पालकमंत्री ना.शंभूराज देसाई यांचे प्रयत्नातून धनगरवाडा मरड लघुपाटबंधारे तलावाचे कामाला 12 कोटी 36 लक्ष रुपयांचा निधी मंजूर.

 

      

 

दौलतनगर दि.24:- पाटण विधानसभा मतदार संघातील डोंगर पठारावरील धनगरवाडा मरड येथील ग्रामस्थांच्या शेतीसह जनावरांच्या पाण्याचा प्रश्न कायमस्वरुपी  मार्गी लावण्यासाठी  पालकमंत्री ना.शंभूराज देसाई यांनी धनगरवाडा मरड येथे लघु पाटबंधारे तलावाचे काम मंजूर होण्यासाठी जलसंधारण मंत्री ना.संजय राठोड यांचेकडे शिफारस केली होती. त्यानुसार धरनगरवाडा मरड येथे लघु पाटबंधारे तलावाच्या कामाला 12 कोटी 35 लाख 81 हजार रुपयांचा निधी मंजूर झाला असल्याचा शासन निर्णय महाराष्ट्र जलसंधारण महामंडळाने नुकताच पारित केला असल्याची माहिती पालकमंत्री ना.शंभूराज देसाई यांचे कार्यालयाचे वतीने प्रसिध्दीपत्रकांत देण्यात आली आहे.

          प्रसिध्दीपत्रकांत पुढे म्हंटले आहे की, पाटण विधानसभा मतदारसंघातील धनगरवाडा मरड हे गाव डोंगर पठारावर वसलेले गाव असून विशेषत: उन्हाळयामध्ये या गावांमध्ये पाण्याचे दुर्भिक्ष असल्याने या परिसरामध्ये पिण्याच्या पाण्यासह शेती व जनावरांच्या पाण्याचा मोठा गंभीर प्रश्न निर्माण होत होता.त्यामुळे मरड परिसरातील सर्व गावे व वाडया-वस्त्यांमधील ग्रामस्थांनी या परिसरातील पाण्याचा प्रश्न कायमस्वरुपी मार्गी लागण्यासाठी  पालकमंत्री ना.शंभूराज देसाई यांची भेट घेऊन धनगरवाडा मरड येथे लघु पाटबंधारे तलावाचे काम मंजूर होण्यासाठी मागणी केली होती.त्यानुसार पालकमंत्री ना.शंभूराज देसाई यांनी लघुसिंचन व जलसंधारण विभागाचे अधिकाऱ्यांना प्रत्यक्ष कामाच्या ठिकाणची पाहणी करुन आवश्यक त्या कागदपत्रांसह असणारा प्रस्ताव तातडीने सादर करण्याच्या सूचना केल्या होत्या.त्यानुसार अप्पर आयुक्त जलसंधारण तथा मुख्य अभियंता,मृद व जलसंधारण प्रादेशिक क्षेत्र,पुणे यांचेकडून 101 ते 250 हेक्टर सिंचन क्षमतेच्या सातारा जिल्हयातील पाटण तालुक्यातील धनगरवाडा मरड लघु पाटबंधारे तलाव योजनांना प्रशासकीय मान्यता प्रदान करणेबाबचा प्रस्ताव महाराष्ट्र जलसंधारण महामंडळाकडे सादर केल्या नंतर 101 ते 250 हेक्टर सिंचन क्षमतेच्या पाटण तालुक्यातील धनगरवाडा मरड लघु पाटबंधारे तलावाला मृद व जलसंधारण विभागाच्या सन 2022-23 च्या दरसूचीवर आधारित कामाप्रित्यर्थ  12 कोटी 35 लाख 81 हजार रुपयांचा निधीला महाराष्ट्र जलसंधारण महामंडळाचे व्यवस्थापकीय संचालक यांचेकडून प्रशासकीय मान्यता देण्यात आला असल्याचा शासन निर्णय महाराष्ट्र जलसंधारण महामंडळाने नुकताच पारित केला आहे. धनगरवाडा मरड येथील नियोजित लघु पाटबंधारे तलावाची 524.18 स.घ.मी.एवढी पाणी साठवण क्षमता असून या तलावातील जलसाठयातून आसपासचे 107 हेक्टर क्षेत्र सिंचनाखाली आणण्याचे नियोजित असल्याने पालकमंत्री ना.शंभूराज देसाई यांचे प्रयत्नातून धनगरवाडा मरड या परिसरातील जनावरांच्या पाण्यासह शेतीसाठी आवश्यक असलेल्या पाण्याचा प्रश्न कायमस्वरुपी मार्गी लागणार असून शेतकऱ्यांना शेतीमध्ये पीकांचे उत्पन्‍न वाढीसाठी याचा चांगला फायदा होऊन शेतकऱ्यांच्या उन्नतीसाठी हा प्रकल्प फायदेशीर ठरणार असल्याने धनगरवाडा,मरड परिसरातील ग्रामस्थांनी पालकमंत्री  ना.शंभूराज देसाई यांचे आभार मानले आहेत.तर मंजूर झालेल्या धनगरवाडा मरड लघु पाटबंधारे तलावाच्या निविदा प्रक्रियेचे काम तातडीने करण्यात येऊन हे काम पाऊस कमी आल्यानंतर लगेच हाती घेण्याच्या सूचना पालकमंत्री ना.शंभूराज देसाई यांनी संबंधित अधिकारी यांना केल्या असल्याची माहिती पालकमंत्री ना.शंभूराज देसाई यांचे कार्यालयाचे वतीने प्रसिध्दीपत्रकांत शेवटी देण्यात आली आहे.

