कै.सौ.वत्सलादेवी देसाई यांचे ६१ व्या पुण्यतिथीनिमित्त गृहराज्यमंत्री ना.शंभूराज देसाईंकडून विनम्र अभिवादन.

दौलतनगर दि.२०:- महाराष्ट्राचे पोलादी पुरुष,राज्याचे माजी गृहमंत्री लोकनेते बाळासाहेब देसाई यांच्या धर्मपत्नी कै.सौ.वत्सलादेवी देसाई (ताईसाहेब) यांची ६१ वी पुण्यतिथी दौलतनगर ता.पाटण येथे अत्यंत साध्या पध्दतीने साजरी करण्यात आली.कै.ताईसाहेब यांचे ६१ व्या पुण्यतिथीनिमित्त मरळी ता.पाटण येथील कै.सौ. वत्सलादेवी देसाई हायस्कुलच्या प्रांगणातील पुतळयास तसेच “ महाराष्ट्र दौलत ” लोकनेते बाळासाहेब देसाई शताब्दी स्मारकामध्ये प्रतिमेस पुष्प्हार अर्पण करुन राज्याचे गृहराज्यमंत्री ना.शंभूराज देसाईंनी विनम्र अभिवादन केले.

            कोरोनाच्या पार्श्वभूमिवर अत्यंत साध्या पध्दतीने केवळ पुष्प्हार अर्पण करुन राज्याचे लोकनेते बाळासाहेब देसाई यांच्या धर्मपत्नी कै.सौ.वत्सलादेवी देसाई (ताईसाहेब) यांची ६१ वी पुण्यतिथी करण्याचा निर्णय ना.देसाईंनी घेतला व पुण्यतिथीनिमित्त त्यांनी पुतळयास व प्रतिमेस पुष्पहार अर्पण करुन विनम्र अभिवादन केले. कै.सौ.वत्सलादेवी देसाई (ताईसाहेब) यांचे पुण्यतिथीनिमित्त प्रतिवर्षाप्रमाणे पाटण मतदारसंघातील गरीब कुटुंबातील गरजू मुलींना महाविद्यालयीन शिक्षण घेणेकरीता देण्यात येणाऱ्या शिष्यवृत्तीचा कार्यक्रम कोरोनाच्या संकटामुळे आम्ही पुढे ढकलण्याचा निर्णय घेतला.या शिष्यवृत्तीचे वितरण कोरोनाचे संकट संपल्यानंतर करण्यात येणार असल्याचे यावेळी ना.शंभूराज देसाईंनी यावेळी सांगितले.

          यावेळी मोरणा शिक्षण संस्थेचे अध्यक्ष रविराज देसाई,जयराज देसाई,लोकनेते बाळासाहेब देसाई सहकारी साखर कारखान्याचे चेअरमन अशोकराव पाटील,ॲड.डी.पी जाधव,जिल्हा परीषद सदस्य विजय पवार,पंचायत समिती सदस्य संतोष गिरी,माजी सदस्य राजेंद्र चव्हाण,बबनराव भिसे,कारखान्याचे संचालक पांडूरंग नलवडे,माजी संचालक मधूकर भिसे,मरळी सरपंच राजाराम माळी, माजी सरपंच प्रवीण पाटील यांच्यासह इतर मान्यवर उपस्थित होते.

लॉकडाऊनच्या काळात गृह (ग्रामीण) राज्यमंत्री ना.शंभूराज देसाई ग्रामीण भागातील सर्वसामान्यांकरीता ठरले आधार.

           पाटण दि.१९ :- कोरोनाच्या पार्श्वभूमिवर लॉकडाऊन होवून ५० ते ५५ दिवसापासून अधिकचा कालावधी उलटून गेला.मुंबई,पुणे या मोठया शहरात मुख्यमंत्री ना.उध्दव ठाकरे,उपमुख्यमंत्री ना.अजित पवार,आरोग्यमंत्री ना.राजेश टोपे, पर्यावरणमंत्री ना.आदित्य ठाकरे हे कोरोनाशी लढा देणेकरीता दिवसरात्र काम करीत आहेत तर राज्यातील ग्रामीण भागात राज्याचे गृह (ग्रामीण) राज्यमंत्री ना.शंभूराज देसाईंचे दिवसरात्र कोरोनाशी लढा देण्याचे,लॉकडाऊनच्या काळात सर्वसामान्यांच्या येणाऱ्या अनेक समस्या सोडविण्याचे काम सुरु असून या काळातील त्यांच्या प्रत्येक कामांमुळे ग्रामीणचे गृहराज्यमंत्री ग्रामीण भागातील सर्वसामान्यांकरीता “ आधार ” ठरले आहेत.

          कोरोनाच्या संसर्गामुळे राज्यात २२ मार्चला लॉकडाऊन सुरु झाले १४ दिवसांचा कालावधी पुर्ण होण्याअगोदरच पुढच्या लॉकडाऊनचे नियोजन शासनाकडून करण्यात येत असल्याने चौथ्या टप्प्यातील लॉकडाऊनमुळे नोकरी,व्यवसाय, रोजगाराकरीता मुंबई,पुणे व राज्यातील इतर शहरात गेलेल्या ग्रामीण भागातील नागरिकांना अनेक अडचणींना तोंड दयावे लागले आहे.अडचणीत सापडलेल्या ग्रामीण भागातील सर्वसामान्यांना गत ५०-५५ दिवसात गृहराज्यमंत्री ना.शंभूराज देसाई हे एक सच्चा जनतेचा सेवक म्हणूनच लाभले आहेत.जनतेचे कुठलेही काम एकदम छोटेसे असले तरी ते मन लावूनच करायचे हा त्यांचा शिरस्ता असल्याने राज्याच्या कानाकोपऱ्यातून ग्रामीण भागातील सर्वसामान्य जनता हक्काचा आधार देणारा मंत्री म्हणून ना.शंभूराज देसाईंकडे पहात आहे.ना.शंभूराज देसाईंचा मोबाईल नंबर राज्यातील सर्वसामान्य जनतेपर्यंत पोहचला असून या माध्यमातून जनतेला येणाऱ्या अनेक समस्या ते ना.देसाईंकडून सोडवून घेत आहेत.

