भूकंपग्रस्तांच्या शासन निर्णयामध्ये सुधारणा करणेबाबत अहवाल सादर करा. आमदार शंभूराज देसाईंच्या मागणीवरुन मुख्यमंत्री ना.देवेंद्र फडणवीस यांच्या सुचना.

महाराष्ट्र प्रकल्पग्रस्त व्यक्तींचे पुनर्वसन अधिनियम १९८६ च्या कलम ६ (सी) मध्ये दर्शविल्याप्रमाणे कुटुंबामध्ये पती/पत्नी/मुलगा व अविवाहित मुलगी कुटुंबात राहणारे व कुटुंब  प्रमुखावर अवलंबून असणारे भाऊ व बहिण, नातू आणि सून यांचा समावेश असून कुटुंब प्रमुखावर अवलंबून असणा-या भावाचा मुलगा (पुतण्या) / मुलगी(पुतणी), मुळ भूकंपग्रस्तांचा पणतू यांचा समावेश नसल्याने ज्या व्यक्तीस या भूकंपग्रस्त दाखल्याची नोकरीमध्ये सवलत मिळणेकरीता खरोखरच आवश्यकता आहे त्यांस भूकंपग्रस्त कुटुंबातील सर्वांच्या सहमतीने भूकंपग्रस्तांचा दाखला मिळणेकरीता भूकंपग्रस्त कुटुंबाच्या व्याख्येमध्ये सुधारणा करणे गरजेची आहे. याकरीता भूकंपग्रस्तांच्या संपुर्ण शासन निर्णयामध्ये सुधारणा करावी, अशी मागणी भूकंपग्रस्तांचे दाखले भूकंपग्रस्तांना पुर्ववत मिळवून देणारे आमदार शंभूराज देसाईंनी राज्याचे मुख्यमंत्री ना.देवेंद्र फडणवीस यांचेकडे काल प्रत्यक्ष भेटून केली. यावेळी भूकंपग्रस्तांच्या शासन निर्णयामध्ये सुधारणा करणेबाबत तात्काळ अहवाल सादर करा, अशा सुचना मुख्यमंत्री ना.देवेंद्र फडणवीस यांनी संबंधितांना दिल्या आहेत.

शासन सेवेत नियुक्तीसाठी प्रकल्पांसाठी असलेल्या ५% आरक्षणामध्ये भूकंपग्रस्ताचा समावेश करणेबाबत शासनाने दि. ०९ ऑगस्ट, १९९५ रोजी पारित केलेल्या शासन निर्णयातील भूकंपग्रस्त व्यक्तीच्या कुटुंबाच्या व्याख्यामध्ये सुधारणा करुन मुळ कुटुंबामध्ये पती/पत्नी/मुलगा व अविवाहित मुलगी कुटुंबात राहणारे व कुटुंब  प्रमुखावर अवलंबून असणारे भाऊ व बहिण,नातू आणि सून यांचेबरोबर कुटुंब प्रमुखावर अवलंबून असणा-या भावाचा मुलगा (पुतण्या)/मुलगी(पुतणी), मुळ भूकंपग्रस्तांचा पणतू यांचाही समावेश करणेकरीता भूकंपग्रस्तांच्या शासन निर्णयामध्ये सुधारणा करणेविषयीचे लेखी पत्र मुख्यमंत्री ना. देवेंद्र फडणवीस यांना मंत्रालयामध्ये काल प्रत्यक्ष भेट घेऊन आमदार शंभूराज देसाईंनी आग्रही मागणी केली. यावर मुख्यमंत्री यांनी वरीलप्रमाणे सुचना दिल्या असल्याचे आमदार शंभूराज देसाईंनी प्रसिध्दीपत्रकांत म्हंटले आहे.

मुख्यमंत्री ना. देवेंद्र फडणवीस यांना दिलेल्या लेखी पत्रामध्ये आमदार शंभूराज देसाईंनी म्हंटले आहे, माझे सातत्याचे विनंतीवरुन आपण स्वत: व्यक्तीश: लक्ष घालून आमचे पाटण तालुक्यात सन १९६७ मध्ये दि. ११ डिसेंबर, १९६७ ला प्रलंयकारी झालेल्या भूकंपात बाधित झालेल्या भूकंपग्रस्तांना सन १९९५ पासून राज्य शासनाने बंद केलेले भूकंपग्रस्तांचे दाखले सुरु करण्याचा धोरणात्मक आणि ऐतिहासिक असा निर्णय दि. १८ डिसेंबर २०१५ रोजीचे शासन निर्णयाप्रमाणे घेतलात आणि या निर्णयाच्या माध्यमातून पाटण तालुक्यासह संपुर्ण महाराष्ट्र राज्यातील भूकंपग्रस्त व्यक्तींचा समावेश या निर्णयामध्ये करुन राज्यातील भूकंपग्रस्तांना न्याय मिळवून दिलात त्याबद्दल पाटण तालुक्यासह महाराष्ट्र राज्यातील तमाम भूकंपग्रस्त व्यक्तींच्यावतीने मन:पुर्वक आभार व्यक्त केले असून आपले विशेष प्रयत्नामुळेच दि. १८ डिसेंबर,२०१५  रोजीचे शासन निर्णयाप्रमाणे महाराष्ट्र राज्यातील अनेक भूकंपग्रस्त व्यक्तींनी भूकंपग्रस्त दाखल्यांचा लाभ घेण्यास सुरुवात केली असून या दाखल्यामुळे भूकंपग्रस्त कुटुंबातील अनेक व्यक्ती शासन सेवेत दाखल देखील झाल्या आहेत. याचे संपुर्ण श्रेय आपले आहे याचा मला व्यक्तीश: खुप अत्यानंद असल्याचेही म्हंटले आहे.

