ये पावसाचा रेड अलर्ट हवामान खात्यामार्फत दिल्यामुळे ही स्पर्धा पुढे ढकलण्यात आली असून, मतदारसंघामध्ये पावसाचे प्रमाण कमी झाल्यानंतर स्पर्धेचे नियोजन करण्यात येणार असल्याची माहिती शिवशाही सरपंच संघाचे अध्यक्ष विजय शिंदे व शिवशाही सरपंच संघाचेवतीने प्रसिध्दीपत्रकांत दिली आहे.

             प्रसिध्दीपत्रकांत पुढे म्हंटले आहे की, लोकनेते बाळासाहेब देसाई सहकारी साखर कारखान्याचे संस्थापक चेअरमन स्व.शिवाजीराव देसाई (आबासाहेब) यांचे दि. 12 जुलै,2021 रोजीचे पुण्यतिथी दिवशी महाराष्ट्र राज्याचे मा.गृहराज्यमंत्री आ.शंभूराज देसाई यांचे मार्गदर्शनाखाली शिवशाही सरंपच संघ पाटण विधानसभा या सरपंच संघाची स्थापना करण्यात आली.यंदा दि. 12 जुलै,2022 रोजी शिवशाही सरपंच संघाचा प्रथम वर्धापन दिन असून या वर्धापन दिनानिमित्त मा.गृहराज्यमंत्री आ.शंभूराज देसाई यांचे मार्गदर्शनाखाली युवा नेते यशराज देसाई यांचे संकल्पनेतून पाटण विधानसभा मतदारसंघातील सर्व पातळीवर चांगले काम करणाऱ्या पहिल्या तीन ग्रामपंचायतींना स्व.शिवाजीराव देसाई शिवशाही आदर्श ग्राम पुरस्कार व पहिल्या तीन सरपंचांना "स्व.शिवाजीराव देसाई शिवशाही आदर्श सरपंच पुरस्कार" स्व.शिवजीराव देसाई (आबासाहेब) यांचे दि. 12 जुलै रोजीचे पुण्यतिथी व शिवशाही सरपंच संघाच्या वर्धापन दिन कार्यक्रमप्रसंगी मा.गृहराज्यमंत्री आमदार शंभूराज देसाई यांचे शुभहस्ते देण्याचे नियोजन केले होते.परंतु गेल्या पाच दिवसांमध्ये मतदारसंघामध्ये पाऊस मोठ्या प्रमाणात सुरु झाला आहे. त्यामुळे या स्पर्धेमध्ये सहभाग घेतलेल्या ग्रामपंचायतींना तसेच सरपंच यांना स्पर्धेकरीता असलेले नियमांचे अंमलबजावणी करण्याकरीता अडचणी  येत आहेत. तसेच या स्पर्धेकरीता शासकीय अधिकाऱ्यांची निवड समिती असून सध्या मतदारसंघात आपत्कालीन परिस्थितीला सामोरे जाण्याकरीता करावयाच्या उपाय योजनांचे अंमलबजावणीमध्ये सर्व शासकीय अधिकारी काम करत आहेत. त्यामुळे ही स्पर्धा तुर्त पुढे ढकलण्यात आली असून मतदारसंघामध्ये पावसाचे प्रमाण कमी झाल्यानंतर या स्पर्धेचे नियोजन करण्यात येणार असल्याची माहिती शिवशाही सरपंच संघाचे अध्यक्ष विजय शिंदे व शिवशाही सरपंच संघाचेवतीने प्रसिध्दीपत्रकांत दिली आहे.

स्व.शिवाजीराव देसाई (आबासाहेब) यांचे ३6 व्या पुण्यतिथीनिमित्त दौलतनगर येथे १२ जुलै रोजी गुणवंत विद्यार्थ्यांचा सत्कार.

