लोकनेते बाळासाहेब देसाई शताब्दी स्मारक उदघाटन समारंभाच्या नियोजनाकरीता आमदार शंभूराज देसाईंचे प्रमुख उपस्थितीत शनिवार दि.12 रोजी कारखाना कार्यस्थळावर बैठक.

                 दौलतनगर दि.०९ :-  लोकनेते बाळासाहेब देसाई यांचे राज्य शासनाच्या वतीने दौलतनगर ता.पाटण येथे उभारण्यात आलेल्या लोकनेते बाळासाहेब देसाई शताब्दी स्मारकाचा उदघाटन समारंभ हा राज्याचे मुख्यमंत्री ना.देवेंद्र फडणवीस यांचे शुभहस्ते व युतीच्या राज्य शासनातील विविध खात्यांचे मंत्रीमहोदय यांचे प्रमुख उपस्थितीत लवकरच कारखाना कार्यस्थळावर संपन्न होत असून या समारंभाचे नियोजन करणेकरीता लोकनेते बाळासाहेब देसाई सहकारी उद्योग समुहाचे प्रमुख,पाटण मतदारसंघाचे लोकप्रिय आमदार शंभूराज देसाई यांचे प्रमुख उपस्थितीत शनिवार दि.12 जानेवारी, 2019 रोजी सकाळी 10.00 वा स्व.शिवाजीराव देसाई सांस्कृतिक भवन, दौलतनगर ता.पाटण येथे पाटण विधानसभा मतदारसंघातील विविध संस्थाचे पदाधिकारी,कार्यकर्ते, शिवसेना, शंभूराज युवा संघटनेतील पदाधिकारी, कार्यकर्ते यांची बैठक आयोजीत केली असल्याची माहिती आमदार शंभूराज देसाई यांचे कार्यालयामार्फत प्रसिध्दीस देण्यात आली आहे.

                                               पत्रकात म्हंटले आहे, राज्य शासनाच्या वतीने दौलतनगर ता.पाटण येथे महाराष्ट्राचे पोलादी पुरुष लोकनेते बाळासाहेब देसाई यांचे भव्य असे शताब्दी स्मारक लोकनेते यांचे जन्मभूमित उभारण्यात आले आहे. या शताब्दी स्मारकाचा उदघाटन समारंभास राज्याचे मुख्यमंत्री ना.देवेंद्र फडणवीस यांनी वेळ दिली असून लवकरच हा समारंभ राज्याचे मुख्यमंत्री व युतीच्या राज्य शासनातील विविध खात्यांचे मंत्री तसेच शिवसेना भाजप पक्षाचे विधानसभा सदस्य यांच्या प्रमुख उपस्थितीत संपन्न होत आहे. या समारंभाचे नियोजन करणेकरीता आमदार शंभूराज देसाई यांचे अध्यक्षतेखाली नियोजन बैठक आयोजीत केली आहे. या बैठकीस लोकनेते बाळासाहेब देसाई सहकारी उद्योग व शिक्षण समुहातील विविध संस्थाचे पदाधिकारी, कार्यकर्ते, शिवसेना, शंभूराज युवा संघटनेतील पदाधिकारी, कार्यकर्ते यांनी मोठया संख्येने उपस्थित राहण्याचे आवाहनही आमदार शंभूराज देसाई यांचे कार्यालयामार्फत पत्रकात करण्यात आले आहे.

आमदार शंभूराज देसाईंचा शुक्रवार दि.११ जानेवारी रोजी पाटणला जनता दरबार. जनता दरबारास जिल्हास्तरीय अधिकारी निमंत्रित.

दौलतनगर दि.08 :- पाटण विधानसभा मतदारसंघातील सर्वसामान्य जनतेच्या अडीअडचणी व समस्या जागेवर सोडविण्याकरीता पाटण विधानसभा मतदारसंघाचे उत्कृष्ट संसदपटु आमदार शंभूराज देसाई यांचे अध्यक्षतेखाली  शुक्रवार दि.११ जानेवारी,२०१९ सकाळी १०.०० वा.पाटण तहसिल कार्यालयाच्या प्रांगणात जनता दरबाराचे आयोजन करण्यात आले आहे.या जनता दरबारामध्ये आमदार शंभूराज देसाई हे पाटण मतदारसंघातील सुपने मंडलसह जनतेच्या समस्यांचे व विकास कामासंदर्भातील अडी-अडचणी जाणून घेणार आहेत,तसेच या जनता दरबारास पाटण व कराड तालुक्यातील सर्व शासकीय यंत्रणांचे खातेप्रमुख व जिल्हास्तरीय अधिकारी यांनाही निमंत्रित केले असून या जनता दरबारास जनतेने आपल्या समस्या घेऊन मोठया संख्येने उपस्थित रहावे,असे आवाहन आमदार शंभूराज देसाई यांच्या कार्यालयाकडून प्रसिध्दीपत्रकाव्दारे करण्यात आले  आहे.