दरम्यान तालुका महसूल विभागाच्या वतीने देण्यात येणारे भूकंपग्रस्तांचे दाखले हे शासनाने    दि. ०९ ऑगस्ट, १९९५ रोजी पारित केलेल्या शासन निर्णयाप्रमाणे देण्यात येत आहेत. यामध्ये भूकंपग्रस्त व्यक्तीच्या कुटुंबाची व्याख्या ठरवून देण्यात आली असून भूकंपग्रस्त कुटुंबप्रमुखावर अवलंबून असणा-या कोणत्याही एका वारसदारांस आणि खरोखरच ज्या व्यक्तीस या दाखल्यांची आवश्यकता आहे, अशा व्यक्तीश सदरचा भूकंपग्रस्तांच्या कुटुंबातील इतर सर्व व्यक्तीच्या सहमतीने हा दाखला मिळावा अशी मागणी भूकंपग्रस्तांकडून मोठया प्रमाणांत होऊ लागली आहे. दरम्यान भूकंपग्रस्त कुटुंबाच्या व्याख्येमुळे आणि सदरचा शासन निर्णया हा सन १९९५ सालचा जुना शासन निर्णय असल्यामुळे भूकंपग्रस्तांना भूकंपग्रस्तांचे दाखले काढणेस अनेक अडचणी निर्माण होत आहेत. त्यामुळे या निर्णयाचा लाभ हा लाभार्थी असणा-या भूकंपग्रस्तांच्या वारसदार व्यक्तीस मिळावा याकरीता सदर शासन निर्णयामध्ये समाविष्ट करण्यात आलेल्या भूकंपग्रस्त कुटुंबाच्या व्याख्येमध्ये सुधारणा करणे अत्यंत गरजेचे असून भूकंपग्रस्त कुटुंबाची ठराविक व्याख्या न ठरविता तसेच भूकंपग्रस्तांच्या बाबतीत व्यक्तीगत विचार न करता कुटुंबाचा विचार करण्यात येऊन भूकंपग्रस्त कुटुंबातील कोणत्याही एका व्यक्तीस, ज्या व्यक्तीस या दाखल्याची खरोखरच आवश्यकता असून त्यासं नोकरीमध्ये सवलत मिळणेकरीता भूकंपग्रस्त कुटुंबाच्या व्याख्येमध्ये सुधारणा करण्याचा धोरणात्मक निर्णय आपण घ्यावा, अशी महाराष्ट्रातील भूकंपग्रस्त कुटुंबांच्यावतीने नम्र विनंती केली असून आमदार शंभूराज देसाईंच्या आग्रही मागणीवरुन भूकंपग्रस्तांच्या शासन निर्णयामध्ये सुधारणा करणेबाबत तात्काळ अहवाल सादर करा, अशा सक्त सुचना मुख्यमंत्री ना.देवेंद्र फडणवीस यांनी संबंधितांना दिल्या असल्याचे आमदार शंभूराज देसाईंनी सांगितले आहे.

लोकनेते बाळासाहेब देसाई सह.साखर कारखान्याचा आमदार शंभूराज देसाई व ज्येष्ठ ११ सभासदांच्या हस्ते सोमवार दि.०५ नोव्हेंबर रोजी गळीताचा शुभारंभ- अशोकराव पाटील चेअरमन

             दौलतनगर ता.पाटण येथील लोकनेते बाळासाहेब देसाई सहकारी साखर कारखान्याचा सन २०१८-१९ मधील ४५ व्या गळीत हंगामाचा शुभारंभ समारंभ सोमवार दि.०५ नोव्हेंबर, २०१८ रोजी सकाळी १०.०० वा. लोकनेते बाळासाहेब देसाई सहकारी उद्योग समुहाचे मार्गदर्शक, उत्कृष्ट संसदपटु आमदार शंभूराज देसाई व कारखान्याचे ज्येष्ठ ११ सभासद यांचे हस्ते कारखाना कार्यस्थळावर संपन्न होणार असल्याची माहिती कारखान्याचे चेअरमन अशोकराव पाटील यांनी प्रसिध्दीपत्रकाव्दारे दिली आहे.

        पत्रकात म्हंटले आहे की, या वर्षीच्या गळीत हंगामातील गळीताकरीता मागील हंगामाच्या जवळपास कारखान्याकडे कार्यक्षेत्रातील ऊसाची नोंद झाली असून कार्यक्षेत्रातील संपुर्ण ऊस गळीताचे उदीष्ट कारखाना व्यवस्थापनाने ठेवले आहे. चालु गळीत हंगामाची पुर्वतयारी पुर्ण झाली असून गाळप हंगाम पुर्ण क्षमतेने होण्याच्या दृष्टीने कारखान्यातील सर्व कामकाज पुर्णत्वाकडे गेले आहे. कारखान्याने ऊस तोडणी व वाहतूकीकरीता पुरेसे तोडणी मजुर व वाहनांचे करार पुर्ण केलेले असून कारखान्याकडे करार केलेली सर्व ऊस तोडणी व वाहतूक तोडणी मजुर यंत्रणा कारखाना कार्यक्षेत्रात दाखल होण्यास सुरुवात झाली आहे.यंदाचाही गळीत हंगाम कारखान्याचे सभासद, ऊस उत्पादक शेतकरी यांचे सहकार्यातून यशस्वी होईल असा विश्वास व्यक्त करीत या गळीत हंगामाचा शुभारंभ हा प्रतिवर्षाप्रमाणे कारखान्याचे ज्येष्ठ ११ सभासद श्री.शंकर पाटील त्रिपुडी, श्री.रामचंद्र सावंत साखरी,श्री.शंकर चौधरी पाटण,श्री.पांडूरंग पाटील माजगाव, श्री.शिवाजी पवार बांबवडे,श्री.रामचंद्र कदम मरळी,श्री.नथुराम गायकवाड आबदारवाडी,श्री.राजाराम पानवळ खळे, श्री.दत्तात्रय देसाई कुंभारगाव, श्री.पांडूरंग शिंदे मारुलहवेली,श्री.हिंदुराव पाटील मंद्रुळकोळे यांचे व लोकनेते बाळासाहेब देसाई सहकारी उद्योग समुहाचे मार्गदर्शक,उत्कृष्ट संसदपटु आमदार शंभूराज देसाई यांचे शुभहस्ते कारखाना कार्यस्थळ (दौलतनगर) येथे संपन्न होत आहे.या समारंभानिमित्त कारखान्याचे संचालक राजेंद्र गुरव व त्यांच्या सुविद्य पत्नी सौ.शिल्पा गुरव यांचे हस्ते सत्यनारायण महापुजा आयोजीत केलेली आहे.या समारंभास कारखान्याचे सर्व सभासद, ऊस उत्पादक शेतकरी,पदाधिकारी,कार्यकर्ते,हितचिंतक यांनी सोमवार दि. ०५ नोव्हेंबर, २०१८ रोजी सकाळी १०.०० वा. बहुसंख्येने उपस्थित रहावे असे आवाहनही चेअरमन अशोकराव पाटील यांनी शेवठी पत्रकात केले आहे.

