पालकमंत्री ना.शंभूराज देसाई यांचे 56 व्या वाढदिवसानिमित्त दौलतनगर,ता.पाटण येथे सर्व रोग निदान शिबिराचे आयोजन तज्ञ डॉक्टरांमार्फत होणार आरोग्य तपासणी. पाटण मतदारसंघातील नागरीकांनी या शिबीरामध्ये सहभागी होण्याचे वाढदिवस नियोजन समितीचे आवाहन.

दौलतनगर दि.09 :- राज्य उत्पादन शुल्क मंत्री तसेच सातारा व ठाणे जिल्हा पालकमंत्री ना.शंभूराज देसाई यांचे 56 व्या वाढदिवसानिमित्त पाटण विधानसभा मतदारसंघातील डोंगरी व दुर्गम भागातील नागरीकांच्या आरोग्याच्यादृष्टीने शारिरीक तपासणी करुन तज्ञ वैद्यकीय अधिकारी यांचेकडून योग्य तो सल्ला व आवश्यक ते औषधोपचार करुन आरोग्याची काळजी घेण्यासाठी गुरुवार दि. 17 नोव्हेंबर,2022 रोजी सकाळी 10.00 ते दुपारी 03.00 या वेळेमध्ये दौलतनगर,ता.पाटण येथे सर्वरोग निदान शिबिराचे आयोजन केले असल्याची माहिती पालकमंत्री ना.शंभूराज देसाई वाढदिवस नियोजन समितीच्यावेतीने प्रसिध्दीपत्रकांत देण्यात आली आहे.

                                 प्रसिध्दीपत्रकांत पुढे म्हंटले आहे की, पालकमंत्री ना.शंभूराज देसाई यांचे वाढदिवसाचे औचित्य साधून दौलतनगर,ता.पाटण येथे तज्ञ वैद्यकीय अधिकारी यांचे मार्गदर्शनाखाली सर्व रोग निदान शिबिराचे आयोजन करण्यात आले आहे. या सर्व रोग निदान शिबीरामध्ये स्त्रीरोग तपासणी,बालरोग तपासणी,नेत्ररोग तपासणी व प्रमाणपत्र वितरण, अस्थिरोग तपासणी व अपंगत्व प्रमाणपत्र, कान,नाक,घसा तपासणी,त्वचारोग तपासणी,माता सुरक्षित तर घर सुरक्षित अंतर्गत 18 वर्षे वरील सर्व स्त्रियांची तपासणी,एन.सी.डी.विभाग,रक्तदाब,ब्लड शुगर,कॅन्सर तपासणी,आयुष्यमान भारत डिजीटल मिशन कार्ड नोंदणी, आयुष्यमान भारत हेल्थ अकाऊंट नोंदणी,रक्तदान शिबीर,क्ष किरण तपासणी, इ.सी.जी. तपासणी, रक्त लघवी तपासणी या आरोग्यविषयक तपासण्या होणार आहेत. रुग्णाच्या आरोग्याची तज्ञ डॉक्टरांकडून आवश्यक ती तपासणी करण्यात येऊन त्याचा आजार बरा होण्यासाठी आवश्यक तो प्राथमिक औषधोपचार करुन डॉक्टरांकडून रुग्णांना आरोग्‍य विषयक योग्य तो सल्ला देण्यात येणार आहे. या सर्व रोग निदान शिबिरामध्ये डॉ.निलेश कुचेकर, शल्य चिकित्सक डॉ.प्रज्योत माने, स्त्रीरोग तज्ञ डॉ.सुधीर कदम, बालरोग तज्ञ डॉ.शार्दुल कणसे, कान नाक घसा तज्ञ डॉ.सायली सुपेकर, नेत्र रोग तज्ञ डॉ.धनंजय भोसले, मानसोपचार तज्ञ डॉ. विजय म्हसकर, अस्थिरोग तज्ञ डॉ. अविराज पाटील, दंतरोग तज्ञ डॉ. योगिता शहा हे तज्ञ डॉक्टर तपासणी करणार आहेत. तसेच संबंधित रुग्णांना या ठिकाणी आवश्यकतेनुसार औषधांचे वाटप करण्यात येणार आहे.तरी या सर्व रोग निदान शिबीराचा लाभ पाटण विधानसभा मतदारसंघातील डोंगरी व दुर्गम भागातील नागरिकांनी घ्यावा असे आवाहन पालकमंत्री ना.शंभूराज देसाई वाढदिवस नियोजन समितीच्यावतीने प्रसिध्दीपत्रकाव्दारे केली आहे.

चौकट: युवकांनी रक्तदान करण्याचे आवाहन.           

 गतवर्षी ना.शंभूराज देसाई यांचे वाढदिवसाचे औचित्य साधून भव्य असे रक्तदान शिबीराचे आयोजन करण्यात आले होते.ना.शंभूराज देसाई यांनी केलेल्या आवाहनाला प्रतिसाद देत मोठया प्रमाणांत युवकांनी या रक्तदान शिबीरामध्ये रक्तदान करुन रक्तदान शिबीर यशस्वी करण्यासाठी मोठा हातभार लावला होता.यंदाच्या वर्षी ना.शंभूराज देसाई यांचे वाढदिवसाचे औचित्य साधून सर्व रोग निदान शिबीराचे आयोजन केले असून या सर्व रोग निदान शिबीरामध्ये मतदारसंघातील जास्तीत जास्त युवकांनी  रक्तदान करावे,असे आवाहन वाढदिवस नियोजन समितीच्यावतीने करण्यात आले आहे.

चौकट: नामदार चषक 2022 क्रिकेट स्पर्धेचे चेअरमन मा.यशराज देसाई यांचे शुभहस्ते शनिवारी उद्घाटन.

महाराष्ट्र राज्याचे राज्य उत्पादन शुल्कमंत्री व सातारा,ठाणे जिल्हा पालकमंत्री ना. शंभूराज देसाई यांचे वाढदिवसाचे औचित्य साधून मा.यशराज देसाई युवा मंच पाटण तालुका यांचेवतीने आयोजित नामदार चषक 2022 या भव्य टेनिस बॉल क्रिकेट स्पर्धेचा उद्घाटन समारंभ शनिवार दि. 12 नोव्हेंबर 2022 रोजी सकाळी 09.00 वा. लोकनेते बाळासाहेब देसाई सहकारी साखर कारखान्याचे चेअरमन मा.यशराज देसाई(दादा) यांचे शुभहस्ते संपन्न होणार आहे.