                           आमदार शंभूराज देसाई यांच्या कार्यालयाकडून देण्यात आलेल्या पत्रकांत म्हंटले आहे की, आमदार शंभूराज देसाई यांनी सन २००४ ते २००९ या कालावधीत पाटण विधानसभा मतदारसंघातील आम जनतेच्या असणाऱ्या प्रलंबित समस्यांचे व विकास कामांसंदर्भातील अडी-अडचणींचे तातडीने निराकरण करणेकरीता तालुकास्तरीय सर्व शासकीय अधिकारी यांचेसमवेत जनता दरबार आयोजित करण्याची नविन संकल्पना राबविल्याने तालुक्यातील जनतेच्या अडी-अडचणींचा निपटारा जागेवरच संबंधित शासकीय अधिकारी यांचेसमोर होत होता. त्यामुळे जनतेच्या वेळेची व आर्थिक बचत होत असल्याने आम जनतेमध्ये समाधानाचे वातावरण होते. आमदार शंभूराज देसाई यांनी अशाच पध्दतीने सन २०१४ ला पुनश्च: आमदार झाल्यानंतर आमदारकीच्या पहिल्या महिन्यातच दि.२४.११.२०१४,दि.०७.११.२०१५,दि.०१.१२.२०१६ व दि.20.02.2018 रोजी पाटण तहसिल कार्यालयाच्या प्रांगणात जनता दरबारांचे आयोजन केले होते.या चारही जनता दरबारास मतदारसंघातील जनतेने उत्स्फुर्त प्रतिसाद दिला होता. अशाचप्रकारे पाटण मतदारसंघातील कराड तालुक्यातील सुपने मंडलकरीताही त्यांनी स्वतंत्र्य जनता दरबाराचे आयोजन करुन या विभागातील जनतेचे प्रश्न जागेवरच मार्गी लावले होते.

                     दरम्यान दि.११ जानेवारी २०१९ रोजी आयोजित केलेल्या पाचव्या जनता दरबारास जिल्हास्तरीय सर्व यंत्रणांना निमंत्रित करण्यात आले आहे.त्यामुळे दि.११जानेवारी रोजी सकाळी १०.०० वाजता तहसिल कार्यालय,पाटण या ठिकाणी  आयोजित केलेल्या जनता दरबारास सुपने मंडलसह पाटण विधानसभा मतदारसंघातील आम जनतेने बहुसंख्येने उपस्थित राहून आप-आपले प्रलंबित प्रश्न,समस्या तसेच विकासकामांबाबतच्या अडचणींचा तातडीने निपटारा करण्यासाठी आपल्या समस्यांची लेखी निवेदने आमदार शंभूराज देसाई यांचकडे सादर करावीत असे आवाहनही शेवटी पत्रकांत केले आहे.

कोयना धरणातील पाणीसाठयाचे नियोजन करा. आमदार शंभूराज देसाईंच्या मागणीवरुन जिल्हाधिकाऱ्यांच्या सुचना.

दौलतनगर दि.०8:- पाटण तालुक्यातील ११० गावांमध्ये शासनाने दुष्काळ जाहीर केला आहे. पाटण आणि कराड तालुक्यातील कोयना नदीकाठचे जमिनक्षेत्र हे उपसा जलसिंचन योजना व खाजगी योजनांच्या माध्यमातून ओलिताखाली येत असते.पाटण तालुक्यातील कोयना धरणामध्ये गतवर्षीपेक्षा १२.२९७ टीएमसी ने पाणीसाठा कमी आहे. पुर्वेकडे मोठया प्रमाणात सिंचनाकरीता पाण्याची मागणी होत असल्याने धरणातून पाणी सोडण्यात आल्याने ते थेट सांगली जिल्हयाकडे जात आहे त्यामुळे पाटण व कराड तालुक्यातील कोयना नदीपात्र कोरडे पडत आहे. धरणातील पाणी हे माहे जुन महिन्यापर्यंत प्रथम प्राधान्याने पिण्याच्या वापराकरीता तसेच शेतामधील उभी पिके वाचविण्याकरीता राखून ठेवणे गरजेचे असल्याची मागणी आमदार शंभूराज देसाईंनी जिल्हाधिकारी श्वेता सिंगल यांचेकडे केली यावर कोयना धरणातील पाणीसाठयाचे नियोजन करा अशा सुचना जिल्हाधिकारी श्वेता सिंगल यांनी सातारा सिंचन मंडळाच्या अधिक्षक अभियंता वैशाली नारकर यांना बैठकीत दिल्या.

                 आमदार शंभूराज देसाई यांच्या मागणीवरुन जिल्हाधिकारी श्वेता सिंगल यांचे दालनात पाटण तालुक्यातील कोयना धरणातील व कृष्णा खोरे विकास महामंडळांतर्गत विविध धरण प्रकल्पातील पाणी हे पाटण तालुक्यात ११० गांवामध्ये दुष्काळ जाहीर झालेच्या पार्श्वभूमिवर राखून ठेवणेसंदर्भात बैठक आयोजीत करण्यात आली होती.याप्रसंगी आमदार शंभूराज देसाई यांचेसह सातारा सिंचन मंडळाच्या अधिक्षक अभियंता वैशाली नारकर,रोहयो उपजिल्हाधिकारी संजय पाटील,कोयना धरण व्यवस्थापनाचे कार्यकारी अभियंता कुमार पाटील यांची प्रमुख उपस्थिती होती.

