गृहराज्यमंत्री ना.शंभूराज देसाई रात्री “पावणे एक” लाही अलर्ट. रात्री “पावणे एक” वा. वृत्तवाहिनीने केला संपर्क. गृहराज्यमंत्र्यांच्या सतर्कतेचे दर्शन.

           दौलतनगर दि. ३१:- वेळ रात्री १२ वाजून ४५ मिनींटे गृहराज्यमंत्री ना.शंभूराज देसाईंचा फोन खणखणला न्यूज १८ लोकमत मधून वृत्तनिवेदक बोलतोय,बॉलीवूड अभिनेता सुशांतसिंह राजपूत आत्महत्ते प्रकरणी पाटणा (बिहार) चे पोलीस सिव्हील ड्रेसमध्ये रिक्षामधून मुंबईत फिरत आहेत,महाराष्ट्र गृह विभागाची भूमिका काय? गृहराज्यमंत्री म्हणून आपली प्रतिक्रिया हवी आहे. गृहराज्यमंत्री ना.शंभूराज देसाईंनी केवळ घडयाळाकडे पाहिले रात्री १२ वाजून ४५ मिनींटे झाली होती आणि फोनवरुनच याविषयासंदर्भात त्यांनी न्यूज १८ लोकमतच्या वृत्तनिवेदकास प्रतिक्रिया देण्यास सुरुवात केली. वृत्तनिवेदकांचे म्हणणे आणि गृहराज्यमंत्री ना.शंभूराज देसाईंची त्यावरची प्रतिक्रिया सलग ०५ मिनींटे सुरु होती. वेळेचे भान न ठेवता समोर आलेला कोणताही विषय गृहराज्यमंत्री हाताळत असल्याने त्यांचा हा अलर्टपणा व सतर्कता पुन्हा एकदा त्यांच्या रात्रीच्या वृत्तवाहिनीवरील प्रतिक्रियेमुळे अधोरेखित झाल्याचे दिसून आले.

            म्हणतात ना, राज्याचे मंत्री होणे आणि मिळालेले मंत्रीपद सांभाळणे म्हणावे एवढे सोपे नाही त्यातच गृहखात्याचे राज्यमंत्री. गृहखात्याचे मंत्री आणि राज्यमंत्री म्हणून या व्यक्तींना कायमच किती सतर्क,अलर्ट आणि अद्यावत माहितीनिशी (अपडेट) राहावे लागते हे त्यांचे त्यांनाच माहिती. सध्याचे गृहराज्यमंत्री ना.शंभूराज देसाई हे किती सतर्क,अलर्ट आणि अद्यावत माहितीनिशी (अपडेट) आहेत हे त्यांनी गत सहा महिन्यात महाराष्ट्रातील जनतेला दाखवून दिले आहे.ना.शंभूराज देसाईंची मंत्री म्हणून ही पहिलीच टर्म असली तरी त्यांचा प्रशासनातील अनुभव चांगला आणि दांडगा आहे.कितीही गंभीर प्रश्न चुटकीदिशी सोडविण्याची त्यांच्याकडे हातोटी आहे.त्यांचे आजोबा स्व.लोकनेते बाळासाहेब देसाई यांची महाराष्ट्र राज्याचे करारी गृहमंत्री म्हणून ओळख होती व आजही ती कायम आहे. लोकनेते यांचे सर्व गुण ना.शंभूराज देसाईंच्या मध्ये असून ग्रामीण विभागाचे गृहराज्यमंत्री असले तरी महाराष्ट्रातील सर्व विभागामध्ये त्यांनी त्यांच्या मागील सहा महिन्यांच्या राज्यमंत्रीपदाच्या कार्यातून गृहराज्यमंत्री म्हणून एक वेगळाच ठसा राज्यामध्ये उमटविला आहे. राज्यातील राजकारण्यांच्या आणि जनतेच्या नजरेतही त्यांचे गृहराज्यमंत्री म्हणून कार्यतत्परतेने सुरु असलेले काम दिसू लागले असून गृहराज्यमंत्री म्हंटले की महाराष्ट्रातील जनतेच्या तोंडी तात्काळ ना.शंभूराज देसाईंचेच नाव येवू लागले आहे. ही अतिशोक्ती नाही तर वस्तूस्थिती बनली आहे.

                राज्यामध्ये प्रतिरोज वेगवेगळया गंभीर स्वरुपाच्या घटना घडत असतात त्यातच गृहखात्याशी निगडीत असणाऱ्या घटनांची संख्या मोठी असल्यामुळे गृहराज्यमंत्री म्हणून ना.शंभूराज देसाईंना २४ तास अलर्ट आणि अपडेट रहावे लागते. कधी कोणता विषय समोर येईल,त्यावर कोणता निर्णय घेवून अंमलबजावणी करावी लागेल या सर्वांवर लक्ष ठेवून रहावे लागते. यामध्ये दिवस आहे का रात्र हे पहाता येत नाही. शासनाकडून राज्याचे मुख्यमंत्री तसेच वरीष्ठ मंत्री यांनी एखादया गंभीर घटनेबाबत गृहराज्यमंत्री म्हणून माहिती विचारल्यास त्या घटनेसंदर्भात अपडेट राहून गृहविभागामार्फत कोणती भूमिका शासनाच्या वतीने घेतली आहे याबाबत इत्तंभूत माहिती ठेवून अद्यावत रहावे लागत असते तसेच वृत्तवाहिन्यांकडूनही विचारणा केल्यानंतर घटनेचे गांभीर्य ओळखून त्यासंदर्भातील शासनाची आणि गृहविभागाची भूमिका स्पष्ट करावी लागते. ही भूमिका गृहराज्यमंत्री म्हणून ना. शंभूराज देसाई चोख बजावित आहेत.

               महाराष्ट्र गृह विभागातील पोलीस यंत्रणेला आपलासा वाटणारा गृहराज्यमंत्री  म्हणून ना.देसाईंची ओळख राज्यामध्ये निर्माण झाली आहे.अभ्यासू आणि अपटेड असणारे मंत्री म्हणूनही प्रसारमाध्यमांचे तसेच वृत्तवाहिनींचे प्रतिनिधी त्यांच्याकडे आकर्षित होत आहेत.राज्यात गृहविभागाशी कुठे घटना घडली की प्रसारमाध्यमांच्या नजरा ना.शंभूराज देसाईंना शोधत असतात आणि ना.शंभूराज देसाईही कायम अलर्ट आणि सतर्क असल्यामुळे प्रसारमाध्यमांना न डावलता ते प्रसारमाध्यमांशी निसंकोचपणे वार्तालाप करतात. काल रात्रीची न्यूज १८ लोकमत वरील वार्तांकनाची घटनाही गंभीर असल्याने त्यांनी वेळकाळ न पहाता आलेल्या फोनवरुन बॉलीवूड अभिनेता सुशांतसिंह राजपूत आत्महत्तेप्रकरणातील महाराष्ट्र गृह विभागाची भूमिका काय आहे हे स्पष्ट केले. भान ठेवून योजना आखणारे आणि बेभान होवून त्या अंमलात आणणारे एक मंत्री म्हणून गृहराज्यमंत्री ना.शंभूराज देसाईंनी राज्यातील जनतेच्या आणि राज्यकर्त्यांच्या नजरेत आपली प्रतिमा निर्माण केली आहे.

लोकनेते बाळासाहेब देसाई शैक्षणिक संकुलातील यशस्वी निकालाची परंपरा कायम. यशस्वी विद्यार्थ्यांचे गृहराज्यमंत्री ना.शंभूराज देसाईंनी केले अभिनंदन.

दौलतनगर दि. 30:- दौलतनगर ता.पाटण येथील लोकनेते बाळासाहेब देसाई शैक्षणिक संकूलातील मोरणा शिक्षण प्रसारक मंडळ संचलित वत्सलादेवी इंग्लिश मिडीयम स्कूल दौलतनगर, शिवाजीराव देसाई विद्यालय सोनवडे, न्यू इंग्लिश स्कूल धावडे व न्यू इंग्लिश स्कूल नाटोशी या चार विद्यालयांचा इयत्ता दहावीचा सन 2019-20 या शैक्षणिक वर्षातील निकाल नुकताच जाहिर झाला आहे. शैक्षणिक संकुलातील विद्यालयांनी आपली निकालाची यशस्वी परंपरा कायम ठेवली असून वत्सलादेवी इंग्लिश मिडीयम स्कूल,दौलतनगरचा 100 टक्के,शिवाजीराव देसाई विद्यालय,सोनवडे विद्यालयाचा 96.87 टक्के,न्यू इंग्लिश स्कूल,धावडे विद्यालयाचा 96.07  व न्यू इंग्लिश स्कूल,नाटोशी विद्यालयांचा 91.66 टक्के निकाला लागला आहे. या सर्व यशस्वी विद्यार्थ्यांचे शैक्षणिक संकुलाचे प्रमुख राज्याचे गृहराज्यमंत्री ना.शंभूराज देसाईंनी विशेष अभिनंदन केले आहे.