राष्ट्रीय महामार्गाच्या कामाला गती दया.आमदार शंभूराज देसाईंच्या अधिका-यांना बैठकीत सुचना. रस्त्यावर उतरुन अधिका-यांना बरोबर घेवून केली रस्त्याची प्रत्यक्ष पहाणी.

        कराड ते चिपळूण या राष्ट्रीय महामार्गावरील कराड ते पाटणच्या पुढील भागात राष्ट्रीय महामार्गाचे काम सुरु करण्यात आले आहे.सदरचे काम खुप संथ गतीने सुरु असल्याने पाटण विधानसभा मतदारसंघातील पाडळी,सुपने पासून पाटणच्या पुढील हेळवाक पर्यंतच्या कामांस एल.ॲन्ड टी कंपनीने आणि काम करुन घेणा-या राष्ट्रीय महामार्गाच्या अधिका-यांनी गती दया व लवकरात लवकर या रस्त्याचे काम कसे पुर्ण करता येईल या उदीष्टाने काम करा अशा सक्त सुचना आमदार शंभूराज देसाईंनी राष्ट्रीय महामार्गाच्या व एल.ॲन्ड टी कंपनीच्या अधिका-यांना बैठकीत दिल्या.या कामांसंदर्भात बैठक घेण्यापुर्वी आमदार शंभूराज देसाईंनी स्वत: रस्त्यावर उतरुन रस्त्याच्या कामांमध्ये कुठे कुठे अडचणी आहेत यामध्ये कशा उपाययोजना करण्यात येतील याकरीता रस्त्याची प्रत्यक्ष पहाणी केली यावेळी कंपनीचे व शासकीय सर्व अधिकारी हे आमदार शंभूराज देसाई यांच्यासमवेत पहाणी दौ-यात उपस्थित होते.

        पाटण विश्रामगृह याठिकाणी हेळवाक कराड ते पाटण अशा ४८.४२ किमी लांबीच्या राष्ट्रीय महामार्ग रस्त्याचे कामाला गती देणेसंदर्भात आमदार शंभूराज देसाई यांचे अध्यक्षतेखाली उच्चस्तरीय बैठक आयोजीत करण्यात आली होती.या बैठकीत व पहाणी दौ-यात वरीलप्रमाणे आमदार शंभूराज देसाईंनी सुचना दिल्या. यावेळी राष्ट्रीय महामार्गाचे कार्यकारी अभियंता व्ही.आर.कांडगावे,प्रातांधिकारी श्रीरंग तांबे,तहसिलदार रामहरी भोसले, गटविकास अधिकारी संजीव गायकवाड,वनसंरक्षक विलास काळे, पाटणचे पोलीस निरीक्षक यु.एस.भापकर, राष्ट्रीय महामार्गाचे उपअभियंता पन्हाळकर,एल.ॲन्ड टी कंपनीचे मुंबई कार्यालयाचे प्रमुख के.हरीकृष्णा,प्रोजेक्ट मॅनेजर बीपलाब घोष,विठ्ठल सावंत,पोरे,शामल शिंदे यांच्यासह एल.ॲन्ड टी कंपनीचे सर्व प्रमुख अधिकारी यांची प्रमुख उपस्थिती होती.

