खळे - काढणे विभागातील संपुर्ण वाडयांची रस्त्यांची कामे पुर्णत्वाकडे- आमदार शंभूराज देसाई.

          दौलतनगर दि.०१:- 2014 च्या विधानसभा निवडणूकीत मी मते मागायला आल्यानंतर मतदारांना दिलेल्या आश्वासनांची या तालुक्याचा आमदार म्हणून मी पुर्तता केली आहे व करीत आहे.आज खळे व काढणे या विभागातील संपुर्ण वाडयांची रस्त्याची असणारी कामे पुर्णत्वाकडे गेली आहेत.काजारवाडीचा रस्ता शिल्लक राहिला होता त्याकरीता २० लक्ष रुपयांचा निधी मंजुर करुन दिल्यानंतर या विभागातील एकही वाडी रस्त्यावाचून वंचीत राहत नाही याचा आनंद वाटत असल्याचे प्रतिपादन आमदार शंभूराज देसाईंनी केले.

                             काजारवाडी (खळे) ता.पाटण येथे आमदार शंभूराज देसाई यांचे प्रयत्नातून जिल्हा नियोजन समितीमधून १० लक्ष रुपयांच्या निधीच्या कामांचे भूमिपुजन आमदार शंभूराज देसाईंचे हस्ते करण्यात आले.याप्रसंगी ते बोलत होते.यावेळी मोरणा शिक्षण संस्थेचे अध्यक्ष रविराज देसाई,लोकनेते बाळासाहेब देसाई कारखान्याचे माजी चेअरमन डॉ.दिलीपराव चव्हाण,जिल्हा परिषद सदस्य आशिष आचरे,पंचायत समितीचे गटनेते पंजाबराव देसाई, पंचायत समिती सदस्या सौ.सिमा मोरे,शिवदौलत बँकेचे संचालक नेताजीराव मोरे,मधूकर पाटील,महादेव पानवळ खळे सरपंच संदीप टोळे, नामदेव पाटील, सरपंच सौ.अश्विनी डुबल, उपसरंपच सौ. सारीका काजारी, नंदकुमार काजारी, विनायक डुबल आदी मान्यवरांची उपस्थिती होती.

                          याप्रसंगी बोलताना आमदार शंभूराज देसाई म्हणाले,खळे ते शिद्रुकवाडी आणि शिद्रुकवाडी ते काढणे या रस्त्याची २०१४ पुर्वी काय अवस्था होती. २०१४ च्या विधानसभा निवडणूकीत मी या विभागातील जनतेला दिलेल्या आश्वासनानुसार युतीच्या राज्य शासनाने नव्याने सुरु केलेल्या मुख्यमंत्री ग्रामसडक योजनेमधून सुमारे ४ कोटी रुपयांचा निधी मंजुर करीत खळे ते शिद्रुकवाडी आणि शिद्रुकवाडी ते काढणे या दोन्ही रस्त्याचे काम पुर्ण करुन घेतले. काजारवाडीचा रस्ता शिल्लक राहिला होता त्याकरीता जिल्हा नियोजन समितीमधून १० लक्ष रुपयांचा निधी मंजुर करुन दिला आज त्याचे भूमिपुजन होत आहे.तर कोयना भूकंप पुर्नवसन निधी समितीमधूनही या कामाकरीता १० लक्ष रुपयांचा निधी मंजुर झाला आहे.स्थानिक पातळीवर याचे भूमिपुजन करुन याही रस्त्याच्या कामांस सुरुवात करावी. एकूण २० लक्ष रुपयांचा निधीतून हे संपुर्ण काम पुर्ण होणार आहे. तर शिद्रुकवाडी ते डुबलवाडी या रस्त्याच्या कामांकरीताही कोयना भूकंप पुर्नवसन निधी समितीमधून १५ लक्ष रुपयांचा निधी मंजुर केला आहे. हे दोन्ही रस्ते झालेनंतर खळे व काढणे या विभागातील संपुर्ण वाडयांची रस्त्यांची कामे पुर्णत्वाकडे जात आहेत.विकासापासून अनेक वर्षे वंचीत राहिलेल्या मतदारसंघातील छोटया छोटया वाडयावस्त्यांनाही शासनाच्या विविध योजनेमधून निधी देवून या वाडयांचा विकास करण्याचे काम आपण केले आहे. आपल्या गावाचा,वाडयावस्त्यांचा विकास करणाऱ्या नेतृत्वाच्या पाठीशी मतदारसंघातील जनता यामुळेच तर ठाम आहे याचा आनंद आहे. असे सांगत त्यांनी विरोधकांच्या भूलथापांना बळी न पडता मतदारसंघातील जनतेने त्यांच्या गावामध्ये या चार वर्षात झालेल्या विविध विकास कामाच्या माध्यमातून येणाऱ्या 2019 चा आमदार निवडावा. विरोधकांना मते मागायला आल्यानंतर गेल्या चार वर्षात जनतेला त्यांनी काय दिले याचा जाब विचारावा असे आवाहनही त्यांनी शेवठी बोलताना केले. यावेळी डॉ.दिलीपराव चव्हाण यांनी मनोगत व्यक्त केले. खळे,काजारवाडी, शिद्रुकवाडी व डुबलवाडी येथील नागरिक मोठया संख्येने उपस्थित होते. उपस्थितांचे स्वागत व प्रास्ताविक माजी सरपंच महादेव जाधव यांनी केले.

कोयना भूकंप पुनर्वसन निधी समितीकडून पाटण मतदारसंघातील 39 गावांना ०३ कोटी ५३ लाख रुपयांचा निधी मंजूर. आमदार शंभूराज देसाई.