                महाराष्ट्र राज्याचे गृहराज्यमंत्री ना.शंभूराज देसाई यांचे मार्गदर्शनाखाली सुरु असलेल्या लोकनेते बाळासाहेब देसाई शैक्षणिक समुहातील मोरणा शिक्षण प्रसारक मंडळ संचलित वत्सलादेवी इंग्लिश मिडीयम स्कूल दौलतनगर,शिवाजीराव देसाई विद्यालय सोनवडे,न्यू इंग्लिश स्कूल,धावडे व न्यू इंग्लिश स्कूल नाटोशी या विद्यालयांमध्ये सुसज्ज इमारतींसह उच्चशिक्षित शिक्षक वर्ग असून या विद्यालयांमध्ये  विभागातील विद्यार्थी-विद्यार्थीनी या शैक्षणिक सुविधांचा लाभ घेत आहेत. तसेच या विद्यालयांमध्ये  शिक्षणांचा दर्जा चांगला राखला असल्याने सन 2019-20 या शैक्षणिक वर्षात वत्सलादेवी इंग्लिश मिडीयम स्कूलचा 100 टक्के निकाल लागला असून निकालात इंग्लिश मिडीयम स्कूलने बाजी मारली आहे.शिवाजीराव देसाई विद्यालय, सोनवडे विद्यालयाचा 96.87 टक्के, न्यू इंग्लिश स्कूल धावडे विद्यालयाचा 96.07 व न्यू इंग्लिश स्कूल नाटोशी विद्यालयाचा 91.66 टक्के निकाला लागला आहे. वत्सलादेवी इंग्लिश मिडीयम स्कूलमधील कु. श्वेता भाकरे हिला 88.40 टक्के गुण मिळवून प्रथम क्रमांक मिळविला आहे, शिवाजीराव देसाई विद्यालयात प्रथम क्रमांकाने कु.अश्विनी संजय वर्पे हि उत्तीर्ण झाली असून तिला 92.40 टक्के, न्यू इंग्लिश स्कूल धावडे विद्यालयामध्ये प्रथम क्रमांक राहुल जाधव याला 93 टक्के तर न्यू इंग्लिश स्कूल नाटोशी विद्यालयामध्ये प्रथम क्रमांक कु.लक्ष्मी डांगळ हिला 81.80 टक्के गुण मिळवून उत्तीर्ण झाले आहेत.लोकनेते बाळासाहेब देसाई शैक्षणिक संकुलात गृहराज्यमंत्री ना.शंभूराज देसाई व मोरणा शिक्षण प्रसारक मंडळाचे अध्यक्ष रविराज देसाई यांचे विशेष लक्ष तसेच उच्चशिक्षित शिक्षकांचे मार्गदर्शन असल्यामुळेच आम्ही हे यश संपादन करु शकलो असल्याच्या प्रतिक्रिया प्रथम क्रमांकाने उत्तीर्ण झालेल्या विद्यार्थ्यांनी दिल्या आहेत.

                लोकनेते बाळासाहेब देसाई शैक्षणिक संकुलातील वत्सलादेवी इंग्लिश मिडीयम स्कूल दौलतनगर, शिवाजीराव देसाई विद्यालय सोनवडे,न्यू इंग्लिश स्कूल,धावडे व न्यू इंग्लिश स्कूल,नाटोशी या विद्यालयां मधील यशस्वी तसेच उत्तीर्ण झालेल्या विद्यार्थी-विद्यार्थीनींचे राज्याचे गृहराज्यमंत्री ना. शंभूराज देसाई, मोरणा शिक्षण प्रसारक मंडळाचे अध्यक्ष रविराज देसाई, युवानेते यशराज देसाई, विविध संस्थांचे  पदाधिकारी, मुख्याध्यापक व शिक्षक वर्ग यांनी अभिनंदन केले आहे.

        

लोकनेते बाळासाहेब देसाई सह. साखर कारखान्यात युवानेते यशराज देसाईंचे हस्ते रोलरचे पुजन.

दौलतनगर दि. 29:-  गतवर्षीच्या गळीत हंगामापेक्षा महाराष्ट्रामध्ये सध्या ऊसाचे प्रमाण जास्त असून साखरेचे भाव यंदाच्या वर्षीही अनिश्चित असून सध्या कोरोना संसर्गाच्या संकटामुळे अनेक कारखान्यांकडे मोठया प्रमाणांत साखेरेचे साठे पडून आहेत.आपला लोकनेते बाळासाहेब देसाई सहकारी साखर कारखाना हा महाराष्ट्रातील असा कारखाना आहे जो अडचणीच्या काळातही महाराष्ट्र राज्याचे गृहराज्यमंत्री ना.शंभूराज देसाई यांचे मार्गदर्शनाखाली साखर उद्योगामध्ये तग धरुन आहे.कारखान्याने गतवर्षीचा गळीत हंगाम यापुर्वीच्या सर्वच गळीत हंगामाप्रमाणे चांगल्या प्रकारे पुर्ण केला असून इतर कारखान्यांच्या बरोबरीने आपले देसाई कारखान्याने ऊस उत्पादक शेतकऱ्यांना एफआरपीची ९० टक्के रक्कम अदा केली आहे.उर्वरीत एफआरपीची रक्कमही लवकरच ऊस उत्पादक शेतकऱ्यांना देण्यात येणार आहे.यंदाच्या गळीत हंगामातही कार्यक्षेत्रातील जास्तीत जास्त  ऊसाचे गाळप करण्याचे उद्दीष्ट कारखान्याने ठेवून नियोजनबध्द काम करुन सन 2020-21 चा गळीत हंगामही प्रतिवर्षाप्रमाणे यशस्वी करावा,असे आवाहन युवानेते यशराज देसाई यांनी केले.

             दौलतनगर,ता.पाटण येथील लोकनेते बाळासाहेब देसाई सहकारी साखर कारखान्यात सन 2020-21 चे गळीत हंगामासाठी रोलरचे पूजन युवानेते यशराज देसाई यांचे शुभहस्ते करण्यात आले.याप्रसंगी ते बोलत होते.प्रारंभी रोलरचे पूजन झालेनंतर यशराज देसाई यांनी कारखान्यातील सर्व कामकाजाची पदाधिकारी यांचेसोबत पाहणी केली.योवळी कारखान्याचे चेअरमन अशोकराव पाटील,व्हाईस चेअरमन राजाराम पाटील, माजी चेअरमन डॉ. दिलीपराव चव्हाण,संचालक आनंदराव चव्हाण,संपतराव सत्रे,बबनराव भिसे,विकास गिरी गोसावी,शशिकांत निकम,सोमनाथ खामकर,वसंत कदम,गजानन जाधव,व्यंकट पाटील, शंकर शेजवळ,सौ. दिपाली पाटील यांची प्रमुख उपस्थिती होती.

             याप्रसंगी बोलताना यशराज देसाई पुढे म्हणाले,लोकनेते बाळासाहेब देसाई सहकारी साखर कारखान्याने सन 2019-20 चे गळीत हंगामात 02 लाख 02 हजार 414 मे.टन इतके ऊसाचे गाळप करुन 12.10 % सरासरी साखर उताऱ्याने 02 लाख 45 हजार क्विंटल साखर उत्पादन केले आहे.मागील सन 2019-20 च्या गळीत हंगामात कार्यक्षेत्रातील गाळपास आलेल्या ऊसाला प्रतिटन एफआरपीनुसार 2330 प्रमाणे ९० टक्के ऊसबिलाची रक्कम ऊस उत्पादक शेतकरी,सभासद यांचे बँक खाती आत्तापर्यंत अदा केले आहेत.उर्वरीत राहिलेली एफआरपीची रक्कम लवकरच ऊस उत्पादक शेतकरी,सभासद यांचे बँक खाती जमा करण्यात येणार आहे.आतापर्यंत मागील गळीत हंगामातील ४७ कोटी १६ लाख रक्कम अदा करण्यात आली असून  केंद्र शासना कडून आपले कारखान्यास 08 कोटी 75 लाख तर राज्य शासनाकडून 02 कोटी 10 लाख असे एकूण १० कोटी ८५ लाख रुपयांचे अनुदान मिळणेबाकी असून सदरचे अनुदान मिळविणेकरीता गृहराज्यमंत्री ना. शंभूराज देसाई यांचे मार्गदर्शनाखाली कारखान्याचे व्यवस्थापन प्रयत्नशिल आहे.केवळ ६ कोटी ६३ लाख रुपयांची रक्कम शेतकरी, ऊस उत्पादकांना देणे बाकी आहे.

               यंदाच्या गळीत हंगामात कारखान्यातील गळीत हंगाम पुर्व कामे प्रगतीपथावर असून प्रतिवर्षाप्रमाणे सन 2020-21 च्या ऊस गाळप हंगामाकरीता जादा ऊस गाळपाच्यादृष्टीने कार्यक्षेत्रातील जास्तीत जास्त ऊसाचे गाळप करण्याचे उद्दीष्ट व नियोजन कारखाना व्यवस्थापनाने केले आहे.गतवर्षीच्या सरासरी साखर उताऱ्यामध्ये यंदाच्या वर्षी वाढ करण्याचा मनोदय आमचा आहे त्याला यश मिळेल असे सांगून ते म्हणाले,साखर उद्योग अडचणीत असताना देखील आपला देसाई सह.साखर कारखाना चांगल्या प्रकारे सुरु आहे.कारखान्याची क्षमता कमी असूनही तालुक्याच्या कार्यक्षेत्रातील जास्तीत जास्त ऊस गाळप करण्याचे आणि गाळप केलेल्या ऊसाला इतर मोठया क्षमतेच्या कारखान्यांच्या बरोबरीने ऊसदर देण्याचा आपण नेहमीच प्रयत्न करीत आलो आहोत. यावर्षी कारखान्याच्या कार्यक्षेत्रामध्ये ऊसाची उपलब्धता चांगली राहणार असून शेतकऱ्यांचा आर्थिक विकासाचा कणा असलेल्या साखर कारखानदारीपुढे आज सातत्याने कोसळणाऱ्या साखर दरामुळे तसेच कोरोना संसर्गाचे पार्श्वभूमीवर आव्हानात्मक परिस्थिती निर्माण झालेली असताना देखील यावर मात करुन यंदाचा गळीत हंगाम यशस्वी करणेकरीता सर्वांच्या सहकार्याची गरज आहे.व्यवस्थापनाने ठरविलेल्या नियोजनाप्रमाणे कारखान्यातील सर्व अधिकारी,कर्मचाऱ्यांनी नियोजनबध्द काम करावे.कारखाना कार्यक्षेत्रातील ऊस पिकवणाऱ्या सभासद तसेच बिगर सभासद शेतकऱ्यांनी आपला पिकवलेला सर्व ऊस आपल्या कारखान्याला देऊन सहकार्य करावे व येणारा गळीत हंगाम यशस्वी करावा,असे आवाहनही त्यांनी शेवटी बोलताना केले.यावेळी कारखान्याचे सर्व खातेप्रमुख,अधिकारी,कर्मचारी उपस्थित होते.