             कोरोनाचा संसर्ग होवू नये यासाठी पोलिस विभागाचे अधिकारी,कर्मचारी जागोजागी तैनात करण्यात आले आहेत. गृह (ग्रामीण)राज्यमंत्री या नात्याने ना.शंभूराज देसाईंना कायम सतर्क रहावे लागत आहे.कारण या काळात कुठलाही विषय आला तरी तो पोलिसांपाशी येवून थांबत आहे.लॉकडाऊनच्या काळात जीवनावश्यक वस्तू आणायच्या झाल्या तरी पोलिसांचा कडा पहारा,शहरातून गावांकडे जायचे तरी पोलिसांची परवानगी मग पोलिस एैकणार कुणाचे तर गृहमंत्र्यांचे. उचलला फोन,लावला गृहमंत्र्यांना,आपली समस्या सांगितली आणि ती त्यांच्याकडून सोडवून घेतली असेच गत ५० दिवसांपासून सुरु असल्याचे ना.शंभूराज देसाई सांगत असून ना.देसाई सुध्दा ग्रामीण भागातील सर्वच स्तरातील सर्वसामान्यांकरीता दिवसरात्र २४ बाय ७ अलर्ट राहून लॉकडाऊनमध्ये आधार देण्याबरोबर सर्वसामान्यांचे प्रश्न जागेवर सोडविण्याचे काम करीत आहेत.

              ना.शंभूराज देसाई वाशिम जिल्हयाचे पालकमंत्री आहेत लॉकडाऊनच्या काळात सर्वाधिक फोन त्यांना वाशिम जिल्हयातून आले.विशेष म्हणजे वाशिम जिल्हयातील येणारे सर्व फोन ते स्वत: घेतात आणि समोरच्या व्यक्तींचे सगळे म्हणणे एैकून घेवून त्यावर ते तात्काळ तोडगा काढून त्या व्यक्तीला न्याय मिळवून देण्याची भूमिका बजावित आहेत.कुणाला धान्य मिळाले नाही,कुणाला पोलिसांनी अडविले,कुणाच्या गाडीवर कारवाई झाली,कुणाला दवाखान्यात जायला गाडी मिळाली नाही तर ॲम्ब्यूलन्स पाठवायला सांगा,आम्ही इथे इथे अडकून पडलो आहे,आमचे धान्य संपले आहे,भाजीपाला मिळत नाही असे अनेक सामान्य जनतेचे प्रश्न त्यांनी एका फोनवर सोडविले आहेत.यात काही ठिकाणी पत्रकारांस मारहाण झाली तर कुठे पोलिसांवर हल्ले झाले असेही प्रकार आहेत.त्या सगळया प्रश्नांची सोडवणूक ते आपलेपणाने करीत आहेत. केवळ वाशिम जिल्हयातीलच नाहीत तर रायगड,रत्नागिरी,पुणे,सांगली,कोल्हापुर,बीड,जालना,अमरावती,उस्मानाबाद या ग्रामीण जिल्हयातीलही समस्या त्यांनी या काळात सोडवून ग्रामीण भागातील जनतेला आधार देण्याचे काम केले आहे.

             दिवसातून सुमारे १२५ ते १५० फोनकॉल स्वत: स्विकारणारे ते पहिले ग्रामीण मंत्री आहेत.यामध्ये विविध जिल्हयातील विधानसभा सदस्य,शिवसेनेसह सर्वच पक्षांचे पदाधिकारी व सामान्य जनता यांचा समावेश आहे.या काळात विविध जिल्हयामध्ये अडकून पडलेल्यां सुमारे १००० लोकांना त्यांनी गृह,महसूल विभागामार्फत धान्यांचे कीट पोहचविण्याचे महत्वाचे काम केले आहे.तर विविध जिल्हयामध्ये काही वयस्कर व्यक्ती, लहान मुले आजारी आहेत त्यांना उपचाराकरीता नेणेकरीता प्रवासाचा पास देण्यापर्यंतचे देखील काम त्यांनी केले आहे.“ घार हिंडे आकाशी,चित्त तिचे पिलापाशी” या उक्तीप्रमाणे राज्याचा गृह विभागाचा गाडा हाकत असताना देखील त्यांनी आपल्या मतदारसघांकडे कणभरही दुर्लक्ष केले नाही.पाटण मतदारसंघात मुंबई,पुणे तसेच राज्यातील इतर शहरातून ६५ हजारहून अधिक नागरिक मुळगांवी आले आहेत. मतदारसंघातील जनतेचा कोरोनापासून बचाव करण्याकरीता त्यांनी ग्रामीण,डोंगरी भागात सुरुवातीसच १० हजार मास्कचे वाटप केले.जनतेला पुढील तीन महिन्यांचे स्वस्त धान्यही मिळवून दिले. प्राथमिक आरोग्य केंद्रांना, ग्रामीण रुग्णालयांना भेटी देवून बाहेरगांवाहून आलेल्या प्रत्येकाची आरोग्य तपासणी करुन घेणेसाठी पुढाकार घेतला.आठवडयातून दोनवेळा कधी तीनवेळा शासकीय अधिकाऱ्यांच्या बैठका घेवून बारीक सारीक गोष्टींवर स्वत: बारकाईने लक्ष ठेवून त्या बारीकसारीक गोष्टींवर तात्काळ अंमलबजावणी करुन शासकीय यंत्रणा सातत्याने अलर्ट ठेवण्याचे काम ते हिरीरीने करीत आहेत.      