­­

          दौलतनगर दि.३१:- पाटण विधानसभा मतदारसंघातील विविध गावांतील अंतर्गत रस्ते,पोहोच रस्ते,सभामंडप इत्यादी विविध विकास कामांकरीता सन २०१८-१९  या आर्थिक वर्षामध्ये कोयना भूकंप पुनर्वसन निधी समिती न्यासाकडून ३ कोटी ५३ लाख रुपयांचा निधी मंजूर केला असल्याची माहिती आमदार शंभूराज देसाई यांनी प्रसिध्दीपत्रकाव्दारे दिली आहे.

          प्रसिध्दीस दिलेल्या पत्रकांत त्यांनी म्हंटले आहे,पाटण विधानसभा मतदारसंघातील ३९ गावांतील अंतर्गत रस्ते,पोहोच रस्ते,सभामंडप इत्यादी विविध विकासकामांकरीता सन २०१८-१९ या आर्थिक वर्षामध्ये कोयना भूकंप पुनर्वसन निधी समिती न्यासाकडे निधी मंजूर होणेकरीता दि.०३.१०.२०१८ रोजीचे पत्रानुसार मागणी केलेली होती. त्यानुसार सन २०१८-१९ या आर्थिक वर्षासाठी मुख्यमंत्री ना.देवेंद्र फडणवीस अध्यक्ष असणाऱ्या कोयना भूकंप पुनर्वसन निधी समिती न्यासाकडून पाटण विधानसभा मतदारसंघातील एकूण ३९ विविध विकासकामांना ३ कोटी ५३ लाख रुपयांचा निधी मंजूर करण्यात आला असून या कामांना  दि.२८ जानेवारी, २०१९ रोजीचे पत्रानुसार प्रशासकीय मंजुरी देण्यात आली आहे. मंजूर झालेल्या विकासकामामध्ये मोरेवाडी (चिखलेवाडी) अंतर्गत रस्ता खडीकरण डांबरीकरण 7.00 लाख, वायचळवाडी कुंभारगाव अंतर्गत रस्ता खडीकरण डांबरीकरण 10.00 लाख, पाचुपतेवाडी मालदन अंतर्गत रस्ता खडीकरण डांबरीकरण 10.00 लाख, म्हाळूंगेवस्ती सातर अंतर्गत रस्ता खडीकरण डांबरीकरण 10.00 लाख, शेंडेवाडी कुंभारगाव अंतर्गत रस्ता खडीकरण डांबरीकरण 10.00 लाख, किल्लेमोरगिरी ते गुंजाळी रस्ता खडीकरण डांबरीकरण 15.00 लाख, गुरेघर अंतर्गत रस्ता खडीकरण डांबरीकरण 7.50 लाख, नहिंबे तळीये सुतारवस्ती रस्ता खडीकरण डांबरीकरण 7.50 लाख, मणेरी साळूंखे वार्ड अंतर्गत रस्ता खडीकरण डांबरीकरण 300 मीटर 6.97 लाख, सदुवर्पेवाडी सळवे अंतर्गत रस्ता खडीकरण डांबरीकरण 10.00 लाख, कोदळ पुनर्वसन अंतर्गत रस्ता खडीकरण डांबरीकरण 10.00 लाख,वेताळवाडी अंतर्गत रस्ता खडीकरण डांबरीकरण 10.00 लाख, तळमावले नवीन वसाहत अंतर्गत रस्ता खडीकरण डांबरीकरण 10.00 लाख, रामिष्टेवाडी अंतर्गत रस्ता खडीकरण डांबरीकरण 7.00 लाख, मस्कवाडी नं.1 उर्वरित रस्ता खडीकरण डांबरीकरण 7.00 लाख,पोकळेवाडी कारळे रस्ता खडीकरण डांबरीकरण 10.00 लाख,बाचोली जोतिर्लिंगनगर अंतर्गत रस्ता खडीकरण डांबरीकरण 10.00 लाख, धामणी स्मशानभूमी रस्ता खडीकरण व डांबरीकरण 125 मीटर  10.00 लाख, कसणी ते धनगरवाडा रस्ता खडीकरण डांबरीकरण 10.00 लाख, काजारवाडी खळे पोहोच रस्ता खडीकरण डांबरीकरण 10.00 लाख, रुवले विठ्ठल साळूंखे घर ते हिंदुराव साळूंखे यांचे घर काँक्रीटीकरण 250 मीटर 5.00 लाख, शिंद्रुकवाडी ते डुबलवाडी पोहोच रस्ता खडीकरण डांबरीकरण 15.00 लाख, ऊरुल अंतर्गत सनगरवाडी व पोळाचीवाडी पोहोच रस्ता खडीकरण डांबरीकरण 9.98 लाख, जाधववाडी चाफळ अंतर्गत रस्ता खडीकरण डांबरीकरण 7.27 लाख, जाईचीवाडी बोंद्री रस्ता खडीकरण डांबरीकरण  5.00 लाख, आवर्डे अंतर्गत रस्ता खडीकरण डांबरीकरण 10.00 लाख, दुटाळवाडी नुने अंतर्गत रस्ता खडीकरण डांबरीकरण 10.00 लाख, मालोशी पोहोच रस्ता डांबरीकरण 10.00 लाख, धुमुकवाडी मुरुड अंतर्गत रस्ता खडीकरण डांबरीकरण 7.00 लाख, ताईचीवाडी शिरळ पोहोच रस्ता खडीकरण डांबरीकरण 6.00 लाख, पिराजीचीवाडी हुंबरळी पोहोच रस्ता खडीकरण डांबरीकरण 10.00 लाख, कराड चिपळूण रोड ते पांढरवाडी तेलेवाडी नाडे रस्ता खडीकरण डांबरीकरण 15.00 लाख, राजवाडा घाणव अंतर्गत रस्ता खडीकरण डांबरीकरण 4.99 लाख, म्हारकवस्ती मणदुरे गावपोहोच रस्ता खडीकरण डांबरीकरण 6.00 लाख, मरड गावपोहोच रस्ता खडीकरण डांबरीकरण 9.99 लाख, हुंबरळी पोहोच रस्ता खडीकरण डांबरीकरण 10.00 लाख, करामळे वजरोशी पोहोच रस्ता खडीकरण डांबरीकरण 9.99 लाख, नाणेल ता. पाटण येथे सभामंडप बांधणे. 7.00 लाख, जंगलवाडी तारळे येथे सभामंडप बांधणे 7.00 लाख असे एकूण ३ कोटी ५३ लाख १०,९०० रुपयांचा निधी मंजुर झाला असून यासंदर्भात सार्वजनिक बांधकाम विभागाच्या संबधित अधिकाऱ्यांची बैठक घेवून या कामांच्या तातडीने निविदा प्रसिध्द कराव्यात अशा सुचना दिल्या आहेत लवकरच या विविध विकासकामांना सुरुवात होणार असल्याचेही आमदार शंभूराज देसाईंनी शेवठी पत्रकात म्हंटले आहे.