 

दौलतनगर दि. ०8:लोकनेते बाळासाहेब देसाई सहकारी साखर कारखान्याचे संस्थापक चेअरमन स्व.शिवाजीराव देसाई (आबासाहेब) यांचा ३6 वा पुण्यतिथी कार्यक्रम प्रतिवर्षाप्रमाणे मंगळवार दि.१२ जुलै,२०22 रोजी सकाळी १०.०० वा. लोकनेते बाळासाहेब देसाई सहकारी उद्योग व शिक्षण समुहाच्या वतीने महाराष्ट्र दौलत लोकनेते बाळासाहेब देसाई शताब्दी स्मारक, दौलतनगर ता.पाटण येथे विविध कार्यक्रमांनी साजरा करण्यात येणार असून स्व.शिवाजीराव देसाई यांचे पुण्यतिथीनिमित्ताने प्रतिवर्षाप्रमाणे पाटण तालुक्यातील गुणवंत विद्यार्थ्यांचा सत्कार कार्यक्रम लोकनेते बाळासाहेब देसाई सहकारी उद्योग व शिक्षण समुहाचे मार्गदर्शक,महाराष्ट्र राज्याचे माजी गृहराज्यमंत्री, आमदार शंभूराज देसाई यांचे अध्यक्षतेखाली व मोरणा शिक्षण संस्थेचे अध्यक्ष रविराज देसाई, युवा नेते यशराज देसाई यांचे प्रमुख उपस्थितीत संपन्न होणार असल्याची माहिती लोकनेते बाळासाहेब देसाई सहकारी उद्योग व शिक्षण समुहाच्यावतीने प्रसिध्दीपत्रकाव्दारे दिली आहे.

            दौलतनगर ता.पाटण येथील लोकनेते बाळासाहेब देसाई सहकारी उद्योग व शिक्षण समुहाच्या वतीने कारखान्याचे संस्थापक चेअरमन स्व.शिवाजीराव देसाई (आबासाहेब) यांचा पुण्यतिथी कार्यक्रम प्रतिवर्षी कारखाना कार्यस्थळावर साजरा करण्यात येतो.प्रतिवर्षाप्रमाणे यंदाच्या वर्षी स्व.शिवाजीराव देसाई (आबासाहेब) यांचा ३6 वा पुण्यतिथी कार्यक्रम मंगळवार दि.१२ जुलै, २०22 रोजी सकाळी १०.०० वा.दौलतनगर ता.पाटण येथे आयोजीत केला आहे. स्व.शिवाजीराव देसाई यांचे पुण्यतिथीनिमित्ताने स्व.शिवाजीराव देसाई (आबासाहेब) यांचे पुर्णाकृती पुतळयासमोर भजनाचा कार्यक्रम होणार असून या कार्यक्रमानंतर सकाळी १०.०० वा. महाराष्ट्र राज्याचे माजी गृहराज्यमंत्री,आमदार शंभूराज देसाई, मोरणा शिक्षण संस्थेचे अध्यक्ष रविराज देसाई(दादा) व युवा नेते मा.यशराज देसाई(दादा) यांचे प्रमुख उपस्थितीत लोकनेते बाळासाहेब देसाई यांचे पुर्णाकृती पुतळयास व स्व.शिवाजीराव देसाई (आबासाहेब) यांचे समाधी व पुर्णाकृती पुतळयास पुष्पाजंली अर्पण करुन विनम्र अभिवादन करण्यात येणार आहे. प्रतिवर्षाप्रमाणे पाटण तालुक्यातील माध्यमिक व उच्च माध्यमिक शालांत प्रमाणपत्र परीक्षेतील प्रत्येक केंद्रात प्रथम, व्दितीय व तृतीय क्रमांकाने उत्तीर्ण झालेल्या गुणवंत विद्यार्थ्यांना बक्षीस, प्रशस्तीपत्रक व गौरवचिन्ह देवून या विद्यार्थ्यांचा सत्कार आणि पाटण तालुक्यातील मुकबधीर विद्यार्थ्यांना शालेय गणवेश वाटप कार्यक्रम आमदार शंभूराज देसाई यांचे अध्यक्षतेखाली होणार आहे. या कार्यक्रमास कारखान्याचे सभासद, हितचिंतक, पालकवर्ग,विद्यार्थी व कार्यकर्ते या सर्वांनी सकाळी १०.०० वा महाराष्ट्र दौलत लोकनेते बाळासाहेब देसाई शताब्दी स्मारक,दौलतनगर ता.पाटण येथे मोठया संख्येने उपस्थित रहावे असे आवाहनही कारखान्याचे चेअरमन अशोकराव पाटील यांनी पत्रकात केले आहे.

          चौकट:- 12 जुलैला पाटण तालुका कराड रहिवाशी मित्रमंडळाचा कराडला दहावा वर्धापन दिन कार्यक्रम.