        आमदार शंभूराज देसाईंनी प्रारंभी आबदारवाडी येथून गिरेवाडी,मल्हारपेठ,नवसरवाडी,नाडे,पाटण येथील ठिकाणांची प्रत्यक्ष पहाणी केली व बैठकीमध्ये त्यांनी या रस्त्याच्या दोन्ही बाजुस जिथे जिथे गांवे आहेत त्याठिकाणी मोठमोठे गटर बांधकाम केले आहे तेथील ग्रामस्थांनी गावातून रस्त्यावर कसे यायचे हीच परिस्थिती रस्त्याला जोडून असणा-या शेतांची आहे.शेतक-यांनी शेतातील तसेच शिवारातील त्यांची वाहने,बैलगाडया कश्या बाहेर काढायच्या असा सवाल उपस्थित केला यावर कार्यकारी अभियंता यांनी रस्त्याच्या दोन्ही बाजुस जिथे जिथे गांवे आहेत, तिथे १०० ते २०० मीटर रस्ता करुन देण्याचे या कामांमध्ये समाविष्ठ करण्यात आले आहे. शेतकऱ्यांना ज्याठिकाणी शिवारातून रस्त्यांवर येण्याकरीता रस्ता हवा आहे तसा सर्व्हे आम्ही विभागामार्फत करु आणि मागणीप्रमाणे रस्ता करुन देवू असेही त्यांनी सांगितले त्यानंतर आमदार शंभूराज देसाईंनी कोयना तीरावरील ३२ उपसा जलसिंचन योजना तसेच अनेक गांवाच्या पिण्याच्या पाण्याच्या योजना या दक्षिणेकडून उत्तरेकडील गांवामध्ये येत आहेत त्या योजनांच्या पाईपलाईन रस्त्याच्या कामांतून पलीकडेच्या बाजूस काढून देणे व दुरुस्ती करुन देणेसंदर्भात मी पत्राव्दारे सुरवातीसच मागणी केली होती यावर राष्ट्रीय महामार्गाने आपले पत्रातील मागणीवरुनच या मार्गावरील उपसा जलसिंचन व पिण्याच्या पाण्याच्या योजना या पुरर्वत रस्त्याच्या पलीकडे काढून देण्यास मान्यता दिली आहे. अशी मान्यता यापुर्वी कधीही आणि कुठेही देण्यात आली नाही असे सांगून अधिका-यांनी त्यानुसार आम्ही कामेही सुरु केली आहेत तर काही ठिकाणी सुरु करीत असल्याचे सांगितले. तसेच गांवाच्या ठिकाणी २२ मीटरने तर गांवाबाहेर २४ मीटरने रस्ता करण्यात येणार असून रुंदीकरणासाठी शेतक-यांच्या संमती घेण्याची प्रक्रिया सुरु आहेत असे अधिका-यांनी सांगितल्यानंतर रस्त्याच्या रुंदीकरणामध्ये ३२ गांवामध्ये ३६ किमी अंतरात १३ हेक्टर जमिनक्षेत्र भुसंपादन करावे लागत असून भूसंपादन कराव्या लागणा-या शेतक-यांना रेडीरेकनरच्या चारपट दराने या जमिनींचा भाव देण्यात यावा,भूमिसंपादनाची प्रक्रिया लवकरात लवकर महसूल विभागांनी पुर्ण करावी असे आमदार शंभूराज देसाईंनी यावेळी अधिका-यांना सुचित केले.सन २०१९ संपण्याच्या अगोदर हेळवाक- पाटण ते कराड या रस्त्याचे काम पुर्ण करण्याचे शासनाचे उदीष्ठ असून शासनाच्या उदीष्ठाप्रमाणे एल.ॲन्ड टी कंपनीने या कामांस गती दयावी जिथे यंत्रणा कमी पडत आहे त्याठिकाणी यंत्रणा वाढविण्यात यावी. रस्त्याच्या कडेला शेतकऱ्यांनी खाजगी पाईपलाईन केल्या आहेत अशा पाईपलाईनची नासधुस न करता त्यांच्या पाईपलाईन योग्यरित्या कंपनीने शिफटींग करुन दयाव्यात अशी अनेक शेतक-यांनी मागणी केली आहे त्याप्रमाणे याची प्रत्यक्ष पहाणी कंपनीने व महामार्गाच्या अधिकाऱ्यांनी करावी व शेतकऱ्यांना नुकसान होणार नाही याची काळजी घेत त्यांच्या पाईपलाईन शिफटींग करुन दयाव्यात असेही आमदार शंभूराज देसाईंनी यावेळी अधिकाऱ्यांना सांगितले.

चौकट:- आता कामाला चांगली गती येईल ग्रामस्थ शेतक-यांच्या प्रतिक्रिया.

        आमदार शंभूराज देसाई हे कराड चिपळुण महामार्गावरील रस्त्यांच्या कामांची प्रत्यक्ष रस्त्यावर उतरुन सर्व शासकीय व कंपनीच्या अधिकाऱ्यांना घेवून पहाणी करीत असल्याचे आणि रस्त्याच्या कामांमध्ये कुठे कुठे अडीअडचणी आहेत हे अधिका-यांना दाखवित असल्याचे पाहून आता कामाला चांगली गती येईल अशा प्रतिक्रिया रस्त्यावरील अनेक गांवातील ग्रामस्थ आणि शेतकऱ्यांनी बैठकीपुर्वी व्यक्त केल्याचे एैकावयास मिळाले.

हरीतऊर्जा योजनेतंर्गत पाटण तालुक्यातील ग्रामीण रस्त्याचे प्रस्ताव सादर करा. ऊर्जामंत्री ना.चंद्रशेखर बावनकुळे यांच्या संबधित यंत्रणांना सुचना.

      पाटण तालुक्याच्या दौ-यावर आलेले राज्याचे ऊर्जामंत्री ना.चंद्रशेखर बावनकुळे यांचेकडे तालुक्याचे आमदार शंभूराज देसाई यांनी पाटण तालुक्यातील डोंगरपठारावर जाणारे ग्रामीण रस्ते हे पवचनचक्की प्रकल्पांच्या अवजड साहित्यांच्या वाहतूकीमुळे मोठया प्रमाणात खराब झाले असून या कामांना आवश्यक असणारा निधी मंजुर करावा अशी मागणी ऊर्जामंत्री यांचेकडे केल्यानंतर तातडीने पाटण तालुक्यातील या रस्त्यांचे प्रस्ताव हरीतऊर्जा योजनेतंर्गत मंजुरीकरीता सादर करावेत अशा सुचना जागेवर ना.चंद्रशेखर बावनकुळे यांनी संबधित यंत्रणांना दिल्या.

     राज्याचे ऊर्जामंत्री ना.चंद्रशेखर बावनकुळे यांनी आमदार शंभूराज देसाई यांचे मागणीवरुन पाटण तालुक्यातील डोंगरी व दुर्गम भागातील पवचनचक्की प्रकल्पांच्या अवजड साहित्यांच्या वाहतूकीमुळे मोठया प्रमाणात खराब झालेल्या ग्रामीण रस्त्यांच्या कामांना यापुर्वी भरघोस असा निधी उपलब्ध करुन दिल्याबद्दल पाटण मतदारसंघाच्या वतीने ऊर्जामंत्री यांचा जाहीर सत्कार केला. या सत्काराच्या दरम्यानच आमदार शंभूराज देसाईंनी पाटण तालुक्यात पवचनचक्की प्रकल्पांच्या अवजड साहित्यांच्या वाहतूकीमुळे खराब झालेल्या ११ रस्त्यांची कामे प्रलंबीत असून या कामांना आवश्यक असणारा निधी उपलब्ध करुन दयावा अशी आग्रही मागणी ऊर्जामंत्री यांचेकडे केल्यानंतर अशा रस्त्यांना निधी न देण्याचा शासनाने निर्णय घेतला असून आमदार शंभूराज देसाईंची आग्रही मागणी या खात्याचा मंत्री असल्याने मला मोडवत नसल्याने निर्णयात बदल करुन पाटण तालुक्यातील अशा रस्त्यांना हरीतऊर्जा योजनेतंर्गत निधी मिळणेकरीताचे प्रस्ताव तात्काळ मंजुरीकरीता सादर करावेत अशा सुचना त्यांनी अधिका-यांना दिल्या.यासंदर्भात आमदार शंभूराज देसाईंनी ऊर्जामंत्री ना.चंद्रशेखर बावनकुळे यांचे विशेष आभार मानले.