          लॉकडाऊनच्या काळात मतदारसंघातील डोंगरी भागातील हातावर पोट असणाऱ्या तसेच रोजंदारी बंद झाल्यामुळे अन्नधान्य नसणाऱ्या सुमारे ९८५० कुटुंबांना त्यांनी राज्याचे बांधकाममंत्री ना.एकनाथ शिंदे यांच्या सहकार्यातून संयुक्तीकपणे धान्याच्या कीटचे वाटप केले.बंदोबस्तात भरऊन्हात आपले कर्तव्य बजाविणाऱ्या सातारा जिल्हयातील पोलिस अधिकारी, कर्मचारी यांना थोडासा थंडावा मिळावा याकरीता त्यांनी १८२५ पोलिस अधिकारी, कर्मचाऱ्यांना लस्सीचे वाटप केले तर दुचाकीवरून फेरफटका मारुन बंदोबस्तातील पोलिस अधिकारी,कर्मचाऱ्यांच्या आरोग्याची विचारपुस करणारे ते पहिले गृहराज्यमंत्री ठरले आहेत.सातारा जिल्हयात कराड तालुक्यात सर्वाधिक कोरोनाचे रुग्ण आढळले असून त्यांनी जिल्हयातील एक मंत्री या नात्याने येथील प्रशासकीय अधिकाऱ्यांच्या सातत्याने बैठका घेवून कोरोनावर प्रतिबंध आणण्यासाठीही पुढाकार घेतला.जिल्हयाचे जिल्हाधिकारी असो वा पोलिस अधीक्षक असो आपला सगळा प्रोटोकॉल बाजूला ठेवून त्यांच्या कार्यालयात जावून ना.शंभूराज देसाई कोरोनाच्या प्रतिबंधासाठी उपाययोजना राबवून ग्रामीण भागातील सर्वसामान्यांकरीता जनतेचा आधार बनत जनतेकरीता ते सातत्याने लढा देताना दिसून येत आहेत.

बाहेरगांवाहून आलेल्यांनी प्रशासनाला सहकार्य करा घरातच थांबा,बाहेर पडू नका. ना.शंभूराज देसाईंचे बाहेरगांवाहून आलेल्यांना आवाहन. तालुक्यातील धरणात पाणीसाठे मर्यादित तरीही काळजी घ्या - कोयना व सिंचन मंडळाच्या अधिकाऱ्यांना सुचना.

           दौलतनगर दि.१८ :- लॉकडाऊनच्या तिसऱ्या टप्प्यापर्यंत सुमारे ६५ हजार नागरिक तर चौथ्या टप्प्याच्या सुरवातीला चार ते पाच हजार नागरिक तालुक्यात आले आहेत.कोरोनाचा धोका दिवसेदिवस वाढत आहे.मागील दोन दिवसात मुंबई शहरातून आलेल्यामध्ये नाडोली येथे २३ वर्षीय महिला क्षयरोगाने तर बनपुरी येथे आलेली ४५ वर्षीय महिला जिच्या निधनाचे अजुन कारण समजू शकले नाही अशा दोन महिलांचे निधन झाल्याच्या घटना घडल्या आहेत.त्यामुळे आपण सावधगिरी बाळगणे गरजेचे आहे. कोरोनाच्या पार्श्वभूमिवर तालुक्यातील प्रशासन अलर्ट आहे परंतू बाहेरगांवाहून आलेल्यांनी प्रशासनाला सहकार्य करुन घरातच थांबावे,बाहेर पडू नये म्हणजे धोका वाढणार नसल्याचे आवाहन गृहराज्यमंत्री ना.शंभूराज देसाईंनी आज पाटण तालुक्यात बाहेरगांवाहून आलेल्या नागरिकांना केले तर पावसाळयापुर्वी तालुक्यातील धरणात मर्यादित पाणीसाठे आहेत तरीही काळजी घ्या अशा सुचना गृहराज्यमंत्री ना.शंभूराज देसाईंनी कोयना व सातारा सिंचन मंडळाच्या अधिकाऱ्यांना आज केल्या.

          पाटण तहसिल कार्यालयात गृहराज्यमंत्री ना.शंभूराज देसाई यांचे अध्यक्षतेखाली पाटण तालुक्यात येत्या दोन तीन दिवसात मुंबई,पुणे तसेच राज्यातील इतर शहरातून आलेल्या नागरिेकांच्या संदर्भात काय उपयायोजना करावयाच्या याविषयी तसेच पावसाळयापुर्वी पाटण तालुक्यातील धरणांमध्ये किती पाणीसाठा आहे.माहे जुनपर्यंत किती पाणीसाठा शिल्लक राहील व पावसाळयात धरणातील पाण्याचे कशाप्रकारे नियोजन करावयाचे यासंदर्भात संयुक्त बैठक पार पडली यावेळी त्यांनी वरीलप्रमाणे आवाहन केले व सुचना केल्या.यावेळी आढावा बैठकीस पाटणचे प्रातांधिकारी श्रीरंग तांबे,सातारा सिंचन मंडळाचे अधीक्षक अभियंता संजय डोईफोडे,उपविभागीय पोलीस अधिकारी अशोक थोरात,तहसिलदार समीर यादव,गटविकास अधिकारी मीना साळुंखे,कोयना धरणाचे कार्यकारी अभियंता कुमार पाटील,कृष्णा खोरे विकास महामंडळाचे कार्यकारी अभियंता सुरेन हिरे,शशिकांत गायकवाड, जलसंधारण अधिकारी अविनाश पदमाळे,ग्रामीण रुग्णालयाचे डॉ.चंद्रकांत यादव,तालुका वैद्यकीय अधिकारी डॉ.आर.बी.पाटील, सपोनि तृप्ती सोनावणे,नगरपंचायतीचे मुख्य कार्यकारी अधिकारी अभिषेक परदेशी, नायब तहसिलदार प्रशांत थोरात यांची उपस्थिती होती.

                याप्रसंगी प्रांरभी ना.शंभूराज देसाईंनी पाटण तालुक्यात मागील दोन तीन दिवसात पाटण तालुक्यात बाहेरगांवाहून आलेल्या नागरिकांची माहिती घेतली या नागरिकांना त्या त्या गांवातील शाळांमध्ये तसेच होम कॉरन्टाईन करण्यात आले आहे. होम कॉरन्टाईन करण्यात आलेले नागरिक घरातून बाहेर पडत नाहीत ना ? याची तपासणी मंडलाधिकारी,तलाठी, ग्रामसेवक, पोलीस पाटील यांचेमार्फत करण्यात येत असून बाहेरगांवाहून आलेल्या ज्यांना होम कॉरन्टाईन तसेच शाळामध्ये वास्तव्यास ठेवले आहे त्यांना बाहेर न पडण्याच्या सक्त सुचना दिल्या आहेत. बाहेरगांवाहून आलेल्यांची आवश्यक ती सर्व काळजी तालुका प्रशासनाच्या माध्यमातून घेणे सुरु असून माहे मे पर्यंतचे सर्व कार्डधारकांना रेशनिगंचे धान्याचे वाटप करण्यात आले आहे. धान्यांच्या संदर्भात कुणाचीही अडचण सध्या नाही.असे प्रांताधिकारी यांनी सांगितले.यावर गृहराज्यमंत्री ना.शंभूराज देसाईंनी कोरोनाच्या पार्श्वभूमिवर तालुक्यातील प्रशासन अलर्ट आहे परंतू बाहेरगांवाहून आलेल्यांनी प्रशासनाला सहकार्य करुन घरातच थांबावे,बाहेर पडू नये बाहेरगांवाहून आलेल्यांनी घरात राहणेच तालुक्याच्या आणि गावांच्या हिताचे होणार आहे त्यामुळे कुणीही लॉकडाऊनचे नियम मोडू नयेत असे आवाहन केले.