मुख्यमंत्र्याच्या वाढदिवसानिमित्त लोकनेते शताब्दी स्मारकात स्पर्धा परीक्षांच्या ऑनलाईन मार्गदर्शनाचा युवानेते यशराज देसाई यांचे हस्ते शुभारंभ. वाढदिवसानिमित्त पाटण मतदारसंघात वृक्षारोपण,गरीब कुटुंबाना वस्तू व विद्यार्थ्यांना शालेय वहयांचे वाटप.

     

     दौलतनगर दि. २८:-  महाराष्ट्र राज्याचे मुख्यमंत्री व  शिवसेना पक्षप्रमुख उध्दवजी ठाकरे यांचे दि.27 रोजीचे वाढदिवसानिमित्त गृहराज्यमंत्री नामदार शंभूराज देसाई यांच्या मार्गदर्शनाखाली पाटण मतदारसंघात दौलतनगर,ता.पाटण येथील लोकनेते बाळासाहेब देसाई शताब्दी स्मारकामधील “महाराष्ट्र दौलत” अभ्यासिकेमध्ये स्पर्धा परीक्षांची पुर्वतयारी करणाऱ्या एकूण 60 विद्यार्थ्यांना स्पर्धापरीक्षा उत्तीर्ण झालेले बीड जिल्हयातील अंबेजोगाई गावचे चंद्रशेखर घोडके यांचे ऑनलाईन मार्गदर्शनाचा ऑनलाईन शुभारंभ युवानेते यशराज देसाई यांच्या शुभहस्ते संपन्न झाला.

           कोरोना संकटाच्या पार्श्वभूमिवर महाराष्ट्र राज्याचे मुख्यमंत्री,शिवसेना पक्षप्रमुख उध्दवजी ठाकरे यांनी दि.27 रोजीचा त्यांचा वाढदिवस सोशल डिस्टटींग पाळत विविध सामाजिक उपक्रम राबवित साजरा करण्याचे आवाहन केले होते. त्याचाच एक भाग म्हणून महाराष्ट्र राज्याचे गृहराज्यमंत्री नामदार शंभूराज देसाई यांच्या मार्गदर्शनाखाली पाटणसारख्या ग्रामीण,डोंगरी मतदारसंघातील गरीब कुटुंबातील मुलामुलींना महाविद्यालयीन शिक्षणा बरोबर स्पर्धा परीक्षांचाही पुर्वतयारी करण्याकरीता अद्यावत डिजीटल संगणकीकृत अभ्यासिकेचा उपयोग व्हावा यादृष्टीने मुख्यमंत्री उध्दवजी ठाकरे यांचे 60 व्या वाढदिवसाचे औचित्य साधून “महाराष्ट्र दौलत” अभ्यासिकेतील मिनी ऑडीटीरियममध्ये व्हिडीओ कॉन्फरन्सव्दारे 60 विद्यार्थ्यांना विविध एमपीएससी, युपीएससी परीक्षा पास झालेल्यांचे मार्गदर्शनाचा नुकतेच आयपीएस उत्तीर्ण झालेले बीड जिल्हयातील अंबेजोगाई गावचे चंद्रशेखर घोडके यांचा व्हिडीओ कॉन्फरन्सव्दारे शुभारंभ पाटणचे युवानेते यशराज देसाई यांचे हस्ते करण्यात आला.तसेच लॉकडाऊन काळात गर्दी न करता समाजोपयोगी उपक्रमांनी वाढदिवस साजरा करावा असे आदेश असल्याने मुख्यमंत्री यांच्या वाढदिवसानिमित्त पाटण तालुक्यातील येराड,मुळगाव,आडूळ,पाडळोशी,काळोली व तामकडे येथील सुमारे 500 गरीब व गरजू कुटुंबांना दिलासा देण्याच्या हेतूतून आवश्यक ते संसारपयोगी साहित्य व धान्य वाटप, मतदारसंघातील मोरणा,चाफळ व तारळे  विभागातील 2000 शालेय विद्यार्थ्यांना वह्यावाटप तर मरळी,पापर्डे,सोनवडे या ठिकाणी ५००० वृक्ष लागवड करण्याच्या दृष्टीने याचा प्रारंभ ३०० वृक्षारोपण करण्यात आले असून विविध उपक्रमांनी मुख्यमंत्री उध्दवजी ठाकरे यांचा ६० वा वाढदिवस गृहराज्यमंत्री ना.शंभूराज देसाई यांच्या मार्गदर्शनाखाली पाटण मतदारसंघात संपन्न झाला.

चौकट:- स्पर्धा परीक्षा ऑनलाईन मार्गदर्शन कल्पना अतिशय उत्कृष्ट. मुख्यमंत्री ना.ठाकरे.

             लोकनेते बाळासाहेब देसाई शताब्दी स्मारकामधील “महाराष्ट्र दौलत” अभ्यासिकेमध्ये स्पर्धा परीक्षांची पुर्वतयारी करणाऱ्या एकूण 60 विद्यार्थ्यांना स्पर्धा परीक्षांची पुर्वतयारी करण्याकरीता ऑनलाईन मार्गदर्शन आयोजीत करण्याची कल्पना अतिशय उत्कृष्ट असून या उपक्रमाबद्दल मुख्यमंत्री ना.उध्दवजी ठाकरे यांनी गृहराज्यमंत्री ना.देसाईंचे कौतुक केले आहे. याचा शुभारंभ माझे वाढदिवसानिमित्त झाला ही बाबही कौतुकास्पद असल्याचे त्यांनी म्हंटले आहे.

मुख्यमंत्री यांच्या वाढदिवसानिमित्त जिल्हयातील गृहराज्यमंत्री शंभूराज देसाई यांचे हस्ते 448 ऑनलाईन शाखांचे उद्घाटन संपन्न. राज्यातील पहिला उपक्रम सातारा जिल्हयात.

              दौलतनगर दि. 28:- महाराष्ट्र राज्याचे मुख्यमंत्री व  शिवसेना पक्षप्रमुख उध्दवजी ठाकरे यांचे दि.27 रोजीच्या वाढदिवसानिमित्त सातारा जिल्हयातील शिवसेनेचे राज्यमंत्री,आमदार संपर्कप्रमुख,जिल्हाप्रमुख तसेच जिल्हयातील शिवसेना पदाधिकारी,शिवसैनिक यांनी जिल्हयामध्ये पक्षसंघटना वाढविण्याच्या दृष्टीने वाढदिवसाची एक अनोखी भेट पक्षप्रमुखांना दिली आहे. जिल्हयामध्ये गृहराज्यमंत्री ना.शंभूराज देसाई, संपर्कप्रमुख प्रा.नितीन बानुगडे-पाटील,आमदार महेश शिंदे व जिल्हाप्रमुख यांच्या प्रमुख उपस्थितीत तब्बल ४४८ नवीन शांखाचा ऑनलाईन उद्घाटन समारंभ संपन्न झाला. राज्यातील हा पहिला उपक्रम असून सातारा जिल्हयातील सर्व तालुक्यातील शिवसैनिकांनी सोशल डिस्टटींगचे पालन करीत या उपक्रमाला चांगला प्रतिसाद दिला.

              सातारा येथील शिवदौलत शाखेतून सातारा जिल्हयातील ४४८ नवीन शाखांचा ऑनलाईन उद्घाटन समारंभ गृहराज्यमंत्री ना.शंभूराज देसाई यांच्या प्रमुख उपस्थितीत आयोजीत करण्यात आला होता.याप्रसंगी कोरेगाव विधानसभा मतदारसंघाचे शिवसेनेचे आमदार महेश शिंदे,संपर्कप्रमुख प्रा.नितीन बानुगडे-पाटील,शिवसेना जिल्हा प्रमुख जयवंतराव शेलार,यशवंत घाडगे,चंद्रकांत जाधव यांची प्रमुख उपस्थिती होती.तसेच जिल्हयातील प्रत्येक तालुक्यात झुम ॲपव्दारे सर्व उपजिल्हा प्रमुख, तालुकाप्रमुख व शिवसैनिक उपस्थित होते.

            कोरोना संकटाच्या पार्श्वभूमिवर महाराष्ट्र राज्याचे मुख्यमंत्री,शिवसेना पक्षप्रमुख उध्दवजी ठाकरे यांनी दि.27 रोजीचा त्यांचा वाढदिवस सोशल डिस्टटींग पाळणेकरीता ऑनलाईन विविध शिबीरे तसेच लॉकडाऊन काळात गर्दी न करता समाजोपयोगी उपक्रमांनी साजरा करावा असे आदेश दिले असल्याने सातारा जिल्हयातील राज्याचे गृहराज्‍यमंत्री ना.शंभूराज देसाई,शिवसेना पक्षाचे जिल्हयातील संपर्कप्रमुख प्रा.नितीन बानुगडे-पाटील यांनी मुख्यमंत्री उध्दवजी ठाकरे यांचे 60 व्या वाढदिवसानिमित्त सातारा जिल्हयातील विविध तालुक्यांमध्ये शिवसेनेची पक्षसंघटना वाढविण्यासाठी गावनिहाय शाखा सुरु करुन त्यांचे ऑनलाईन उद्घाटन करण्याचा निर्णय घेतला होता.त्यादृष्टीने गृहराज्यमंत्री शंभूराज देसाई,संपर्कप्रमुख प्रा.नितीन बानुगडे-पाटील,आमदार महेश शिंदे, जिल्हयातील सर्व जिल्हाप्रमुख यांनी झुम ॲपव्दारे जिल्हयातील सर्व उपजिल्हाप्रमुख,पदाधिकारी व शिवसैनिक यांचेशी संपर्क साधला व तालुकानिहाय शिवसेनेच्या शाखांचे उदघाटन केले. सातारा जिल्हयात शिवसेना पक्षप्रमुख व राज्याचे मुख्यमंत्री ना.उध्दवजी ठाकरे यांच्या वाढदिवसानिमित्त एकूण ४४८ नवीन शिवसेना शाखांचे ऑनलाईन उदघाटन करण्यात आले आहे. प्रारंभी गृहराज्यमंत्री शंभूराज देसाई,संपर्कप्रमुख प्रा.नितीन बानुगडे-पाटील,आमदार महेश शिंदे, जिल्हयातील सर्व जिल्हाप्रमुख, उपजिल्हाप्रमुख,पदाधिकारी व शिवसैनिक  यांनी  मुख्यमंत्री उध्दवजी ठाकरे यांचे 60 व्या वाढदिवसानिमित्त हार्दिक शुभेच्छा देवून उध्दवजी ठाकरे यांना दीर्घायुष्य लाभावे अशी प्रार्थना केली.