     आमदार शंभूराज देसाई यांनी ऊर्जामंत्री यांचेकडे मागणी केलेल्या रस्त्यांच्या कामांमध्ये हुंबरणे ते पांढरेपाणी रस्ता ४ किमी, कोकीसरे नवलाईवॉर्ड ते गवळीनगर रस्ता ३ किमी, वेताळवस्ती काळगांव ते मस्करवाडी रस्ता १.५०० किमी, माईंगडेवाडी ते गणेशवाडी ते हौदाचीवाडी म्हाळुंगेवाडी ते सातर रस्ता ८.५००किमी, भोसगांव ते आंब्रुळकरवाडी ते कोळेकरवाडी रस्ता ७ किमी, कोळेकरवाडी अनुतेवाडी ते कारळे रस्ता ४ किमी, नेरळे ते गुंजाळी रस्ता ३ किमी, घेरादातेगड गावपोहोच रस्ता ३ किमी, गावडेवाडी फाटा ते धुईलवाडी रस्ता ३ किमी, काठीटेक ते अवसरी रस्ता ३.५०० किमी व रामेल फाटा ते रामेल रस्ता ३ किमी असे एकूण ४३.५०० किमी लांबीचे रस्ते सुचविले आहेत. ऊर्जामंत्री यांनी सदरचे प्रस्ताव मंजुरीकरीता सादर करण्याच्या सुचना संबधित यंत्रणांना दिल्या असल्याने या कामांना आवश्यक असणारा निधी मंजुर होईल अशी आशा आमदार शंभूराज देसाईंनी व्यक्त केली आहे.

चौकट:- दोन टप्प्यात मिळणार निधी- ऊर्जामंत्री यांनी केले जाहीर.

       आमदार शंभूराज देसाईंनी या ११ रस्त्यांच्या कामांसंदर्भात ऊर्जामंत्री यांचेशी सविस्तर अशी चर्चा केल्यानंतर या ११ कामांना दोन टप्प्यामध्ये निधी उपलब्ध करुन देण्याचे ऊर्जामंत्री यांनी मान्य केले आहे. २०१८ च्या डिसेंबरच्या अधिवेशनात व २०१९ च्या अर्थसंकल्पीय अधिवेशनात या कामांना निधी मंजुर करुन दिला जाईल असे ऊर्जामंत्री यांनी आमदार शंभूराज देसाईंना सांगितले आहे.

नाडे-मरळी रस्त्याचे ऊर्जामंत्री ना.चंद्रशेखर बावनकुळे यांचे हस्ते शुक्रवारी नाडे येथे भूमिपुजन. पाटण विधानसभा मतदारसंघाच्या वतीने ना.चंद्रशेखर बावनकुळे यांचा जाहीर सत्कार समारभांच्या अध्यक्षस्थानी आमदार शंभूराज देसाई.

      सन २०१८-१९ चे अर्थसंकल्पातून पाटण तालुक्याचे आमदार शंभूराज देसाई यांनी मंजुर करुन आणलेल्या नाडे सांगवड-मंद्रुळकोळे- ढेबेवाडी प्रजिमा ५८ भाग नाडे नवारस्ता ते मरळी किमी ०/०० ते ५/०० या रस्त्याचे रुंदीकरण व सुधारणा करणे या कामांचा भूमिपुजन समारंभ राज्याचे ऊर्जामंत्री ना.चंद्रशेखर बावनकुळे यांचे शुभहस्ते शुक्रवार दि.२६.१०.२०१८ रोजी सकाळी ०९.३० वा नाडे नवारस्ता येथे आयोजीत केला असून या समारंभात ऊर्जा मंत्री ना.चंद्रशेखर बावनकुळे यांनी आमदार शंभूराज देसाई यांच्या विनंतीवरुन राज्याच्या हरीतऊर्जा निधीमधून पाटण तालुक्यातील डोंगरी व दुर्गम भागातील ग्रामीण रस्त्यांच्या कामांना भरघोस असा निधी उपलब्ध करुन दिल्याबद्दल पाटण विधानसभा मतदारसंघाच्या वतीने त्यांचा आमदार शंभूराज देसाईंचे जाहीर सत्कार करण्यात येणार आहे. या समारंभाच्या अध्यक्षस्थानी आमदार शंभूराज देसाई असणार असल्याची माहिती नाडे-सांगवड-गव्हाणवाडी- चोपदारवाडी व मरळी ग्रामपंचायत व ग्रामस्थांच्या वतीने प्रसिध्दीस देण्यात आली आहे.

       पोफळी जलविद्युत प्रकल्पाच्या पहाणी दौ-यावर असणारे राज्याचे ऊर्जामंत्री ना.चंद्रशेखर बावनकुळे हे शुक्रवार दि.२६.१०.२०१८ रोजी पाटण विधानसभा मतदारसंघाच्या दौ-यावर येत असून त्यांचे हस्ते आमदार शंभूराज देसाईंनी सन २०१८-१९ चे अर्थसंकल्पातून सुमारे ७.५० कोटी रुपयांचा मंजुर करुन आणलेल्या नाडे सांगवड-मंद्रुळकोळे- ढेबेवाडी प्रजिमा ५८ भाग नाडे नवारस्ता ते मरळी किमी ०/०० ते ५/०० या रस्त्याचे रुंदीकरण व सुधारणा करणे या कामांचा भूमिपुजन समारंभ त्यांचे हस्ते आयोजीत करण्यात आला आहे या समारंभात आमदार शंभूराज देसाईंच्या सातत्याच्या मागणीवरुन ऊर्जामंत्री यांनी राज्याच्या हरीतऊर्जा निधीमधून पाटण तालुक्यातील डोंगरी व दुर्गम भागातील ग्रामीण रस्त्यांच्या कामांना भरघोस असा निधी उपलब्ध करुन दिल्याबद्दल पाटण विधानसभा मतदारसंघाच्या वतीने त्यांचा आमदार शंभूराज देसाईंचे जाहीर सत्कार करण्यात येणार आहे. सदर समारंभ हा शुक्रवार दि.२६.१०.२०१८ रोजी सकाळी ०९.३० वा नाडे नवारस्ता येथे आयोजीत केला असून या समारंभास मोठया संख्येने उपस्थित रहावे असे आवाहन नाडे-सांगवड-गव्हाणवाडी- चोपदारवाडी व मरळी ग्रामपंचायत व ग्रामस्थांच्या वतीने करण्यात आले आहे. 