स्व.शिवाजीराव देसाई (आबासाहेब) यांचे ३6 व्या पुण्यतिथी कार्यक्रमाच्या निमित्ताने प्रतिवर्षाप्रमाणे पुण्यतिथी कार्यक्रम व कराड येथे पाटण तालुक्यातील रहिवाशी असणा-या नागरीकांकरीता स्थापन केलेल्या पाटण तालुका मित्रमंडळाचा दहावा वर्धापन दिन व गुणवंत पाल्य पुरस्कार सोहळा असा संयुक्त कार्यक्रम मा.गृहराज्यमंत्री आमदार शंभूराज देसाई यांच्या शुभहस्ते व मोरणा शिक्षण संस्थेचे अध्यक्ष रविराज देसाई,युवा नेते मा.यशराज देसाई यांच्या प्रमुख उपस्थितीत गुरुवार 12 जुलै,2022 रोजी प्रतिवर्षाप्रमाणे सायं.05 वा.अक्षता मंगल कार्यालय, मलकापूर,कराड या ठिकाणी आयोजित करण्यात आला आहे.तरी पाटण तालुका कराड रहिवाशी यांनी सन 2022 मध्ये इयत्ता 05 वी ते पदवी परिक्षेत किमान 70 टक्के पेक्षा जास्त गुण मिळविणाऱ्या विद्यार्थ्यांच्या नावांची नोंदणी शिवदौलत सहकारी बँक शाखा मलकापूर तसेच पाटण तालुका कराड रहिवाशी मित्र मंडळ कार्यालय,सहकार भवन,पहिला मजला,जनता बझार शेजारी,कराड येथे करावी,असे आवाहन कराड रहिवाशी मित्र मंडळाकडून करण्यात आले आहे.

आपत्तीच्या काळात तालुका प्रशासनाने कोणताही हलगर्जीपणा करु नये. आमदार शंभूराज देसाई यांच्या तालुकास्तरीय अधिकाऱ्यांना बैठकीमध्ये सूचना.

 

दौलतनगर दि.07 :- आपला पाटण विधानसभा मतदारसंघ हा डोंगरी व दुर्गम भाग असून प्रतिवर्षी येथे मोठया प्रमाणांत अतिवृष्टी होते. त्यामुळे पाटण विधानसभा मतदारसंघातील जनतेला  प्रतिवर्षी अतिवृष्टीच्या काळात आपत्तीचा सामना करावा लागतो. आपत्ती आलेनंतर तातडीने करावयाच्या उपाययोजना करणेकरीता आपत्तीच्या काळात तालुका प्रशासनाने कोणताही हलगर्जीपणा करु नये,जागृत रहावे, अश्या सुचना माजी गृह राज्यमंत्री, आमदार शंभूराज देसाई यांनी सर्व तालुकास्तरीय अधिकाऱ्यांना दिल्या.

                दौलतनगर ता.पाटण येथे आमदार शंभूराज देसाई यांचे अध्यक्षतेखाली महाराष्ट्र दौलत लोकनेते बाळासाहेब देसाई शताब्दी स्मारक येथे आपत्ती व्यवस्थापन व प्राथमिक नियोजनासंदर्भात तालुका प्रशासनाची बैठक आयोजीत करण्यात आली होती याप्रसंगी ते बोलत होते.यावेळी उपविभागीय अधिकारी सुनील गाडे,कराडचे उत्तम दिघे, उपविभागीय पोलीस अधिकारी विवेक लावंड, कराडचे डॉ.रणजित पाटील, तहसिलदार रमेश पाटील,गट विकास अधिकारी शेलार,कराडच्या मीना साळूंखे, मराविमचे शिंदे,आदमाने,सार्वजनिक बांधकाम विभागाचे अजित पाटील,विद्याधर शिंदे,चौधरी,जिल्हा परिषद बांधकामचे संदिप पाटील,पाणी पुरवठा विभागाचे उपअभियंता बसुगडे यांचेसह सर्व विभागाचे शासकीय अधिकारी उपस्थित होते.