चौकट: मुख्यमंत्र्याकडून या उपक्रमाचे कौतुक.

          मुख्यमंत्री ना.उध्दवजी ठाकरे यांना 60 व्या वाढदिवसानिमित्त शुभेच्छा देणेकरीता गृहराज्यमंत्री ना.शंभूराज देसाई यांनी दुरध्वनी केलेनंतर सातारा जिल्हयात पक्षवाढविण्याच्या दृष्टीने ४४८ शाखांचे ऑनलाईन उदघाटन केले असल्याचे निदर्शनास आणून दिलेनंतर मुख्यमंत्री यांनी या उपक्रमाचे कौतुक करुन शिवसैनिकांना धन्यवाद दिले.

सर्व पक्षीय बैठकीत पाटण तालुक्यात एक गाव एक गणपती बसविण्याचा एकमुखाने निर्णय. बैठकीच्या अध्यक्षस्थानी गृहराज्यमंत्री शंभूराज देसाई.

        

            दौलतनगर दि. 26:- कोरोना संकटाच्या पार्श्वभूमीवर उद्भवलेल्या संसर्गजन्य परिस्थितीचा विचार करता या वर्षीचा गणेशोत्सव साध्या पध्दतीने साजरा करीत पाटण तालुक्यामध्ये “एक गाव एक गणपती” बसवून गणेशोत्सव काळातील खर्चाला फाटा देत गणेशोत्सवाचा खर्च कोरोना संकटाचा सामना करण्याकरीता करावा असा एकमुखाने निर्णय आज पाटण याठिकाणी झालेल्या सर्वपक्षीय बैठकीत करण्यात आला. या सर्वपक्षीय बैठकीच्या अध्यक्षस्थानी पाटण मतदारसंघाचे आमदार, राज्याचे गृहराज्यमंत्री  नामदार शंभूराज देसाई उपस्थित होते.

         कोरोना मुळे उद्भवलेल्या संसर्गजन्य काळात कोरोनाचा संसर्ग वाढू नये याकरीता यंदाच्या वर्षीचा गणेशोत्सव हा राज्यातील ग्रामीण भागात “एक गाव एक गणपती” बसवून राज्यातील ग्रामीण भागातील जनतेने साजरा करावा असे आवाहन राज्यातील ग्रामीण भागातील जनतेला राज्याचे गृह(ग्रामीण) राज्यमंत्री ना.शंभूराज देसाईंनी केले आहे. त्याची सुरुवात त्यांचे पाटण मतदारसंघातून होण्याकरीता त्यांचे अध्यक्षतेखाली तहसिल कार्यालय पाटण येथील लोकनेते बाळासाहेब देसाई सभागृहात सर्वपक्षीय बैठक आयोजित करण्यात आली होती. या बैठकीत सर्वपक्षीय पदाधिकाऱ्यांनी आप-आपले मनोगते व्यक्त केली.

             यावेळी बैठकीत सर्वपक्षीय पदाधिकाऱ्यांनी आपले मत व्यक्त करताना राज्याचे गृहराज्यमंत्री  व पाटण मतदारसंघाचे आमदार ना.शंभूराज देसाई यांनी मांडलेली संकल्पना उत्कृष्ट असून कोरोना संकटकाळात गणेशोत्सवाच्या सणामध्ये राज्यातील तसेच पाटण मतदारसंघातील ग्रामीण भागात कोरोनाचा प्रादुर्भाव वाढू नये. याकरीता “एक गाव एक गणपती” हि संकल्पना सर्व गावांनी राबवावी असे आवाहन आम्ही सर्वजण करीत आहोत यासंदर्भात जनजागृती करण्याकरीता आम्ही सर्वजण तयार आहोत. कोरोना काळात राज्याच्या विविध भागांत जाऊन गृहराज्यमंत्री हे तेथील प्रशासनाला सतर्क करीत राज्यातील विविध भागातील जनतेची मंत्री म्हणून ते काळजी घेत आहेत.तसेच पाटण मतदारसंघातील जनतेवरही त्यांचे विशेष लक्ष असल्याने गत चार महिन्यात कोरोनाचा प्रादुर्भाव पाटण मतदारसंघात रोखण्याकरीता त्यांचे कसोशिने प्रयत्न सुरु आहेत. त्याचाच एक भाग म्हणून येणारा गणेशोत्सव हा पाटण तालुक्यात “एक गाव एक गणपतीने” साजरा व्हावा याला आमचा सर्वांचा पाठींबा तसेच सहमती असून तालुक्यातील प्रत्येक गावामध्ये यासंदर्भात प्रशासनाच्या मदतीने आम्ही सर्वजण जागृती करु अशा प्रतिक्रिया सर्वपक्षीय पदाधिकाऱ्यांनी या बैठकीत दिल्या.

             यावेळी मार्गदर्शन करताना गृहराज्यमंत्री शंभूराज देसाई म्हणाले, कोरोनाचा प्रादुर्भाव दिवसेंदिवस वाढत असून या संसर्गजन्य रोगाचा सामना करण्याकरीता जास्तीत जास्त प्रतिबंधात्मक उपाय आपण सर्वजण करीत आहोत. गेली चार महिने आपण या संकटाचा सर्वजणच सामना करीत आहोत.होऊ घातलेला सार्वजनिक गणेशोत्सव कशा पध्दतीने साजरा करायचा याच्या मार्गदर्शक सुचना राज्यशासनाने यापुर्वीच प्रसिध्द केल्या आहेत. गर्दीत जाणे टाळणे हा एकमेव कोरोना रोखण्याचा उपाय असल्याने यंदाचा गणेशोत्सव हा विना गर्दीचा होण्या करीता “एक गाव एक गणपती” हि संकल्पना राबविणेचे आवाहन मी गृहराज्यमंत्री या नात्याने राज्यातील ग्रामीण भागातील जनतेला केले आहे. त्याची सुरुवात आपण आपल्या मतदारसंघातून करावी अशी विनंती मी सर्वपक्षीयांचे संमतीने व सहकार्याने पाटण मतदारसंघातील जनतेला करीत आहे. “एक गाव एक गणपती” यामुळे आपले स्व:ताचे व कुटुंबियांचे कोरोना साथीचे रोगापासून रक्षण होईल असा मला विश्वास आहे. असे यावेळी ते बोलताना म्हणाले.

          याप्रसंगी बैठकीस भारतीय राष्ट्रीय काँग्रेस पक्षाचे हिंदुराव पाटील,भारतीय जनता पक्षाचे फत्तेसिंह पाटणकर, शिवसेना पक्षाचे जयवंतराव शेलार,महाराष्ट्र नव निर्माण सेना पक्षाचे गोरख नारकर, रिपब्लिकन पार्टी ऑफ इंडीया पक्षाचे प्राणलाल माने,बहुजन समाजवादी पक्षाचे शिवाजी कांबळे,पाटणचे उपविभागीय अधिकारी श्रीरंग तांबे, उपविभागीय पोलिस अधिकारी अशोक थोरात,तहसिलदार समीर यादव,पाटण नगरपंचायतीचे मुख्य कार्यकारी अधिकारी अभिषेक परदेशी,उंब्रज सपोनि अजय गोरड,ढेबेवाडी सपोनि उत्तम भजनावळे,कोयना सपोनि एम.एस. भावीकट्टी,मल्हारपेठ पीएसआय अजित पाटील,पोलीस संघटनेचे सुभाष कदम,तालुका वैद्यकीय अधिक्षक डॉ. सी. के.यादव,डॉ. रघुनाथ पाटील यांची प्रमुख उपस्थिती होती.

चौकट:- गणेशोत्वाच्या खर्चाला फाटा देऊन सामाजिक बांधिलकी जपावी.

        सार्वजनिक गणेश मंडळांनी कोरोना संसर्गाचे काळात “एक गाव एक गणपती” मुळे गणेशोत्वाच्या खर्चाला फाटा देत कोरोनाचा सामना करण्याकरीता कोरोना बाधित गावांमध्ये मास्क,सॅनिटायझर,रोग प्रतिबंधक गोळया, गोर-गरीब कुटुंबांना जिवनावश्यक वस्तूचे वाटप तसेच आरोग्य विषयक उपक्रम राबवून सामाजिक बांधिलकी जपण्याचे आवाहन गृहराज्यमंत्री शंभूराज देसाई यांनी तालुक्यातील गणेश मंडळांना केले आहे.