                तसेच पाटण तालुक्यातील कोयना,तारळी,वांग मराठवाडी,मोरणा गुरेघर तसेच उत्तरमांड या प्रमुख धरणांमध्ये आज तारखेला किती पाणीसाठा आहे,माहे जुनअखेर किती पाणीसाठा या धरणांमध्ये राहणार व पावसाळयात येणाऱ्या पाण्याचे कसे नियोजन अधिकाऱ्यांनी केले आहे याचाही आढावा सातारा सिचंन मंडळाचे व कृष्णा खोरे विकास महामंडळाच्या अधिकाऱ्यांकडून घेतला.यावेळी तालुक्यातील पाचही प्रमुख धरणांमध्ये मर्यादित पाणीसाठा असून पावसाळयात येणाऱ्या पाण्याचे नियोजन करण्यात आले आहे.वांग मराठवाडी धरणप्रकल्पात पावसाळयात पाणीसाठा झालेनंतर उमरकांचन गांवात पाणी शिरते यासंदर्भात काय उपाययोजना केली आहे असे ना.देसाईंनी विचारल्यानंतर गांवाला पाणी लागल्यानंतर कोणत्याही घराला पाणी लागणार नाही परंतू अशा कुटुंबाकरीता सुरक्षित ठिकाणी शेड उभारण्यात आले आहेत त्यामुळे अशा कुटुंबांचे स्थलांतर करण्यात येईल.असे कार्यकारी अभियंता यांनी सांगितले.यावर ना.शंभूराज देसाईंनी यंदाही चांगल्या प्रमाणात पर्जन्यमान होणार असल्याचा अंदाज वर्तविण्यात येत असून तालुक्यातील धरणात मर्यादित पाणीसाठे असले तरी धरण व्यवस्थापनच्या अधिकाऱ्यांनी काळजी घेण्याच्या सुचना केल्या तर मे महिना सुरु होण्यापुर्वीच तालुक्यातील आठ गावांकरीता पिण्याच्या पाण्याचे टँकर मंजुर केले आहेत या गांवाना सुरळीत पाणी पुरवठा होत आहे का? असाही प्रश्न ना.देसाईंनी करुन पाणीपुरवठा होत नसेल तर सुरळीत पाणीपुरवठा करा अशाही सुचना यावेळी दिल्या.

दि.२० मे रोजी कै.सौ.वत्सलादेवी देसाई (ताईसाहेब) यांची ६१ वी पुण्यतिथी होणार साध्यापध्दतीने. कोरोनाच्या पार्श्वभूमिवर शिष्यवृत्तीचे वितरणाचा कार्यक्रम पुढे ढकलण्यात आला.

दौलतनगर दि.1८:- महाराष्ट्राचे पोलादी पुरुष आणि राज्याचे माजी गृहमंत्री लोकनेते बाळासाहेब देसाई यांच्या धर्मपत्नी कै.सौ.वत्सलादेवी देसाई (ताईसाहेब) यांची ६१ वा पुण्यतिथी यंदाच्या वर्षी कोरोनाच्या संकटामुळे अत्यंत साध्या पध्दतीने बुधवार दि.२० मे, २०२० रोजी सकाळी १०.०० वा.     “ महाराष्ट्र दौलत ” लोकनेते बाळासाहेब देसाई शताब्दी स्मारक दौलतनगर,ता.पाटण येथे राज्याचे गृहराज्यमंत्री ना.शंभूराज देसाई यांचे प्रमुख उपस्थितीत साजरी करण्यात येणार आहे.प्रतिवर्षाप्रमाणे कै.सौ.वत्सलादेवी देसाई (ताईसाहेब) यांचे पुण्यतिथीनिमित्त पाटण मतदारसंघातील गरीब कुटुंबातील गरजू मुलींना दहावीनंतरचे महाविद्यालयीन शिक्षण घेणेकरीता कै.सौ.वत्सलादेवी देसाई (ताईसाहेब) यांचे नावाने सुरु असलेल्या शिष्यवृत्तीचे वितरणाचा कार्यक्रम कोरोनाच्या संकटामुळे पुढे ढकलण्यात आला असून या शिष्यवृत्तीचे वितरण कोरोनाचे संकट संपल्यानंतर करण्यात येणार असल्याची माहिती लोकनेते बाळासाहेब देसाई सहकारी उद्योग व शिक्षण समुहाच्यावतीने प्रसिध्दीस देण्यात आली आहे.

प्रसिध्दीस दिलेल्या पत्रकांत म्हंटले आहे की, महाराष्ट्राचे पोलादी पुरुष आणि राज्याचे माजी गृहमंत्री लोकनेते बाळासाहेब देसाई यांच्या जन्मशताब्दी वर्षापासून त्यांच्या धर्मपत्नी कै.सौ.वत्सलादेवी देसाई (ताईसाहेब) यांचा पुण्यतिथी कार्यक्रम प्रतिवर्षी दि.२० मे रोजी लोकनेते बाळासाहेब देसाई सहकारी उद्योग व शिक्षण समुहाच्या वतीने साजरा करण्यात येतो.राज्याचे गृहराज्यमंत्री ना.शंभूराज देसाई यांच्या संकल्पनेतून कै.सौ.वत्सलादेवी देसाई (ताईसाहेब) यांच्या पुण्यस्मरण कार्यक्रमाच्या निमित्ताने पाटण मतदारसंघातील गरीब व गरजू मुलींना दहावीनंतरचे महाविद्यालयीन शिक्षण घेण्याकरीता कै.सौ.वत्सलादेवी देसाई (ताईसाहेब) यांच्या नावाने शिष्यवृत्ती योजना राबविण्यात येत आहे.यंदाचे हे अकरावे वर्ष असून आतापर्यंत पाटण विधानसभा मतदारसंघातील १५० हुन अधिक मुलींना प्रत्येकी ५००० रुपयेप्रमाणे शिष्यवृत्ती देण्यात आली आहे. गरजू कुटुंबातील मुलींना शिक्षणाकरीता हातभार लागावा याकरीता या शिष्यवृत्तीबरोबर वहया,शालेय गरजांच्या साहित्याचे वितरणही करण्यात येते. मागील वर्षापासून ५५०० रुपयेप्रमाणे शिष्यवृत्ती देण्यात येत असून यंदाच्या वर्षी कोरोनाच्या संकटामुळे शिष्यवृत्ती वितरणाचा कार्यक्रम पुढे ढकलण्यात आला आहे.कोरोनाचे संकट कमी झालेनंतर या शिष्यवृत्तीचे वितरणाचे नियोजन करण्यात येणार आहे.