पाटण तालुक्यातील सहा तलाठी कार्यालय इमारतींचे कामांना 01 कोटी 68 लक्ष रुपयांचा निधी मंजूर. आमदार शंभूराज देसाई.

दौलतनगर दि.2९:- पाटण तालुक्यातील तलाठी सजा असलेल्या ठिकाणीच्या 06 तलाठी कार्यालयांच्या इमारतींचे बांधकाम करण्याकरीता जिल्हा वार्षिक योजना (सर्वसाधारण) अंतर्गत शासकीय इमारत बांधणे या योजनेअंतर्गत 01 कोटी 68 लक्ष 46 हजार रुपयांचा निधी मंजूर झाला असल्याची माहिती आमदार शंभूराज देसाई यांनी प्रसिध्दीपत्रकांत दिली आहे.

           प्रसिध्दीपत्रकांत पुढे म्हंटले आहे की, पाटण तालुक्यामध्ये ग्रामीण भागात महत्त्वपूर्ण काम  करणा-या महसूल विभागाचा तलाठी सजा असलेल्या गावांमध्ये स्वंतत्र अशी तलाठी कार्यालय नसल्याने बहुतांशी तलाठी कार्यालयांचे दैनंदिन कामकाज हे त्या त्या संबंधित मंडल कार्यालयमध्ये सुरु होते. त्यामुळे महसूल विभागाचा स्वतंत्र तलाठी सजा असूनही तलाठी कार्यालयाची इमारत नसल्याने सर्व सामान्य जनतेला आपल्या कामांकरीता नाहक त्रास होत होता. ग्रामस्थांची होणारी गैरसोय लक्षात घेऊन स्वतंत्र तलाठी सजा असलेल्या परंतु तलाठी कार्यालयाची इमारत नसलेल्या ठिकाणी नविन तलाठी कार्यालय इमारतींचे कामांना मजूरी देण्यात येऊन नविन तलाठी कार्यालय इमारतींचे कामांना निधी मंजूर होणेसाठी मी राज्याचे महसूलमंत्री व महसूल राज्यमंत्री यांच्याकडे सातत्याने पाठपुरावा केला होता. त्यानंतर महसूल विभागाकडून तातडीने संबंधित तलाठी कार्यालय इमारतींचे प्रस्ताव आवश्यक त्या कागदपत्रांसह मंजूरीसाठी सादर करण्यात आले होते. त्यानुसार सन 2018-19 या आर्थिक वर्षातील जिल्हा वार्षिक योजना (सर्वसाधारण) अंतर्गत शासकीय इमारत बांधणे या योजनेतून दि.29/01/2019 चे पत्रान्वये पाटण मतदारसंघातील तलाठी सजा असलेल्या ठिकाणीच्या 06 तलाठी कार्यालयांच्या इमारतींचे बांधकाम करण्याकरीता 01 कोटी 68 लक्ष 46 हजार रुपये एवढया निधीला प्रशासकीय मान्यता दिली आहे. यामध्ये तारळे तलाठी कार्यालय इमारत 28.52 लक्ष, ऊरुल तलाठी कार्यालय इमारत 28.46 लक्ष, मल्हारपेठ तलाठी कार्यालय इमारत 28.39 लक्ष, नाडे तलाठी कार्यालय इमारत 28.33 लक्ष, आडूळ पेठ तलाठी कार्यालय इमारत 28.31 लक्ष, बहुले तलाठी कार्यालय इमारत 26.45 लक्ष या नविन तलाठी कार्यालय इमारतींचे कामांचा समावेश असून लवकरच या कामांच्या निविदा प्रक्रिया झाल्यानंतर तातडीने हि कामे हाती घेण्यात येणार असलेची माहिती आमदार देसाई यांनी शेवटी पत्रकांत दिली आहे.

वाडयापासून हाकेच्या अंतरावरील गांवाना माजी आमदारांना पाणी देता आले नाही हे दुर्दैव. आमदार शंभूराज देसाईंचे विरोधकांवर टिकास्त्र.

दौलतनगर दि.2९:- माजी आमदारांचा बालेकिल्ला  म्हणून ओळख असणाऱ्या तालुक्यातील मणदुरे भागाची सुरुवात सुरुल आणि बिबी या गांवापासून होते.ही दोन्ही गांवे माजी आमदारांच्या हाकेच्या अंतरावरील गावे असून सुरुल या गांवाला पिण्याच्या पाण्यासाठी २० रुपये मोजुन पाण्याचे बॅरल विकत घ्यावे लागत असल्याचे आणि बिबी गांवातील महिलांना डोक्याने पिण्याचे पाणी वाहून आणावे लागत असल्याचे आमचेबरोबर सर्वांनीच पाहिले आहे.विकासाच्या केवळ पोकळ गप्पा मारणाऱ्या माजी आमदारांना हाकेच्या अंतरावरील या गांवाना पाणी देता आले नाही ही दुर्दैवी बाब असल्याचे टिकास्त्र आमदार शंभूराज देसाईंनी विरोधकांवर केले असून पिण्याच्या पाण्याच्या योजनेतही राजकारण करणाऱ्या या मंडळीनी या विभागातील जनतेचा आतापर्यंत केवळ राजकारणासाठीच वापर केला आहे त्यामुळे जो विकास करतोय त्याचे पाठीशी या विभागाने ठाम उभे रहावे असे आवाहन आमदार शंभूराज देसाईंनी मणदुरे भागातील जनतेला केले.