चौकट: धनगरवाडा मरड येथील लपा तलावामुळे पाणी टंचाईचा प्रश्न कायमस्वरुपी मार्गी लागणार.

पालकमंत्री ना.शंभूराज देसाई यांचे प्रयत्नामुळे धनगरवाडा मरड येथील लघु पाटबंधारे तलावाचे कामाला भरघोस निधी मंजूर झाला असल्याने पाण्याचा गंभीर प्रश्न कायमस्वरुपी मार्गी लागणार आहे.डोंगर पठारावरील या भागामध्ये विशेषत: उन्हाळयामध्ये पाण्याचे मोठे दुर्भिक्ष निर्माण होते. अनेक गावांमध्ये पाण्याची  टंचाई निर्माण होऊन पिण्याच्या पाण्यासह जनावरांच्या पाण्याचा प्रश्न प्रत्येक वर्षी निर्माण होतो.धनगरवाडा मरड येथील नियोजन तलावाच्या कामामुळे या परिसरातील शेती  पाण्याखाली येणार तर आहेत पण पिण्यासह येथील जनावरांच्या पाण्याचाही प्रश्न मिटणार असल्याने पालकमंत्री ना.शंभूराज देसाई यांनी लपा तलावाच्या कामाला भरघोस निधी मंजूर केल्याने येथील पाणी टंचाईचा प्रश्न कायमस्वरुपी मार्गी लागणार आहे.

 

राज्य उत्पादन शुल्क विभागातील उत्कृष्ट अधिकारी व कर्मचाऱ्यांचे पुरस्कार जाहीर 2023- 24 चे उत्कृष्ट अधिकारी - कर्मचारी पुरस्कारांची घोषणा

 

मुंबई, दि. 14: राज्य उत्पादन शुल्क विभागातील उत्कृष्ट काम करणाऱ्या अधिकारी व कर्मचाऱ्यांना पुरस्कार देण्याची योजना उत्पादन शुल्क मंत्री शंभूराज देसाई यांच्या संकल्पनेतून सुरू करण्यात आली आहे. त्यानुसार या योजनेतील सन 2023- 24 मधील अधिकारी आणि कर्मचारी यांना उत्कृष्ट तथा गुणवत्ता पूर्ण कार्याबद्दल विविध पदके, सन्मानचिन्हे जाहीर करण्यात आली आहे. 

उत्पादन शुल्क मंत्री शंभूराज देसाई यांनी या योजनेसाठी पुढाकार घेतला होता. यावर्षीचे पुरस्कारांमध्ये राज्य स्तरावरून तीन पुरस्कार जाहीर करण्यात आली आहेत. यामध्ये गुणवत्तापूर्ण सेवा पदककरिता छत्रपती संभाजी नगरचे अधीक्षक संतोष झगडे यांची निवड करण्यात आली असून विशेष मोहीम पदक पुणे येथील अधीक्षक चरणसिंह राजपूत यांना प्रदान करण्यात येणार आहे. तसेच उत्कृष्ट तपास पदकाकरिता ठाणे विभागीय भरारी पथकाचे निरीक्षक दिगंबर शेवाळे यांनी केलेल्या उल्लेखनीय कामगिरीकरीता त्यांना देण्यात येणार आहे. 

  

    राज्य उत्पादन शुल्क विभागाचे आयुक्त स्तरावरून देण्यात येणाऱ्या विविध पदक, सन्मानचिन्हकरिता एकूण पाच अधिकारी व कर्मचाऱ्यांची निवड करण्यात आली आहे.  यामध्ये विशेष सेवा पदकाकरिता ठाणे जिल्याचे अधीक्षक डॉ. निलेश सांगडे यांची निवड करण्यात आली आहे.आयुक्त सन्मानचिन्हकरीता मुंबई शहर भरारी पथकाचे निरीक्षक प्रकाश काळे, महाराष्ट्र राज्य भरारी पथकाचे दुय्यम निरीक्षक अशोक तारू आणि जवान  संवर्गात मुंबई येथील जवान संतोष शिवापुरकर, धुळे येथील जवान गोरख पाटील यांची निवड करण्यात आली आहे. 