कोरोनाच्या पार्श्वभूमिवर कै.सौ.वत्सलादेवी देसाई (ताईसाहेब) यांची यंदाच्या वर्षीची ६१ वी पुण्यतिथी बुधवार दि. २० मे २०२० रोजी सकाळी १०.०० वाजता लोकनेते बाळासाहेब देसाई सहकारी उद्योग व शिक्षण समुहाचे मार्गदर्शक व राज्याचे गृहराज्यमंत्री ना. शंभूराज देसाई यांचे शुभहस्ते कै.ताईसाहेब यांच्या प्रतिमेस पुष्पहार अर्पण करुन पुण्यतिथीनिमित्त अभिवादन करुन अत्यंत साध्या पध्दतीने दौलतनगर,ता.पाटण येथे संपन्न होणार असल्याचे पत्रकांत म्हंटले आहे.

शरदचंद्रजी पवारसाहेबांच्या मागणीनूसार केंद्र शासनाने साखर उद्योगासाठी भरीव पॅकेज दयावे. गृहराज्यमंत्री ना.शंभूराज देसाईंची साखर कारखानदारांच्या वतीने मागणी.

सातारा दि.17:- राज्यातील अडचणीत सापडलेल्या सहकारी साखर उद्योगाला अडचणीतून बाहेर काढणेकरीता केंद्र शासनाने सहकारी साखर उद्योगाला मदत करावी,सहकार्य करावे अशा पध्दतीचे मागणी करणारे लेखी पत्र देशाचे माजी कृषी मंत्री,सहकारातील गाढे अभ्यासक आदरणीय शरदचंद्रजी पवारसाहेबांनी देशाचे पंतप्रधान आदरणीय नरेंद्र मोदीसाहेबांना दिले आहे.शरदचंद्रजी पवारसाहेबांच्या या मागणीनुसार केंद्र शासनाने व विशेषत: देशाचे पंतप्रधान आदरणीय नरेंद्र मोदीसाहेबांनी यावर धोरणात्मक निर्णय घेवून अडचणीत सापडलेला सहकारी साखर उद्योग सावरण्याकरीता साखर उद्योगांना केंद्र शासनाकडून भरीव पॅकेज दयावे अशी मागणी राज्य सहकार परिषदेचे माजी अध्यक्ष,राज्याचे गृहराज्यमंत्री ना.शंभूराज देसाईंनी राज्यातील सहकारी साखर कारखानदारांच्या वतीने केली आहे.

देशाचे माजी कृषीमंत्री आदरणीय शरदचंद्रजी पवारसाहेबांनी पंतप्रधान आदरणीय नरेंद्र मोदीसाहेबांना अडचणीत सापडलेल्या सहकारी साखर कारखानदारीला वाचविण्याकरीता दिलेल्या लेखी पत्राच्या अनुषंगाने गृहराज्यमंत्री ना.शंभूराज देसाई हे एका वृत्तवाहिनीशी बोलत होते.त्यावेळी पवारसाहेबांच्या मागणीला दुजोरा देत याची खऱ्या अर्थाने गरज होती कारण गत तीन वर्षापासून महाराष्ट्रातील संपुर्ण साखर कारखानदारी प्रचंड आर्थिक अडचणीमधून जात आहे.जागतिक आणि देशातंर्गत बाजारापेठांमध्ये मोठया प्रमाणात साखरेचे भाव कोसळले आहेत त्यामुळे सर्वच सहकारी साखर कारखाने प्रचंड आर्थिक तफावतीमध्ये आले आहेत. ज्यावेळी केंद्रसरकारने ऊस उत्पादक शेतकऱ्यांना दयावयाचा ऊसाच्या दराचा (एफआरपीचा) भाव निश्चित केला त्यावेळी बाजारामध्ये असणारा साखर विक्रीचा दर आणि प्रत्यक्षात ऊस उत्पादक शेतकऱ्यांना एफआरपी देत असताना साखरेला बाजारात मिळालेल्या दरातील फरक पाहिला तर किमान एका साखरेच्या पोत्याला 700 ते 800 रुपये ही घट याठिकाणी आली आहे. केवळ साखरेचे अनिश्चित भाव, साखरेचे कोसळलेले भाव हेच सहकारी साखर कारखाने आर्थिक अडचणीत सापडण्यामागचे प्रमुख कारण असल्यामुळे आदरणीय शरदचंद्रजी पवारसाहेबांनी पंतप्रधान आदरणीय नरेंद्र मोदीसाहेबांकडे जी लेखी पत्रानुसार विनंती केली आहे ती अतिशय योग्य आणि गरजेची असून आदरणीय पवारसाहेबांच्या विनंतीनुसार केंद्राने यावर धोरणात्मक निर्णय घ्यावा व ही मदत सहकारी साखर उद्योगाला या घडीला देणे अत्यंत गरजेचे आहे.