            बिबी,ता.पाटण येथे मुख्यमंत्री ग्रामीण पेयजल योजनेअंतर्गत मंजुर केलेल्या नळ पाणी पुरवठा योजनेच्या भूमिपुजन कार्यक्रमाप्रसंगी ते बोलत होते.या योजनेकरीता आमदार शंभूराज देसाईंनी दि.07 मे,2016 रोजीच्या शासन निर्णयानुसार 45 लाख रुपयांचा निधी मंजुर करुन दिला आहे.यावेळी कार्यक्रमास पाटण पंचायत समितीच्या माजी सभापती सौ.मुक्ताबाई माळी, शिवसेना सातारा जिल्हा प्रमुख जयवंतराव शेलार,शिवदौलत बँकेचे संचालक अशोकराव पाटील,पांडुरंग घाडगे,यशवंत जाधव,कारखान्याचे संचालक शंकर शेजवळ,बबनराव भिसे,पाटण नगरपंचायतीचे नगरसेवक गणीभाई चाफेरकर,नगरसेविका सौ.मनिषा जंगम,माजी पंचायत समिती सदस्य सुरेश जाधव,ॲड.तानाजी घाडगे,दादा जाधव,बापुराव सावंत,विलास कुऱ्हाडे, पाणी पुरवठा उपविभागाचे उपअभियंता एम डी.आरळेकर,बबनराव माळी,रामभाऊ देसाई,महादेव जाधव,महादेव पवार,दादासो पवार,दिनकर देसाई,खाशाबा जाधव,कृष्णत देसाई,विठ्ठल देसाई,आत्माराम कदम, रघूनाथ चव्हाण, रघूनाथ देसाई, राजाराम लोहार आदी मान्यवरांची प्रमुख उपस्थिती होती.

            यावेळी बोलताना आमदार देसाई म्हणाले,बिबी गावच्या पिण्याच्या पाण्याच्या योजनेचे विरोधकांनीच विनाकारण राजकारण केले.शासनाच्या योजना मंजुर करणेकरीता मतदारसंघाच्या आमदारांची शिफारस लागते.यापुर्वी बिबी गांवच्या योजनेकरीता ढोबळपणे २५ लाख रुपयांचा निधी पाणी पुरवठा विभागाने प्रस्तावित केला होता परंतू या रक्कमेमध्ये ही योजना पुर्ण होत नसल्याने या योजनेकरीता आवश्यक असणारा ४४ लाख ९९ हजार म्हणजेच ४५ लाख रुपयांचा निधी मंजुर करावा असे मी राज्याचे पाणी पुरवठा मंत्री यांचेकडे प्रस्तावित केले.यामध्ये या विभागातील वाटोळे या गांवाचाही समावेश आहे या दोन्ही योजना दि.07 मे,2016 रोजीच्या एकाच शासन निर्णयानुसार मंजुर झाल्या.वाटोळे गावच्या योजनेचे काम पुर्णत्वाकडे जात आले आहे. असे सांगून ते म्हणाले, मुख्यमंत्री ग्रामीण पेयजल योजना ही राज्याचे मुख्यमंत्री ना.देवेंद्र फडणवीस हे राज्याचे २०१४ ला मुख्यमंत्री झालेनंतर २०१५ साली अंमलात आणली.गांवातील विरोधक मंडळी कितीही म्हणत असली तरी २०१५ मध्ये मुख्यमंत्री ग्रामीण पेयजल योजनेमध्ये या गावच्या पिण्याच्या पाण्याच्या योजनेचा समावेश त्यांचे शिफारशीने झाला आहे.ही बाब गांवातील सर्वांनाच माहिती आहे.विरोधकांच्या बालेकिल्लयातील पाण्याच्या योजनेचे श्रेय आम्हाला मिळू नये याकरीता गतवर्षी फेब्रुवारी महिन्यात गांवातील विरोधक मंडळीनी विरोधकांना आणून या योजनेचे भूमिपुजन केले.विरोधकांनी भूमिपुजन करुनही एक वर्ष झाले तरी या योजनेचे काम का सुरु होवू शकले नाही.जे आपण केले आहे त्याला केलेच म्हणावे परंतू आपल्या विरोधकांच्या हातात गेल्या चार वर्षात कोणतीही सत्ता नसताना ते ही योजना कशी मंजुर करुन आणतील याचा विचार या गांवातील मंडळीनी करावा.विरोधकांच्या भूलथापा गांवातील महिलांबरोबर सर्वांच्याच लक्षात आल्या आहेत म्हणूनच गांवातील महिलांनी मला तुमच्याच हस्ते या योजनेचा शुभारंभ करा असा अट्टाहास माझेकडे धरला होता.आज या भूमिपुजनाकरीता या विभागाचे शासकीय अधिकारीही माझेसमवेत उपस्थित आहेत.मी कोणत्याही कामांचे भूमिपुजन करताना त्या कामांची निविदा प्रसिध्द झाली का? कार्यारंभ आदेश दिला का? हे पाहूनच भूमिपुजन करीत असतो.या विभागातील जनतेने विकास करणाऱ्यांच्या पाठीशी रहाणे गरजेचे आहे.पाटणपासून पुर्वेकडील गांवामध्ये पाहिले तर एका-एका गांवात तीन ते चार विकासकांमे सुरु आहेत. त्या मानाने आपण कुठे आहोत याचाही विचार या विभागाने करावा. असे आवाहन करीत त्यांनी सुरुल गांवातील युवकांच्या आग्रहास्तव या गांवाची पिण्याच्या पाण्याची योजना यावर्षीच्या राष्ट्रीय पेयजल योजनेमध्ये प्रस्तावित केली आहे भविष्यात ती योजना मंजुर होवून आल्यानंतर विरोधक ही आम्हीच मंजुर करुन आणल्याचा डांगोरा पिटतील हे नव्याने सांगायला नको असा टोलाही त्यांनी शेवठी बोलताना लगाविला.कार्यक्रमाचे प्रास्ताविक सुरेश जाधव यांनी केले.रामभाऊ देसाई यांनी मनोगत व्यक्त करुन उपस्थितांचे आभार मानले.यावेळी बिबी गांवातील ग्रामस्थ,युवक,महिला या मोठया संख्येने उपस्थित होत्या.