                याप्रसंगी आमदार शंभूराज देसाई पुढे म्हणाले की, गेली दोन ते तीन दिवस पाटण तालुक्यामध्ये पावसाचे प्रमाण वाढले असून तालुक्यातील विशेषत: सार्वजनिक बांधकाम विभाग व जिल्हा परिषद बांधकाम विभागाने अतिवृष्टीच्या काळात रस्ता बंद होऊन दळणवळणाचा प्रश्न निर्माण होणार नाही याची दक्षता घ्यावी.जेसीबी मशीन व पोकलॅन मशीन उपलब्ध कराव्यात व आपली यंत्रणा सतर्क ठेवावी. गट शिक्षण अधिकारी यांनी प्राथमिक शाळांचे पाहणी करुन आपत्तीकाळात प्राथमिक शाळेतील विद्यार्थी यांची गैरसोय होणार नाही याची काळजी घ्यावी. तसेच तात्पुरता निवा-याकरीता शाळा सुस्थितीत आहेत का ते पहावे असे सांगितले. कोयना धरण व्यवस्थापनाच्या अधिका-यांकडून मान्सुन काळात पडणा-या पावसामुळे कोयना धरणात होणा-या पाणीसाठयासंदर्भात सविस्तर माहिती घेवून कोयना धरण व्यवस्थापनाने योग्य नियोजन करावे असे सांगत, कोयना नदीच्या पाणी पातळीमध्ये वाढ होत आहे. त्यामुळे पाटण तालुक्यातील कोयना नदीकाठच्या गावांनी अतिवृष्टीच्या काळात सतर्क रहावे. आरोग्य विभागाने प्राथमिक आरोग्य केंद्र, उपकेंद्र,ग्रामीण रुग्णालय याठिकाणी औषधसाठा किती उपलब्ध आहे याची माहिती घेऊन.  आरोग्य विभागाने व प्राथमिक आरोग्य केंद्रातील वैद्यकीय अधिकारी यांनी योग्य नियोजन करावे.आपत्ती काळात रुग्णवाहिकेची व्यवस्था तात्काळ कशी होईल याची दक्षता घ्यावी असे सांगून, विद्युत विभागाने आपत्कालीन टिम तयार करुन दक्ष आणि जागृत राहून वि्द्युत पुरवठा सुरळीत कसा राहिल याची दक्षता घ्यावी.  तसेच पाणी पुरवठा विभागाने अतिवृष्टीच्या दरम्यान  नदीकाठचे व डोंगरभागातील पिण्याच्या पाण्याचे उदभव  व विहीरी पाण्याखाली गेल्यास टॅकरची व्यवस्था करुन पाणी पुरवठा करावा. तसेच पाटणमधील अतिक्रमणामुळे उदभवणा-या विशेषत: पाटण बसस्थान परिसरातील पुरस्थितीबाबत योग्य ती कार्यवाही करण्याच्या सुचना पाटण नगरपंचायतीचे मुख्याधिकारी यांना केल्या, दरम्यान गेल्या वर्षी याच जुलै महिन्यातील ढगफुटीसदृश्य झालेल्या अतिवृष्टीमुळे अनेक अडचणींचा सामना करावा लागला होता.विशेषत: भूस्खलन झालेल्या अनेक गावांतील वाडीवस्त्यांवरील कुटुंबांना सुरक्षित ठिकाणी स्थलांतरीत करावे लागले होते. त्यामुळे तालुक्यातील प्रत्येक विभागातील तालुकास्तरीय अधिकारी यांनी सतर्क राहण्याच्या सुचना शेवटी केल्या.

चौकट :- तालुकास्तरीय अधिकारी यांनी 24 तास अलर्ट रहावे आमदार शंभूराज देसाई

पाटण विधानसभा मतदारसंघामध्ये प्रतिवर्षी मोठया प्रमाणांत अतिवृष्टी होते.अतिवृष्टीमध्ये स्थानिक नागरिकांची होणारी गैरसोय टाळण्यासाठी उपविभागीय अधिकारी, तहसिलदार व उपविभागीय पोलीस अधिकारी यांचेसह सर्व विभागाच्या प्रमुख अधिकारी यांनी आपत्ती काळात अलर्ट  रहावे. तहसिल कार्यालय येथील आपत्कालीन व्यवस्थापन कक्ष २४ तास अलर्ट ठेवून आपत्कालीन व्यवस्थापन कक्षाच्या माध्यमातून तालुक्यात आपत्ती काळात अडचण निर्माण झाल्यास तात्काळ आपत्कालीन नागरीकांना मदत करावी अशा सुचनाआमदार शंभूराज देसाई यांनी अधिकाऱ्यांना केल्या.

