चेअरमन मा.यशराज देसाई(दादा) यांचा दि.10 ऑक्टोंबर रोजीचा वाढदिवस सामाजिक उपक्रमांनी होणार साजरा.

 

दौलतनगर दि.06:- महाराष्ट्र राज्याचे राज्य उत्पादन शुल्कमंत्री तथा सातारा व ठाणे जिल्हयाचे पालकमंत्री ना.शंभूराज देसाई यांचे चिरंजिव व पाटण तालुक्याचे युवा नेते,लोकनेते बाळासाहेब देसाई सहकारी साखर कारखान्याचे चेअरमन मा.यशराज देसाई (दादा) यांचा मंगळवार  दि.१0ऑक्टोंबर,२०२3 रोजीचा वाढदिवस शिवसेना,युवासेना पदाधिकारी व कार्यकर्ते यांचेवतीने साजरा करण्यात येणार आहे. दरम्यान वाढदिनी मा.यशराज देसाई (दादा) हे सकाळी 11 ते दुपारी 02.00 वा. पर्यंत दौलतनगर,ता.पाटण येथे उपस्थित राहणार असून शिवविजय हॉल दौलतनगर येथे शुभेच्छा स्विकारणार असल्याचे मा. यशराज देसाई (दादा) वाढदिवस नियोजन समिती यांनी प्रसिध्दीपत्रकांत केले आहे.

प्रसिध्दीपत्रकांत पुढे म्हंटले आहे की, महाराष्ट्र राज्याचे राज्य उत्पादन शुल्कमंत्री ना.शंभूराज देसाई यांचे चिरंजिव व पाटण तालुक्याचे युवा नेते,लोकनेते बाळासाहेब देसाई सहकारी साखर कारखान्याचे चेअरमन मा. यशराज देसाई (दादा) यांचा वाढदिवस  प्रतिवर्षी  मतदार संघातील पदाधिकारी व कार्यकर्ते, हितचिंतक यांचेकडून विविध सामाजिक उपक्रम राबवून साजरा करण्यात येतो. यंदाच्याही वर्षी मा.यशराज देसाई (दादा) यांचे मंगळवार  दि. १0 ऑक्टोंबर,२०२3 रोजीचे वाढदिवसा निमित्त शिवसेना,युवासेना पदाधिकारी व कार्यकर्ते यांच्यावतीने विविध सामाजिक उपक्रम राबवून साजरा करण्यात येणार आहे. यामध्ये पाटण विधानसभा मतदारसंघातील जिल्हा परिषद शाळा व अंगणवाडयांमधील विद्यार्थ्यांना शालेय वहया व खाऊ वाटप करण्यात येणार आहे. मा. यशराज देसाई यांचे हस्ते सकाळी 9.30 वा एहसास मतीमंद मुलांची शाळा येथे खाऊ वाटप  करण्यात येणार असून सकाळी 10 वाजता पाटण विधानसभा मतदारसंघातील तमाम पदाधिकारी,कार्यकर्ते व शिवसैनिक यांचेवतीने मा.यशराज देसाई यांचे वाढदिवसाचे औचित्य साधून नाडे या ठिकाणी स्वागत करण्यात येणार आहे. सकाळी 11.00 वा. दौलतनगर,ता.पाटण येथील निवासस्थानी आगमन होणार असून  शिवविजय हॉल येथे वाढदिवसानिमित्त लोकनेते बाळासाहेब देसाई सहकारी उद्योग व शिक्षण समुहातील विविध संस्थांचेवतीने वाढदिवसानिमित्त सत्कार स्विकारल्यानंतर उपस्थित पदाधिकारी,कार्यकर्ते व हितचिंतक यांचेकडून दुपारी 02 वाजेपर्यंत शुभेच्छा स्विकारणार आहेत. दरम्यान वाढदिवसानिमित्त शुभेच्छा देण्याकरीता येणा-या कार्यकर्ते पदाधिकारी यांनी पुष्पगुच्छ,हार न आणता पाटण विधानसभा मतदार संघातील गोर-गरीब कुटुंबातील शालेय विद्यार्थ्यांना उपयोगी पडतील अशा शालेय वस्तू भेट म्हणून आणण्याचे आवाहनही शेवटी मा. यशराज देसाई (दादा) वाढदिवस नियोजन समितीचे वतीने प्रसिध्दीपत्रकांत करण्यात आले आहे.