      ही पदके व सन्मानचिन्ह प्राप्त अधिकारी व कर्मचारी यांचे मंत्री शंभूराज देसाई, अपर मुख्य सचिव  मिलिंद म्हैसकर, आयुक्त डॉ. विजय सूर्यवंशी यांनी अभिनंदन केले आहे. 

   महाराष्ट्रातील सर्व अधिकारी व कर्मचारी यांना पुढील काळात असेच उत्कृष्ट काम करून अधिकाधिक पदके मिळविण्यासाठी शुभेच्छाही त्यांनी  दिल्या आहेत.

पाटण च्या सकल धनगर समाजासाठी १० कोटी मिळणार..! पालकमंत्री शंभूराज देसाई यांच्या प्रयत्नाला यश

नवारस्ता/प्रतिनिधी

सातारा जिल्ह्यातील पाटण तालुक्यातील सकल धनगर समाजाच्या राजमाता पुण्यश्लोक अहिल्यादेवी होळकर बहुद्देशीय शैक्षणिक, सामाजिक, सांस्कृतिक संकुलासाठी मुख्यमंत्री ना एकनाथ शिंदे  यांच्या प्रयत्नातून विशेष बाब म्हणून १० कोटी रुपये लवकरच मंजूर होणार असल्याची माहिती राज्याचे उत्पादन शुल्क मंत्री तथा सातारा आणि ठाणे जिल्ह्याचे पालकमंत्री शंभूराज देसाई यांनी दिली.

मंत्री देसाई म्हणाले,पाटण तालुका हा डोंगराळ व दुर्गम दऱ्याखोऱ्यात वसला असून यामध्ये प्रामुख्याने धनगर समाज डोंगर कपारीत राहुन दुधाच्या व्यवसायावर आपली उपजिवीका करत आलेला आहे. त्यामुळे हा समाज शैक्षणिक आणि सामाजिक सोई-सुविधांपासून अद्यापही वंचित आहे. या समाजाला विकासाच्या मुख्य प्रवाहात आणणे करीता समाजातील सुशिक्षित तरुण वर्ग संघटित होऊन सामाजिक समस्या सोडविण्याचा प्रयत्न करत आहेत. यासाठी समाजातील तरुणवर्गाने पाटण, जि. सातारा येथे राजमाता पुण्यश्लोक अहिल्यादेवी होळकर बहुद्देशीय, शैक्षणिक, सामाजिक, सांस्कृतिक संकुल उभारण्याची मागणी आपणाकडे वारंवार केली होती.

त्यानुसार राज्याचे मुख्यमंत्री ना एकनाथ शिंदे  यांच्याकडे आपण पाटण तालुक्यातील सकल धनगर समाजासाठी राजमाता पुण्यश्लोक अहिल्यादेवी होळकर बहुद्देशीय, शैक्षणिक, सामाजिक, सांस्कृतिक संकुल उभारण्यासाठी  १० कोटी निधी MSRDC किंवा सिडको कडून  उपलब्ध करुन देणेविषयी  विनंती केली होती.त्यानुसार मुख्यमंत्री ना एकनाथ शिंदे यांनी विशेष बाब म्हणून आपल्या विनंतीची तातडीने दखल घेतली असल्याने पाटण तालुक्यातील राजमाता पुण्यश्लोक अहिल्यादेवी होळकर बहुद्देशीय संकुलनासाठी आता लवकरच १० कोटींचा निधी मिळणार आहे.

पालकमंत्री ना.शंभूराज देसाई यांचे प्रयत्नातून बनपेठवाडी येराड येथे प्राथमिक आरोग्य केंद्राला मंजूरी.

 

    

दौलतनगर दि. 14 :- बनपेठवाडी  येराडसह आस-पासच्या गावातील आरोग्याची समस्या लक्षात घेता बनपेठवाडी येराड ग्रामपंचायतीच्या वतीने प्राथमिक आरोग्य केंद्र मंजूर होण्याकरीता पालकमंत्री ना.शंभूराज देसाई यांचेकडे मागणी करत गेले अनेक वर्ष सातत्याने पाठपुरावा सुरु होता. मुख्यमंत्री एकनाथजी शिंदे व आरोग्य मंत्री तानाजी सावंत यांचेकडे पालकमंत्री ना.शंभूराज देसाई यांनी बनपेठवाडी येराड  येथे प्राथमिक आरोग्य केंद्र मंजुरीकरीता विशेष बाब म्हणून केलेल्या प्रयत्नामुळे  श्री क्षेत्र येडोबा देवाची नगरी बनपेठवाडी येराड येथे नव्याने प्राथमिक आरोग्य केंद्राला मंजूरी देण्याबाबतचा शासन निर्णय महाराष्ट्र शासनाच्या सार्वजनिक आरोग्य विभागाने नुकताच पारित केला असल्याची माहिती पालकमंत्री ना.शंभूराज देसाई यांचे कार्यालयाचेवतीने प्रसिध्दीपत्रकांत दिली आहे.