              सुरवातीस आमदार शंभूराज देसाईंनी,शासनाने पाटण तालुक्यातील ११० गावांमध्ये दुष्काळ जाहीर केला आहे.तालुक्यातील कोयना धरणासह कृष्णा खोरे विकास महामंडळांतर्गत विविध धरण प्रकल्पातील पाण्याची पातळी गतवर्षीपेक्षा घटलेली आहे.कोयना धरणातील तर १२.२९७ टीएमसी पाणीसाठा गतवर्षीपेक्षा कमी आहे.पाटण तालुक्यातील ११० गांवे दुष्काळ जाहीर केली आहेत तशीच कराड तालुक्यातीलही १०० हुन अधिक गांवामध्ये दुष्काळ जाहीर केला आहे.दोन्ही तालुक्यातील कोयना नदीकाठचे जमिनक्षेत्र हे उपसा जलसिंचन योजना व खाजगी योजनांच्या माध्यमातून ओलिताखाली येत आहे.धरणातील घटलेला पाणीसाठा लक्षात घेता या तालुक्यातील सर्व धरणातील पाणी हे माहे जुन महिन्यापर्यंत प्रथम प्राधान्याने पिण्याच्या वापराकरीता तसेच शेतामधील उभी पिके वाचविण्याकरीता राखून ठेवावे यासंदर्भात योग्य नियोजन होणे गरजेचे आहे यासंदर्भात मी जिल्हा नियोजन समितीच्या बैठकीमध्येही हा विषय जिल्हयाचे पालंकमंत्री व आपलेकडे मांडला होता जिल्हयाचे पालकमंत्री तथा जलसंपदा राज्यमंत्री ना.विजय शिवतारे यांनाही मी यासंदर्भात आपले अध्यक्षतेखाली बैठक आयोजीत करावी अशी मागणी केली आहे ही बाब जिल्हाधिकारी यांचे निदर्शनास आणून दिली.तसेच मोरणा गुरेघर धरण प्रकल्पातील पाणीसाठा गतवर्षी ९० टक्के होता आता तो ६५ टक्केपर्यंत आला आहे.ही गंभीर बाब आहे.तारळी,उत्तरमांड व वांग मराठवाडी तसेच महिंद धरण प्रकल्पातील पाणीसाठा समाधानकारक आहे परंतू पिण्याच्या पाण्याकरीता व शेतातील उभी पिके वाचविण्याकरीता नियोजन करणे आवश्यक असल्याचे त्यांनी सांगितले.

                  यावर सातारा सिंचन मंडळाच्या अधिक्षक अभियंता वैशाली नारकर यांनी १ जुन ते ३१ मे असा पाणीसाठा मोजला जातो.पुर्वेकडे यावर्षी गतवर्षीपेक्षा सिंचनाकरीता पाण्याचा वापर मोठया प्रमाणात झाला आहे.पुर्वेकडून सांगली जिल्हयातून पाण्याची मागणी होत असल्याने पाणीवापराचे फेरनियोजन करणे आवश्यक आहे.सांगली पाटबंधारे मंडळ यांना पाणीवाटप समितीची बैठक आयोजीत करण्याचे लेखी पत्र दिले आहे.त्यानुसार दि.08 रोजी ही बैठक असून १० ते २० टक्के पाणी गतवर्षीपेक्षा कोयना धरणामध्ये जादा ठेवण्याची गरज असल्याची मागणी आम्ही बैठकीत करणार आहे.असे त्यांनी सांगितले यावर जिल्हाधिकारी श्वेता सिंगल यांनी सातारा जिल्हयातील पाटण आणि कराड तालुक्यातील दुष्काळ जाहीर केलेल्या गांवाची परिस्थिती पहाता आमदार शंभूराज देसाईं यांचे मागणी आहे त्याप्रमाणे कोयना धरणातील पाण्याचे नियोजन करावे व आम्हास पाण्याची यावेळी मोठया प्रमाणात गरज असल्याचे सांगली पाटबंधारे मंडळ यांना कळविण्यात यावे असे सुचित केले तर पाटण तालुक्यातील इतर धरण प्रकल्पातील पाणीसाठा राखून ठेवणेसंदर्भात आमदार शंभूराज देसाई यांचे अध्यक्षतेखाली तालुकास्तरावर बैठका आयोजीत कराव्यात अशाही सुचना जिल्हाधिकारी श्वेता सिंगल यांनी कृष्णा खोरे विकास महामंडळाच्या व कोयना धरण व्यवस्थापनाच्या अधिकाऱ्यांना दिल्या.

नेत्यावरचे असेही प्रेम, वधूवरांनी देवदर्शनाला जाताना रस्त्यातच घेतले नेत्यांचे आर्शिवाद.

दौलतनगर दि.०४:- सर्वसामान्यांच्या सुखदु:खात २४ तास बाराही महिने वाहून घेतलेले नेतृत्व म्हणून पाटणचे विधानसभेतील उत्कृष्ट संसदपटु आमदार शंभूराज देसाईंकडे पाटण मतदारसंघातील जनता पहाते. त्यांचेवरील निस्सिम प्रेमापोटी आमदार शंभूराज देसाईंना पाटण मतदारसंघातील जनता आपल्या कुटुंबियातील प्रत्येक मंगल समारंभप्रसंगी आर्वजुन निमंत्रीत करते.पापर्डे येथील सातारा स्थायिक कार्यकर्त्यांच्या मुलाच्या अशाच एका लग्नसोहळयास आमदार शंभूराज देसाईंना निमंत्रीत करण्यात आले होते मात्र त्यादिवशी लग्नसोहळयांची मोठी तिथ असल्याने मतदारसंघातील लग्नसोहळयांच्या घाईगडबडीत त्यांना सातारा येथील या लग्नसोहळयास उपस्थित रहाता आले नाही दुसरे दिवशी पापर्डे येथील ते नवदांपत्य देवदर्शनाला जात असताना त्या मार्गावर त्यांना आमदार शंभूराज देसाईंची गाडी दिसली गाडीला हात करुन या नवदांपत्याने आमदार शंभूराज देसाईंना थांबवून आपणांस घाईगडबडीमुळे आमचे लग्नास येता आले नाही असे सांगून त्या नवदांपत्यांने त्यांचे रस्त्यातच आर्शिवाद घेतल्याचा प्रसंग पाटणमध्ये घडला असल्याने नेत्यावरील कार्यकर्त्यांचे आणि त्यांच्या कुटुंबाचे असणारे प्रेम यातून किती मोठे आहे हे दिसून आले याची चर्चा सोशल मिडीयावर मोठया प्रमाणात झाली.