 दरम्यान कोरोनाचे लॉकडाऊन सुरु होण्यापुर्वी आदरणीय शरदचंद्रजी पवारसाहेब हे सांगली जिल्हयामध्ये एका कार्यक्रमाच्या निमित्ताने आले होते त्यावेळी त्या कार्यक्रमास मी देखील उपस्थित होतो. कार्यक्रम सुरु होण्यापुर्वी मी पवारसाहेबांची भेट घेतली व पवारसाहेबांना याच विषयासंदर्भात मी लेखी पत्र देवून अडचणीत सापडलेल्या साखर उद्योगाची ही सर्व परिस्थिती त्यांचे निदर्शनास आणून देत आर्थिक अडचणीत सापडलेल्या साखर उद्योगाला अडचणीतून बाहेर काढणेसंदर्भात केंद्र शासनानेच एखादे भरीव पॅकेज दयावे  या अनुषगांने त्यांचेबरोबर माझी चर्चा देखील झाली होती. त्यावेळी कोरोनामुळे एवढे दिवस लॉकडाऊन होईल असे कुणालाही वाटले नव्हते.कोरोनाच्या पार्श्वभूमिवर केंद्र सरकार एवढया मोठया घोषणा करीत आहे त्यातलाच एक छोटासा हिस्सा म्हणून केंद्रशासनाने सहकारी साखर उद्योगाला भरीव पॅकेज जाहीर करावे याची भरीव मदत सहकारी साखर उद्योगाला,ऊस उत्पादक शेतकरी,कारखान्यात काम करणारे कामगार,तोडणी मजुर या सगळयांनाचा होईल.त्यामुळे पवारसाहेबांनी देशाचे पंतप्रधान आदरणीय नरेंद्र मोदीसाहेबांकडे केलेल्या मागणीनुसार केंद्र शासनाने सहकारी साखर उद्योगाला भरीव पॅकेज दयावे अशी महाराष्ट्र राज्यातील सर्व शेतकऱ्याच्या वतीने आम्ही सर्व साखर कारखानदार केंद्र शासनाकडे मागणी करीत आहोत.असेही गृहराज्यमंत्री ना.शंभूराज देसाई शेवठी बोलताना म्हणाले.

चौकट:- पवारसाहेब सहकार व जागतिक स्तरावरील साखरेचा अभ्यास असणारे मोठे नेते. - ना.शंभूराज देसाई

देशाचे माजी कृषी मंत्री आदरणीय शरदचंद्रजी पवारसाहेब हे सहकारातील तसेच देशातील आणि जागतिक स्तरावरील साखरेचा गाढा अभ्यास असणारे एक मोठे नेते आहेत त्यांनी अडचणीत सापडलेल्या सहकारी साखर उद्योगासंदर्भात अभ्यासपुर्ण अशी विनंती देशाचे माननीय पंतप्रधानाकडे केली आहे. आदरणीय पवारसाहेबांच्या या मागणीचा केंद्र शासनाने व माननीय पंतप्रधानांनी गांभीर्याने विचार केल्यास अडचणीतील सहकारी साखर कारखानदारी आणि कारखान्यांना ऊस घालणारे शेतकरी या दोघांनाही आर्थिक उभारी येईल असेही गृहराज्यमंत्री ना.शंभूराज देसाई म्हणाले.

कोरोनाच्या संदर्भात वाशिम जिल्हा ग्रीनझोन मध्ये आहे भविष्यातही तसाच राहणेसाठी प्रयत्नशील - पालकमंत्री ना.शंभूराज देसाई बाहेर जिल्ह्यातून आलेल्या मजुरांची काळजी घेण्याचे वाशिम जिल्हयातील अधिकाऱ्यांना आदेश.

सातारा, दि.१५ :- वाशिम जिल्हा ग्रीनझोनमध्ये असून तो तसाच कायम राहील याकरीताचे अतिशय चांगले नियोजन वाशिम जिल्हाप्रशासनाला बरोबर घेवून आम्ही सर्वांनी एकत्रितपणे केले असून वाशिम जिल्हा प्रशासनाच्या नियोजनबध्द कामकाजामुळेच हे सर्व शक्य झाले आहे. वाशिम जिल्हयातील  परराज्यात,परजिल्हयात अडकलेल्या मजुरांना वाशिम जिल्हयात परत आणण्यासाठी मी या जिल्हयाचा पालकमंत्री या नात्याने प्रयत्नशील असून दोन चार दिवसापासून लॉकडाऊनमध्ये शिथिलता आल्यानंतर परजिल्ह्यात, परराज्यात असलेले अनेक मजूर जिल्ह्यात परतले आहेत.या मजुरांची काळजी घ्या,त्यांची आरोग्य तपासणी करून घ्या, विलगीकरण कक्षात त्यांची गैरसोय होणार नाही,याची दक्षता घ्या,असे आदेश पालकमंत्री ना.शंभूराज देसाईंनी आज वाशिम जिल्हयातील सर्व अधिकाऱ्यांना दिले.

कोरोना विषाणू संसर्ग रोखण्यासाठी करण्यात येत असलेल्या व पुढे करावयाच्या विविध उपाययोजनांचा आढावा घेण्यासाठी आज १५ मे रोजी व्हिडीओ कॉन्फरन्सिंगद्वारे ना.शंभूराज देसाई यांचे अध्यक्षतेखाली आढावा बैठक घेण्यात आली.या बैठकीत ते बोलत होते.यावेळी ना.शंभूराज देसाईंनी सातारा जिल्हाधिकारी कार्यालयातून व्हिडीओ कॉन्फरन्सिंगद्वारे मार्गदर्शन केले.तर वाशिमवरुन खासदार भावना गवळी,आमदार राजेंद्र पाटणी,आमदार अमित झनक,जिल्हा परिषद अध्यक्ष चंद्रकांत ठाकरे, जिल्हाधिकारी हृषीकेश मोडक,जिल्हा परिषदेचे मुख्य कार्यकारी अधिकारी दीपक कुमार मीना,पोलीस अधीक्षक वसंत परदेशी, जिल्हा शल्य चिकित्सक डॉ.अंबादास सोनटक्के,जिल्हा आरोग्य अधिकारी डॉ.अविनाश आहेर तर अकोला जिल्हाधिकारी कार्यालयातून आमदार गोपीकिशन बाजोरिया हे या व्हिडीओ कॉन्फरन्सिंगमध्ये सहभागी झाले होते.