            प्रसिध्दीपत्रकांत पुढे म्हंटले आहे की, बनपेठवाडी येराड परिसरामध्ये प्राथमिक आरोग्य केंद्र नसल्याने येथील रुग्णांना औषधोपचाराठी पाटण आणि हेळवाक  याठिकाणी जावे लागत असल्याने ग्रामस्थांची आरोग्यविषयक मोठी गैरसोय होत असल्याने या डोंगरी व दुर्गम विभागातील बनपेठवाडी येराड परिसरातील सर्व गावांतील ग्रामस्थांची प्राधान्याची मागणी विचारात घेऊन बनपेठवाडी येराड या ग्रामपंचायतीने प्राथमिक आरोग्य केंद्र मंजूर होण्यासाठी पालकमंत्री ना.शंभूराज देसाई यांचेकडे आवश्यक त्या कागदपत्रांसह प्रस्ताव सादर केला होता. यासंदर्भात पालकमंत्री ना.शंभूराज देसाई यांनी उच्चस्तरीय अधिकारी यांच्या बैठका घेऊन हा प्रश्न तातडीने मार्गी लावण्याच्या सूचना या बैठकींमध्ये संबंधित अधिकारी यांना केल्या होत्या. त्यानुसार हे बनपेठवाडी येराड या ठिकाणी प्राथमिक आरोग्य केंद्र मंजूर करण्यासाठी परिपुर्ण प्रस्ताव सादर झाला होता. बनपेठवाडी  येराडसह जोतिबाचीवाडी,तामकडे, काळोली, दातेगड, टोळेवाडी, मुळगांव, डोंगरुबाचीवाडी, पिंपळगांव,पाटण, नेरळे, मारुल त.पाटण,वाजेगांव, मिरासवाडी, शिरळ, विठ्ठलवाडी,कराटे, मणेरी, चाफेर, काढोली, तळीये, रिसवड, ढोकावळे, झाकडे लेंढोरी या आस-पासच्या गावासह श्री क्षेत्र येडोबा देवाच्या दर्शनाला येणा-या  भाविक भक्तांची मोठी वर्दळ असते.या भाविकांनाचीही आरोग्य सुविधांची समस्या  सुटणार होती. तसेच बनपेठवाडी येराड प्राथमिक आरोग्य केंद्राच्या सादर प्रस्ताव मंजूरीबाबत महाराष्ट्राचे मुख्यमंत्री ना.एकनाथजी शिंदे व आरोग्य मंत्री ना. तानाजी सावंत यांचेकडे पालकमंत्री ना.शंभूराज देसाई यांनी विशेष बाब म्हणून मंजूरी मिळणेबाबत केलेल्या विनंतीमुळे श्री क्षेत्र येडोबा देवाची नगरी बनपेठवाडी येराड येथे नव्याने प्राथमिक आरोग्य केंद्राला मंजूरी देण्याबाबतचा शासन निर्णय महाराष्ट्र शासनाच्या सार्वजनिक आरोग्य विभागाने नुकताच पारित केला.  पाटण मतदारसंघ हा डोंगरी व दुर्गम असुन मतदारसंघातील जनतेला चांगल्या आरोग्य सुविधा देणेकरीता ना.शंभूराज देसाईंची सातत्याची तळमळ असते. येराडसह परिसरातील गावांना पाटण व हेळवाक येथील प्राथमिक आरोग्य केंद्रात जावे लागत असल्याने ही आरोग्य सुविधा बनपेठवाडी येराड येथे प्राथमिक आरोग्य केंद्र करुन कोयना विभागातील जनतेला मिळवून दयावी याकरीता ना.शंभूराज देसाईंची सातत्याची तळमळ होती. त्यांच्या प्रयत्नातून बनपेठवाडी येराड येथे प्राथमिक आरोग्य केंद्र मंजूर करत डोंगरी व दुर्गम कोयना भागातील जनतेसह श्री क्षेत्र येडोबा देवाला येणा-या भाविकांनाही चांगल्या आरोग्य सुविधा मिळण्यास मोठी मदत होणार आहे. ना.शंभूराज देसाईंनी बनपेठवाडी येराड येथे प्राथमिक आरोग्य केंद्र मंजूरीकरीता विशेष बाब म्हणून केलेल्या प्रयत्नामुळे मंजूर झाल्याने या विभागातील जनतेने धन्यवाद व्यक्त केले आहेत.

पालकमंत्री ना.शंभूराज देसाई यांचे संकल्पनेतून सातारा जिल्ह्यासह पाटण तालुक्यातील प्राथमिक शाळा होणार मॉडेल स्कूल मॉडेल स्कूल अंतर्गत विद्यार्थ्यांना दर्जेदार शैक्षणिक सुविधा पुरविण्यात येणार.