मुख्यमंत्री यांच्या वाढदिवसानिमित्त गृहराज्यमंत्री यांच्या उपस्थितीत सातारा जिल्हयात ऑनलाईन विविध कार्यक्रम. पाटण मतदारसंघात वाढदिवसानिमित्त दौलतनगरला स्पर्धा परीक्षांच्या ऑनलाईन मार्गदर्शनाचा शुभारंभ.

दौलतनगर दि. 24:- महाराष्ट्र राज्याचे मुख्यमंत्री व  शिवसेना पक्षप्रमुख उध्दवजी ठाकरे यांनी दि.27 रोजीचा माझा वाढदिवस साजरा करु नका,वाढदिवसानिमित्त विविध शिबीरे तसेच पक्षसंघटना वाढविण्याकरीता प्रयत्न करा असे आदेश राज्यातील शिवसैनिकांना दिले आहेत.या आदेशांचे पालन करीत राज्याचे गृहराज्यमंत्री ना.शंभूराज देसाई यांच्या प्रमुख उपस्थितीत सातारा जिल्हयातील सर्व तालुक्यामध्ये गावनिहाय स्थापन केलेल्या शाखांचे ऑनलाईन उद्घाटन करुन संघटना वाढीची अनोखी भेट पक्षप्रमुखांना देण्यात येणार आहे. गृहराज्यमंत्र्यांच्या पाटण मतदारसंघात लोकनेते बाळासाहेब देसाई शताब्दी स्मारकामधील “महाराष्ट्र दौलत” अभ्यासिकेमध्ये स्पर्धा परीक्षांची पुर्वतयारी करणाऱ्या 60 विद्यार्थ्यांना स्पर्धापरीक्षा उत्तीर्ण तज्ञांचे ऑनलाईन मार्गदर्शनाचा ऑनलाईन शुभारंभ, गोरगरीबांना धान्य,कपडे,शालेय विद्यार्थ्यांना वह्या वाटप,वृक्षलागवड असे विविध कार्यक्रम आयोजीत करण्यात आले असून असेच कार्यक्रम गृहराज्यमंत्र्यांच्या उपस्थितीत संपुर्ण सातारा जिल्हयात घेण्यात येणार आहेत.

           कोरोना संकटाच्या पार्श्वभूमिवर महाराष्ट्र राज्याचे मुख्यमंत्री,शिवसेना पक्षप्रमुख उध्दवजी ठाकरे यांनी दि.27 रोजीचा त्यांचा वाढदिवस सोशल डिस्टटींग पाळणेकरीता ऑनलाईन विविध शिबीरे तसेच लॉकडाऊन काळात गर्दी न करता समाजोपयोगी उपक्रमांनी साजरा करावा असे आदेश दिले असल्याने सातारा जिल्हयातील राज्याचे गृहराज्‍यमंत्री ना.शंभूराज देसाई,शिवसेना पक्षाचे जिल्हयातील संपर्कप्रमुख प्रा.नितीन बानुगडे-पाटील यांनी मुख्यमंत्री उध्दवजी ठाकरे यांचे 60 व्या वाढदिवसानिमित्त सातारा जिल्हयातील विविध तालुक्यांमध्ये शिवसेनेची पक्षसंघटना वाढविण्यासाठी गावनिहाय शाखा सुरु करुन त्यांचे ऑनलाईन उद्घाटन करण्याचा निर्णय घेतला तसेच मुख्यमंत्री यांच्या वाढदिवसानिमित्त कोरोना संकटामुळे हैरान झालेल्या सातारा जिल्हयातील विविध तालुक्यातील गोरगरीब जनतेला दिलासा देणेकरीता गोरगरीबांना आवश्यक ते धान्य व कपडे,संसारपयोगी साहित्य तसेच शालेय विद्यार्थ्यांना वह्यावाटप,काही ठिकाणी मास्क वाटप करण्याचे ठरविण्यात आले आहे. त्यादृष्टीने गृहराज्यमंत्री शंभूराज देसाई,संपर्कप्रमुख प्रा.नितीन बानुगडे-पाटील,जिल्हयातील सर्व जिल्हाप्रमुख, पदाधिकारी व शिवसैनिक यांनी तयारी सुरु केली आहे.

              दि.27 रोजी गृहराज्यमंत्री शंभूराज देसाई,संपर्कप्रमुख प्रा.नितीन बानुगडे-पाटील,जिल्हयातील सर्व जिल्हाप्रमुख हे जिल्हयाच्या ठिकाणी उपस्थित राहून सातारा जिल्हयातील सर्व तालुक्यामधील तालुकाप्रमुख यांच्याशी झूम ॲपच्या माध्यमातून ऑनलाईन संपर्क करुन शिवसेना पक्षाच्या गावनिहाय शाखांचे ऑनलाईन उद्घाटन करणार आहेत. सकाळी 11.00 वा हा ऑनलाईन कार्यक्रम सातारा येथे आयोजीत करण्यात आला आहे.

             गृहराज्यमंत्री शंभूराज देसाई यांच्या पाटण मतदारसंघात मुख्यमंत्री उध्दवजी ठाकरे यांचे 60 व्या वाढदिवसानिमित्त पाटण मतदारसंघात लोकनेते बाळासाहेब देसाई शताब्दी स्मारकामधील “महाराष्ट्र दौलत” अभ्यासिकेमध्ये स्पर्धा परीक्षांची पुर्वतयारी करणाऱ्या पाटणसारख्या ग्रामीण आणि डोंगरी भागातील गरीब कुटुंबातील 60 विद्यार्थ्यांना स्पर्धापरीक्षा उत्तीर्ण तज्ञांचे ऑनलाईन मार्गदर्शनाचा ऑनलाईन शुभारंभ तसेच त्यांचे पदाधिकारी व कार्यकर्ते यांच्या मार्फत मतदारसंघातील गोरगरीबांना धान्य,कपडे,शालेय विद्यार्थ्यांना घरपोहोच वह्या वाटप,विविध भागात वृक्षलागवड असे कार्यक्रम आयोजीत करण्यात आले आहेत.

              पाटणसारख्या ग्रामीण,डोंगरी मतदारसंघातील गरीब कुटुंबातील मुलामुलींना महाविद्यालयीन शिक्षणा बरोबर स्पर्धा परीक्षांचाही पुर्वतयारी करण्याकरीता अद्यावत डिजीटल संगणकीकृत अभ्यासिकेचा उपयोग व्हावा हा ना.शंभूराज देसाईंचा मनोदय असून मुख्यमंत्री उध्दवजी ठाकरे यांचे 60 व्या वाढदिवसाचे औचित्य साधून “महाराष्ट्र दौलत” अभ्यासिकेमध्ये व्हिडीओ कॉन्फरन्सव्दारे 60 विद्यार्थ्यांना विविध एमपीएससी,युपीएससी परीक्षा पास झालेल्यांचे मार्गदर्शन मिळणेसाठीचा शुभारंभ मिनी ऑडीटीरियममध्ये पाटणचे युवानेते यशराज देसाई यांचे हस्ते होणार असून व्हिडीओ कॉन्फरन्सव्दारे नुकतेच आयपीएस उत्तीर्ण झालेले बीड जिल्हयातील अंबेजोगाई गावचे चंद्रशेखर घोडके हे एमपीएससी,युपीएससी पुर्वपरीक्षांच्या संदर्भात मार्गदर्शन करणार आहेत.

गृहराज्यमंत्री ना.शंभूराज देसाईंनी एका दिवसात पाहिली पाच तालुक्यांची कायदा,सुव्यवस्था. सकाळी १० पासून रात्री १० पर्यंत गृहराज्यमंत्री फिल्डवर.

        दौलतनगर दि.22:- राज्याचे गृहराज्यमंत्री ना.शंभूराज देसाईंनी काल एका दिवसात सातारा जिल्हयातील वाई,खंडाळा,फलटण,माण,खटाव या पाच तालुक्यांचा दौरा करीत या पाच तालुक्यात कोरोनामुळे करण्यात आलेल्या लॉकडाऊनच्या काळातील कायदा व सुव्यवस्थेची सविस्तर पहाणी करीत या पाच तालुक्यातील सर्व तालुकास्तरीय अधिकाऱ्यांच्या उच्चस्तरीय बैठकाही घेतल्या.सकाळी १० वाजलेपासून रात्री १० वाजेपर्यंत गृहराज्यमंत्री ना.देसाई हे प्रत्यक्ष फिल्डवर होते. दिवसभराच्या या दौऱ्यात त्यांनी पाचही तालुक्यातील कन्टेंमेंट झोनची तसेच महसूल व पोलीस विभागामार्फत करण्यात आलेल्या उपाययोजनांची पहाणी केली. गृहराज्यमंत्र्यांच्या दौऱ्यात गृह विभागाच्या जिल्हास्तरीय अधिकाऱ्यांसह तालुकास्तरीय सर्व विभागाचे शासकीय अधिकारी यांची उपस्थिती होती.

          गृहराज्यमंत्री ना.शंभूराज देसाईंनी केवळ मतदारसंघातच राहून कोरोनाच्या संकटामुळे उद्भवणाऱ्या समस्यांचा सामना केला नाही तर त्यांनी सातारा जिल्हयातील सर्व तालुक्यांमध्ये जावून कोरोनाच्या पार्श्वभूमिवर विविध तालुक्यामध्ये प्रशासनामार्फत काय काय उपाययोजना करण्यात आल्या आहेत? कोणत्या गोष्टींची अंमलबजावणी करणे गरजेचे आहे,लॉकडाऊनच्या काळात कोणत्याही समस्या निर्माण होवू नयेत याकरीता दौरे करुन बैठका घेवून बारकाईने लक्ष दिले.दोनच दिवसापुर्वी त्यांनी व जिल्हयाचे पालकमंत्री यांनी कराड शहरातील तसेच आसपासच्या गावातील कन्टेंमेंट झोनची,नाकाबंदीच्या ठिकाणांची संयुक्त पहाणी केली होती.गृहराज्यमंत्री ना.देसाई यांनी पाटणसह कराडपुर्वी कोरेगांव,महाबळेश्वर तालुक्यांमध्ये जावून कोरोनाच्या संदर्भात गृह तसेच महसूल विभागांच्या अधिकाऱ्यांच्या बैठका घेतल्या आहेत.काल त्यांनी उर्वरीत राहिलेल्या वाई,खंडाळा, फलटण, माण,खटाव या पाच तालुक्यांमध्ये दौरा करुन त्यांचेकडील गृह विभागाच्या कायदा व सुव्यवस्थेबरोबर आरोग्य, महसूल विभागातील सर्व अधिकारी वर्गाने सतर्क करण्याचे काम केले.