चौकट:- भूमिपुजनाला गावातील महिलांची लक्षणीय उपस्थिती,महिलांनी मानले आमदार देसाईंचे जाहीर आभार.

             साहेब, तुमच्याशिवाय हे काम पुर्णच होवू शकत नाही असे सांगत बिबी गावातील महिलांनी आमदार शंभूराज देसाईंची आठ दिवसापुर्वी कारखाना कार्यस्थळावर भेट घेतली आणि आमच्या योजनेचा नारळ तुम्हीच फोडा असा आग्रह धरला. योजनेच्या शुभारंभाप्रसंगी गावातील महिलांची उपस्थिती लक्षणीय होती व महिलांनी औक्षण करुन आमदार शंभूराज देसाईंचे पाणी योजना मंजुर केलेबद्दल त्यांनी जाहीर आभार मानले.

शताब्दी स्मारकाच्या उदघाटनाची गर्दी,आमदार शंभूराज देसाईंना देणार आमदारकीची पुन्हा वर्दी.

                                

                    

                                 

 दौलतनगर दि.24:- पाटण तालुक्याचे दैवत व भाग्यविधाते लोकनेते बाळासाहेब देसाई यांचे कर्म आणि जन्मभूमित आमदार शंभूराज देसाईंच्या विशेष प्रयत्नातून युती शासनाच्यावतीने उभारण्यात आलेल्या “महाराष्ट्र दौलत” या शताब्दी स्मारकाचा उदघाटन सोहळा राज्याचे मुख्यमंत्री ना.देवेंद्रजी फडणवीस यांचे शुभहस्ते व राज्यातील विविध मंत्रीमहोदय व शिवसेना भाजप पक्षाचे विविध आमदार यांचे प्रमुख उपस्थितीमध्ये “न भूतो न भविष्यती” अशा उच्चांकी व रेकॉर्ड ब्रेक गर्दीमध्ये मोठया दिमाखात संपन्न झाला.आमदार शंभूराज देसाईंच्या अपेक्षेपेक्षा जास्त जनतेची उच्चांकी गर्दी या समारंभाला उपस्थित होती आणि हीच गर्दी आमदार शंभूराज देसाईंना २०१९ ला पुन्हा आमदारकीची वर्दी देणारी ठरणार असल्याची चर्चा संपुर्ण पाटण विधानसभा मतदारसंघात एैकावयास मिळत आहे.

                        या महिन्याभरात दोन समारंभ पाटण मतदारसंघातील जनतेने पाहिले या दोन्ही समारंभाची तुलना पाटण मतदारसंघातील जनता करीत आहे.यामध्ये लोकनेते बाळासाहेब देसाई शताब्दी स्मारकाचा उदघाटन सोहळा हाच सरस ठरला असाच निष्कर्ष पाटणमधील जनतेने काढला आहे.लोकनेते यांचेवरील प्रेमापोटी व निष्ठेपोटी पाटण विधानसभा मतदारसंघातील जनतेची मांदियाळी समारंभास पहावयास मिळाली यंदाच्या वर्षी कोयनेला जेवढा पुर आला नाही त्याहून अधिक जनसागर यादिवशी समारंभात पहावयास मिळाला.यामध्ये आमदार शंभूराज देसाईंनी गत साडेचार वर्षात पाटण मतदारसंघात केलेल्या अतुलनीय विकासकामांचाही मोलाचा वाटा आहे.असे मानले जाते. समारंभामध्ये खरा सुसंस्कृतपणा दाखविला तो या समारंभाचे संयोजक आमदार शंभूराज देसाईंनी.त्यांनी विरोधकांचे साधे नावही संपुर्ण सभेमध्ये घेतले नाही.मतदारसंघात आमदार शंभूराज देसाईंना विरोधक आता शिल्लकच राहिला नाही अशीच भूमिका सभामंचावर उपस्थित असणाऱ्या सर्व मान्यवरांच्या मनामध्ये समोरचा जनसमुदाय पाहून दिसून आली.आमदार शंभूराज देसाई काय आहेत,मतदारसंघातील जनतेसाठी त्यांचा जीव किती तुटतो याचा प्रत्यय सर्वच मान्यवरांनी आणि उपस्थित जनसमुदायाने या सभेमध्ये दिला.