 

दौलतनगर दि.02:- सातारा जिल्हयाचे पालकमंत्री ना.शंभूराज देसाई यांचे संकल्पनेतून सातारा जिल्हयामध्ये मॉडेल स्कूल ही संकल्पना राबविण्यात येत असून मॉडेल स्कूलसाठी पाटण तालुक्यातील 43 जिल्हा परिषद शाळांची निवड करण्यात आली असून सन 2024-25 मध्ये पहिल्या टप्प्यात पाटण तालुक्यातील 29 प्राथमिक शाळांची निवड केली आहे.त्यानुसार पाटण विधानसभा मतदारसंघातील 25 जिल्हा परिषद शाळांना नवीन 68 शाळा खोल्यांचे बांधकाम करण्यासाठी सन 2024-25चे जिल्हा वार्षिक आराखडयातून 10 कोटी 37 लाख रुपयांचा निधी मंजूर झाला असून पालकमंत्री ना.शंभूराज देसाई यांचे संकल्पनेतून मॉडेल स्कूल या योजने अंतर्गत पाटण विधानसभा मतदारसंघातील जिल्हा परिषद शाळांमधील विद्यार्थ्यांना शैक्षणिक सुविधा पुरविण्यात येणार असल्याची माहिती पालकमंत्री ना.शंभूराज देसाई यांचे कार्यालयाचेवतीने प्रसिध्दीपत्रकांत देण्यात आली आहे.

        प्रसिध्दीपत्रकांत पुढे म्हंटले आहे की, पालकमंत्री ना.शंभूराज देसाई यांचे संकल्पनेतून सध्या सातारा जिल्हयामध्ये मॉडेल स्कूल ही संकल्पना जिल्हा परिषद शाळांचा शैक्षणिक दर्जा वाढविण्यासाठी  राबविली जात असून गुणवत्तापूर्ण शिक्षणासाठी तसेच जिल्हा परिषद शाळांमधील विद्यार्थ्यांची गुणवत्ता सुधारण्याला प्राथमिकता देण्यात आली आहे.तसेच मॉडेल स्कूल या योजनेच्या माध्यमातून जिल्हा परिषद शाळांमध्ये वर्ग खोली,मुला मुंलींसाठी शालेय स्वच्छता गृह,पाण्याची व्यवस्था त्यामध्ये शुध्द पिण्याचे पाणी व हँड वॉश स्टेशनची सुविधा,संरक्षक भिंत,पर्यावरण पुरक जलपुनर्भरण,सौर प्रकल्प,कचरा व्यवस्थापन,वृक्ष लागवड व परसबाग,पेव्हर ब्लॉक,संगणक प्रयोग शाळा,स्वागत कमान,विज्ञान प्रयोग शाळा,खेळाचे मैदान व मुलांच्या वयोगटानुसार खेळाचे साहित्य व बाला एलिमेंट्स आणि बोलका शालेय परिसर आदी सुविधा पुरविल्या जाणार आहेत. सर्व सोयीसुविद्यांनीयुक्त असणा-या मॅाडेल स्कूलमुळे मुलांबरोबरच त्यांच्या पालकांनाही आपला पाल्य आंतरराष्ट्रीय दर्जाच्या शाळेत शिकत असल्याचे समाधान मिळणार आहे. भविष्यात या शाळा गावांचा मानबिंदू ठरणार आहेत.  पाटण विधानसभा मतदारसंघातील पहिल्या टप्प्यात 25 जिल्हा परिषद शाळांमध्ये नवीन 68 शाळा खोल्यांचे बांधकाम करण्यासाठी  सन 2024-25चे जिल्हा वार्षिक आराखडयातून 10 कोटी 37 लाख रुपयांचा निधी मंजूर झाला आहे.यामध्ये ढेबेवाडी 2 शाळा खोल्या 30.50 लाख, चोपडी येथे 3 शाळा खोल्या 45.75 लाख, माजगाव 3 शाळा खोल्या 45.75 लाख, मानेवाडी मानेगाव 3 शाळा खोल्या 45.75 लाख, साखरी 3 शाळा खोल्या 45.75 लाख, नाटोशी 4 शाळा खोल्या 61 लाख, कोकीसरे 2 शाळा खोल्या 30.50 लाख, हेळवाक 4 शाळा खोल्या 61 लाख, गुढे 2 शाळा खोल्या 30.50 लाख, मेष्टेवाडी 4 शाळा खोल्या 61 लाख, धामणी 1 शाळा खोल्या 15.25 लाख, कसणी 2 शाळा खोल्या 30.50 लाख, सळवे  4 शाळा खोल्या 61 लाख, मोरगिरी 1 शाळा खोल्या 15.25 लाख, मालदन 2 शाळा खोल्या 30.50 लाख, ठोमसे 2 शाळा खोल्या 30.50 लाख, चव्हाणवाडी ना येथे 1 शाळा 15.25 लाख, रासाटी 4 शाळा खोल्या 61 लाख, आंबवणे 4 शाळा खोल्या 61 लाख, मुरुड 2 शाळा खोल्या 30.50 लाख, कळंबे 4 शाळा खोल्या 61 लाख, भारसाखळे 2 शाळा खोल्या 30.50 लाख, जिंती 4 शाळा खोल्या 61 लाख, येराड 2 शाळा खोल्या 30.50 लाख व वस्ती साकुर्डी 3 शाळा खोल्या 45.75 लाख या 68 शाळा खोल्यांच्या कामांचा समावेश आहे.