लोकनेते बाळासाहेब देसाई कारखान्याकडे नोंद केलेला सर्व ऊस शेतकरी सभासदांनी गळीताकरीता दयावा. आमदार शंभूराज देसाईंचे सभासद शेतक-यांना आवाहन. शासनाच्या नियमाप्रमाणे ऊसाचा दर देणार.

सातारा जिल्हयातील असो व जिल्हयाच्या शेजारील जिल्हयातील साखर कारखाने असोत हे सर्व कारखाने ५०००, ७५०० व १२५०० मे.टन एवढया मोठया क्षमतेचे कारखाने असून या कारखान्याबरोबर पाटणसारख्या डोंगरी व अडचणीच्या भागातील १२५० मे.टन क्षमतेच्या आपल्या लोकनेते बाळासाहेब देसाई सहकारी साखर कारखान्याला कोणत्याच बाबतीत स्पर्धा करुन चालणार नाही.कारण कारखान्याचे कार्यक्षेत्र पाहिल्यानंतर निम्माहून अधिेक क्षेत्र हे डोंगंरी भागात आहे. कोयनानदीकाठी अल्प प्रमाणात ऊसाचे कार्यक्षेत्र आहे.संपुर्ण पाटण तालुक्यातील ऊसाची लागवड पाहिली तर तीन ते साडेतीन लाख मे.टनाच्या वर जात नाही.ही वस्तूस्थिती असताना देखील आपले कारखान्याने कारखान्याच्या सभासंदाना व ऊस उत्पादक शेतक-यांना इतर मोठया कारखान्यांच्या बरोबरीने प्रतिवर्षी दर दिला आहे.त्यामुळे तालुक्यातील शेतक-यांनी व सभासदांनी कुणाच्याही सांगण्यावरुन कार्यक्षेत्रातील ऊस बाहेरच्या कारखान्यांना न घालता नोंद केलेला संपुर्ण ऊस हा आपलेच लोकनेते बाळासाहेब देसाई साखर कारखान्यास गळीताकरीता दयावा असे जाहीर आवाहन आमदार शंभूराज देसाईंनी कारखान्याच्या सभासदांना केले असून शासनाच्या नियमाप्रमाणे ऊस उत्पादकांना ऊसाचा दर देणार असल्याचे त्यांनी यावेळी जाहीर केले.

 दौलतनगर,ता.पाटण याठिकाणी लोकनेते बाळासाहेब देसाई सहकारी साखर कारखान्याचे ४५ व्या बॉयलर अग्निप्रदिपन कार्यक्रमात आमदार शंभूराज देसाई बोलत होते.याप्रसंगी मोरणा शिक्षण संस्थेचे अध्यक्ष रविराज देसाई,युवा नेते यशराज देसाई,जयराज देसाई,आदित्यराज देसाई,कारखान्याचे चेअरमन अशोकराव पाटील,माजी चेअरमन डॉ. दिलीपराव चव्हाण यांच्यासह कारखान्याचे सर्व संचालक मंडळ उपस्थित होते.प्रारंभी या कार्यक्रमा निमित्त कारखान्याचे संचालक शंकर शेजवळ व त्यांच्या सुविद्य पत्नी सौ.वंदना शेजवळ यांचे हस्ते सत्यनारायण महापूजा आयोजीत करण्यात आली होती.

याप्रसंगी बोलताना आमदार शंभूराज देसाई म्हणाले,यापुर्वीच मी कारखान्याच्या वार्षिक सर्वसाधारण सभेमध्ये पाटणसारख्या डोंगरी व अडचणीच्या भागात वसलेल्या लोकनेते बाळासाहेब देसाई साखर कारखान्याची कशी वाटचाल सुरु आहे.याचे स्पष्टीकरण दिले होते.सातारा जिल्हयातील पाटणसारख्या डोंगरी भागात १२५० इतक्या कमी गाळप क्षमतेचा व कोणताही उपपदार्थ नसलेल्या आपल्या देसाई सहकारी साखर कारखान्याने कारखान्यास उस पुरवठा करणा-या ऊस उत्पादक शेतकरी व सभासदांना जिल्हयातील इतर मोठया क्षमतेच्या कारखान्यांच्या बरोबरीने मागील गळीत हंगामातील गाळप केलेल्या ऊसाला अनुदानासह २६०० रुपये अंतिम दर दिला आहे.कारखान्याच्या इतिहासातील हा उच्चांकी दर असून संपुर्ण महाराष्ट्रामध्ये १२५० मे. टन क्षमता असणा-या अनेक कारखान्यापैकी एकही कारखाना आपले कारखान्यासारखा दर या परिस्थितीमध्ये देवू शकणार नाही.ही वस्तूस्थिती आहे.साखर उद्योगातील मान्यवर व्यक्तीं मग ते कोणत्याही पक्षाचे असोत त्यांना जरी यासंदर्भात विचारणा केली तरी तेही याची स्पष्टोक्ती जाहीरपणे देवू शकतील.असे स्पष्ट करुन ते म्हणाले,कारखाना चालवित असताना वस्तूस्थितीची जाणिव ठेवूनच कारखान्यामध्ये पारदर्शी कारभार आपण करीत आहोत. विरोधासाठी विरोध करण्याचे प्रयत्न आपल्या विरोधकांचे नेहमीच असतात.राजकीय टिका होत असतानाही शेतक-यांच्या हिताचेच निर्णय आतापर्यंत कारखान्यांच्या संचालक मंडळाने घेतले आहेत.

