गृहराज्यमंत्री नामदार शंभूराज देसाई यांच्या 55 वा वाढदिवस साध्यापध्दतीने होणार साजरा. दि.17 नोव्हेंबरला महारक्तदान शिबिरात युवकांनी रक्तदान करावे व वाढदिवसाला पुष्पगुच्छ,हारतुरे न आणता वहया व शालेय साहित्य आणण्याचे आवाहन.

 

दौलतनगर दि.१4(जनसंपर्क कक्ष,राज्यमंत्री कार्यालय):-लोकनेते बाळासाहेब देसाई सहकारी उद्योग व शिक्षण समुहाचे प्रमुख,महाराष्ट्र राज्याचे गृह(ग्रामीण),वित्त,नियोजन,राज्य उत्पादन शुल्क,कौशल्य विकास व उद्योजकता,पणन राज्यमंत्री नामदार शंभूराज देसाई यांचा 55 वा वाढदिवस बुधवार दि.17 नोव्हेंबर,2021 रोजी दौलतनगर ता.पाटण येथे साध्यापध्दतीने साजरा होणार असल्याची  माहिती नामदार शंभूराज देसाई वाढदिवस नियोजन समिती यांचेकडून प्रसिध्दीपत्रकाव्दारे देण्यात आली असून वाढदिवसानिमित्त नामदार शंभूराज देसाईंना शुभेच्छा देण्याकरीता येणाऱ्या हितचिंतक, पदाधिकारी व कार्यकर्त्यांनी  पुष्पहार अथवा हारतुरे न आणता तालुक्यातील गरीब कुटुंबातील मुलामुलींना वाढदिवसाची भेट देण्याकरीता वहया तसेच शालेय वस्तू आणाव्यात असे आवाहनही  वाढदिवस नियोजन समितीच्यावतीने करण्यात आले आहे.

                                  पत्रकांत म्हंटले आहे की,गृहराज्यमंत्री नामदार शंभूराज देसाई यांचा 55वा वाढदिवस बुधवार दि.17 नोव्हेंबर,2021 रोजी दौलतनगर ता.पाटण येथे साध्या पध्दतीने साजरा होत असून या दिवशी दिवसभर विविध कार्यक्रमांचे आयोजन कारखाना कार्यस्थळ, दौलतनगर येथे करण्यात आला आहे .सकाळी 09.00 वा.त्यांच्या 55 व्या वाढदिवसानिमित्त कुटुंबियांच्या वतीने औक्षण झालेनंतर सकाळी 09.00 ते 11.30 पर्यंत ते कारखाना कार्यस्थळावरील श्री गणेश मंदीरामध्ये गणेश दर्शन करुन मरळी  येथे ग्रामदैवत निनाईदेवीचे दर्शन झालेनंतर ग्रामपंचायत व ग्रामस्थ मरळी यांच्यावतीने सत्कार व अभिष्टचिंतन स्विकारणार आहेत.त्यानंतर कै.सौ.वत्सलादेवी देसाई ( ताईसाहेब ) यांच्या पुतळा, स्व.शिवाजीराव देसाई (आबासाहेब) यांची समाधी व पुर्णाकृती  पुतळयास व लोकनेते बाळासाहेब देसाई यांचे पुर्णाकृती पुतळयास पुष्पचक्र अपर्ण व विनम्र अभिवादन असे धार्मिक कार्यक्रम आयोजीत करण्यात आले आहेत.त्यानंतर हिंदुहदयसम्राट शिवसेना प्रमुख कै.बाळासाहेब ठाकरे यांचे नवव्या पुण्यस्मरण दिनानिमित्त लोकनेते बाळासाहेब देसाई सहकारी उद्योग व शिक्षण समुहाच्यावतीने त्यांना विनम्र अभिवादन व पुण्यस्मरण दिनानिमित्त गरीब कुटुंबातील महिलांना ब्लँकेटचे वाटप करण्यात येणार आहे.शिवदैालत बँकेच्या विस्तारीत कक्षाचे 18 व्या वर्धापनदिन समारंभास उपस्थित राहणार आहेत. त्यानंतर त्यांचे निवासस्थानी शिवविजय हॉल येथे आगमन झालेनंतर स.11.30 पासून दुपारी 04.30 वाजेपर्यंत नामदार शंभूराज देसाई हे वाढदिवसानिमित्त कार्येकर्ते,हितचिंतक व आम जनतेच्यावतीने निवासस्थानी शिवविजय हॉल येथे शुभेच्छा स्विकारणार आहेत.दुपारी 04.30 वा त्यांच्या वाढदिवसानिमित्त दौलत औद्योगिक प्रशिक्षण संस्थेच्या प्रांगणामध्ये पाटण विधानसभा मतदारसंघातील तमाम जनतेच्या वतीने ‘कार्यकर्ता संवाद मेळावा’ आयोजीत केला आहे. या मेळाव्यास संबोधित करण्याकरीता नामदार शंभूराज देसाई उपस्थित राहणार आहेत. दरम्यान गृहराज्यमंत्री ना. शंभूराज देसाई यांचे वाढदिवसाचे औचित्य साधून महारक्तदान शिबिराचे आयोजन करण्यात आले असून या रक्तदान शिबिरामध्ये युवकांनी जास्तीत जास्त संख्येने सहभागी व्हावे असे आवाहन नियोजन समितीने केले आहे. दरम्यान नामदार शंभूराज देसाई हे या दिवशी दिवसभर शुभेच्छा स्विकारण्यासाठी दौलतनगर ता.पाटण येथे उपस्थित राहणार आहेत,याची हितचिंतकांनी नोंद घ्यावी तसेच शुभेच्छा देण्यासाठी हार-तुरे,पुष्पगुच्छ व पुष्पहार न आणता शालेय विद्यार्थ्यांसाठी आवश्यक असणारे पेन,वहया इ.शालेय साहित्य आणावे असे आवाहनही नामदार शंभूराज देसाई वाढदिवस नियोजन समितीच्या वतीने पत्रकाव्दारे करण्यात आले आहे.