चौकट :- पालकमंत्री ना.शंभूराज देसाई यांचे प्रयत्नातून जिल्हा परिषद शाळा खोल्यांचे दुरुस्तीसाठी 01 कोटी निधी मंजूर.

पालकमंत्री ना.शंभूराज देसाई यांचे प्रयत्नातून पाटण विधानसभा मतदारसंघातील 7 जिल्हा परिषद शाळांमधील शाळा खोल्यांचे दुरुस्तीसाठी 01 कोटी 07 लाख 63 हजार रुपयांचा निधी मंजूर करण्यात आला आहे.यामध्ये माजगाव 5 शाळा खोल्या दुरुस्ती 17.18 लाख, आवर्डे 6 शाळा खोल्या  दुरुस्ती 26.22 लाख, मानेवाडी 3 शाळा खोल्या  दुरुस्ती 10.86 लाख, साखरी 3 शाळा खोल्या  दुरुस्ती 8.24 लाख, मरळी 4 शाळा खोल्या  दुरुस्ती 11.65 लाख, हेळवाक 2 शाळा खोल्या  दुरुस्ती 8.13 लाख, केरळ 6 शाळा खोल्या  दुरुस्ती 25.35 लाख या जिल्हा परिषद शाळांमधील 29 शाळा खोल्यांच्या दुरुस्तींच्या कामांचा समावेश आहे.

  

पालकमंत्री ना.शंभूराज देसाई यांनी पाटण व मोरणा विभागातील पूरपरिस्थितीची केली पाहणी. गोकूळ तर्फ पाटण, आडदेव व मुळगाव या पूलांनाची केली पाहणी .

दौलतनगर दि.26:- गेली सहा ते सात दिवस पाटण तालुक्यामध्ये मुसळधार पाऊस पडत असल्याने सर्व नद्या दुधडी भरुन वाहू लागल्या आहेत. सतत पडत असलेल्या मुसळधार पावसामुळे नद्यावरील पूल हे पुराचे पाण्याखाली जाऊन परिसरातील वाहतूक विस्कळीत होत आहे. मोरणा विभागातील मोरणा नदीवर असलेल्या गोकूळ तर्फ पाटण, आडदेव ते कुसरुंड रस्त्यावरील पूल तसेच कोयना नदीवरील मुळगाव पूल या तीन पुलांचा पालकमंत्री ना.शंभूराज देसाई यांनी पाहणी दौरा करुन पुरपरिस्थितीची  माहिती घेतली.

                यावेळी  उपविभागीय अधिकारी सुनील गाढे,तहसिलदार अनंत गुरव,सार्वजनिक बांधकाम विभागाचे उपअभियंता संजय शिंदे,गिरीश सावंत,जिल्हा परिषद बांधकाम विभाग उपअभियंता चव्हाण यांचेसह आरोग्य विभाग,पोलीस विभागचे संबंधित अधिकारी यांचेसह विविध गावातील सरपंच,उपसरपंच, पदाधिकारी व कार्यकर्ते यांची उपस्थिती होती.