                   सामाजीक आणि राजकीय जीवनात काम करीत असताना पाटणचे आमदार शंभूराज देसाई हे नेहमीच त्यांचे मतदारसंघात जनतेच्या प्रेमापोटी नवनवीन उपक्रम राबवित असतात.मतदारसंघातील कार्यकर्त्यांच्या कुटुंबातील मंगल समारंभांना त्याचबरोबर कार्यकर्त्यांच्या मुलाच्या असो वा मुलीच्या शुभविवाहाला,लग्नांच्या पुजेला आमदार शंभूराज देसाई हे लावत असलेली हजेरी ही सातारा जिल्हयात नेहमीच चर्चेचा विषय ठरलेला आहे. वर्षाकाठी ते 500 हुन अधिक मतदारसंघातील कार्यकर्त्यांच्या मुलांमुलींच्या लग्नसोहळयांना हजेरी लावतात यातून त्यांचेवर मतदारसंघातील जनतेचे असणारे प्रेम किती मोठे आहे हे दिसून येते.लग्नसोहळयांची मोठी तिथ असेल तर लग्नसोहळयांच्या भेटीचा दौरा ते आदल्या दिवशी आखतात व त्याप्रमाणे ते लग्नसोहळयांना भेटी देतात.त्यादिवशी घडले असे पापर्डे ता.पाटण येथील स्व.शिवाजीराव देसाई (आबासाहेब) यांचे निष्ठावंत कार्यकर्ते श्री.विलास शिदु पाटील यांचे चि.विक्रम याचा शुभविवाह रविवार दि.30 डिसेंबर रोजी सातारा येथे होता. त्या लग्नसोहळयास पाटण मतदारसंघातील जादा लग्नसोहळे असल्याने आमदार शंभूराज देसाईंना सातारा येथे हजर राहता आले नाही. तसेच दि.३1 डिसेंबर रोजीही लग्नसोहळयांची मोठी तिथ असल्याने आमदार शंभूराज देसाई हे मतदारसंघातील लग्न सोहळयांना भेटी देत असताना पापर्डे येथील श्री.विलास पाटील यांचे कुटुंबियांतील नवदांपत्य हे देवदर्शना करीता पापर्डे येथे आले असताना त्या मार्गावर त्यांना आमदार शंभूराज देसाईंची गाडी दिसली गाडीला हात करुन या नवदांपत्याने आमदार शंभूराज देसाईंना थांबविले व आपणांस घाईगडबडीमुळे काल आमचे लग्न सोहळयास येता आले नाही असे सांगून आम्हास आर्शिवाद दया असे सांगत त्या नवदांपत्यांने आमदार शंभूराज देसाई यांचे रस्त्यातच आर्शिवाद घेतले याचा या नवदांपत्यांना खुप आंनद वाटला यावेळी काढण्यात आलेले छायाचित्र चर्चा सोशल मिडीयावर मोठया प्रमाणात प्रसारित झाल्याने या घटनेकडे अनेकांनी आप्रुपतेने पहात सर्वसामान्यांच्या सुखदु:खात पाठीशी ठाम उभा राहणारा नेता म्हणून आमदार शंभूराज देसाईंचे कौतुक केले. सर्वसामान्यांनी निवडलेला नेता कसा असावा तर तो उत्कृष्ट संसदपटु आमदार शंभूराज देसाई यांच्यासारखा असावा याचा प्रत्यय पाटण मतदारसंघातील जनतेला नेहमीच त्यांच्या अशा या विविध उपक्रमातून आणि त्यांच्या संपर्कातून आला आहे व येत असतो. त्याचे आप्रुप करावे एवढे थोडेच.          

माजी मंत्री पाटणकरसाहेब, विकास केला म्हणता तर मी सांगतो त्या रस्त्यांची कामे तुम्हाला का करता आली नाहीत? आमदार शंभूराज देसाईंचा सवाल.

दौलतनगर दि.29:- माझी विकासकामे कागदावर असल्याची टिका करणारे माजी मंत्री पाटणकरसाहेब यांचे सुपुत्र तुमच्या पिताश्रींनी खरोखरच विकास केलाय तर मग मी सांगतो त्या डोंगरपठारावरील मौजे केळेवाडी,म्हारवंड, गाढखोप,शिद्रुकवाडी,गुढे शिबेवाडी,गणेवाडी,हुंबरणे,आंबेघर ते पाळशी,घोट जन्नेवाडी व सडादाढोली, जांभेकरवाडी या रस्त्यांची कामे माजी मंत्री पाटणकरसाहेबांना का करता आली नाहीत? याचे उत्तर तालुक्यातील जनतेला दया असा सवाल आमदार शंभूराज देसाईंनी पाटणकरांना केला आहे.