                       आमदार शंभूराज देसाईंनी मी संघर्षातून कसा उभा राहिलो,मला राजकारणातून दुर करण्याचा कुठुन कुठुन आणि कसा प्रयत्न झाला हे सांगत जनसमुदायाची मने जिंकत त्यांनी स्वत:साठी राज्याच्या मुख्यमंत्र्याकडे काहीही न मागता मुख्यमंत्री यांनी मतदारसंघातील जनतेच्या हिताच्या दृष्टीने मला इतके दिले आहे त्याचे दाखले देत आणि आभार व्यक्त करीत माझ्या मतदारसंघातील जनतेकरीता शासनाकडून अजुन एवढे मिळणे बाकी आहे असे सांगत त्यांनी जनहिताच्या दृष्टीने अनेक मागण्या मुख्यमंत्र्याकडे केल्या. मुख्यमंत्र्यांनीही त्यांच्या भाषणात आमदार शंभूराज देसाई हाडाचा नेता आहे जनतेप्रती त्यांची असणारी भावना मला चांगलीच माहिती आहे त्यांनी मागावे आणि मी ते दयावे असे सांगून आमदार शंभूराज देसाईंना माझे कायमच सहकार्य राहणार असल्याची मुख्यमंत्र्यांनी दिलेली ग्वाही पाटण मतदारसंघातील जनतेला या समारंभात बरेच काही देवून गेली.

                       यापुर्वी पाटण मतदारसंघातील राष्ट्रवादीच्या सभा पाहिल्या तर पक्षाच्या नेत्यांच्या मागून जिल्हयातील आमदारमहोदयांची उपस्थित आपण सर्वजण ग्रहीतच धरतो परंतू इथे असे घडले नाही आमदार शंभूराज देसाईंनी मंत्री ना.एकनाथ शिंदे,ना.बबनराव लोणीकर,ना.विजय शिवतारे,ना.सदाभाऊ खोत,खासदार श्रीमंत छत्रपती उदयनराजे भोसले, राष्ट्रवादीचे माजी आमदार नरेंद्र पाटील,आमदार शिवाजीराव नाईक,आमदार अनिल बाबर,आमदार सुरेश हाळवणकर, आमदार सत्यजित पाटील,आमदार धनंजय उर्फ सधीर गाडगीळ,आमदार उल्हास पाटील,आमदार विलासराव जगताप, आमदार डॉ.गौतम चाबुकस्वार,आमदार प्रकाश आबिटकर,आमदार नारायण पाटील,आमदार सुरेश भाऊ खाडे,आमदार उदय सामंत,माजी आमदार प्रा.सुनिल धांडे या युतीच्या मान्यवरांना निमंत्रीत करुन एकाच व्यासपीठावर नेत्यांची मोट कशाप्रकारे बांधता येते हे दाखवून दिले.आमदार शंभूराज देसाईंचा हाच मुसद्दीपणा वाखणण्याजोगा आहे अशीही चर्चा पाटण मतदारसंघात सध्या सुरु आहे.              

चौकट:- आमदार शंभूराज देसाईंच्या किमयेमुळे मुख्यमंत्र्यांसह सहा मंत्री बारा आमदारांची समारंभास उपस्थिती.                            

             या उदघाटन सोहळयास मुख्यमंत्री ना.देवेंद्रजी फडणवीस यांचेसमवेत राज्यातील युती शासनाचे सहा मंत्री गण तर युतीतील बारा आमदार महोदय यांची उपस्थिती आणि त्याहून अधिक पाटण मतदारसंघातील जनतेची अलोट गर्दी ही लक्षणीय होती.पश्चिम महाराष्ट्रातील आमदार मंडळीशी सलोख्याचे संबध असल्यानेच पश्चिम महाराष्ट्राच्या कानाकोपऱ्यातून ही आमदार मंडळी सभेकरीता उपस्थित होती आणि हीच खरी किमया आमदार शंभूराज देसाईंची आहे.

चौकट:- परवाच्या गर्दीने पाटण मतदारसंघातील यापुर्वीच्या सर्व सभांचा विक्रमच मोडला.

             आतापर्यंत पाटण तालुक्यात झालेल्या विविध सभांमध्ये देसाई गटाने कधीही खुर्चा लावून कोणतीही सभा आयोजीत केली नाही.परवाही मंडपात भारतीय बैठक ठेवण्यात आली होती एक एकरच्या मंडपात जेवढी गर्दी होती तेवढेच लोक मंडपाच्या चारी बाजूला उभे होते तर अनेकांना जागा न मिळाल्याने मंडपाच्या पुर्वेकडील रस्त्यावर सुमारे १ किमी अंतरावर लोक सभा एैकण्यास बसले होते.परवाच्या उच्चांकी व रेकॉर्ड ब्रेक गर्दीने पाटण मतदारसंघातील यापुर्वीच्या सर्वच सभांचा विक्रमच मोडीत काढला.या सभेमध्ये महिलांची उपस्थिती ही लक्षवेदी ठरली.

न भूतो न भविष्यती अशा उच्चांकी गर्दीमध्ये महाराष्ट्र दौलतचे उदघाटन सोहळयास उपस्थित राहून समारंभ यशस्वी केलेबद्दल मतदारसंघातील सर्वांचे आमदार शंभूराज देसाईंनी मांनले जाहीर आभार.

             

दौलतनगर दि. २३- महाराष्ट्राचे पोलादी पुरुष राज्याचे माजी गृहमंत्री लोकनेते बाळासाहेब देसाईसाहेब यांचे कर्म
आणि जन्मभूमित महाराष्ट्र राज्यातील युती शासनाच्यावतीने उभारण्यात आलेल्या "महाराष्ट्र दौलत" या शताब्दी
स्मारकाच्या पहिल्या टप्प्याचे न भूतो न भविष्यती अशा उच्चांकी गर्दीमध्ये दिमाखदार असे उदघाटन महाराष्ट्र राज्याचे मुख्यमंत्री ना.देवेंद्रजी फडणवीस यांचे शुभहस्ते व राज्यातील विविध मंत्रीमहोदय व शिवसेना भाजप पक्षाचे विविध आमदार यांचे प्रमुख उपस्थितीमध्ये मोठया दिमाखात संपन्न झाले. या समारंभाकरीता पाटण विधानसभा मतदारसंघातील लोकनेतेप्रेमी जनतेने अलोट अशी गर्दी करुन समारंभास भरभरून प्रतिसाद दिला. उच्चांकी व रेकॉर्ड ब्रेक गर्दीने राज्याचे मुख्यमंत्रीही भारावून गेले होते.समारंभाकरीता भरभरून प्रतिसाद दिल्याबद्दल पाटण मतदारसंघातील तमाम जनतेचे आणि हा समारंभ अतिशय नियोजनबध्द करुन यशस्वी केलेबद्दल सर्वांचे आमदार शंभूराज देसाईनी जाहीर आभार व्यक्त केले आहेत.

