अधिवेशन संपताच आमदार शंभूराज देसाईंची कामाला सुरुवात. अधिवेशन संपल्याच्या दुसऱ्या दिवशी बैठका,भेटी व विविध कार्यक्रमांतून साधला जनतेशी संपर्क.

दौलतनगर दि.०3:- महाराष्ट्र विधानसभेचे पावसाळी अधिवेशन कालच संपले असून अधिवेशन संपताच मुंबईतून रात्री उशीरा मतदारसंघात येवून अधिवेशन संपल्याच्या दुसऱ्या दिवशीच पाटणचे आमदार शंभूराज देसाईंनी मतदार संघातील जनतेच्या कामांना सुरुवात केली. राज्य शासनाच्या वतीने राबविण्यात येणाऱ्या ३३ कोटी वृक्ष लागवडीचा पाटण मतदारसंघातील प्रारंभ उरुल ता.पाटण येथे त्यांच्या हस्ते करण्यात आला तर तातडीने त्यांचे अध्यक्षतेखाली पाटण  तहसिल कार्यालयात आपत्ती व्यवस्थापनाची बैठक घेण्यात आली.बैठकीपुर्वी पाटण याठिकाणी त्यांनी पंढरपुरकडे मौजे त्रिपुडी येथून प्रस्थान करणाऱ्या पायी दिंडीमध्ये दर्शन घेवून वारकऱ्यांसह पायी दिंडीमध्ये सहभाग घेतला व बैठकीनंतर आपल्या समस्या घेवून आलेल्या जनतेचे अनेक प्रश्न त्यांनी तहसिल कार्यालयात तातडीने सोडविले.

  सतर्क आमदार म्हणून आमदार शंभूराज देसाईंच्या कार्यपध्दतीचे नेहमीच कौतुक केले जाते.महाराष्ट्र विधानसभेचे पावसाळी अधिवेशनाच्या शनिवार व रविवारच्या सुट्टीच्या कालावधीतही ते मुंबईहून मतदारसंघात येवून जनतेच्या असणाऱ्या समस्या सोडवित होते.कालच विधानसभेचे पावसाळी अधिवेशन संपताच मुंबईहून ते रात्री उशीरा मतदारसंघात आले व दुसऱ्या दिवशी मतदारसंघातील कामांना त्यांनी सुरुवात देखील केल्याचा प्रत्यय आज  तहसिल कार्यालयात पहावयास मिळाला.पाटण तालुक्यात दोन ते तीन दिवसापुर्वी पावसाने दमदार हजेरी लावली असून पाटण तालुका अतिवृष्टीचा तालुका म्हणून ओळखला जातो.अतिवृष्टीच्या काळात करावयाच्या उपाययोजना या तातडीने होणेकरीता आमदार देसाई हे नेहमीच सतर्क असतात हे गत चार वर्षात पाटण मतदारसंघातील जनतेने पाहिले आहे. अतिवृष्टीच्या काळात वेळप्रसंगी  कोणत्याही ठिकाणी अडचणी निर्माण झाल्या तर त्याठिकाणी आमदार शंभूराज देसाई हे जातीने स्वत: जातात व त्या संकटावर उपाययोजना करतात हेही पाटण मतदारसंघातील जनतेला ज्ञात आहे.

पावसाळयात निर्माण होणाऱ्या अडीअडचणी सोडविण्याकरीता तालुका प्रशासन सतर्क राहणेकरीता सुरुवातीसच उपाययोजना करणेसाठी त्यांनी आज सकाळी स्वत: तालुका प्रशासनाचे प्रमुख व महसूल विभागाचे प्रांताधिकारी, तहसिलदार यांना दुरध्वनी करुन तातडीने आज आपत्ती व्यवस्थानाची तातडीची बैठक आयोजीत करण्याच्या सुचना दिल्या त्यानुसार त्यांच्या अध्यक्षतेखाली पाटण तहसिल कार्यालयाच्या प्रतिक्षालय इमारतीमध्ये आपत्ती व्यवस्थापनाची बैठक घेण्यात आली.पाटण मतदारसंघात पावसाळयात यापुर्वी ज्या ज्या ठिकाणी अडीअडचणी निर्माण होवून जनतेला नाहक त्रास होतो त्याचा आढावा त्यांनी यावेळी प्रथमत: घेतला व यासंदर्भात संबधित विभागाने तातडीने उपाययोजना करण्याच्या सुचना दिल्या.आपत्ती काळात तालुका प्रशासनातील कोणत्याही अधिकाऱ्यांनी हलगर्जीपणा करु नये अशा सक्त सुचना आमदार शंभूराज देसाईंनी तालुका प्रशासनातील अधिकाऱ्यांना दिल्या आहेत.डोंगर खचण्याचे प्रकार ज्या ज्या गांवात होत आहेत तेथे आत्ताच उपाययोजना कराव्यात. महसूल आणि बांधकाम तसेच आरोग्य विभागाच्या अधिकाऱ्यांनी सतर्क राहून येणाऱ्या अडीअडचणीवर तात्काळ मात करावी याकरीता लागणारा निधी मंजुर करणेकरीता मी कुठेही कमी पडणार नाही.पावसाचा जोर बऱ्यापैकी असून अजुन पंधरा दिवसांनी यासंदर्भात मा.जिल्हाधिकारी यांच्या उपस्थितीत आपण पुन्हा बैठक घेवून येणाऱ्या अडचणी सोडवू असे आश्वासनही त्यांनी यावेळी अधिकाऱ्यांना दिले.यावेळी बैठकीस प्रातांधिकारी श्रीरंग तांबे, तहसिलदार रामहरी भोसले यांच्यासह पाटण तालुक्यातील तालुका प्रशासनातील सर्व खात्यांचे खातेप्रमुख यांची उपस्थिती होती.

दरम्यान आपत्ती व्यवस्थापन बैठकीपुर्वी आमदार शंभूराज देसाई यांच्या हस्ते राज्य शासनाने राबविलेला ३३ कोटी वृक्ष लागवडीचा पाटण मतदारसंघातील शुभारंभ उरुल याठिकाणी आयोजीत करण्यात आला होता. आमदार देसाई यांच्या हस्ते उरुल येथील वनविभागाच्या हद्दीत तसेच जंगबदा हायस्कुलच्या प्रांगणात तसेच उरुल ग्रामपंचायतीच्या हद्दीत वृक्षारोपण करुन वृक्ष लागवडीस प्रारंभ करण्यात आला. त्यानंतर आमदार देसाईंनी पाटण येथे पंढरपुरला निघालेल्या पायी दिंडीमध्ये वारकऱ्यासह सहभाग घेतला. व बैठकीनंतर तहसिल कार्यालयामध्ये त्यांनी जनतेच्या विविध प्रश्नांची सोडवणूक केली. आमदार शंभूराज देसाई पाटण मतहसिल कार्यालयात आल्यानंतर तिथेच सुमारे दीड तास त्यांचा जनता दरबार पहावयास मिळाला.यावरुनच आमदार शंभूराज देसाई हे किती सतर्क आणि जनतेच्या प्रश्नाविषयी तळमळ असणारे आमदार आहेत याचा प्रत्यय मतदारसंघातील जनतेला यादिवशी आला.  