                सन 2018-19 च्या मुख्यमंत्री ग्रामसडक योजनेतंर्गत आमदार शंभूराज देसाईंनी मंजूर केलेल्या मौजे म्हारवंड ता.पाटण या ५ किमी अंतराच्या गावपोहोच रस्त्याच्या कामाचे भूमिपूजन आमदार शंभूराज देसाई यांच्या हस्ते करण्यात आले.याप्रसंगी ते बोलत होते. या रस्त्याच्या कामांकरीता आमदार शंभूराज देसाईंनी ३ कोटी ८९ लक्ष ३४ हजार रुपये एवढी रक्कम मंजुर केली आहे.याप्रसंगी कार्यक्रमास शिवसेना जिल्हाप्रमुख जयवंतराव शेलार, माजी पंचायत समिती सभापती सौ.मुक्ताबाई माळी, शिवदौलत बँकेचे संचालक अशोकराव पाटील, यशवंत जाधव, माजी पं.स. सदस्य सुरेश जाधव,लोकनेते बाळासाहेब देसाई सह साखर कारखान्याचे संचालक बबनराव भिसे, म्हारवंड गावचे संजय निकम सर, संतोष निकम शामराव निकम,लक्ष्मण कदम,उमेश सावंत,दत्तात्रय निकम, शामराव निकम,लक्ष्मण कदम,नाथा निकम मुंबई रहिवाशी कार्यकर्ते विकास निकम,यशवंत निमक,बापूराव निकम, रमेश निकम,दिलीप महाडीक अशोक महाडिक,रघुनाथ निकम,वसंत निकम,रामभाऊ बावधाने,जोतिबा बावधाने, रमेश निकम,अंकूश महाडीक, बबनराव माळी,ग्रामसडक योजनेचे उपअभियंता विलास पानस्कर,शाखा अभियंता जाधव आदी मान्यवरांसह प्रमुख पदाधिकारी, कार्यकर्ते यांची मोठया संख्येने उपस्थित होती.

 याप्रसंगी बोलताना आमदार देसाई म्हणाले, मतदारसंघाचा आमदार आणत असलेला विकासकामांचा निधी प्रत्यक्षात आहे का कागदावरचा तो मतदारसंघातील जनतेला चांगलाच माहिती आहे. विकास कागदावरचा असता तर एवढया मोठया संख्येने डोंगर आणि ग्रामीण भागातील जनतेने माझे एवढे मोठे जंगी स्वागतच मतदारसंघात केले नसते एका गांवाला एक नाहीतर दोन दोन- तीन तीन विकासकांमे करण्याकरीता निधी मंजुर करुन दिला आहे मंजुर केलेल्या निधीचे पुरावे या जनतेकडे उपलब्ध आहेत माझे माध्यमातून कामे होतायत म्हणूनच मतदारसंघातील जनता माझेकडे कामे मागायला येत आहे जो देवू शकतो त्याच्याकडे जनता कामे मागते आपल्या विरोधकांकडे देण्यासारखे काहीच नाही त्यामुळे त्यांना कोण काय मागणार. माजी मंत्री राहिलेल्या पाटणकरसाहेबांना या विभागाने गेल्या अनेक निवडणूकीत पोत्याने भरभरुन मते दिली.मग म्हारवंड गावच्या रस्त्याची ही अवस्था का? असा सवाल आमदार शंभूराज देसाईंनी म्हारवंड ग्रामस्थांना विचारला. मी गांवात येताना मोकळया हाताने आलो नाही सोबत रस्त्याचे काम घेवून आलोय तेही पावणे चार कोटीचे आज माझे हस्ते भूमिपुजन होतय संबधित रस्त्याचे काम करणारी शासकीय यंत्रणा माझे सोबत आली आहे. या गावाचा पाण्याचा प्रश्न होता रस्त्यात वयस्कर आज्जी भेटल्या त्या म्हणाल्या पाण्याचा प्रश्न कधी सुटणार मी त्यांना तिथेच सांगितले आज्जी मी मोकळा आलो नाही रस्त्याबरोबर तुमच्या पाण्याच्या योजनेच्या कामांचा शासनाने दिलेला कार्यारंभ आदेशच सोबत घेवून आलोय. राष्ट्रीय पेयजल योजनेमधून २६ लक्ष रुपयांचा निधी आपण या पिण्याच्या पाण्याच्या कामांकरीता मंजुर केला आहे एवढे सगळे होत असताना मग माजी आमदारपुत्रांना हा विकास कागदावरचा कसा वाटतोय. चार आठ दिवसात रस्त्याचे काम सुरु होईल तेव्हा त्यांनी या गांवात यावे आणि हा रस्ता केवळ कागदावर आहे का प्रत्यक्षात आहे याची उघडया डोळयांनी पहाणी करावी. कोल्हयाला द्राक्षे आंबटच लागतात तशी परिस्थिती या मंडळीची झाली असून आम्ही हे केले, आम्ही ते केले असा विकास केला तसा विकास केला असे सांगणारे माजी मंत्री पाटणकरसाहेब आणि त्यांचे सुपुत्र विकासच केला म्हणताय तर डोंगरी भागातील म्हारवंडसारख्या मौजे केळेवाडी, गाढखोप,शिद्रुकवाडी,गुढे शिबेवाडी,गणेवाडी,हुंबरणे, आंबेघर ते पाळशी,घोट जन्नेवाडी व सडादाढोली,जांभेकर वाडी या महत्वाच्या रस्त्यांची कामे तुम्हाला या २१ वर्षात का करता आली नाहीत याचे उत्तर जनतेला दया असे जाहीर आवाहन त्यांनी बोलताना केले.उपस्थितांचे स्वागत संजय निकम तर विकास निकम यांनी आभार मानले.