                 पाटण तालुक्याचे दैवत आणि भाग्यविधाते लोकनेते बाळासाहेब देसाई यांचेवरील प्रेमापोटी आणि
निष्टेपोटी पाटण विधानसभा मतदारसंघातील जनतेची मांदियाळी "महाराष्ट्र दौलत" या शताब्दी स्मारकाचे
उदघाटन समारंभास पहावयास मिळाली.या उद्धाटन सोहळयास पाटण मतदारसंघातील जनतेने अलोट अशी
गर्दी करुन समारंभास भरभरुन प्रतिसाद दिला. जनतेच्या प्रतिसादामुळेच सदरचा समारंभ मोठया दिमाखात संपन्न
झाला. याची जाणिव आम्हास आहे.समारंभाकरीता आलेली जनतेची ही मांदियाळी पाहून राज्याचे मुख्यमंत्रीही
भारावून गेले होते. लोकनेते साहेब यांचेवरील जनतेचे असणारे प्रेम आणि देसाई घराण्यावरील निष्ठा ही या
गर्दीमुळे दिसून आली. न भूतो न भविष्यती अशा उच्चांकी गर्दीमध्ये हा उदघाटन सोहळा संपन्न झाला याचा आम्हास खूप आनंद आहे जे भरभरून प्रेम आणि प्रतिसाद पाटण मतदारसंघातील जनतेने आम्हास दिला. त्याबद्दल जनतेचे जाहीर आभार व्यक्त करणे माझे आद्य कर्तव्य आहे. मी जाहीरपणे पाटण मतदारसंघातील लोकनेते प्रेमी जनतेचे आणि उदघाटन समारंभ यशस्वी करणा-या सर्वांचे मनःपुर्वक जाहीर आभार व्यक्त करतो.

                लोकनेते बाळासाहेब देसाईसाहेब यांनी महाराष्ट्र राज्य उभारणीत दिलेल्या अमुल्य योगदानाबद्दल
महाराष्ट्र शासनाच्यावतीने कृतज्ञता व्यक्त करणेकरीता त्यांचे कर्म आणि जन्मभूमि असणा-या पाटण तालुक्यात
त्यांचे भव्य असे शताब्दी स्मारक उभारण्यास शासनाने राज्याचे मुख्यमंत्री ना.देवेंद्र फडणवीस यांच्या पुढाकाराने
भरघोस असा निधी दिला. मुख्यमंत्री ना.देवेंद्र फडणवीस यांचे हे ऋण कधीही न विसरता येणारे आहे.मी त्यांचेही
आभार व्यक्त करतो.शताब्दी स्मारक उभारण्याचे कामाचा शुभारंभ आणि शताब्दी स्मारकाचे उदघाटन राज्याचे
मुख्यमंत्री ना. देवेंद्र फडणवीस यांचे शुभहस्ते मोठ्या दिमाखात लोकनेते बाळासाहेब देसाई यांचे कार्याच्या
तोलामोलात पार पडले याचा मनस्वी आनंद खुप आहे. उदघाटन समारंभास माझे विनंतीवरुन राज्याचे सार्वजनिक
बांधकाम मंत्री ना.एकनाथ शिंदे.पाणी पुरवठा व स्वच्छता मंत्री ना.बबनराव लोणीकर.सातारा जिल्हयाचे
पालकमंत्री तथा जलसंपदा राज्यमंत्री ना.विजय शिवतारे.सातारा जिल्हयाचे सहपालकमंत्री तथा कृषी राज्यमंत्री
ना. सदाभाऊ खोत,कै. आण्णासाहेब पाटील आर्थिक विकास महामंडळाचे अध्यक्ष नरेंद्र पाटील,सातारा लोकसभा
मतदारसंघाचे खासदार श्रीमंत छत्रपती उदयनराजे भोसले महाराज, आमदार शिवाजीराव नाईक,आमदार अनिल
बाबर, आमदार सुरेश हाळवणकर, आमदार सत्यजित पाटील, आमदार धनंजय उर्फ सुधीर गाडगीळ, आमदार
उल्हास पाटील,आमदार विलासराव जगताप,आमदार डॉ.गौतम चाबुकस्वार,आमदार प्रकाश आबिटकर,
आमदार नारायण पाटील,आमदार सुरेश भाऊ खाडे,आमदार उदय सामंत,माजी आमदार प्रा.सुनिल धांडे हे प्रमुख
मान्यवरही उपस्थित राहिले या सर्वांचा लोकनेते बाळासाहेब देसाई यांचा नातू आणि पाटण विधानसभा
मतदारसंघाचा आमदार म्हणून जाहीरपणे मन:पूर्वक जाहीर आभार व्यक्त करतो असेही आमदार शंभूराज देसाई
यांनी पत्रकात म्हंटले आहे.

लोकनेते बाळासाहेब देसाई उद्योग व शिक्षण समुहाच्या वतीने वंदनीय स्व.शिवसेनाप्रमुख बाळासाहेब ठाकरे यांना जयंतीनिमित्त विन्रम अभिवादन. आमदार शंभूराज देसाईंचे प्रमुख उपस्थितीत जयंती समारंभ संपन्न.