कोयना प्रकल्पग्रस्तांच्या संकलन दुरुस्ती तसेच शिल्लक जमिन वाटपाच्या कामांत स्थानिक लोकप्रतिनिधी व स्थानिक प्रकल्पग्रस्तांना विश्वासात घेवूनच कामे करा. मदत व पुनर्वसन,भूकंप पुनर्वसन राज्यमंत्री ना.संजय (बाळा) भेगडे यांचा आदेश.

                                            

दौलतनगर दि.०3:-  पाटण विधानसभा मतदारसंघातील कोयना धरणातून विस्थापित झालेल्या ५४ गांवातील प्रकल्पग्रस्तांच्या पुनर्वसनाचे,संकलन रजिस्टर दुरुस्तीचे,शिल्लक जमिन वाटपाचे तसेच बरेच अंशी प्रलंबीत राहिलेले विविध प्रश्न सोडविणेसंदर्भात स्थानिक लोकप्रतिनिधी व स्थानिक प्रकल्पग्रस्तांना विश्वासात घेवूनच सर्वसमावेशक असे काम शासकीय अधिकाऱ्यांनी  करावे. राज्याचे मुख्यमंत्री ना.देवेंद्रजी फडणवीस यांचे सुचनेवरुन कोयना प्रकल्पग्रस्तांच्या विविध प्रश्नाची सोडवणूक करणेकरीता  विभागीय आयुक्तांच्या अध्यक्षतेखाली टास्क फोर्सची निर्मिती करण्यात आली आहे. त्या विभागाचे आमदार शंभूराज देसाईंनी या विषयासंदर्भात जो औचित्याचा मुद्दा विधानसभेत मांडला त्यावर अधिकाऱ्यांनी प्राधान्याने कार्यवाही करावी असे आदेश मदत व पुनर्वसन, भूकंप पुनर्वसन राज्यमंत्री ना.संजय (बाळा) भेगडे यांनी बैठकीत उपस्थित अधिकाऱ्यांना दिले.

  आमदार शंभूराज देसाईंनी कोयना धरणातून विस्थापित झालेल्या ५४  गांवातील प्रकल्पग्रस्तांच्या पुनर्वसनाचे, संकलन रजिस्टर दुरुस्तीचे,शिल्लक जमिन वाटपाचे तसेच बरेच अंशी प्रलंबीत राहिलेले विविध प्रश्न सोडविणेसंदर्भात विधानसभेत औचित्याचा मुद्दा उपस्थित केला होता या औचित्याच्या मुद्दयाच्या अनुषंगाने मदत व पुनर्वसन,भूकंप पुनर्वसन राज्यमंत्री ना.संजय (बाळा) भेगडे यांनी तात्काळ बैठक घेण्याचे आश्वासन दिलेप्रमाणे त्यांचे अध्यक्षतेखाली विधानभवन,मुंबई येथे बैठक घेण्यात आली यावेळी राज्यमंत्री ना.भेगडे यांनी वरीलप्रमाणे आदेश दिले.बैठकीस आमदार शंभूराज देसाई, उपायुक्त पुर्नवसन दिपक नलवडे,अतिरिक्त जिल्हाधिकारी साहेबराव गायकवाड,जिल्हा पुनर्वसन अधिकारी श्रीमती रुपाली आवळे,कोयना पुनर्वसन विभागाचे कार्यकारी अभियंता गायकवाड, पुनर्वसन विभागाचे उपसचिव,माजी पंचायत समिती सदस्य हरीष भोमकर,कोयना विभागातील पुनर्वसित गावठाणांतील स्थानिक दत्तात्रय देशमुख,संजय लाड, बाजीराव कदम,दगडू कदम,नरसिंग देशमुख,शैलेश सपकाळ यांची प्रमुख उपस्थिती होती.

यावेळी बैठकीत आमदार शंभूराज देसाईंनी विधानसभेत मांडलेल्या औचित्याच्या मुद्दयातील माहिती राज्यमंत्री ना.संजय (बाळा) भेगडे यांच्या निदर्शनास आणून दिली यामध्ये कोयना धरणातून विस्थापित झालेल्या ५४  गांवातील प्रकल्पग्रस्तांच्या पुनर्वसनाचे,संकलन रजिस्टर दुरुस्तीचे,शिल्लक जमिन वाटपाचे तसेच बरेच अंशी प्रलंबीत राहिलेले विविध प्रश्न सोडविणेसंदर्भात राज्याचे मुख्यमंत्री ना.देवेंद्रजी फडणवीस यांना मी सन २०१८ च्या अधिवेशन काळात उच्चस्तरीय बैठक घेण्याची मागणी केली होती तेव्हा दि.२०.०३.२०१८ रोजी मुख्यमंत्री ना.देवेंद्रजी फडणवीस यांचे अध्यक्षतेखाली मुख्यमंत्र्याचे समिती कक्ष विधानभवन याठिकाणी झालेल्या उच्चस्तरीय बैठकीमध्ये कोयना प्रकल्पग्रस्तांच्या विविध प्रश्नाची सोडवणूक करणेकरीता  विभागीय आयुक्तांच्या अध्यक्षतेखाली व सातारा जिल्हयाच्या जिल्हाधिकारी यांचे देखरेखीखाली टास्क फोर्सची निर्मिती करुन जिल्हाधिकारी,सातारा यांना कोयना धरण प्रकल्पग्रस्तांच्या विविध प्रश्नाची माहिती संकलित करुन या प्रश्नासंदर्भात कार्यवाही करण्याच्या सुचना मुख्यमंत्री यांचेकडून देण्यात आल्या होत्या. त्यावेळी या मतदारसंघाचा लोकप्रतिनिधी म्हणुन मीही बैठकीस उपस्थित होतो.टास्क फोर्सच्या माध्यमातून प्रकल्पग्रस्तांच्या पुनर्वसनाचे,संकलन रजिस्टर दुरुस्तीचे,शिल्लक जमिन वाटपाचे कामांचा निपटारा करीत असताना  ९० टक्के गावांतील प्रकल्पग्रस्तांना तसेच या मतदारसंघाच्या लोकप्रतिनिधींना विश्वासात न घेता काम करण्यात येत असून यामुळे ९० टक्के गांवातील प्रकल्पग्रस्तांचा या कार्यपध्दतीवर सातत्याने आक्षेप असून टास्क फोर्सच्या माध्यमातून आमचे प्रश्न मार्गी लावताना आम्हाला तसेच येथील लोकप्रतिनिधींना विश्वासात घेवून सर्वसमावेशक असे प्रकल्पग्रस्तांच्या पुनर्वसनाचे,संकलन रजिस्टर दुरुस्तीचे,शिल्लक जमिन वाटपाचे काम करण्यात यावे व हे प्रश्न सोडविण्यासाठी स्थानिक प्रकल्पग्रस्तांची एखादी पुर्नवसन समिती स्थापन करावी अशी या प्रकल्पग्रस्तांची आग्रही भूमिका असल्याचे आमदार देसाईंनी यावेळी बैठकीत सांगितले.