चौकट:- आज्जीने शिकवले नातवाला आमदार शंभूराजाचा विजय असो म्हणायला.

रस्त्याच्या भूमिपुजनाकरीता येत असताना आमदार शंभूराज देसाईंचे म्हारवंड या डोंगरी भागातील गावांतील महिलांनी आमदार देसाईंचे रस्त्यावर ठिकठिकाणी स्वागत केले यावेळी येथील महिलांनी औक्षण करताना सोबत घरातील लहानग्या मुलांनाही आणले होते वयस्कर आज्जी कमरेवर नातवांला घेवून धावत आल्या आणि नातवाला आमदार शंभूराजांचा विजय असो असे म्हणायला लावले लहानग्या नातवांनेही बोबडया बोलीत विजय असो असे उद्गार काढले.

१९८३ पासून गोळाबेरीज करुन माजी आमदारांची विकासकामे शुभेच्छांच्या फलकावर. तुलना तुमच्या पाच वर्षाची आणि माझे चार वर्षातील कामांची करा. आमदार शंभूराज देसाईंचा टोला.

दौलतनगर दि.२९:- आमच्या कार्यकर्त्यांनी माझे वाढदिवसानिमित्त मला शुभेच्छा देताना केवळ शुभेच्छा नाहीतर त्या त्या गांवामध्ये माझे माध्यमातून जी कांमे झाली त्याचा पुरावाच शुभेच्छांच्या फलकावर टाकण्याचे काम केले तीच री माजी आमदारांच्या कार्यकर्त्यांनी ओढली असून माजी आमदारांचा अमृतमहोत्सवी वाढदिवस कार्यक्रम होत असताना जे आमच्या कार्यकर्त्यांनी केले तेच त्यांच्या कार्यकर्त्यांनी केले परंतू त्यांच्या आणि माझे कार्यकर्त्यांची विचारसरणी पाहिली तर मी केवळ या चार वर्षात केलेल्या कामांची माहिती माझे  शुभेच्छांच्या फलकावर दिसेल उलट बाजूला माजी आमदारांच्या कार्यकर्त्यांनी सन १९८३ पासून २०१४ पर्यंत केलेल्या कामांची गोळाबेरीज करुन शुभेच्छा फलकावर टाकली आहेत १९८३ पासूनची कामे टाकण्याची वेळ पाटणकरांच्या पदाधिकारी कार्यकर्त्यांवर का आली? मी पोकळ घोषणा करीत नाही तर प्रत्यक्षात कामे करतो असा टोला आमदार शंभूराज देसाईंनी पाटणकर पितापुत्रांना लगाविला आहे.

सन 2018-19 च्या मुख्यमंत्री ग्रामसडक योजनेतंर्गत आमदार शंभूराज देसाईंनी मंजूर केलेल्या ढोरोशी फाटा ते घोट ते जुगाईवाडी ता.पाटण या रस्त्याच्या कामाचे भूमिपूजन आमदार शंभूराज देसाई यांच्या हस्ते करण्यात आले. याप्रसंगी ते बोलत होते. या रस्त्याच्या कामांकरीता आमदार शंभूराज देसाईंनी ३ कोटी २७ लक्ष ३७ हजार रुपये एवढी रक्कम मंजुर केली आहे.याप्रसंगी कार्यक्रमास माजी पंचायत समिती सदस्य बबनराव शिंदे, लोकनेते बाळासाहेब देसाई सह साखर कारखान्याचे संचालक गजानन जाधव,सेामनाथ खामकर,बबनराव भिसे, शिवदौलत बँकेचे संचालक अभिजीत पाटील,संजय देशमुख,माणिकशहा पवार,विजय पवार फौजी,घोट सरंपच मधुकर आरेकर,उपसरपंच सागर सोनवले, तुकाराम सावंत, पतंग सावंत,मारुती सावंत, रघूनाथ सावंत, विलास सावंत,धोंडीराम सावंत,तानाजी सावंत,अशोक सावंत,शंकर सावंत,शंकर चव्हाण,किसन साळुंखे,शंकर सावंत, बाळू सावंत,सभांजी फडतरे या प्रमुख पदाधिकारी यांच्यासह कार्यकर्ते यांची मोठया संख्येने उपस्थित होती.