यावेळी खासदार भावना गवळी म्हणाल्या,जिल्ह्यातील काही मजूर इतर राज्यात सुद्धा अडकलेले आहेत.त्यांना जिल्ह्यात परत येण्यासाठी प्रयत्न करणे आवश्यक आहे.त्यासाठी संबंधित राज्यांच्या नोडल अधिकाऱ्यांकडे पाठपुरावा करून आपल्या जिल्ह्यातील मजुरांना परत आणण्याची व्यवस्था करावी.तसेच  आमदार राजेंद्र पाटणी म्हणाले,जिल्ह्यातील मोठा मजूर वर्ग इतर जिल्ह्यात व इतर राज्यात आहे.त्यापैकी अनेकजण जिल्ह्यात परतले असले तरी काही मजूर अद्यापही पुणे, मुंबई व सुरत या महानगरांमध्ये अडकलेले आहेत.त्यांना परत आणण्यासाठी प्रयत्न करावेत.तसेच कारंजा उपजिल्हा रुग्णालय येथे रुग्णांसाठी चांगल्या दर्जाच्या आवश्यक सुविधा उपलब्ध करून दिल्या जाव्यात व सगळयांच्या मागणीनुसार सीसीआय मार्फत होत असलेल्या कापूस खरेदीची गती वाढविण्यात यावी. आमदार गोपीकिशन बाजोरिया यांनी कोरोना संसर्ग रोखण्यासाठी करण्यात येत असलेल्या उपाययोजनांसाठी आमदार निधीची रक्कम उपलब्ध करून देवू,असे यावेळी सांगितले.आमदार अमित झनक म्हणले,गतवर्षी अतिवृष्टीमुळे झालेल्या नुकसानीच्या भरपाईची रक्कम अद्याप काही शेतकऱ्यांना मिळालेली नाही.ही रक्कम लवकरात लवकर उपलब्ध करून दिल्यास आगामी खरीप हंगामात शेतकऱ्यांना मदत होईल.जिल्हा परिषद अध्यक्ष ठाकरे म्हणाले, ग्रामीण भागात आरोग्य सुविधा पुरविणाऱ्या वैद्यकीय अधिकारी, कर्मचाऱ्यांना जिल्हा परिषदेमार्फत पीपीई कीट उपलब्ध करून देण्यात येणार आहेत. ग्रामीण रुग्णालय, जिल्हा रुग्णालय येथील वैद्यकीय अधिकारी, कर्मचारी यांना सुद्धा अशा प्रकारे कोरोना विषाणूपासून बचावासाठी आवश्यक साहित्य उपलब्ध करून द्यावे.यावेळी जिल्हाधिकारी हृषीकेश मोडक यांनी कोरोना विषाणू संसर्ग रोखण्यासाठी जिल्ह्यात करण्यात आलेल्या उपाययोजना, कोरोना बाधित रुग्णांची सद्यस्थिती याविषयी माहिती दिली. 

यावेळी पालकमंत्री ना.शंभूराज देसाई म्हणाले, मुंबई, पुणेसह इतर जिल्ह्यातून परतलेल्या मजुरांची संख्या मोठी असून त्यांना गावातील प्राथमिक शाळा अथवा इतर ठिकाणी विलगीकरणात ठेवण्यात येत आहे.ग्रामस्तरीय समितीमार्फत याबाबतचे नियोजन केले जात असून याठिकाणी मजुरांची गैरसोय होणार नाही, याची खबरदारी घ्यावी.तसेच जे मजूर अजूनही जिल्ह्याबाहेर अडकलेले आहेत, अशा मजुरांची जिल्हानिहाय यादी तयार करून सादर करण्याच्या सूचना त्यांनी जिल्हाधिकारी यांना दिल्या. संबंधित जिल्हा प्रशासनाकडे पाठपुरावा करून या मजुरांना जिल्ह्यात आणण्यासाठी आवश्यक कार्यवाही करण्यात येईल, असे सांगत त्यांनी जिल्ह्यात परतलेल्या मजुरांच्या हाताला भविष्यात काम उपलब्ध करून देण्यासाठी नियोजन करावे.त्यांना महात्मा गांधी राष्ट्रीय ग्रामीण रोजगार हमी योजनेंतर्गत जॉब कार्ड बनवून रोजगार देणे शक्य होईल का, याबाबतचा आराखडा सादर करावा, तसेच जिल्ह्यात परतलेल्या प्रत्येक पात्र लाभार्थ्याला तात्काळ धान्य उपलब्ध करून देण्याच्या सूचनाही त्यांनी दिल्या.

जिल्ह्यात सीसीआयमार्फत सुरु असलेली कापूस खरेदी व नाफेडमार्फत करण्यात येत असलेली चना, तूर खरेदी अधिक गतीने होणे आवश्यक आहे. तसेच नोंदणी केलेल्या सर्वच शेतकऱ्यांचा कापूस व तूर खरेदीची कार्यवाही लवकरात लवकर पूर्ण करण्याबाबत काही सुचना या बैठकीत मांडण्यात आल्या आहेत राज्याचे पणनमंत्री आज सातारा जिल्हयात असून त्यांच्याशी मी चर्चा करुन मार्ग काढतो असे सांगितले तर यापूर्वी झालेल्या व्हिडीओ कॉन्फरन्समध्ये होमगार्डच्या मानधनाचा प्रश्न उपस्थित झाला होता. याबाबत मुख्यमंत्र्यांकडे पाठपुरावा केल्यानंतर हा प्रश्न निकाली निघाला असल्याचे त्यांनी सांगितले. तसेच गतवर्षी अतिवृष्टीमुळे झालेल्या नुकसानीच्या भरपाईची रक्कम मिळणेबाबत जिल्हाधिकारी यांनी पाठपुरावा करावा मीही राज्याचे मदत व पुनर्वसन मंत्री यांचेशी संपर्क साधून ही नूकसानभरपाई लवकरात लवकर मिळणेबाबत प्रयत्न करतो असे त्यांनी शेवठी सांगितले.

साहेब, तुमचे उपकार जन्मभर विसरणार नाही, तुमच्यामुळेच माझ्या मारुतीला चांगले उपचार मिळून संजीवन मिळेल.डोंगरपठारावरील कसणी धनगरवाडयाच्या बयाजी यमकरने व्यक्त केली भावना.