दौलतनगर दि.23 :- हिंदुहृदयसम्राट शिवसेनाप्रमुख वंदनीय स्व. बाळासाहेब ठाकरे यांचे ९२ व्या जयंती दिनानिमित्त लोकनेते बाळासाहेब देसाई सहकारी उद्योग व शिक्षण समुहाच्या वतीने कारखाना कार्यस्थळावर तालुक्याचे शिवसेनेचे आमदार शंभूराज देसाई यांच्या प्रमुख उपस्थितीत वंदनीय बाळासाहेब ठाकरे यांना विन्रम अभिवादन करण्यात आले.

                     दौलतनगर ता.पाटण याठिकाणी स्व.शिवाजीराव देसाई सांस्कृतिक भवन याठिकाणी हिंदुहृदयसम्राट शिवसेनाप्रमुख बाळासाहेब ठाकरे यांचे ९२ व्या जयंती दिनानिमित्त लोकनेते बाळासाहेब देसाई सहकारी उद्योग व शिक्षण समुहाच्या वतीने अभिवादन कार्यक्रम आयोजीत करण्यात आला होता. प्रारंभी तालुक्याचे शिवसेनेचे आमदार शंभूराज देसाई यांच्या हस्ते स्व.बाळासाहेब ठाकरे यांच्या प्रतिमेस पुष्पहार अर्पण करुन आमदार शंभूराज देसाई यांनी विन्रम अभिवादन केले.

                      याप्रसंगी बोलताना आमदार शंभूराज देसाई म्हणाले,आपल्या उद्योग समुहाचे श्रध्दास्थान महाराष्ट्राचे पोलादी पुरुष लोकनेते बाळासाहेब देसाई यांचे आणि हिंदुहृदय सम्राट शिवसेनाप्रमुख कै.बाळासाहेब ठाकरे यांचे ऋणानुबंध महाराष्ट्राला परिचीत आहेत.शिवसेना पक्षाच्या उभारणीत लोकनेते बाळासाहेब देसाई यांचे मोलाचे सहकार्य असल्याचे प्रतिपादन स्व. बाळासाहेब ठाकरे यांनी अनेकदा आपल्या वक्तव्यातून केले आहे. लोकनेते बाळासाहेब देसाई यांना अभिवादन करण्याकरीता स्व.बाळासाहेब ठाकरे हे कारखाना कार्यस्थळावर आले होते. त्यांच्याच प्रमुख उपस्थितीत माझा शिवसेना पक्षात प्रवेश झाला त्यांच्या माध्यमातून मला सहकार परिषदेचे अध्यक्षपद मिळाले ही आपल्या तालुक्याच्या दृष्टीने अभिमानाची बाब आहे. स्व.बाळासाहेब ठाकरे यांचे जाण्याने शिवसेनेत निर्माण झालेली पोकळी आजही कायम आहे. मुंबईत राहणाऱ्या गावाकडील जनतेला दिलासा देण्याचे मोठे काम स्व. हिंदुहृदय सम्राट शिवसेनाप्रमुख बाळासाहेब ठाकरे यांनी केले.गावाकडचा माणूस मुंबईसारख्या मायानगरीत ताठ मानेने उभा होता आणि आजही आहे तो स्व. हिंदुहृदय सम्राट शिवसेनाप्रमुख बाळासाहेब ठाकरे यांच्यामुळे. त्यांचे अनंत उपकार महाराष्ट्रातील जनतेवर असून आपल्या लोकनेते बाळासाहेब देसाई सहकारी उद्योग व शिक्षण समुहाच्या तसेच पाटण तालुका शिवसेनेच्या वतीने त्यांचे ९२ व्या जयंतीनिमित्त मी त्यांना विनम्र अभिवादन करतो.याप्रसंगी शिवसेना जिल्हा प्रमुख श्री.जयवंतराव शेलार,लोकनेते बाळासाहेब देसाई सह.साखर कारखान्याचे चेअरमन अशोकराव पाटील, संचालक पांडूरंग नलवडे,बबनराव भिसे,राजेंद्र गुरव,राजाराम मोहिते,पाटण नगरपंचायतीचे नगरसेवक गणीभाई चाफेरकर,जंगम,शफीभाई सातारकर,जे.ए.पाटील,अमोल मोहिते मरळीचे सरपंच राजेंद्र माळी व इतर मान्यवर बाबासाहेब आंबेडकर विचार मंच,जय मल्हार संघटना पाटण तालुका यांचे सर्व पदाधिकारी, कोयना परिसर साखर कामगार संघटना,पाटण तालुका शंभूराज युवा संघटना,लोकनेते बाळासाहेब देसाई सहकारी साखर कामगार सेवा सोसायटी तसेच तालुक्यातील विविध संस्थांचे पदाधिकारी व तालुक्यातील सर्व कार्यकर्ते,शिवसैनिक याप्रसंगी मोठया संख्येने उपस्थित होते.

चौकट:- शिवसेनाप्रमुख बाळासाहेब ठाकरे यांचे जयंतीचे औचित्य साधून शिवसेना सदस्य नोंदणीचा आमदार शंभूराज देसाईंचे हस्ते शुभारंभ.

 हिंदुहृदय सम्राट शिवसेनाप्रमुख स्व.शिवसेनाप्रमुख बाळासाहेब ठाकरे यांचे ९२ जयंतीचे औचित्य साधून पाटण विधानसभा मतदारसंघातील शिवसेना पक्षाच्या सदस्य नोंदणीचा शुभारंभ शिवसेना पक्षाचे उत्कृष्ट संसदपटु आमदार शंभूराज देसाईसाहेब यांचे हस्ते करण्यात आला संपुर्ण पाटण विधानसभा मतदारसंघात आमदार शंभूराज देसाई यांच्या मार्गदर्शनाखाली व नवनिर्वाचीत शिवसेना जिल्हाप्रमुख जयवंतराव शेलार यांच्या प्रमुख उपस्थितीत शिवसेना पक्षाची सदस्य नोंदणी करण्यात येणार आहे.