 याप्रसंगी बोलताना आमदार देसाई म्हणाले,माजी आमदारांना स्वत:चा अमृतमहोत्सव साजरा करताना त्यांचे मागील पाच वर्षात मतदारसंघातील जनतेच्या डोळयाला दिसेल असे एकही काम करता आले नाही त्यामुळेच त्यांच्या पदाधिकारी आणि कार्यकर्त्यांना सन १९८३ पासून केलेल्या कामांचे फोटो टाकून शुभेच्छा देण्याची वेळ आली आहे. आमच्या दादांनी डोंगराएवढा विकास केला असे सांगणारे त्यांचे सुपुत्र, दादांनी जर डोंगराएवढा विकास केला असता तर तालुक्यात विकासाचा एवढा अनुशेष का शिल्लक राहिला असता, सन २००९ ते २०१४ या काळात आपण अल्पशा मतांनी पराभूत झालो त्यावेळी पाटणकर आमदार होते आणि त्यांचेच पक्षाचे सरकार सत्तेत होते, २००९ पासून पुढील पाच वर्षात त्यांच्या सत्ताधारी पक्षाच्या सरकारकडून तालुक्यासाठी किती निधी आणला आणि २०१४ पासून गत साडेचार वर्षात मी युतीच्या सत्तेत असणाऱ्या सरकारकडून किती निधी आणला हे मतदारसंघातील जनता उघडया डोळयांनी पहात आहे.माजी आमदार पाटणकर त्यांच्या सरकारकडून त्या पाच वर्षात आवश्यक असणारा निधी तालुक्यासाठी आणण्यास अयशस्वी झाल्यानेच मी आणलेल्या निधीवर पाटणकर पितापुत्रांचा पोटसुळ उठला आहे.माझे त्यांना जाहीर आवाहन आहे की,माजी आमदार पाटणकरांनी २००९ ते २०१४ या काळात आणलेल्या निधीची माहिती पाटण मतदारसंघातील जनतेला दयावी. तुलनाच करायची आहे तर पाच वर्षातील कामांची करा. आम्हीही सत्तेत नसताना तत्कालीन शासनाकडून तसेच सहकार परिषदेचा अध्यक्ष असताना तत्कालीन मंत्रीमहोदयांकडून लाखो रुपयांचा निधी तालुक्यात आणला तर २००४ ते २००९ या काळात आमदार असताना २१७ कोटी रुपयांचा निधी विरोधी पक्षाचा आमदार असताना आणला पण त्या कामांचे फलक माझे कार्यकर्त्यांनी वाढदिवसाला लावले नाहीत तर या साडेचार वर्षातील कामांचे फलक लावले आहेत हा तुमच्या आणि माझे कामांमधील फरक आहे. तुमच्या कार्यकर्ते आणि पदाधिकाऱ्यांनी गोळाबेरीज करुन फलकावर टाकलेली कामे जनतेच्या चांगलेच लक्षात आले आहे त्यामुळे ओढूनताणून आम्हीही काहीतरी केले असे पाटणकरांनी दाखविण्याची काही गरज नसल्याची टिकाही आमदार देसाईंनी शेवठी बोलताना केली. उपस्थितांचे स्वागत रणजित शिंदे यांनी तर भानुदास शिंदे यांनी आभार मानले.

चौकट:- एका दिवसात ९ कोटींची भूमिपुजने.

माजी आमदारांना आणि त्यांच्या सुपुत्रांना तालुक्यातील जनतेला काहीतरी दाखविण्याकरीता पक्षाचे अध्यक्ष शरद पवार यांनी एक कोटी रुपयांचा निधी दोन वर्षापुर्वी दिला होता. परंतू मी एका दिवसात ९ कोटी रुपयांच्या कामांची भूमिपुजन करीत आहे. पाटणकर वाढदिवसात मग्न असताना तालुक्याचे आमदार ९-९ कोटींची भूमिपुजने करीत आहे हे तालुक्यातील जनतेला चांगलेच ओळखले आहे.

वरची केळेवाडी या डोंगरपठारावरील गावाने रस्त्याच्या भूमिपुजनामुळे साजरी केली दिवाळी. आमदार शंभूराज देसाईंमुळे वरची केळेवाडी गावच्या रस्त्याच्या प्रश्न मार्गी. भूमिपुजनाचा कार्यक्रम उत्साहात साजरा, रस्त्याच्या कामासाठी ५ कोटी १४ लाख ३४ हजार निधी मंजुर.

दौलतनगर दि.२6:- स्वातंत्र्य मिळून अनेक वर्षे झाली तरी पाटण तालुक्यातील पाटण आणि सातारा या जिल्हयाच्या मध्यावर्ती डोंगरपठारावर वसलेल्या वरची केळेवाडी या गांवास रस्ता नव्हता तो रस्ता युतीच्या राज्य शासनाने नव्याने सुरु केलेल्या मुख्यमंत्री ग्रामसडक योजनेमधून मंजुर करुन देवून या रस्त्याचा प्रश्न तालुक्याचे आमदार शंभूराज देसाई यांच्यामुळे मार्गी लागला.काल या रस्त्याचे भूमिपुजन आमदार शंभूराज देसाईंच्या हस्ते पार पडले.यावेळी वरची केळेवाडी गावातील ग्रामस्थांनी आणि महिलांनी व युवकांनी भूमिपुजन कार्यक्रमाप्रसंगी अक्षरक्ष: गावामध्ये दिवाळीच साजरी केली.या रस्त्याच्या ५ किलोमीटरच्या कामांकरीता आमदार शंभूराज देसाईंनी ५ कोटी १४ लाख ३४ हजार रुपयांचा निधी मंजुर करुन दिला आहे.

सन 2018-19 च्या मुख्यमंत्री ग्रामसडक योजनेतंर्गत आमदार शंभूराज देसाईंनी मंजूर केलेल्या मौजे कडवे खुर्द ते वरची केळेवाडी ता.पाटण या रस्त्याच्या कामाचे भूमिपूजन आमदार शंभूराज देसाई यांच्या हस्ते करण्यात आले.याप्रसंगी ते बोलत होते. याप्रसंगी कार्यक्रमास माजी पंचायत समिती सदस्य बबनराव शिंदे,लोकनेते बाळासाहेब देसाई सह साखर कारखान्याचे संचालक गजानन जाधव,सेामनाथ खामकर,बबनराव भिसे,शिवदौलत बँकेचे संचालक अभिजीत पाटील, संजय देशमुख,माणिकशहा पवार,विजय पवार फौजी,कडवे खुर्द सरपंच रविंद्र सपकाळ,उपसरपंच गुलाबराव सपकाळ, शिवसेना तारळे उपविभाग प्रमुख धनाजी लिंगाळे,चिन्मय कुलकर्णी,तानाजी सपकाळ फौजी,विजय सपकाळ,शंकर सपकाळ,खाशाबा सपकाळ,अंकुश सपकाळ,पांडुरंग सपकाळ,बापू सपकाळ शेठ,महाराष्ट्र ग्रामीण रस्ते विकास संस्था उपअभियंता विलास पानस्कर,शाखा अभियंता मासेरे,या रस्त्याचे काम करणारे ठेकेदार महेश पाटील आदी प्रमुख पदाधिकारी यांच्यासह ग्रामस्थ व कार्यकर्ते तसेच केळेवाडी सुधार समितीचे सर्व सदस्य यांची मोठया संख्येने उपस्थित होती.