 

आमदार शंभूराज देसाई यांचे पाटण मतदारसंघात जल्लोषी स्वागत आम्ही शिवसेनेतच अन आम्ही शिवसैनिकच..! आमदार शंभूराज देसाई

 

 

  दौलतनगर दि.06 :-राज्यातील नव्या राजकीय घडामोडीनंतर या घडामोडीत प्रमुख असणारे राज्याचे माजी गृहराज्यमंत्री आमदार शंभूराज देसाई तब्बल १५ दिवसानंतर आपल्या मतदारसंघात आगमन होताच शिवसेनेच्या कार्यकर्त्यांनी मोठ्या जल्लोषात आमदार शंभूराज देसाई यांचे स्वागत केले.दरम्यान आम्ही शिवसैनिक होतो आणि आजही शिवसैनिक असून शिवसेना पक्षातच आहे मात्र आघाडी शासनात तोंड दाबून बुक्क्यांचा मार आजपर्यंत आम्ही सहन करीत होतो त्यातून सुटका करण्यासाठी हा ऐतिहासिक निर्णय घेतला असे प्रतिपादन आमदार शंभूराज देसाई यांनी केले.

                 गेल्या दोन ते तीन आठवडयामध्ये महाराष्ट्र राज्याच्या राजकारणामध्ये अनेक मोठया घडामोडी घडल्यानंतर प्रथमच ते मतदारसंघामध्ये आल्यानंतर ते दौलतनगर,ता.पाटण येथे कार्यकर्त्यांशी संवाद साधताना बोलत होते.यावेळी मोरणा शिक्षण संस्थेचे अध्यक्ष रविराज देसाई,युवा नेते यशराज देसाई,अशोकराव पाटील,विजय पवार,संतोष गिरी,सुरेश पानस्कर,विजय शिंदे,विजय जंबुरे,बबनराव भिसे,प्रकाश जाधव,भागुजी शेळके,नथूराम सावंत,प्रदिप पाटील,बबनराव शिंदे,राजाराम पाटील,माणिक पवार,विजय पवार,भरत साळूंखे, अभिजित पाटील,पांडूरंग नलवडे,गणेश भिसे,बशीर खेांदू,नथूराम कुंभार,शशिकांत निकम,शिवाजीराव शेवाळे,मनोज मोहिते,नाना साबळे, नारायण कारंडे,पंजाबराव देसाई यांचेसह पदाधिकारी व कार्यकर्ते उपस्थित होते. पाटण मतदारसंघामध्ये त्यांचे पदाधिकारी व कार्यकर्ते यांचेकडून काशिळपासून मतदारसंघात ठिक ठिकाणी जंगी स्वागत करण्यात येऊन त्यांनी घेतलेल्या भूमिकेचे समर्थ करण्यात आले.