यावेळी मदत व पुनर्वसन, भूकंप पुनर्वसन राज्यमंत्री ना.संजय (बाळा) भेगडे यांनी कोयना धरणातून विस्थापित झालेल्या मुळ ५४ गांवातील प्रकल्पग्रस्तांच्या पुनर्वसनाचे,संकलन रजिस्टर दुरुस्तीचे तसेच शिल्लक जमिन वाटप करताना या विभागाचे आमदार शंभूराज देसाईंनी मांडलेल्या औचित्याच्या मुद्दयातील बाबींचा प्राधान्याने विचार करुन त्यांच्या मुद्दयांवर प्राधान्याने कार्यवाही करावी तसेच या सर्व प्रक्रियेमध्ये स्थानिक आमदार शंभूराज देसाई तसेच ५४ पुनर्वसित गांवातील स्थानिक मुळ प्रकल्पग्रस्त यांना सदरचे काम करणाऱ्या अधिकाऱ्यांनी प्रथम प्राधान्याने विश्वासात घ्यावे व कोयना प्रकल्पग्रस्तांच्या विविध प्रश्नांची सर्वसमावेशक अशी सोडवणूक करावी असे आदेश या बैठकीत उपस्थित सर्व अधिकाऱ्यांना त्यांनी दिले. बैठकीत धोरणात्मक निर्णय घेतलेबद्दल आमदार शंभूराज देसाईंनी राज्यमंत्री ना.संजय (बाळा) भेगडे यांचे जाहीर आभार मानले.

तालिका अध्यक्ष म्हणून आमदार शंभूराज देसाईंची उत्तम कामगिरी. मुख्यमंत्री व विधानसभा अध्यक्ष व मान्यवरांकडून आमदार शंभूराज देसाईंचे विशेष अभिनंदन.

            दौलतनगर दि.०२:-  सन २०१४ ते २०१९ या पंचवार्षिकमध्ये महाराष्ट्र विधानसभेच्या अधिवेशनात तालिका अध्यक्षपदी चौथ्यांदा निवड झालेले व आमदारकीच्या पहिल्याच टर्ममध्ये उत्कृष्ट संसदपटु आमदार म्हणून देशाच्या राष्ट्रपती यांच्या हस्ते सन्मानित झालेले पाटणचे उत्कृष्ट संसदपटु आमदार शंभूराज देसाईंनी विधानसभेच्या आत्ताच्या पावसाळी अधिवेशनात तालिका अध्यक्ष म्हणून विधानसभा सभागृहात बजावलेल्या उत्तम कामगिरीबद्दल तसेच सभागृहाचे कामकाज कोणताही गोधंळ सभागृहात न होता उत्कृष्ठरित्या चालविल्याबद्दल राज्याचे मुख्यमंत्री ना.देवेंद्र फडणवीस, विधानसभा अध्यक्ष ना.हरीभाऊ बागडे यांच्यासह विधानसभेचे उपाध्यक्ष ना.विजयराव औटी,शिवसेना गटनेते व सार्वजनीक बांधकाम मंत्री ना.एकनाथ शिंदे,विरोधी पक्षनेते विजय वडेट्टीवार यांच्याबरोबर विधानसभेतील विविध पक्षाचे सत्ताधारी व विरोधी बाकावरील विधानसभा सदस्यांनी त्यांचे विशेष अभिनंदन केले आहे.

             विधानसभेतील अभ्यासू आमदार म्हणून पाटणचे लोकप्रिय तरुण आमदार शंभूराज देसाईंची विधानसभेत व संपुर्ण महाराष्ट्रात ओळख आहे.२००४ साली महाराष्ट्र विधानसभेत पहिल्यांदा निवडून गेल्यानंतर पहिल्याच टर्ममध्ये त्यांच्या अभ्यासू आणि मुद्देसुद अशा व राज्यातील सर्व घटकांना स्पर्श करणाऱ्या भाषणांनी उत्कृष्ट संसदपटु आमदार म्हणून त्यांना देशाच्या राष्ट्रपती यांच्या हस्ते सन्मानित करण्यात आले आहे.शिवसेना पक्षाने त्यांचेवर विधिमंडळ पक्षप्रतोद म्हणून जबाबदारी दिली असून शिवसेनेचा विधानसभेतील बुलंद आवाज व बलस्थान चेहरा म्हणून त्यांनी ही जबाबदारी लिलया पेलली आहे.आमदार शंभूराज देसाई हे पाटणसारख्या डोंगरी आणि दुर्गम तालुक्यातून आमदार म्हणून निवडून आले असून आमदारकीचा कोणताही पुर्वानुभव नसताना सन २००४ ला आमदार म्हणून विधानसभेची पायरी चढल्यानंतर संसदीय कामकाजाचा खडान्‌खडा अभ्यास करुन त्यांनी आपल्या हुशारीचे कर्तृत्व सिध्द करुन दाखविले आहे.त्यांच्या हुशारीचे मुल्यमापन महाराष्ट्र विधीमंडळाने नेहमीच केले आहे.

              महाराष्ट्र विधानसभा हे राज्यातील लोकशाहीचे सर्वोच्च असे सभागृह असून या सभागृहात अधिवेशन काळात विधानसभेचे अध्यक्ष व उपाध्यक्ष यांच्या अनुपस्थितीत सभागृहाचे कामकाज चालविण्यासाठी विधानसभा अध्यक्ष हे महाराष्ट्र विधानसभा नियम ८ अन्वये विधानसभेच्या सदस्यांमधून सभाध्यक्ष तालिकेवर विविध पक्षाच्या विधानसभा सदस्यांची नियुक्ती करण्यात येते. महाराष्ट्र विधानमंडळाने शिवसेना पक्षाचे आमदार शंभूराज देसाईंचे विधानसभेतील कामकाज पाहून त्यांची सन २०१४ ते २०१९ या पंचवार्षिक मध्ये महाराष्ट्र विधानसभेच्या तालिकाध्यक्षपदी चौथ्यांदा नियुक्ती केली.सन २०१६ चे पावसाळी अधिवेशन,२०१८ चे अर्थसंकल्पीय अधिवेशन, २०१९ चे अर्थसंकल्पीय अधिवेशन व सध्याचे पार पडलेले पावसाळी अधिवेशन अशा चार अधिवेशनात आमदार शंभूराज देसाईंना तालिकाध्यक्ष म्हणून बसण्याचा बहूमान मिळाला.