            ना.शंभूराज देसाईंनी वाई,खंडाळा,फलटण,माण,खटाव या पाच तालुक्यांचा दौरा करताना त्यांचा सकाळी १० वा. सुरु झालेला दौरा रात्री १० पर्यंत सुरु होता.वाई व खंडाळा मतदारसंघाचे आमदार मकरंदआबा पाटील यांच्यासमवेत त्यांनी वाई,खंडाळा,लोणंद येथील कन्टेंमेंट झोनची व नाकाबंदीच्या ठिकाणांची पहाणी केली तसेच याठिकाणी असणाऱ्या समस्या त्यांनी यावेळी जाणून घेतल्या. जागेवर सुटणाऱ्या समस्या त्यांनी तात्काळ जागेवरच सोडवून दिल्या.शासनामार्फत कोरोनाच्या पार्श्वभूमिवर कोणते निर्णय करुन घेणे अपेक्षित आहेत, जिल्हास्तरावरुन कोणते निर्णय या तालुक्यातील समस्यांवर करुन घ्यावयाचे आहेत यासंदर्भात शासकीय सर्व अधिकाऱ्यांशी त्यांनी चर्चा केली व समोर आलेल्या समस्या सोडविण्याचे त्यांनी आश्वासित केले.

            तसेच फलटण तालुक्यात या मतदारसंघाचे आमदार दिपक चव्हाण यांचेसमवेत फलटणमध्ये अधिकाऱ्यांची बैठक घेतली इथल्याही समस्या जाणून घेवून कोरोना काळात कोणत्या गोष्टींची आवश्यकता भासल्यास राज्यांचा गृहराज्यमंत्री म्हणून मला कधीही सांगा त्या समस्या सोडविण्यासाठी आपण कठीबध्द असल्याचे त्यांनी सांगितले त्यानंतर त्यांनी माण तालुक्यातील दहिवडी व वडूज येथील शासकीय अधिकाऱ्यांच्या बैठका घेवून गृहविभागा मार्फत कायदा व सुव्यवस्था राखणेकरीता केलेल्या उपाययोजनांची पहाणी केली.

          ना.शंभूराज देसाईंनी मंगळवारी वाई,फलटण,लोणंद,दहिवडी आणि वडूज येथे भेट दिल्यानंतर येथील परिसराची पाहणी करण्याबरोबर कोरोना बाधित रुग्णांचा प्राधान्याने आढावा घेतला.प्रत्येक तालुक्यातील पोलीस, महसूल विभाग व वैद्यकीय प्रशासन हे कोरोनाच्या पार्श्वभूमिवर चांगले काम करीत असल्याचे सांगत अधिकाऱ्यांच्या पाठीवर कौतुकाची थापही दिली.गृहविभागाच्या तसेच उत्पादन शुल्क विभागाच्या विरोधात काही ठिकाणी मांडण्यात आलेल्या समस्यांवर त्यांनी कडक भूमिका घेत सुधारणा करा असे जागेवरच आदेश दिले.कोरोनाच्या संकटात करण्यात आलेल्या लॉकडाऊनच्या परिस्थितीमध्ये राज्याचे गृहराज्यमंत्री ना.शंभूराज देसाईंनी या पाच तालुक्यामध्ये दिलेल्या सदिच्छा भेटी तसेच येथील परिसराची पहाणी करण्याबरोबर जनतेच्या समस्या जाणून घेत त्यावर स्थानिक सर्व विभागांच्या अधिकाऱ्यांना सांगून केलेल्या उपाययोजना यामुळे काल या पाचही तालुक्यातील जनतेमध्ये उत्साहाचे वातावरण दिसून आले.तसेच कोरोनाच्या संकटात शासकीय अधिकारी जसे दररोज फिल्डवर काम करीत आहेत तसेच काम राज्याचे गृहराज्यमंत्री हे दररोज फिल्डवर आहेत हे पाहून त्यांच्या या कामांचे अनेक ठिकाणी जनतेने स्वागत करुन त्यांचे कौतुकही केले.कोरोना संकटात जनतेच्या समस्या जाणून घेण्याबरोबर शासकीय अधिकाऱ्यांचे मनोधैर्य खचणार नाही याकडेही एक मंत्री म्हणून ना.शंभूराज देसाई बारकाईने लक्ष देत आहेत याचेही कौतुक केले जात आहे.

मुख्यमंत्री ग्रामसडक योजनेतील प्रलंबीत १० रस्त्यांची कामे लवकर मार्गी लावा. गृहराज्यमंत्री नामदार शंभूराज देसाईंच्या अधिकाऱ्यांना सुचना.

               दौलतनगर दि.17:-पाटण विधानसभा मतदारसंघामध्ये सन २०१९ या आर्थिक वर्षात मुख्यमंत्री ग्रामसडक योजनेतंर्गत नियमीतचे ०५ व संशोधन विकास कार्यक्रमातंर्गत ०५ असे एकूण १० रस्त्यांची कामे मंजुर करुन आणली आहेत. या कामांना आवश्यक असणारा निधीही शासनाने दिला आहे. या कामांना विलंब का लागला ? या १० कामांना तात्काळ गती देवून ही कामे लवकरात लवकर मार्गी लावा अशा सक्त सुचना राज्याचे गृहराज्यमंत्री नामदार शंभूराज देसाईंनी मुख्यमंत्री ग्रामसडक योजनेच्या सर्व अधिकाऱ्यांना दिल्या.

               सातारा येथील शासकीय विश्रामगृहात गृहराज्यमंत्री ना.शंभूराज देसाईंचे अध्यक्षतेखाली पाटण विधानसभा मतदारसंघामधील मुख्यमंत्री ग्रामसडक योजनेतंर्गत सन २०१९ मध्ये नियमीत व संशोधन विकास कार्यक्रमातंर्गत ना.शंभूराज देसाईंनी आमदार असताना मंजुर केलेल्या कामांच्या सद्यपरिस्थिती संदर्भात आढावा बैठक आयोजित करण्यात आली होती.यावेळी बैठकीस मुख्यमंत्री ग्रामसडक योजनेचे अधीक्षक अभियंता अतुल चव्हाण,कार्यकारी अभियंता एस.पी.खलाटे,उपअभियंता व्ही.बी.पानस्कर,शाखा अभियंता एस.एन.म्हासेरे,व्ही.बी. जाधव यांची प्रमुख उपस्थिती होती.

                याप्रसंगी ना. शंभूराज देसाईंनी बैठकीत पाटण मतदारसंघातील मुख्यमंत्री ग्रामसडक योजनेतंर्गत सन २०१९ मधील मंजुर कामांच्या सद्यपरिस्थितीचा आढावा घेवून वरीलप्रमाणे सुचना केल्या.ना.शंभूराज देसाईंनी सन २०१४ ते २०१९ या पाच वर्षाच्या कालावधीत आमदार असताना पाटण मतदारसंघात मुख्यमंत्री ग्रामसडक योजनेतंर्गत एकूण ५० मोठया रस्त्यांची कामे मंजुर करुन आणली आहेत त्याची एकूण लांबी १३२.८१० किलोमीटर इतकी असून प्रारंभी त्यांनी या ५० रस्त्यांच्या कामांचा आढावा घेतला.यामध्ये एकूण २० रस्त्यांची कामे मार्गी लागली असून २० रस्त्यांची कामे अंतिम टप्प्यात असून १० कामे अद्यापही स़ुरु करण्यात आली नाहीत ती कामे लवकरच सुरु करण्याचे नियोजन विभागाने केले असल्याची माहिती अधीक्षक अभियंता अतुल चव्हाण यांनी दिली.दरम्यान मुख्यमंत्री ग्रामसडक योजनेतंर्गत सन २०१९ मध्ये मंजुर असणाऱ्या परंतू अद्याप सुरु नसलेल्या मुख्यमंत्री ग्रामसडक योजनेतील नियमितमध्ये मंजुर नाडोली गावपोहोच,दिवशी ते मारुलहवेली,नावडी गावपोहोच,मणदुरे फाटा ते निवकणे,वर्पेवाडी गोकुळ गावपोहोच रस्ता तसेच संशोधन विकास कार्यक्रमातंर्गत नुने गावपोहोच,पाळेकरवाडी गावपोहोच,खिवशी गावपोहोच,तोरणे गावपोहोच व भारसाखळे जौरातवाडी या एकूण १० रस्त्यांच्या कामांचा त्यांनी अधिकाऱ्यांकडून रस्तानिहाय आढावा घेतला व या कामांना आवश्यक असणारा निधी शासनाने संबधित यंत्रणेकडे दिला असल्याचे सांगत या १० ही रस्त्यांची मोठया प्रमाणात दुरावस्था झाली आहे ही प्रमुख गांवे असून या गांवाना जोडणारे रस्ते तातडीने पुर्ण करणे गरजेचे आहे.त्यामुळे आता विलंब न करता तात्काळ या कामांना गती देवून ही कामे लवकरात लवकर कशी पुर्ण होतील याकडे विभागाने प्राधान्य दयावे व ही कामे मुदतीत पुर्ण करुन घ्यावीत अशा सुचना त्यांनी बैठकीत दिल्या.