              आमदार देसाई पुढे म्हणाले,आम्ही शिवसेना कधीही सोडणार नाही आणि सोडली नाही.मात्र अडीच वर्षाच्या महाविकास आघाडीच्या काळात जो अनुभव आला तो न सांगण्यासारखा आहे.आम्ही शिवसेनेचे पश्चिम महाराष्ट्रातील नेते,मंत्रिमंडळातील महत्वाच्या पाच खात्यांचा राज्यमंत्री असून ही आमच्या पश्चिम महाराष्ट्रातील शिवसेनेच्या समस्या,प्रश्न व्यथा आम्हाला सोडविता आल्या नाहीत. शिवसेना आमदारांचे प्रश्न नेमक्या कुणाकडे मांडायचे?या  असा प्रश्न निर्माण होत राहिला.आम्ही मंजूर करून आणलेल्या विकासकामांचे उदघाटन घटकपक्षाचे पदाधिकारी करू लागले,यासंदर्भात वेळोवेळी पालकमंत्र्यांकडे गाऱ्हाणी मांडली तरीही त्याकडे दुर्लक्ष करण्यात आले.काँग्रेस राष्ट्रवादी ला दुखवू नका असे सांगण्यात आले त्यामुळे शिवसेनेला बाजूला ठेवून राष्ट्रवादीच सरकार चालवित असल्याचे निदर्शनास आले. परिणामी  सत्ताधारी पक्षात असून ही तोंड धरून बुक्क्यांचा मार सहन करीत केवळ कव्हरिंग लेटर जोडून पोस्टमन चे काम करावे लागले. मात्र यामधून कार्यवाही काही झाली नाही,असे स्पष्ट करून आमदार देसाई म्हणाले, कोणताही आमदार,मंत्री  सत्ताधारी पक्ष सोडून विरोधी पक्षात कधी जात नाही. मात्र या सर्व बाबीला वाचा फोडण्यासाठी शिवसेनेतून उठाव करण्यासाठी स्वतःच्या आमदारकी,मंत्रिपदे बाजूला ठेवून तब्बल ४०आमदारांना हे धाडस केवळ  शिवसेना पक्ष वाचविण्यासाठी आणि सर्वसामान्य जनतेच्या कल्याणासाठी करावे लागले.त्यामुळे ही बंडखोरी नाही,गद्दारी नाही,बंड नाही हा तर शिवसेना पक्षांतर्गत झालेला ऐतिहासिक उठाव असल्याचे त्यांनी स्पष्ट केले.दरम्यान २०१९ च्या विधानसभा निवडणुकीत  भाजप शिवसेनेच्या महायुतीच्या माध्यमातूनच आपण निवडून आलो होतो त्यामुळे सध्या झालेले सरकार ही भाजप शिवसेना या महायुतीचेच असून स्वर्गीय बाळासाहेब ठाकरे,धर्मवीर आनंद दिघे यांच्या स्वप्नातील महाराष्ट्र घडविण्यासाठी मुख्यमंत्री एकनाथ शिंदे व उपमुख्यमंत्री देवेंद्र फडणवीस यांच्या नेतृत्वाखालील राज्यात शिवसेना-भाजप युतीचे सरकार राज्याला निश्चितपणाने न्याय देईल,तसेच पाटण मतदार संघात यापूर्वी जेवढा विकास निधी आणला त्यापेक्षा दुप्पट विकासनिधी आणून पाटण मतदार संघ संपूर्ण पश्चिम महाराष्ट्रात आदर्श मतदारसंघ करण्यासाठी आपण प्रयत्नशील राहणार असल्याची ग्वाही ही आमदार देसाई यांनी शेवटी दिली. तत्पुर्वी दौलतनगर,ता.पाटण येथील त्यांचे निवासस्थानी मतदारसंघातील पदाधिकारी व कार्यकर्ते हितचिंतक यांनी सकाळपासूनच मोठी गर्दी करत आमदार शंभूराज देसाई यांनी घेतलेल्या भूमिकेचे जाहिर समर्थन केले.

चौकट : संजय राऊताना टोला..!

             लांब लचक बोलणारे आणि दररोज सकाळी आणि संध्याकाळी टीव्हीवर येणाऱ्या आमच्या नेत्यांमुळेच  शिवसेना पक्ष कुणाच्या तरी दावणीला बांधला जातोय हे वारंवार निदर्शनास आणून देऊन ही त्यांकडे दुर्लक्ष केल्याने आमच्यासारख्या शिवसैनिकांना सहन झाले नाही तेव्हा हा ऐतिहासिक उठाव केला असे शिवसेना खासदार संजय राऊत यांचे नाव न घेता त्यांना आमदार शंभूराज देसाई यांनी टोला लगावला.

चौकट:देसाई घराणे इनाम विकणारे नाही..!

                   बंडखोर आमदारांनी पैशासाठी इनाम विकले असल्याच्या चर्चा व्हायरल झाल्याचे
काही माध्यमांतून निदर्शनास आले. मात्र कोणत्याही बंडखोर आमदाराने कुणाकडून ही एक पैसा ही घेतला नाही. हा पक्षांतर्गत उठाव होता .देसाई घराणे हे तर गेल्या तीन पिढ्यापासून आपण पाहत आहात.देसाई घराण्याने सामाजिक बांधिलकीतून खूप काही कमवले आहे. त्यामुळे देसाई घराणे कदापी आपले इनाम विकणार नाही, असा विश्वास त्यांनी व्यक्त करताच कार्यकर्त्यांनी टाळ्यांचा एकच गजर केला.