               विधानसभेचे तालिका अध्यक्ष म्हणून संपुर्ण पावसाळी अधिवेशनात विधानसभेचे कामकाज पाहताना दररोज त्यांनी निपक्ष:पातीपणे सभागृहाचे कामकाज चालविले. अनेकवेळा विधानसभा सभागृहात विरोधी बाकावरुन गोंधळाचे प्रसंग निर्माण झाले तरी आमदार शंभूराज देसाईंनी ते शिताफीने हाताळत सभागृहात गोंधंळाची वेळ कधीच येवू दिली नाही. तालिका अध्यक्ष म्हणून जेव्हा जेव्हा सभागृहाचे कामकाज त्यांनी पाहिले तेव्हा तेव्हा सभागृहातील सत्ताधारी व विरोधी बाकावरील सदस्यांना त्यांचे प्रश्न मांडण्याची, बोलण्याची खुप संधी मिळवून दिली. विशेष म्हणजे  शुक्रवार दि.२८ जुन रोजी विधानसभा कामकाजाच्या दिनक्रमामध्ये  सकाळी ०९ ते १०.४५ वाजेपर्यंत सभागृहाचे स्पेशल सेटिंग ठेवण्यात आले होते या पावणेदोन तासाच्या काळात एकूण १० लक्षवेदी सुचना दिनक्रमामध्ये घेण्यात आल्या होत्या. १० पैकी ०८ लक्षवेदी सुचनांच्या संदर्भात सभागृहात चर्चा व यावर संबधित मंत्री यांचे उत्तराचे कामकाज तालिका अध्यक्ष आमदार शंभूराज देसाईंच्या नेतृत्वाखाली पार पडले.आमदार शंभूराज देसाईंना तालिकाध्यक्ष म्हणून सर्वच पक्षाच्या वतीने नेहमीच चांगला प्रतिसाद मिळाला. अनेक मान्यवरांनी त्यांच्या या कामकाजाचे तोंडभरुन कौतुक करुन तुम्हाला विधानसभा अध्यक्षांच्या खुर्चीवरुन कामकाज चालविताना पहाताना आम्हाला नेहमीच लोकनेते बाळासाहेब देसाई यांची आठवण येते अशा स्पष्ट प्रतिक्रिया सत्ताधारी मंत्री, सदस्य तसेच विरोधी पक्षातील सदस्यांनी आमदार शंभूराज देसाईंना दिल्या. विधानसभा सभागृहात बजावलेल्या उत्तम कामगिरी तसेच विधानसभेचे कामकाज सुरळीत चालविलेबद्दल मुख्यमंत्री ना.देवेंद्र फडणवीस, विधानसभा अध्यक्ष ना.हरीभाऊ बागडे यांच्यासह अनेक मान्यवरांनी आमदार शंभूराज देसाईंचे विशेष अभिनंदन केल्यानंतर त्यांनी सर्वांचे विशेष आभार मानले.

तालिका अध्यक्ष म्हणून आमदार शंभूराज देसाईंची उत्तम कामगिरी. मुख्यमंत्री व विधानसभा अध्यक्ष व मान्यवरांकडून आमदार शंभूराज देसाईंचे विशेष अभिनंदन.

            दौलतनगर दि.०२:-  सन २०१४ ते २०१९ या पंचवार्षिकमध्ये महाराष्ट्र विधानसभेच्या अधिवेशनात तालिका अध्यक्षपदी चौथ्यांदा निवड झालेले व आमदारकीच्या पहिल्याच टर्ममध्ये उत्कृष्ट संसदपटु आमदार म्हणून देशाच्या राष्ट्रपती यांच्या हस्ते सन्मानित झालेले पाटणचे उत्कृष्ट संसदपटु आमदार शंभूराज देसाईंनी विधानसभेच्या आत्ताच्या पावसाळी अधिवेशनात तालिका अध्यक्ष म्हणून विधानसभा सभागृहात बजावलेल्या उत्तम कामगिरीबद्दल तसेच सभागृहाचे कामकाज कोणताही गोधंळ सभागृहात न होता उत्कृष्ठरित्या चालविल्याबद्दल राज्याचे मुख्यमंत्री ना.देवेंद्र फडणवीस, विधानसभा अध्यक्ष ना.हरीभाऊ बागडे यांच्यासह विधानसभेचे उपाध्यक्ष ना.विजयराव औटी,शिवसेना गटनेते व सार्वजनीक बांधकाम मंत्री ना.एकनाथ शिंदे,विरोधी पक्षनेते विजय वडेट्टीवार यांच्याबरोबर विधानसभेतील विविध पक्षाचे सत्ताधारी व विरोधी बाकावरील विधानसभा सदस्यांनी त्यांचे विशेष अभिनंदन केले आहे.

             विधानसभेतील अभ्यासू आमदार म्हणून पाटणचे लोकप्रिय तरुण आमदार शंभूराज देसाईंची विधानसभेत व संपुर्ण महाराष्ट्रात ओळख आहे.२००४ साली महाराष्ट्र विधानसभेत पहिल्यांदा निवडून गेल्यानंतर पहिल्याच टर्ममध्ये त्यांच्या अभ्यासू आणि मुद्देसुद अशा व राज्यातील सर्व घटकांना स्पर्श करणाऱ्या भाषणांनी उत्कृष्ट संसदपटु आमदार म्हणून त्यांना देशाच्या राष्ट्रपती यांच्या हस्ते सन्मानित करण्यात आले आहे.शिवसेना पक्षाने त्यांचेवर विधिमंडळ पक्षप्रतोद म्हणून जबाबदारी दिली असून शिवसेनेचा विधानसभेतील बुलंद आवाज व बलस्थान चेहरा म्हणून त्यांनी ही जबाबदारी लिलया पेलली आहे.आमदार शंभूराज देसाई हे पाटणसारख्या डोंगरी आणि दुर्गम तालुक्यातून आमदार म्हणून निवडून आले असून आमदारकीचा कोणताही पुर्वानुभव नसताना सन २००४ ला आमदार म्हणून विधानसभेची पायरी चढल्यानंतर संसदीय कामकाजाचा खडान्‌खडा अभ्यास करुन त्यांनी आपल्या हुशारीचे कर्तृत्व सिध्द करुन दाखविले आहे.त्यांच्या हुशारीचे मुल्यमापन महाराष्ट्र विधीमंडळाने नेहमीच केले आहे.

              महाराष्ट्र विधानसभा हे राज्यातील लोकशाहीचे सर्वोच्च असे सभागृह असून या सभागृहात अधिवेशन काळात विधानसभेचे अध्यक्ष व उपाध्यक्ष यांच्या अनुपस्थितीत सभागृहाचे कामकाज चालविण्यासाठी विधानसभा अध्यक्ष हे महाराष्ट्र विधानसभा नियम ८ अन्वये विधानसभेच्या सदस्यांमधून सभाध्यक्ष तालिकेवर विविध पक्षाच्या विधानसभा सदस्यांची नियुक्ती करण्यात येते. महाराष्ट्र विधानमंडळाने शिवसेना पक्षाचे आमदार शंभूराज देसाईंचे विधानसभेतील कामकाज पाहून त्यांची सन २०१४ ते २०१९ या पंचवार्षिक मध्ये महाराष्ट्र विधानसभेच्या तालिकाध्यक्षपदी चौथ्यांदा नियुक्ती केली.सन २०१६ चे पावसाळी अधिवेशन,२०१८ चे अर्थसंकल्पीय अधिवेशन, २०१९ चे अर्थसंकल्पीय अधिवेशन व सध्याचे पार पडलेले पावसाळी अधिवेशन अशा चार अधिवेशनात आमदार शंभूराज देसाईंना तालिकाध्यक्ष म्हणून बसण्याचा बहूमान मिळाला.