चौकट:- प्रधानमंत्री ग्रामसडक योजनेचा यंदाच्या वर्षीचा आराखडा लवकर सादर करा.

            प्रधानमंत्री ग्रामसडक योजनेतंर्गत भाग ३ मध्ये यंदाच्या वर्षी करावयाच्या रस्त्यांच्या संदर्भात ऑक्टोंबर २०१९ मध्ये केंद्र शासनाकडून मार्गदर्शक सुचना निर्गमीत करण्यात आल्या आहेत.मार्गदर्शक सुचनानुसार नियमात बसणाऱ्या कोणकोणत्या ग्रामीण रस्त्यांना प्राधान्य देता येईल,कोणते संभाव्य रस्ते करता येतील यांचा आराखडा तयार करुन तो लवकरात लवकर मंजुरीकरीता सादर करा असेही ना.शंभूराज देसाईंनी बैठकीत अधिकाऱ्यांना सांगितले.

पाटण विधानसभा मतदारसंघातील मंजूर नळ पाणी पुरवठा योजनांची कामे तातडीने पुर्ण करा. गृहराज्यमंत्री नामदार शंभूराज देसाईंच्या अधिकाऱ्यांना सुचना.

                  दौलतनगर दि.14:- पाटण विधानसभा मतदारसंघामध्ये सन २०१४ ते २०१९ या पाच वर्षाच्या कालावधीत राज्य शासनाकडे पाठपुरावा करुन राष्ट्रीय ग्रामीण पेयजल योजना,मुख्यमंत्री पेयजल योजना,कोयना भूकंप पुनर्वसन निधी,स्थानिक विकास कार्यक्रम, जलस्वराज्य टप्पा २, २५१५ योजना व विशेष घटक नळ पाणी पुरवठा योजना अशा विविध योजनांमधून पाटण व कराड तालुक्यातील पाणी पुरवठा विभागाकडे मंजुर एकूण १०१ नळ पाणी पुरवठा योजना मंजुर केल्या असून या सर्व योजनांची कामे लवकरात लवकर मुदतीत पुर्ण करुन गावांना पाणी मिळवून दया, मुदतीत योजनांची कामे पुर्ण झाली नाही तर कारवाईला सामोरे जा अशा सक्त सुचना राज्याचे गृहराज्यमंत्री नामदार शंभूराज देसाईंनी पाणी पुरवठा विभागाच्या सर्व अधिकाऱ्यांना दिल्या.

                    सातारा येथील शासकीय विश्रामगृहात गृहराज्यमंत्री ना.शंभूराज देसाईंचे अध्यक्षतेखाली पाटण विधानसभा मतदारसंघामधील पाटण व कराड तालुक्यातील सुपने मंडलमधील गांवामध्ये वरील विविध योजना मार्फत शासनाच्या माध्यमातून ना.शंभूराज देसाईंनी मागील टर्ममध्ये आमदार असताना मंजुर केलेल्या १०१ पाणी पुरवठा योजनांच्या सद्यपरिस्थिती संदर्भात आढावा बैठक आयोजित करण्यात आली होती.यावेळी सातारा जिल्हा परीषदेचे मुख्य कार्यकारी अधिकारी संजय भागवत, उपमुख्य कार्यकारी अधिकारी (ग्रा.प) अविनाश फडतरे, ग्रामीण पाणी पुरवठा कार्यकारी अभियंता एस.एस.शिंदे,गटविकास अधिकारी श्रीमती मिना साळुंखे,पाटणचे प्रभारी उपअभियंता ए.वाय.खाबडे, कराडचे उपअभियंता सुनिल आडके यांची प्रमुख उपस्थिती होती.

                याप्रसंगी ना. शंभूराज देसाईंनी बैठकीत राष्ट्रीय ग्रामीण पेयजल योजना,मुख्यमंत्री पेयजल,कोयना भूकंप पुनर्वसन निधी,स्थानिक विकास कार्यक्रम,जलस्वराज्य टप्पा २, २५१५ योजना व विशेष घटक नळ पाणी पुरवठा योजना या विविध योजनेतंर्गत मंजुर करुन आणलेल्या सर्व कामांचा योजनानिहाय सद्यपरिस्थितीसंदर्भात आढावा  घेतला. यातील किती योजनांची कामे पुर्ण आहेत, किती योजनांची कामे प्रगतीपथावर आहेत, किती दिवसात कोणती योजना पुर्ण होणार याचा सविस्तर आढावा घेत कोणत्या कामांत काही अडचणी असतील तर त्याची माहिती दयावी त्या अडचणी तात्काळ सोडविल्या जातील परंतू पाणी पुरवठा योजनांची कामे पुर्ण करणेसंदर्भात पाणी पुरवठा अधिकाऱ्यांनी कसलीही हयगय करु नये लवकरात लवकर मुदतीत या योजनांची कामे पुर्ण करुन या १०१ गांवाना पुरेसे पाणी उपलब्ध करुन दयावे असे त्यांनी यावेळी सांगितले.

               दरम्यान यातील मागील वर्षी ई भूमिपुजन झालेल्या ५१ नळ पाणी पुरवठा योजनांचा त्यांनी प्राधान्याने आढावा घेतला यातील ३१ योजना पुर्ण झाल्या असून २१ योजना या अंतिम टप्प्यात आहेत अशी माहिती अधिकाऱ्यांनी दिली लवकरात लवकर यातील उर्वरीत योजना पुर्णत्वाकडे नेण्यासंदर्भाने पाणी पुरवठा विभागा मार्फत प्रयत्न केले जात असून दुसऱ्या टप्प्यात ४९ नळ पाणी पुरवठा योजनांची कामे सुरु करणेसंदर्भात कार्यवाही विभागाने केली आहे माहे डिसेंबर २०२० पर्यंत या सर्व योजना पुर्ण करण्याकरीता पाणी पुरवठा विभागाने तयारी केली असून लवकरात लवकर मुदतीत दुसऱ्या टप्प्यातील योजनांचीही कामे मार्गी लावण्याचा प्रयत्न असल्याचे पाणी पुरवठा विभागाच्या अधिकाऱ्यांनी सांगितले.

        यावेळी जिल्हा परीषदेचे मुख्य कार्यकारी अधिकारी तसेच कार्यकारी अभियंता यांनी या १०१ पाणी पुरवठा योजनांच्या संदर्भात व्यक्तीश: लक्ष देवून या सर्व योजना मुदतीत कशाप्रकारे पुर्ण होवून या गांवातील लोकांना पुरेसे पाणी उपलब्ध करुन दयावे असे सांगून पाणी पुरवठा विभागाकडे आवश्यक असणारी उपअभियंता, शाखा अभियंता यांची रिक्त पदे तात्काळ भरणेसंदर्भातील प्रस्ताव कार्यकारी अभियंता व मुख्य कार्यकारी अधिकारी यांनी शासनाकडे सादर करावा, पाणी पुरवठा विभागाचे मंत्री यांचेकडून आवश्यक असणारे मनुष्यबळ उपलब्ध करुन दिले जाईल असेही ना.शंभूराज देसाईंनी सांगत १०१ नळ पाणी पुरवठा योजनांची विभागनिहाय जबाबदारी संबधित शाखा अभियंत्याकडे देवून त्या योजना संबधित शाखा अभियत्यांकडून पुर्ण करुन घ्याव्यात अशाही सुचना त्यांनी यावेळी दिल्या.   

लोकनेते बाळासाहेब देसाई शताब्दी स्मारकामधील डिजीटल व संगणकीकृत अभ्यासिकेचा गृहराज्यमंत्री ना.शंभूराज देसाईंचे हस्ते लोकार्पण सोहळा संपन्न.

                            

          दौलतनगर दि.१४:-राज्य शासनाच्यावतीने महाराष्ट्राचे पोलादी पुरुष,राज्याचे माजी गृहराज्यमंत्री लोकनेते बाळासाहेब देसाई यांचे सातारा जिल्हयातील सर्वात मोठे शताब्दी स्मारक लोकनेते बाळासाहेब देसाई यांचे नातू राज्याचे गृहराज्यमंत्री ना.शंभूराज देसाईंनी २०१४ ते २०१९ या कार्यकाळात आमदार असताना लोकनेते यांचे जन्म आणि कर्मभूमित उभारले आहे.या स्मारकामध्ये ग्रामीण भागातील गरीब कुटुंबातील मुलामुलींना एमपीएससी, युपीएससी यासारख्या अनेक स्पर्धा परीक्षांचा अभ्यास करता यावा याकरीता त्यांनी डिजीटल संगणकीकृत अभ्यासिका निर्माण केली असून या डिजीटल ५० लॅपटॉपच्या माध्यमातून संगणकीकृत अभ्यासिकेचा लोकार्पण सोहळा स्व.शिवाजीराव देसाई (आबासाहेब) यांचे पुण्यतिथीच्या निमित्ताने गृहराज्यमंत्री ना.शंभूराज देसाईंच्या हस्ते करण्यात आला.

           महाराष्ट्राचे पोलादी पुरुष लोकनेते बाळासाहेब देसाई यांचे कर्मभूमित सातारा जिल्हयातील सर्वात मोठे शताब्दी स्मारक शासनाच्या वतीने उभारण्याचा संकल्प ना.शंभूराज देसाईंनी सन २०१४ ला पुनश्च: आमदार झालेनंतर केला होता तो संकल्प त्यांनी या पाच वर्षात पुर्ण करुन दाखविला.त्यांचा हा संकल्प त्यांनी “ड्रीम प्रोजेक्ट” म्हणून मार्गी लावला. शासनाच्या माध्यमातून सातारा जिल्हयात प्रथमत:च ग्रामीण भागात भव्य अशी शताब्दी स्मारकाची उभारणी करुन त्यांनी या स्मारकामध्ये स्वतंत्रपणे स्पर्धा परीक्षांच्या पुर्वतयारी करीता लागणारी अद्यावत अशी अभ्यासिका निर्माण केली आहे.