पाटण दि. 13  :- रामायणामध्ये बलशाली मारुतीने संजीवनी आणून लक्ष्मण देवाचे प्राण वाचविल्याचे आपण पाहिले आहे, एैकले आहे आणि वाचले आहे.आत्ताच्या युगात पाटण तालुक्यातील कसणी धनगरवाडयाच्या शेतकरी व गरीब कुटुंबातील बयाजी बाबू यमकर यांच्या चौथीत शिकणाऱ्या 10 वर्षाच्या मारुती या मुलासाठी संजीवनी देण्याचे काम राज्याचे गृहराज्यमंत्री ना.शंभूराज देसाईंनी केले आहे.गेल्या एक वर्षापासून लिव्हरच्या त्रासाने त्रस्त असलेल्या मारुतीला मुंबईच्या मोठया रुग्णालयात चांगले उपचार मिळणेकरीता सर्वोत्तोपरी मदत करणारे ना.शंभूराज देसाई  धनगरवाडयाच्या बयाजी यमकर व त्याचा मुलगा मारुती यांच्याकरीता देवदूताप्रमाणे धावून आले असून ना.शंभूराज देसाईंनी केलेली मदत पाहून “साहेब,तुमचे उपकार मी जन्मभर विसरणार नाही,तुमच्यामुळेच माझ्या मुलाला आता चांगले उपचार मिळून त्याला संजीवन मिळेल” अशी भावना  कसणीच्या धनगरवाडयाच्या बयाजी यमकर या गरीब कुटुंबातील शेतकऱ्याने व्यक्त केली आहे.

                     पाटणच्या नकाशावरचे एका टोकाचे डोंगरपठारावर वसलेले कसणी गांव या गांवातंर्गत असणारा धनगरवाडा येथील बयाजी बाबू यमकर यांचा चौथीत शिकणारा 10 वर्षाचा मुलगा मारुती गेल्या एक वर्षापासून लिव्हरच्या त्रासाने त्रस्त आहे.त्याचे लिव्हर खराब झाल्याने पोटात पाणी साचून राहत आहे त्यामुळे शरीरापेक्षा पोटाचा भागच मोठा दिसत असल्याने त्याच्यावर उपचार करण्याकरीता वर्षभरापासून मारुतीचे गरीब वडील कधी कराड, कधी कोल्हापुर, कधी सांगली येथील वेगवेगळया दवाखान्यात मारुतीला घेवून जात आहेत. त्याच्या या आजारावर शस्त्रक्रिया करायची तर पाच लाखांचा खर्च येईल असे अनेक डॉक्टरांनी सांगितल्यामुळे एवढा मोठा खर्च आपल्याला परवडणारा नाही तसेच वैद्यकीय मदत मिळून मिळून किती मिळणार या चिंतेत असणाऱ्या बयाजी यमकरांनी मागील आठवडयात राज्याचे गृहराज्यमंत्री ना.शंभूराज देसाईंची भेट घेतली.

                   साहेब, हा माझा मुलगा मारुती त्याचे पोट बघा, डॉक्टरांनी त्याचे लिव्हर खराब झाले असल्याचे सांगितले आहे. मी गरीब आहे त्याचेवर उपचार करण्याची माझी परिस्थिती नाही तुम्हीच काहीतरी करा.माझे मुलाला चांगल्या दवाखान्यात चांगले उपचार मिळवून दया आणि त्याला यातून वाचवा अशी कैफियत मांडली. क्षणाचाही विलंब न करता ना.शंभूराज देसाईंनी राज्याचे सार्वजनीक बांधकाम मंत्री ना.एकनाथ शिंदे यांना व त्यांचेकडे वैद्यकीय सेवा देणाऱ्या संस्थेतील पदाधिकाऱ्यास फोन लावला आणि बयाजी यमकरने मांडलेली त्याच्या मुलाच्या आजारपणाची कैफियत सांगितली. सार्वजनीक बांधकाम मंत्री ना.एकनाथ शिंदे यांनी व त्यांच्या संस्थेतल्या पदाधिकाऱ्यांनी त्या मुलाला तात्काळ उपचाराकरीता मुंबईला पाठवून दया असे ना.देसाईंना सांगितले.

                  लॉकडाऊनच काळ असल्यामुळे हा गरीब बयाजी आपल्या मुलाला घेवून मुंबईला जाणार कसा? असा प्रश्न पडलेल्या ना.शंभूराज देसाईंनी लगेच पाटणच्या प्रांताधिकारी यांना फोन लावला आणि कसणीच्या धनगरवाडयाच्या बयाजी यमकरच्या मुलाला तात्काळ उपचाराकरीता मुंबईला पाठवयाचे आहे त्याच्या प्रवासाची परवानगी देणेकरीता तुम्ही स्वत: ऑनलाईन अर्ज भरा आणि जिल्हाधिकाऱ्यांकडे सादर करा मी जिल्हाधिकाऱ्यांशी बोलतो. बयाजीला प्रांताधिकारी यांची भेट घ्यायला सांगून आवश्यक ती कागदपत्रे त्यांना दाखव तुमच्या प्रवासाचा पास मिळेल, पास मिळाला की मला सांग मी आरोग्य विभागाची 108 ची ॲम्ब्युलन्स तुला तुझ्या मुलाला मुंबईच्या रुग्णालयापर्यंत पोहचविण्याकरीता देण्याची व्यवस्था करतो. असे सांगितले. दुसऱ्या दिवशी प्रवासाचा पास मिळताच ना.शंभूराज देसाईंनी बयाजी यमकर आणि त्याच्या मुलाला 108 ॲम्ब्युलन्स उपलब्ध करुन देत या ॲम्ब्युलन्समधून रुग्णालयाकडे रवाना केले आणि ना.एकनाथ शिंदे यांच्या संस्थेत व रुग्णालयात फोन करुन सांगितले पेशंन्ट पाठविला आहे त्याच्या वडीलाची परिस्थिती नाही त्या मुलावर मोफत उपचार करा.बयाजी यमकर आणि त्याचा 10 वर्षाचा मारुती मुंबईच्या रुग्णालयात सुखरुप पोहचले असून मारुतीवर उपचार करण्याचे काम रुग्णालयात सुरु झाले आहे. उपचारासाठी सर्वोत्तोपरी मदत करणाऱ्या गृहराज्यमंत्री ना.शंभूराज देसाईंना बयाजीने फोन करुन सांगितले साहेब, माझे मारुतीवर उपचार सुरु झाले आहेत मी व माझे कुटुंब तुमचे उपकार जन्मभर विसरणार नाही.