               विधानसभेचे तालिका अध्यक्ष म्हणून संपुर्ण पावसाळी अधिवेशनात विधानसभेचे कामकाज पाहताना दररोज त्यांनी निपक्ष:पातीपणे सभागृहाचे कामकाज चालविले. अनेकवेळा विधानसभा सभागृहात विरोधी बाकावरुन गोंधळाचे प्रसंग निर्माण झाले तरी आमदार शंभूराज देसाईंनी ते शिताफीने हाताळत सभागृहात गोंधंळाची वेळ कधीच येवू दिली नाही. तालिका अध्यक्ष म्हणून जेव्हा जेव्हा सभागृहाचे कामकाज त्यांनी पाहिले तेव्हा तेव्हा सभागृहातील सत्ताधारी व विरोधी बाकावरील सदस्यांना त्यांचे प्रश्न मांडण्याची, बोलण्याची खुप संधी मिळवून दिली. विशेष म्हणजे  शुक्रवार दि.२८ जुन रोजी विधानसभा कामकाजाच्या दिनक्रमामध्ये  सकाळी ०९ ते १०.४५ वाजेपर्यंत सभागृहाचे स्पेशल सेटिंग ठेवण्यात आले होते या पावणेदोन तासाच्या काळात एकूण १० लक्षवेदी सुचना दिनक्रमामध्ये घेण्यात आल्या होत्या. १० पैकी ०८ लक्षवेदी सुचनांच्या संदर्भात सभागृहात चर्चा व यावर संबधित मंत्री यांचे उत्तराचे कामकाज तालिका अध्यक्ष आमदार शंभूराज देसाईंच्या नेतृत्वाखाली पार पडले.आमदार शंभूराज देसाईंना तालिकाध्यक्ष म्हणून सर्वच पक्षाच्या वतीने नेहमीच चांगला प्रतिसाद मिळाला. अनेक मान्यवरांनी त्यांच्या या कामकाजाचे तोंडभरुन कौतुक करुन तुम्हाला विधानसभा अध्यक्षांच्या खुर्चीवरुन कामकाज चालविताना पहाताना आम्हाला नेहमीच लोकनेते बाळासाहेब देसाई यांची आठवण येते अशा स्पष्ट प्रतिक्रिया सत्ताधारी मंत्री, सदस्य तसेच विरोधी पक्षातील सदस्यांनी आमदार शंभूराज देसाईंना दिल्या. विधानसभा सभागृहात बजावलेल्या उत्तम कामगिरी तसेच विधानसभेचे कामकाज सुरळीत चालविलेबद्दल मुख्यमंत्री ना.देवेंद्र फडणवीस, विधानसभा अध्यक्ष ना.हरीभाऊ बागडे यांच्यासह अनेक मान्यवरांनी आमदार शंभूराज देसाईंचे विशेष अभिनंदन केल्यानंतर त्यांनी सर्वांचे विशेष आभार मानले.

कोयना भूकंप पुनर्वसन निधीच्या २० कोटीपैकी पाटण तालुक्यातील विकासकामांना ०७ कोटी रुपये मंजुर. मुख्यमंत्र्यांच्या अध्यक्षतेखालील बैठकीत निधी मंजुर- आमदार शंभूराज देसाईंची माहिती.

                                       

दौलतनगर दि.०२:-  कोयना भूकंप पुनर्वसन निधी समिती या सार्वजनीक न्यासामार्फत प्रतिवर्षी भूकंपप्रवण तालुक्याकरीता देण्यात येणाऱ्या निधीमधून यंदाच्या वर्षी महाजेनकोकडून प्राप्त रु १५ कोटी व बचत खात्यावरील जमा व्याज रक्कम रु ०५ कोटी असे एकूण २० कोटी रुपये कोयना भूकंप पुनर्वसन निधी समितीकडे जमा झाले असून या २० कोटी रुपयांचा निधी या समितीतंर्गत येणाऱ्या तालुक्यांना अनुज्ञेय टक्केवारीच्या मर्यादेत मुख्यमंत्री ना.देवेंद्र फडणवीस यांचे आदेशाने मंजुर करुन वितरीत करण्यात आला. एकूण २० कोटी निधीमध्ये पाटण तालुक्याला ३५ टक्के प्रमाणे देय असणाऱ्या ०७ कोटी रुपयांच्या विविध विकासकामांना समितीमार्फत मंजुरी देण्यात आली असल्याची माहिती कोयना भूकंप पुनर्वसन निधी समितीचे कोषाध्यक्ष, पाटणचे आमदार शंभूराज देसाईंनी प्रसिध्दीस दिली आहे.

कोयना भूकंप पुनर्वसन निधी समिती या सार्वजनीक न्यासाचे अध्यक्ष राज्याचे मुख्यमंत्री ना.देवेंद्र फडणवीस यांचे अध्यक्षतेखाली कोयना भूकंप पुनर्वसन निधी समितीची बैठक सोमवार दि.०१ जुलै, २०१९ रोजी मुख्यमंत्र्याचे समिती कक्ष विधानभवन याठिकाणी पार पडली या बैठकीत वरीलप्रमाणे निधी मंजुर करण्यात येवून भूकंपप्रवण तालुक्यांना अनुज्ञेय टक्केवारीच्या मर्यादेत निधी वितरीत करण्याचे आदेश मुख्यमंत्री ना.देवेंद्र फडणवीस यांनी न्यासाचे सचिव सुरेश खाडे यांना दिले. यावेळी सातारा जिल्हयातील सर्व विधानसभा सदस्य या बैठकीला उपस्थित होते.