 याप्रसंगी बोलताना आमदार देसाई म्हणाले,स्वातंत्र्य मिळून अनेक वर्षे झाली तरी वरची केळेवाडी या गावांस रस्ता नव्हता ही वस्तूस्थिती आहे.आपल्या तालुक्यात विरोधकांच्या रुपाने राज्याचे सार्वजनीक बांधकाम खाते सलग पाच वर्षे मिळाले होते. आज त्यांचे चिरंजीव आमच्या दादांनी हे केले,आमच्या दादांनी ते केले अशा बतावण्या करीत आहेत. त्यांना सलग २१ वर्षे आमदार आणि ५ वर्षे राज्याचे सार्वजनीक बांधकाम मंत्री असताना त्यांना वरची केळेवाडी येथील रस्ता करता आला नाही हे दुर्दैव आहे. आज या वाडीचे एकूण मतदान पाहिले तर केवळ १६७ आहे यातील मला किती पडते व विरोधकांना किती पडते याचा विचार मी केला नाही. कडवे खुर्द ते वरची केळेवाडी या ५ किलोमीटरच्या रस्त्याच्या कामांसाठी मुख्यमंत्री ग्रामसडक योजनेतून ५ कोटी १४ लाख ३४ हजार रुपयांचा निधी मंजुर दिला. अशाप्रकारचे पाटण तालुक्यातील डोंगरपठारावरील अनेक‍ गांवाचे आणि वाडयावस्त्यांचे प्रलंबीत आणि दुर्लक्षित राहिलेले रस्ते या चार वर्षाच्या आमदारकीच्या काळात मी मंजुर केले अनेक रस्त्यांची कामेही मार्गी लागली.आज या रस्त्याचे भूमिपुजन झाले उद्यापासून या रस्त्याचे काम सुरु होईल.कधीही न होणारा हा रस्ता उद्यापासून सुरु होतोय हे पाहून या वाडीतील ग्रामस्थांनी,महिलांनी आणि युवकांनी माझे वाडीमध्ये जंगी स्वागत करुन वाडीमध्ये दिवाळीचा सणच साजरा केला याचे मला आत्मीक समाधान आहे.गतवेळी विरोधी पक्षाचा आमदार असताना २१७ कोटी रुपयांचा विकास या तालुक्यात केला. यावेळी सत्ताधारी पक्षाचा आमदार म्हणून काम करताना जिल्हयाच्या निधीबरोबर राज्याच्या तिजोरीतून आपल्या मतदार संघातील प्रलंबीत राहिलेल्या विकासकामांना खेचून आणण्यात मला या चार वर्षात चांगले यश मिळाले आहे. म्हणूनच जे माजी आमदारांना करता आले नाही ते आपण या चार वर्षात साध्य करुन दाखविले आहे. तालुक्याच्या प्रंलबीत कामांसाठी मरळीत बसून मला निधी मिळाला नाही त्याकरीता शासनाकडे सातत्याने पाठपुरावा करावा लागला आणि तो पाठपुरावा सातत्याने केल्यानेच एवढा मोठा निधी तालुक्यात आला आहे.केळेवाडी ग्रामस्थांनीही हा निधी किती प्रयत्नातून मंजुर झाला हे पाहून येणाऱ्या विधानसभा निवडणूकीत वाडीत जी एकी केली आहे ती कायमस्वरुपी ठेवावी असे आवाहनही त्यांनी शेवठी बोलताना केले. उपस्थितांचे स्वागत संपत सपकाळ यांनी तर रुपेश यादव यांनी आभार मानले.

चौकट:- सिंहासनाधिश्वर हिंदूस्थानात एकच होवून गेले ते छत्रपती शिवाजी महाराज.

तालुक्याचे माजी आमदार यांचा आज अमृतमहोत्सवी वाढदिवस साजरा होत आहे.वाढदिवसाचे किती गुणगाण गाऊन घ्यावे यालाही मर्यादा आहेत.आजच्या एका वृत्तपत्रात माझे वाचनात माजी आमदारांना सिंहासनाधिश्वर संबोधण्यात आले आहे.हिंदुस्थानात एकच सिंहासनाधिश्वर होवून गेले ते म्हणजे छत्रपती शिवाजी महाराज.आता आपले माजी आमदार यांना सिंहासनाधिश्वर संबोधणे व छत्रपती शिवाजी महाराज यांची बरोबरी करणे कितपत योग्य आहे? सरदार मंडळीनी सरदारांसारखेच रहावे,सिंहासनावर बसलेल्या मान्यवरांची बरोबरी करु नये असा टोलाही त्यांनी आपल्या भाषणात पाटणकरांना लगाविला.