गत दोन वर्षात कुणाच्या तरी सांगण्यावरुन तालुक्यातील शेतक-यांनी बाहेरच्या कारखान्यांना आपला ऊस घातला त्यांनी घातलेल्या ऊसाचा संपुर्ण दर तरी या शेतक-यांना मिळाला का? कोण तरी सांगतय म्हणून बाहेरच्या कारखान्यांना ऊस घालून कुणाचे नुकसान झाले या विरोधक मंडळींना शेतक-यांची एवढीच काळजी वाटते तर त्यांनी जाहीर केलेल्या कारखान्याची वीट कधी उभी राहणार याबदृल ही विरोधक मंडळी काहीच बोलत नाहीत याचाही विचार तालुक्यातील शेतक-यांनी करावा.आपल्याकडे कोयना नदीकाठचा ऊस सोडला तर डोंगरी भागातील ऊसाची रिकव्हरी सरासरी ११.४३ लागते आणि शेजारच्या कृष्णा काठी असणा-या ऊसाची रिकव्हरी सरासरी १२.४२ इतकी लागते. रिकव्हरीमध्ये एक टक्का जरी परिणाम झाला तर सुमारे ३०० ते ३५० रुपयांचा फरक पडतो.तसेच त्यांचे गाळप जास्त असल्याने उपपदार्थामधून त्यांना कमीत कमी १०० रुपये तर जास्तीत जास्त २०० रुपये मिळतात तर उत्पादन खर्चामध्ये १० ते १२ लाख मे.टन ऊस गाळप करण्याकरीता खर्च कमी येत असल्याने त्यामध्ये या कारखान्यांना १०० ते १२५ रुपयांचा फायदा होतो त्यामुळेच या मोठया क्षमतेच्या कारखान्यांना एका टनामागे ५०० ते ६०० रुपये जादा देणे सहज परवडते ही परिस्थिती आपल्या कारखान्याची नाही.मग सवंग लोकप्रियता मिळविण्याकरीता कारखान्यावर कर्ज काढायचे आणि या कर्जाचा बोजा कारखान्याच्या ऊस उत्पादक सभासदांवर टाकायचा हे धोरण कारखान्याचा विश्वस्त म्हणून मी कधीही राबविले नाही आणि हे आमच्या धोरणामध्ये बसतही नाही.असेही त्यांनी शेवठी बोलताना स्पष्ट केले. समारंभास मोठया प्रमाणात सभासद कारखान्याचे अधिकारी,कर्मचारी यांची उपस्थिती होती.उपस्थितांचे आभार संचालक पांडुरंग नलवडे यांनी मानले.

आमदार शंभूराज देसाईंना तारळे विभागातील शेतक-यांनी पाणीदार आमदार म्हणून गौरविले.

धरणातून ५० मीटर वरील जमिनीला पाणी देण्याचा एैतिहासिक निर्णय करुन घेतलेबद्दल

आमदार शंभूराज देसाईंचा तारळे विभागाने केला भव्य नागरी सत्कार.

         पाटण तालुक्यातील तारळी मध्यम धरण प्रकल्पातील पाणी या विभागातील ५० मीटर हेडच्या वरील शेतीकरीता देणेचा एैतिहासिक निर्णय तालुक्याचे आमदार शंभूराज देसाईंनी राज्य शासनाकडून राज्य मंत्रीमंडळात करुन घेतलेबद्दल आणि आमच्या हक्काचे पाणी मोठया संघर्षातून त्यांनी आम्हाला मिळवून दिल्याबद्दल तारळे विभागातील तमाम जनता व शेतक-यांनी पाणीदार आमदार म्हणून आमदार शंभूराज देसाईंना गौरवून त्यांचा तारळे याठिकाणी भव्य असा नागरी सत्कार केला.सत्कार समारंभास शेतक-यांनी मोठया संख्येने उपस्थित राहून मोठा जल्लोष करीत या निर्णयाचे जंगी स्वागत केले व आमदार शंभूराज देसाई व युतीच्या राज्य शासनाचे उपस्थित शेतक-यांनी मोठया उत्साहाने जाहीर आभार मानले.

         तारळे ता.पाटण याठिकाणी तारळे विभागाकरीता एैतिहासिक आणि न भूतो न भविष्यती असा धोरणात्मक निर्णय तालुक्याचे आमदार शंभूराज देसाईंनी मोठया संघर्षातून दि.०९ ऑक्टोंबर रोजीच्या राज्य मंत्रीमंडळात युतीच्या शासनाकडून करुन घेतलेबद्दल व या कामांकरीता वाढीवचे ५५३ कोटी रुपये मंजुर करुन घेतलेबद्दल आमदार शंभूराज देसाईंचा शेतक-यांच्या वतीने भव्य नागरी सत्कार आयोजीत केला होता.यावेळी माजी पंचायत समिती सदस्य बबनराव शिंदे, शंभूराज युवा संघटना अध्यक्ष भरत साळुंखे,उपाध्यक्ष अभिजित पाटील,कारखान्याचे संचालक गजाभाऊ जाधव, सोमनाथ खामकर,बबनराव भिसे, माणिकशहा पवार,तारळे सरपंच अर्चना जरग,युवराज नलवडे,रामचंद्र देशमुख,विकास जाधव,प्रल्हाद पवार,बाळासाहेब सुर्यवंशी,रणजित शिंदे,बबन शिंदे,शंकर सावंत,पतंग सावंत,अमोल घाडगे,उत्तमराव कदम, राजेंद्र पवार,शिवाजी रांजणे,बाळू चव्हाण,पोपटराव साळूंखे,सागर सोनवले,मधुकर साळूंखे,विठ्ठलराव जाधव,अरुण पिंपळे, राहूडे सरपंच तुषार चव्हाण,संध्या मोरे,विश्वास निकम,बाबा चौधरी,तुकाराम कदम,रामचंद्र कदम,रविंद्र सपकाळ,घोट सरपंच मधुकर आरेकर,गौरव परदेशी यांच्यासह प्रमुख पदाधिकारी व कार्यकर्ते यांची प्रमुख उपस्थिती होती.