              गत सहा ते सात दिवसापासून कोयना धरण पाणलोट क्षेत्रासह पाटण तालुक्यात मुसळधार पाऊस पडत असून मुसळधार पावसामुळे महाराष्ट्राची भाग्यलक्ष्मी असणाऱ्या कोयना धणाच्या पाणीसाठयात झपाटयाने वाढ होत आहे. पाटण तालुक्यात सर्वदूर मुसळधार पाऊस पडत आहे. कोयना पाणलोट क्षेत्रामध्ये जादा पावसाची नोंद झाली असून कोयना धरणात 72 टिएमसी  पाणी साठा झालाआहे. गत चार दिवसा पासून पडत असलेल्या मुसळधार पावसामुळे तारळी,उत्तर मांड धरण, मोरणा गुरेघर,वांग मराठवाडी,चिटेघर,महिंद या लहान मोठया धरणांत पाण्यासाठयामध्ये मोठी वाढ झाली असून तारळी,उत्तर मांड, मोरणा,केरा,वांग या नद्या दुधडी भरून वाहू लागल्या असून या नद्यांच्या पाणी पातळीतही वाढ झाली असल्याने काही गावे काही काळासाठी संपर्कहिन झाली होती. मोरणा विभागातील गोकूळ तर्फ पाटण येथील पूलावरुन पाणी जात असल्याने कोणताही अनुचित प्रकार घडू नये म्हणून खबरदारीची उपाय योजना म्हणून प्रशासनाने या पूलावरील वाहतूक बंद केली आहे. तर आडदेव ते कुसरुंड या रस्त्यावरील पूलाचा भराव वाहून गेला असल्याने या मार्गावरीलही वाहतूक सध्या बंद आहे. तसेच कोयना नदीमधून सध्या 32100 हजार क्यूसेक पाणी  सोडल्याने मुळगाव येथील कोयना नदीवरील पूलाला पाणी लागल्याने याही पुलावरुन वाहतूक बंद करण्यात आली आहे. पालकमंत्री ना.शंभूराज देसाई यांनी  पाटण येथे जिल्हास्तरीय अधिकाऱ्यांचे उपस्थितीमध्ये पूरपरिस्थितीची आढावा बैठक घेऊन पूरपरिस्थितीबाबतच्या सद्यस्थितीची सर्व माहिती संबंधित अधिकारी यांचेकडून घेऊन पूरपरिस्थितीवर नियंत्रण करण्यासाठी करावयाच्या आवश्यक उपाययोजनाबाबत त्यांनी अधिकाऱ्यांना सूचना करत या बैठकीनंतर सर्व शासकीय अधिकारी यांचे समवेत मोरणा विभागातील मोरणा नदीवर असलेल्या गोकूळ तर्फ पाटण, आडदेव ते कुसरुंड रस्त्यावरील पूल तसेच कोयना नदीवरील मुळगाव पूल या तीन पुलांचा पालकमंत्री ना.शंभूराज देसाई यांनी पाहणी दौरा करत सार्वजनिक बांधकाम व जिल्हा परिषद बांधकाम विभागाच्या अधिकाऱ्यांना नुकसान झालेल्या  पुलांची तसेच रस्त्यांची तातडीने दुरुस्ती करुन यावरुन वाहतूक सुरळीत करण्याच्या सूचना दिल्या. तसेच अतिवृष्टीच्या कालावधीत पुलावरुन पाणी वाहत असताना पोलीस विभागाने सुरक्षिततेच्या दृष्टीने बॅरिकेटींग करुन वाहतूक तात्काळ बंद करण्याबरोबर रात्री संबंधित पुलांवर बंदोबस्त तैनात करण्याच्या सूचना केल्या. तसेच महसूल विभागाने  पुलावरुन ये-जा करणाऱ्या नागरीकांना प्रशासनामार्फत योग्य ती खबरदारी घेण्यासंदर्भात गावामध्ये सर्व नागरीकांना माहिती देण्यात यावी जेणेकरुन कोणतीही  अनुचित घटना घडणार नाही याची प्रशासनाकडून काळजी घेण्यासंदर्भात उपस्थित शासकीय अधिकाऱ्यांसमवेत चर्चा केली.

पालकमंत्री ना.शंभूराज देसाई यांचे प्रयत्नातून जिल्हा नियोजन समितीच्या वार्षिक आराखडयामध्ये पाटण विधानसभा मतदारसंघातील ग्रामपंचायत इमारत,स्मशानभूमींच्या कामांना निधी मंजूर

                                               

दौलतनगर दि.25:- पालकमंत्री ना.शंभूराज देसाई यांनी पाटण विधानसभा मतदारसंघातील नवीन ग्रामपंचायत इमारतींची व स्मशानभूमी सुधारणा करण्याची कामे मंजूर होण्यासाठी जिल्हा नियोजन समितीचे 2024-25 चे जिल्हा वार्षिक आराखडयामध्ये समाविष्ठ करण्यात आली होती.त्यानुसार सन 2024-25चे जिल्हा वार्षिक आराखडयातून पाटण विधानसभा मतदारसंघातील ग्रामपंचाय कार्यालय इमारती,स्मशानभूमींच्या कामांना निधी मंजूर झाला असल्याची माहिती पालकमंत्री ना.शंभूराज देसाई यांचे कार्यालयाचेवतीने प्रसिध्दीपत्रकांत दिली आहे.