कोयना भूकंप पुनर्वसन निधी समिती या सार्वजनीक न्यासामार्फत प्रतिवर्षी भूकंपप्रवण तालुक्याकरीता महाजेनकोकडून प्राप्त होणाऱ्या निधीतून अनुज्ञेय टक्केवारीच्या मर्यादेत निधी वितरीत करण्यात येतो.राज्याचे मुख्यमंत्री हे या न्यासाचे पदसिध्द अध्यक्ष असून प्रतिवर्षी त्यांच्या अध्यक्षतेखाली या सार्वजनीक न्यासाची बैठक पार पडल्यानंतरच हा निधी भूकंपप्रवण तालुक्याला वितरीत करण्यात येतो.पाटण तालुक्याला कोयना भूकंप पुनर्वसन निधी समिती या सार्वजनीक न्यासामार्फत ३५ टक्के रक्कम देणे अनुज्ञेय आहे. त्यामुळे प्रतिवर्षी समितीकडे येणाऱ्या निधीमधून ३५ टक्के प्रमाणे निधी वितरीत करण्यात येतो.यंदाच्या वर्षी कोयना भूकंप पुनर्वसन निधी समितीकडे महाजेनकोकडून १५ कोटी रुपयांचा निधी प्राप्त झाला असून बचत खात्यावरील जमा व्याज रक्कम रु ०५ कोटी झाली असून समितीकडे प्राप्त एकूण २० कोटीपैकी पाटण तालुक्याच्या वाटयाला येणाऱ्या ०७ कोटी रुपयांचा निधी मंजुर करण्यात आला आहे. या ०७ कोटी रुपयांच्या निधीमध्ये पाटण तालुक्यातील भूकंपप्रवण ग्रामीण आणि डोंगरी भागातील ग्रामीण रस्ते, शाळांच्या इमारती, पिण्याच्या पाण्याच्या योजना, सार्वजनीक सभागृह या कामांचा समावेश असून मुख्यमंत्री ना.देवेंद्र फडणवीस यांनी बैठकीमध्ये भूकंपप्रवण तालुक्यातील विधानसभा सदस्याकडून त्यांना देय असणाऱ्या रक्कमेच्या विकासकामांच्या यादया घेतल्या असून या विविध विकासकामांना तात्काळ प्रशासकीय मान्यता देवून सदरची कामे लवकरात लवकर सुरु करण्याचे आदेश न्यासाच्या सचिवांना दिले असून पाटण तालुक्यातील विविध विकासकामांच्या यादया मुख्यमंत्री यांच्याबरोबर न्यासाचे सचिव यांच्याकडे देण्यात येवून सदरची कामे करणारी यंत्रणांना या कामांचे अंदाजपत्रक लवकरात लवकर समितीकडे सादर करुन समितीची मान्यता घेण्याचे आदेश देण्यात आल्याने लवकरच या विविध विकासकामांना सुरुवात होईल अशी अपेक्षा आमदार शंभूराज देसाईंनी व्यक्त केली आहे.

चौकट:- सातत्याच्या पाठपुराव्यामुळे समितीला प्रतिवर्षी ५ कोटी एैवजी १० कोटींचा निधी मंजुर.

              सन २०१४ ला विधानसभा सदस्य झालेनंतर राज्याचे मुख्यमंत्री ना.देवेंद्र फडणवीस यांनी माझी कोयना भूकंप पुनर्वसन निधी समितीच्या कोषाध्यक्ष पदी निवड केल्यानंतर मुख्यमंत्री यांचेकडे मी सातत्याने पाठपुरावा करुन ०५ कोटी रुपये ही रक्कम अल्प असून यामध्ये ०५ कोटी रुपयांची वाढ करुन एकूण १० कोटींचा निधी या समितीमार्फत भूकंपप्रवण तालुक्यांना देण्यात यावा अशी मागणी केल्यानंतर मुख्यमंत्री ना.फडणवीस यांनी माझी मागणी तात्काळ मान्य केल्याने समितीमार्फत आता प्रतिवर्षी १० कोटी रुपयांचा निधी देण्यात येत असल्याचे आमदार शंभूराज देसाईंनी सांगितले.

कराड विमानतळाच्या विस्तारवाढीत जमिनी जाणाऱ्या शेतकऱ्यांना रेडीरेकनरच्या साडेचार पट रक्कम दयावी. आमदार शंभूराज देसाईंची विधानसभेत मागणी.

                                                

दौलतनगर दि.०१:-  कराड विमानतळाच्या रुंदीकरणाकरीता तसेच विस्तारवाढीकरीता येथील शेतकऱ्यांच्या सुपिक तसेच चांगल्या जमिनी व मोठया असलेल्या उपसा जलसिंचन योजना जात असल्यामुळे विस्तारवाढीच्या हद्दीत येणाऱ्या शेतकऱ्यांचा या विस्तारवाढीला तीव्र विरोध होता.परंतू या शेतकऱ्यांचा विरोध बऱ्यापैकी मावळला असून कराड विमानतळाच्या विस्तारवाढीत आमच्या जमिनी जाणे आता अनिवार्हच झाले असल्याने आमच्या जमिनींना शासनाने तुटपुंजी मदत देणेपेक्षा ज्याप्रमाणे जलसंपदा विभागाने धरणाच्या कामात जमिनी गेलेल्या बाधितांना रेडीरेकनरच्या साडेचार पट रक्कम देण्याचा धोरणात्मक निर्णय घेतला तोच निर्णय कराड विमानतळाच्या विस्तारवाढीत जमिनी जाणाऱ्या शेतकऱ्यांच्या संदर्भात घेवून या शेतकऱ्यांना चांगला मोबदला मिळवून दयावा अशी आग्रही मागणी आमदार शंभूराज देसाईंनी आज विधानसभा सभागृहात केली. राज्याचे उद्योग मंत्री ना.सुभाष देसाई यांचेकडे ही मागणी प्रत्यक्ष भेटून मी सुरवातीसच केली असून यासंदर्भात अधिवेशन संपलेनंतर शेतकरी प्रतिनिधींची बैठक घेवून शेतकऱ्यांना योग्य न्याय मिळवून देवू असे आश्वासन देखील  त्यांनी मला दिले असल्याचे आमदार शंभूराज देसाईंनी सांगितले.