            पाटण सारख्या ग्रामीण आणि डोंगरी भागातील गरीब कुटुंबातील मुलामुलींना महाविद्यालयीन शिक्षणा बरोबर स्पर्धा परीक्षांचा अभ्यास करण्याकरीता या अद्यावत डिजीटल संगणकीकृत अभ्यासिकेचा उपयोग व्हावा हा ना.शंभूराज देसाईंचा मनोदय असून या अद्यावत अभ्यासिकेमध्ये महाविद्यालयीन मुलांमुलींकरीता सुमारे ३५०० पुस्तकांची लायब्ररी तयार करण्यात आली आहे त्याचबरोबर एमपीएससी,युपीएससी यासारख्या अनेक स्पर्धा परीक्षांचा अभ्यास करण्याकरीता ना.शंभूराज देसाईंनी विविध योजनांच्या माध्यमातून एमपीएससी,युपीएससीची विविध प्रकारची नामांकीत प्रकाशकांची सुमारे १८५० पुस्तकांची लायब्ररी निर्माण केली आहे.याच दालनात एमपीएससी,युपीएससीचे वाढीवचे संदर्भ घेणेकरीता ब्रँडेड कंपनीचे ५० लॅपटॉप याठिकाणी विद्यार्थी-विद्यार्थींनीना उपलब्ध करुन देण्यात आले आहेत.या ५० लॅपटॉपना हायस्पीडचे इंटरनेट कनेक्शन,अद्यावत प्रींटर,ग्रुप डिस्कक्शन करीता वेगळे दालन,व्हिडीओ कॉन्फरन्सव्दारे विविध एमपीएससी,युपीएससी परीक्षा पास झालेल्यांचे मार्गदर्शन मिळणे करीताचीही सुविधा याठिकाणी उपलब्ध करुन देण्यात आली आहे.या सर्व अभ्यासिकेचा लोकार्पण सोहळा स्व.शिवाजीराव देसाई (आबासाहेब) यांचे ३४ व्या पुण्यतिथीच्या निमित्ताने दि.१२ जुलै,रोजी गृहराज्यमंत्री ना.शंभूराज देसाईंच्या हस्ते करण्यात आला.यावेळी मोरणा शिक्षण संस्थेचे अध्यक्ष रविराज देसाई, युवा नेते यशराज देसाई तसेच विविध संस्थांचे पदाधिकारी यांची उपस्थिती होती.

              लोकनेते बाळासाहेब देसाई शताब्दी स्मारक “महाराष्ट्र दौलत” अभ्यासिका केंद्र या नावाने सुरु झालेल्या या अभ्यासिका केंद्रात सध्या ५० पाटणसारख्या ग्रामीण आणि डोंगरी भागातील विद्यार्थी-विद्यार्थींनी एमपीएससी, युपीएससी तसेच विविध स्पर्धा परीक्षांचा अभ्यास करीत आहेत.नव्याने लोकार्पण झालेल्या संगणीकृत दालनाच्या माध्यमातून ५० लॅपटॉपच्या माध्यमातून या विद्यार्थी-विद्यार्थींनींना वाढीवचे स्पर्धा परीक्षांचे संदर्भ तसेच विविध प्रकारची माहिती मिळण्यास मदत होणार आहे.स्पर्धा परीक्षांचा अभ्यास करणाऱ्या विद्यार्थी-विद्यार्थींनींना संदर्भ पुस्तके देण्याकरीता याठिकाणी स्वतंत्रपणे ग्रंथपालाची तसेच संगणकावरुन संदर्भीय माहिती देण्याकरीता स्वतंत्रपणे केंद्र संचालकाची येथे नेमणूक करण्यात आली आहे.लोकनेते बाळासाहेब देसाई शताब्दी स्मारक “महाराष्ट्र दौलत” अभ्यासिका केंद्र सातारा जिल्हयातील सर्वात मोठे अभ्यासिका केंद्र निर्माण करण्याचा ना.शंभूराज देसाईंचा प्रयत्न असून हे अभ्यासिका केंद्र जिल्हयातील ग्रामीण भागातील सर्वात मोठे आणि अद्यावत असे केंद्र असून या अभ्यासिका केंद्राकरीता आवश्यक असणारी सर्व यंत्रणा उभी करण्याचा मनोदय ना.शंभूराज देसाईंनी व्यक्त केला आहे.भविष्यात एमपीएससी,युपीएससी यासारख्या अनेक स्पर्धा परीक्षांचा अभ्यास करुन घेणेकरीता आठवडयातून एकदा नामांकीत ॲकॅडमीचे प्राध्यापक तसेच एमपीएससी, युपीएससी विविध स्पर्धा परीक्षा पास झालेले मान्यवर यांचे ऑनलाईन व ऑफलाईन मार्गदर्शन याठिकाणी आयोजीत करण्यात येणार आहे.

                लोकनेते बाळासाहेब देसाई शताब्दी स्मारक “महाराष्ट्र दौलत” अभ्यासिका केंद्र हे अद्यावत असे केंद्र उभारण्याचा आपण प्रयत्न केला असून या अभ्यासिका केंद्राच्या माध्यमातून ग्रामीण आणि डोंगरी भागातील विद्यार्थी-विद्यार्थींनींना त्यांच्या महाविद्यालयीन अभ्यासाबरोबर विविध स्पर्धा परीक्षांची पुर्वतयारी करण्याकरीता खुप मदत होणार असून या केंद्रातून ग्रामीण व डोंगरी भागातील विद्यार्थी-विद्यार्थींनींनी अभ्यास करुन आपला नावलौकीक वाढवावा अशी अपेक्षा त्यांनी या लोकार्पण सोहळयात बोलताना व्यक्त केला.

स्व.शिवाजीराव देसाई (आबासाहेब) यांची ३४ वी पुण्यतिथी साधेपणाने साजरी. गृहराज्यमंत्री नामदार शंभूराज देसाईंकडून विनम्र अभिवादन. पुण्यतिथीनिमित्त दौलतनगरला ५००० वृक्षलागवडीचा शुभारंभ.

                            

               दौलतनगर दि. ०९:- लोकनेते बाळासाहेब देसाई सहकारी साखर कारखान्याचे संस्थापक चेअरमन स्व.शिवाजीराव देसाई (आबासाहेब) यांचा ३४ वा पुण्यतिथी कार्यक्रम दौलतनगर ता.पाटण येथे अत्यंत साध्या पध्दतीने साजरा करण्यात आला.स्व.शिवाजीराव देसाई (आबासाहेब) 34 व्या पुण्यतिथीनिमित्त त्यांचे पुर्णाकृती पुतळयास,समाधीस पुष्पचक्र व महाराष्ट्र दौलत लोकनेते बाळासाहेब देसाई शताब्दी स्मारकामध्ये प्रतिमेस पुष्पहार अर्पण करुन राज्याचे गृहराज्यमंत्री नामदार शंभूराज देसाई यांनी विनम्र अभिवादन केले. दरम्यान स्व.शिवाजीराव देसाई (आबासाहेब) यांचे धाकटे बंधू कै.अरुणराव देसाई (काकासाहेब) यांचेही प्रथम पुण्यस्मरण दिनानिमित्त त्यांचे प्रतिमेस पुष्पहार अर्पण करुन अभिवादन करण्यात आले.

            स्व.शिवाजीराव देसाई (आबासाहेब) यांचा पुण्यस्मरण दिन विविध शैक्षणिक कार्यक्रमांच्या माध्यमातून प्रतिवर्षी लोकनेते बाळासाहेब देसाई सहकारी उद्योग व शिक्षण समुहाच्या वतीने साजरा करण्यात येतो. दरम्यान कोरोनाच्या संकटामुळे यंदाच्या वर्षीचा पुण्यस्मरण दिन अत्यंत साध्यापध्दतीने केवळ स्व.आबासाहेब यांचे पुतळा, समाधी व प्रतिमेस पुष्पहार अर्पण करुन विनम्र अभिवादन करीत साजरा करण्यात आला.स्व.शिवाजीराव देसाई यांचे 34 व्या पुण्यतिथीनिमित्ताने दौलतनगर (मरळी) ग्रामपंचायतीच्या हद्दीमध्ये सामाजिक अंतर ठेवत राज्याचे गृहराज्यमंत्री नामदार शंभूराज देसाई यांचे शुभहस्ते सुमारे ५००० वृक्षलागवडीचा शुभारंभ करण्यात आला यावेळी मोरणा शिक्षण संस्थेचे अध्यक्ष रविराज देसाई, युवा नेते यशराज देसाई, जयराज देसाई यांची प्रमुख उपस्थिती होती.

           यावेळी पाटणचे प्रांताधिकारी श्रीरंग तांबे, तहसिलदार समीर यादव, लोकनेते बाळासाहेब देसाई सहकारी साखर कारखान्याचे चेअरमन अशोकराव पाटील,व्हाईस चेअरमन राजाराम पाटील, शिवसेना जिल्हा प्रमुख जयवंतराव शेलार, ॲङ डी.पी.जाधव,जिल्हा परिषद सदस्य विजय पवार,पंचायत समिती सदस्य संतोष गिरी,संजय गांधी निराधार येाजना समितीचे अध्यक्ष भरत साळूंखे, अभिजित पाटील, माजी सदस्य राजेंद्र चव्हाण,बबनराव शिंदे,नामदेवराव साळूंखे,जालिंदर पाटील,बशीर खोंदू,संचालक बबनराव भिसे,सोमनाथ खामकर,सरपंच राजाराम माळी,माजी सरपंच प्रवीण पाटील,मधूकर भिसे यांच्यासह इतर मान्यवर पदाधिकारी कार्यकर्ते यांची उपस्थिती होती.