         प्रसिध्दीपत्रकांत पुढे म्हंटले आहे की, पाटण विधानसभा मतदारसंघातील गावांमध्ये ग्रामपंचायत कार्यालय व स्मशानभूमी नसलेल्या गावातील ग्रामस्थांनी पालकमंत्री ना.शंभूराज देसाई यांचेकडे ग्रामपंचायत कार्यालयांच्या नवीन इमारती तसेच स्मशानभूमीशी निगडीत असलेली कामे होण्यासाठी निवेदनाव्दारे विनंती केलेली होती. त्यानुसार पालकमंत्री ना.शंभूराज देसाई यांनी पाटण विधानसभा मतदारसंघातील नवीन ग्रामपंचायत इमारतींची कामे,स्मशानभूमी सुविधांची कामे मंजूर होण्यासाठी जिल्हा नियोजन समितीचे 2024-25 चे जिल्हा वार्षिक आराखडयामध्ये समाविष्ठ करण्यात आली होती.त्यानुसार सन 2024-25चे जिल्हा वार्षिक आराखडयातून पाटण विधानसभा मतदारसंघातील ग्रामपंचाय कार्यालय इमारती,स्मशानभूमी सुविधा पुरविण्याचे कामांना 02 कोटी 37 लक्ष निधी मंजूर झाला आहे.मंजूर झालेल्या कामांमध्ये जनसुविधा योजने अंतर्गत पाटण तालुक्यातील कडवे बुद्रुक,कुसरुंड,बेलवडे या गावांमध्ये नवीन ग्रामपंचायत इमारतींचे बांधकामासाठी प्रत्येकी 15 लाख याप्रमाणे 45 लक्ष रुपयांचा निधी मंजूर करण्यात आला आहे.तर जनसुविधा योजने अंतर्गत स्मशानभूमीचे कामांमध्ये येळेवाडी काळगाव येथे स्मशानभूमी संरक्षक भिंत,घोटील स्मशानभूमी शेड,निगडे स्मशानभूमी सुधारणा,चाळकेवाडी स्मशानभूमी सुधारणा,माटेकरवाडी चिखलेवाडी स्मशानभूमी शेड व निवारा शेड,मानेगाव स्मशानभूमी रस्ता सुधारणा,शिद्रुकवाडी काजारवाडी स्मशानभूमी सुधारणा,काढोली चिरंबे स्मशानभूमी रस्ता सुधारणा,मारुल तर्फ पाटण स्मशानभूमी शेड,गमेवाडी चाफळ स्मशानभूमी सुधारणा,सडावाघापूर स्मशानभूमी सुधारणा,जळव स्मशानभूमी निवारा शेड, निवडे स्मशानभूमी  शेड व निवारा शेड, वेखंडवाडी स्मशानभूमी सुधारणा, पांढरेपाणी आटोली स्मशानभूमी शेड, कदमवाडी नाटोशी स्मशानभूमी शेड, तळीये पूर्व स्मशानभूमी सुधारणा, धावडे स्मशानभूमी सुधारणा, कोकीसरे गावठाण स्मशानभूमी शेड, आंब्रुळे स्मशानभूमी शेड, आडदेव बु. खालचे स्मशानभूमी शेड, आडूळ गावठाण स्मशानभूमी सुधारणा, मालदन स्मशानभूमी व रस्ता सुधारणा, शिंदेवाडी चोरगेवस्ती अंबवडे खुर्द स्मशानभूमी शेड, मल्हारपेठ दिंडूकलेवाडी स्मशानभूमी शेड, वेताळवाडी स्मशानभूमी सुधारणा, नहिंबे चिरंबे स्मशानभूमी निवारा शेड, डावरी स्मशानभूमी निवारा शेड, मरळी स्मशानभूमी निवारा शेड, सांगवड स्मशानभूमी रस्ता सुधारणा, आवर्डे स्मशानभूमी सुधारणा, जगदाळवाडी कडवे स्मशानभूमी निवारा शेड, मुरुड स्मशानभूमी सुधारणा, बांबवडे स्मशानभूमी निवारा शेड, केरळ स्मशानभूमी सुधारणा, ढेरुगडेवाडी येराड स्मशानभूमी शेड, जुंगठी दिवशी खुर्द स्मशानभूमी सुधारणा, टोळेवाडी स्मशानभूमी सुधारणा, धनगरवाडा मरड स्‍मशानभूमी रस्ता सुधारणा, महिंद स्मशानभूमी सुधारणा, सळवे मागासवर्गीयवस्ती स्मशानभूमी शेड, तांबवे स्मशानभूमी सुधारणा, पाडळी जूनी स्मशानभूमी शेड, वस्ती साकुर्डी स्मशानभूमी निवारा शेड, भोळेवाडी स्मशानभूमी सुधारणा, घोट स्मशानभूमी शेड, मोडकवाडी जिंती स्मशानभूमी शेड या 48 कामांसाठी प्रत्येकी 4 लाख या प्रमाणे 1 कोटी 92 लक्ष रुपयांचा निधी मंजूर झाला आहे. जिल्हा वार्षिक आराखडयांतर्गत मंजूर झालेल्या विकास कामांच्या निविदा प्रक्रिया तातडीने करण्यात येऊन ही कामे तातडीने हाती घेण्यासंदर्भात पालकमंत्री ना.शंभूराज देसाई यांनी संबंधित अधिकाऱ्यांना केल्या असल्याची माहिती शेवटी प्रसिध्दीपत्रकां देण्यात आली आहे.