             सन २०१९-२० च्या सार्वजनीक बांधकाम, सार्वजनीक आरोग्य, उद्योग व ऊर्जा या विभागाच्या पुरवणी मागण्यावर आमदार शंभूराज देसाई विधानसभा सभागृहात बोलत होते.यावेळी त्यांनी वरीलप्रमाणे आग्रही भूमिका मांडत कराड विमानतळाच्या विस्तारवाढीतील बाधित शेतकऱ्यांना शासनाने योग्य तो न्याय मिळवून देणेकरीता वरीलप्रमाणे धोरणात्मक निर्णय घ्यावा व नंतरच कराड विमानतळाच्या रुंदीकरण व विस्तारवाढीच्या कामांस सुरुवात करावी. अधिवेशन संपताच येथील शेतकरी प्रतिनिधींची जी बैठक उद्योग मंत्री ना.सुभाष देसाई यांनी घेण्याचे मान्य केले आहे त्या बैठकीत या बाधित शेतकऱ्यांच्या चांगल्या मोबदल्यासंदर्भात योग्य निर्णय होईल अशी मला खात्री आहे. असे सांगून त्यांनी बांधकाम मंत्री यांचे लक्ष वेधत ग्रामीण आणि डोंगरी तालुक्यांमध्ये डोंगरी वाडयावस्त्यांना जोडण्याकरीता ओढया नाल्यांवरील छोटया पुलांची बांधकामे करण्याची नितांत आवश्यकता असून या कामांना ४० ते ५० लाख रुपयांच्या निधीची गरज असल्याची बाब लक्षात आणून देत या छोटया पुलांना शासनाच्या बांधकाम विभागाने विशेष बाब म्हणून बांधकाम विभागाच्या कोणत्याही योजनेतून आवश्यक असणारा निधी मंजुर करुन दयावा अशी मागणी केली. सार्वजनीक आरोग्य विभागाचे मंत्री ना.एकनाथ शिंदे  यांचे लक्ष वेधत आमदार शंभूराज देसाईंनी ग्रामीण आणि डोंगरी भागातील प्राथमिक आरोग्य केंद्राना तसेच ग्रामीण रुग्णालयांना राज्यात बहूतांशी ठिकाणी आवश्यक असणाऱ्या आरोग्यविषयक यंत्रसामुग्री देणे गरजेचे आहे तर ग्रामीण भागात प्राथमिक आरोग्य केंद्रांना दोन- दोन आरोग्य अधिकारी पदे मंजुर असताना ७० टक्के प्राथमिक आरोग्य केंद्रामध्ये एकच आरोग्य अधिकारी पहावयास मिळतो तो अधिकारी सकाळी येतो, दुपारी जातो त्यामुळे रात्रीच्या वेळेस याठिकाणी कुणी अधिकारी नसल्याने जनतेला अनेक अडचणींना सामोरे जावे लागते. तत्कालीन आरोग्य मंत्री दिपक सावंत आरोग्य मंत्री असताना त्यांनी राज्यातील नवीन भरती होणारे एमबीबीएस वैद्यकीय अधिकारी यांना ग्रामीण भागात सक्तीने सहा महिन्यांची नियुक्ती देण्यात येवून या अधिकाऱ्यांना ग्रामीण भागात जाणे अनिर्वाह करण्याचे धोरण राबविले होते मात्र वस्तूस्थितीत ग्रामीण भागामध्ये एमबीबीएस झालेले वैद्यकीय अधिकारी येण्यास तयार नसल्याने प्राथमिक आरोग्य केंद्रातील अनेक वैद्यकीय अधिकाऱ्यांची पदे रिक्त आहेत. प्राथमिक आरोग्य केंद्रातील वैद्यकीय अधिकाऱ्यांना त्यांचे नियुक्तीच्या जागी रात्री थांबणे शासनाने सक्तीचे करावे. राज्याचे आरोग्य मंत्री हे ग्रामीण भागातीलच आहेत त्यामुळे त्यांनी स्वत: लक्ष घालून याप्रश्नी योग्य तो मार्ग काढावा. तसेच तत्कालीन आरोग्य मंत्री दिपक सावंत यांच्या काळात आमचे पाटण मतदारसंघातील कोयनानगर या पर्यटनस्थळ असणाऱ्या गांवामध्ये कोयना धरण प्रकल्पाकडे असणारा दवाखाना हा शासनाच्या आरोग्य विभागाकडे घेवून त्याठिकाणी शासनामार्फत आवश्यक त्या आरोग्याच्या यंत्रसामुग्री व आरोग्य अधिकारी आणि कर्मचारी देण्याचा नव्याने शासननिर्णय पारित केला आहे.शासन निर्णयानुसार याठिकाणी आवश्यक ती यंत्रसामुग्री तसेच अधिकारी व कर्मचारी देण्यात आले नाहीत ते शासनाने तात्काळ दयावेत. ढेबेवाडी ग्रामीण रुग्णालयाचे उदघाटन आरोग्य मंत्री तसेच आमचे पालकमंत्री यांचे हस्ते करण्यात आले असून सुसज्ज अशी इमारत याठिकाणी उभी राहिली आहे.तसेच अधिकारी, कर्मचारी निवासस्थानांचेही काम प्रगतीपथावर सुरु असून या रुग्णालयात आवश्यक असणाऱ्या यंत्रसामुग्री मिळणेकरीताचा प्रस्ताव शासनाकडे सादर केला आहे यास मान्यता दयावी असे सांगून त्यांनी ऊर्जामंत्री यांचेकडे अनेक दिवसापासून प्रलंबीत असणारा महानिर्मिती कंपनीकडून आयटीआय अर्हताधारक प्रगत कुशल प्रशिक्षणार्थी यांचा नोकरभरतीचा प्रश्न लवकरात लवकर मार्गी लावावा अशीही मागणी आमदार शंभूराज देसाईंनी या चर्चेदरम्यान केली.

चौकट:- राज्याच्या ऊर्जामंत्र्याचे काम राजधानी एक्सप्रेससारखे एकदम फास्ट.- आमदार देसाई.

             ऊर्जामंत्री ना.चंद्रशेखर बावनकुळे यांनी ऊर्जा खात्याचा पदभार हाती घेतला तेव्हा मी याच सभागृहात ऊर्जा मंत्र्याच्या कामांचे कौतुक केले होते. त्यांच्या काळात ऊर्जा खाते केवळ पळत नाही तर धावत असून याचा अनुभव मी स्वत: घेतला आहे  पाटणच्या ज्या डोंगरी विद्यूत विकास आराखडयाकरीता माझा त्यांचेकडे प्रयत्न चालला होता तो ११ कोटी २२ लाख रुपयांच्या डोंगरी आराखडयास मान्यता देवून त्याचा आदेश त्यांनी या अधिवेशनात माझे हातात दिला त्यामुळे त्यांचे काम हे राजधानी एक्सपे्रससारखेच फास्ट असून ज्याने केले त्याला केले म्हणायलाच पाहिजे.असे सांगून ऊर्जामंत्र्यांचे आमदार देसाईंनी सभागृहात जाहीर आभार व्यक्त केले.

अतिरिक्त अर्थसंकल्पात पाटण मतदारसंघासाठी आमदार शंभूराज देसाईंकडून विविध मागण्या. अर्थसंकल्पावरील चर्चेत बांधकाम, जलसंपदा व ग्रामीण विकासाकरीता केली निधींची मागणी.

                                     

       

दौलतनगर दि.०१:-  दि.१९ जुन रोजी महाराष्ट्र विधानसभा सभागृहात राज्याचे अर्थमंत्री ना.सुधीर मुनगंटीवार यांनी मांडलेल्या ०१ हजार ५८६ कोटींच्या अतिरिक्त अर्थसंकल्पामध्ये पाटण विधानसभा मतदारसंघातील प्रलंबीत राहिलेल्या विविध मांगण्यांसंदर्भात पाटणचे आमदार शंभूराज देसाईंनी महाराष्ट्र शासनाचे लक्ष वेधत पाटण मतदार संघातील बांधकाम,जलसंपदा व ग्रामीण विभागाकडील काही अंशी प्रलंबीत राहिलेल्या कामांना आवश्यक असणारा निधी मंजुर करावा व शासनाने यापुर्वी या विभागाकडे मंजुर केलेल्या विविध विकासकामांच्या निधींच्या कामांना गती देवून मुदतीत ही कामे पुर्ण करुन घेणेचे आदेश शासनामार्फत देण्यात यावेत अशी आग्रही मागणी विधानसभा सभागृहात केली.