         याप्रसंगी बोलताना आमदार देसाई म्हणाले,तारळी मध्यम धरण प्रकल्पातील पाणी ५० मीटर हेडच्या वरील शेतीला देणे हा निर्णय करुन घेणे सोपे नव्हते,पाणी वाटप आणि व्याप्तीमध्ये बदल असल्याने या निर्णयाकरीता मोठा संघर्ष करावा लागला.२००९ ला धरणाच्या कार्यक्षेत्रात बंधिस्त कॅनॉलचे काम सुरु झालेनंतर हे पाणी आता आपल्या हातातून जाणार हे निश्चितच झाले होते.या तालुक्याच्या माजी आमदारांनी या विभागातील शेतक-यांना वा-यावर सोडून त्यांच्या नेत्यांचा मतदारसंघ हिरवागार करणेकरीता बंदिस्त कॅनॉलचा घाटच घातला होता.म्हणूनच त्यांनी आमदार असताना तारळी धरणाच्या माध्यमातून या विभागातील डोंगराकडेच्या शेतीचे इंच इंच क्षेत्र भिजले पाहिजे याकरीता विधानसभेत ना विधानसभेच्या बाहेर आपले तोंड देखील उघडले नाही.असा आरोप आमदार शंभूराज देसाईंनी केला.

           २००९ ला आपण हे पाणी या विभागातील १०० टक्के क्षेत्राला कोणत्याही परिस्थितीत मिळवायचेच याकरीता पाणी परिषदेच्या माध्यमातून सुरुवात केली.२००९ पासून तुमच्या सर्वांच्या सहकार्याने आपला हा लढा सुरु होता त्यास या ९ तारखेला यश मिळाले. सलग ९ वर्षे सुरु असलेला हा संघर्ष आणि आपल्या हक्काचे जाणारे पाणी कुणी थांबविले आहे हे या विभागातील शेतक-यांनी व जनतेने उघडया डोळयांनी पाहिले आहे त्यामुळे माजी आमदारांनी कितीही भूलथापा दिल्या तरी या विभागातील सुज्ञ शेतकरी आता पाटणकरांच्या भूलथांपाना बळी पडणार नाहीत.मी एकटयानेच सर्व केले असे मी म्हणणार नाही आपल्या सर्वांच्या सहकार्याने आणि राज्याचे मुख्यमंत्री ना.देवेंद्र फडणवीस, जलसंपदा मंत्री ना.गिरीश महाजन,वित्त मंत्री ना.सुधीर मुनगंटीवार व जिल्हयाचे पालकमंत्री ना.विजय शिवतारे बापू यांच्या विशेष सहकार्यामुळे आपण हा लढा यशस्वी करु शकलो याचे मला खुप समाधान आहे.सातारा पाटबंधारे मंडळाचे अधीक्षक अभियंता विजय घोगरे यांचेही आभार मानणे तितकेचे गरजेचे आहे.केंद्र शासनाने महाराष्ट्र राज्याच्या ३२ जिल्हयात २६ प्रकल्पांना प्रधानमंत्री सिचाई योजनेत सहभागी केले आहे यात आपल्या सातारा जिल्हयातील ५ प्रकल्प असून आपल्या पाटण तालुक्यातील तीन प्रकल्प आहेत. माजी आमदारांच्या काळात हे का शक्य होवू शकले नाही याचा विचार याच विभागाने नाहीतर तालुक्यातील जनतेने करणे गरजेचे आहे.प्रकल्पाची पहिली मान्यता १०५७ कोटींची होती आता मान्यता १६१० कोटी रुपयांची मिळाली आहे ५५३ कोटी रुपयांचा वाढीवचा निधी याकरीता देण्यात आला आहे. ५० मीटर हेडच्या एैतिहासिक निर्णयामुळे सुमारे १७ गांवातील २७२५ एकर जादाचे क्षेत्र ओलिताखाली येणार आहे भिजणारे हे क्षेत्र एकटया देसाई गटाच्या शेतक-यांचे भिजणार नाही संगळयांनाचा याचा फायदा होणार आहे.शेतक-यांनी आपला फायदा कुणामुळे होणार आहे हे ओळखून विकासाच्या प्रवाहामध्ये सामील व्हावे. केवळ निवडणूकीपुरते मतांचे राजकारण करणा-या विरोधकांना खडयासारखे बाजुला ठेवावे व त्यांच्या भूलथापांना बळी पडू नये असे आवाहन त्यांनी यावेळी बोलताना केले.यावेळी बबनराव शिंदे,एस.के.वाघडोळे,गौरव परदेशी यांची भाषणे झाली.उपस्थितांचे स्वागत भाऊसाहेब जाधव यांनी केले आभार गजाभाऊ जाधव यांनी मानले.

चौकट:- पाणी अडविण्याचे ज्यांना जमले नाही ते काय पाणी देणार ?

       कृष्णा खोरे विकास महामंडळाचा जन्मच युतीच्या शासनाने घातला. धरणाच्या माध्यमातून शेतक-यांचे जीवनमान उंचावण्याचा निर्णयही युतीचे शासन घेत आहे आघाडी शासनाचा यामध्ये काडीचाही संबध नाही व आपले माजी आमदार जर यानिर्णयानंतर सोशल मिडीयावर त्यांची टिमकी वाजवित असतील तर दुर्दैव म्हणावे लागेल.सत्तेवर असताना जे करता आले नाही ते हातात काहीच नसताना आम्हीच केले म्हणणा-यांनी आता तरी या सवयी सोडाव्यात असा खरपुस समाचारही आमदार शंभूराज देसाईंनी पाटणकरांच्या सोशल मिडीयावरील चुकीच्या मोठेपणाचा घेतला.