             सन २०१९-२० च्या अतिरिक्त अर्थसंकल्पावरील सार्वजनीक बांधकाम,जलसंपदा व ग्रामविकास विभागाच्या अनुदानाच्या मागण्यावर आमदार शंभूराज देसाई विधानसभा सभागृहात बोलत होते.यावेळी त्यांनी सार्वजनीक बांधकाम जलसंपदा व ग्रामीण विभागाकडील पाटण मतदारसंघातील प्रलंबीत राहिलेली कामे विधानसभेत मांडली व या कामांना आवश्यक असणारा निधी मंजुर करण्याची मागणी करीत या विभागाकडील काही धोरणात्मक निर्णय शासनाने घेणे अपेक्षित आहेत यावर निर्णय करुन याही कामांना सुरुवात करण्याची त्यांनी यावेळी मागणी केली.

              सार्वजनीक बांधकाम विभागाकडील मागण्यामध्ये पाटण विधानसभा मतदारसंघात ग्रामीण भागामध्ये रस्त्याचे जाळे निर्माण करणेकरीता प्राधान्यांने ग्रामीण रस्त्यांच्या कामांना नॉनप्लॅनमधून निधी मंजुर करावा तसेच मतदारसंघात १६ अवर्गीकृत ग्रामीण व इतर जिल्हा मार्गाचे रस्ते या रस्त्यांना प्रमुख जिल्हा मार्गांचा दर्जा देवून १६ ग्रामीण रस्ते प्रमुख जिल्हा मार्ग करण्याचा प्रस्ताव सादर करण्याच्या सुचना देवूनही प्रस्ताव अद्याप सादर नाही सदरचे प्रस्ताव तात्काळ मागवून घेवून यास बांधकाम मंत्र्यांनी मान्यता दयावी. तर पाटण हे तालुक्याचे ठिकाण असून या तालुक्याच्या ठिकाणी प्रशासकीय इमारत उभी करणेकरीता विशेष बाब म्हणून निधी दयावा.पाटण न्यायालयाच्या इमारतीचे काम पुर्ण झाले असून फर्नीचरकरीता निधी मंजुर करावा तर नेरळे गांवाजवळ छोटया पुलाची आवश्यकता असून या पुलाकरीता आवश्यक निधी दयावा.       

             जलसंपदा विभागाच्या मागण्यांवर बोलताना ते म्हणाले,प्रधानमंत्री कृषी सिचाई योजनेमध्ये पाटण मतदारसंघातील तारळी व मोरणा गुरेघर या मध्यम धरण प्रकल्पांचा समावेश असून तारळी धरण प्रकल्पातील ५० मीटरवरील जमिन क्षेत्राला पाणी देणेकरीता शासनाने सुधारित प्रशासकीय मान्यता देवून मंजुर केलेल्या निधीमधून या कामांना सुरुवात करणेकरीता राज्याचे मुख्यमंत्री ना.देवेंद्र फडणवीस यांच्या हस्ते ई-भूमिपुजन करण्यात आले असून याचे काम विभागाने गतीने सुरु केले मात्र लोकसभेच्या आचारंसहिंतेमुळे हे काम संथगतीने सुरु होते त्यास गती देवून मुदतीत काम पुर्ण करण्याच्या सुचना संबधितांना देणे गरजेचे आहे जलसंपदा मंत्री यांनी या सुचना दयाव्यात तसेच मोरणा गुरेघरच्या प्रकल्पातून  या विभागातील शेतकऱ्यांच्या वाढीव क्षेत्राला इरिगेशनच्या माध्यमातून पाणी देणेकरीता वाढीव निधीची गरज आहे यास सुधारित प्रशासकीय मान्यता देवून निधी मंजुर करावा तर माझे सातत्याच्या मागणीवरुन शासनाने कोयना नदीकाठच्या गावांना सरंक्षण देणेकरीता एकूण १० कामांपैकी संरक्षक भिंती व घाटांची सात कामे मंजुर केली आहेत यातील तीन कामांचे प्रस्ताव शासनाकडे मंजुरीकरीता प्रलंबीत आहेत यास तात्काळ निधी मंजुर करावा व या कामांमध्ये १० टक्के रक्कमेची अट शिथील करण्याचे आश्वासन जलसंपदा मंत्री यांनी दिले आहे याच्यावर अद्यापही कार्यवाही झाली नाही मी दि.०५.१२.२०१७ व दि.१९.०९.२०१८ रोजी यासंदर्भात जलंसपदा मंत्री यांचेकडे पत्रव्यवहार देखील केला असून यासंदर्भात तात्काळ सुचना करण्यात याव्यात तसेच हुंबरळी लघू पाटबंधारे तलाव बांधणेच्या उर्वरीत कामांस सुधारित प्रशासकीय मान्यता देवून निधी देण्याची आवश्यकता आहे.

             असे सांगत ग्रामीण विकास विभागाच्या मागण्यामध्ये मरळी आणि नाडे या मुख्य गावांकरीता ग्रामसचिवालय बांधणेकरीता गत तीन वर्षापासून निधीची मागणी ग्रामीण विकास विभागाकडे करीत असून या कामांना आवश्यक निधी मंजुर करावा तसेच पाटण मतदारसंघातील डोंगर पठारावरील काही गांवाच्या स्वतंत्र ग्रामपंचायती करण्याची बरेच वर्षाची मागणी आहे हा प्रस्ताव शासनाकडे सादर करण्यात आले आहेत यास मान्यता दयावी स्व.बाळासाहेब ठाकरे स्मृती मातोश्री योजनेंर्गत ग्रामपंचायतीच्या इमारती उभारण्याकरीता यंदाच्या वर्षी काही ग्रामपंचायतीची कामे शासनाकडे प्रस्तावित केली आहेत या ग्रामपंचायतीना या आर्थिक वर्षात निधी मंजुर करण्यात यावा अशा विविध प्रलंबीत मागण्या शासनापुढे मांडून आमदार शंभूराज देसाईंनी शेवठी शासनाने पाटण मतदारसंघात यापुर्वी  विविध योजनांच्या कामांना मंजुर करुन दिलेल्या निधीच्या संदर्भात शासनाचे जाहीर आभार मानले.

चौकट:- येराड व जळव दोन तीर्थक्षेत्रांना ब वर्ग दर्जा दयावा.

पाटण विधानसभा मतदारसंघात येराड व जळव ही दोन मोठी तीर्थक्षेत्र या विभागातील प्रसिध्द अशी तीर्थक्षेत्र असून याठिकाणी मोठया प्रमाणात यात्रा भरते. महाराष्ट्रातील अनेक भाविक या तीर्थक्षेत्राच्या ठिकाणी दर्शनाकरीता येत असतात या दोन्ही तीर्थक्षेत्रांना शासनाने ब वर्ग दर्जा देवून आवश्यक असणारा निधी मंजुर करावा अशीही मागणी आमदार शंभूराज देसाईंनी विधानसभेत केली.