लोकनेते बाळासाहेब देसाई सह.साखर कारखान्याचा नामदार शंभूराज देसाई व 14 ज्येष्ठ सभासदांच्या हस्ते शुक्रवार दि.03 नोव्हेंबर रोजी पन्नासाव्या गळीत हंगामाचा शुभारंभ - पांडूरंग नलवडे व्हा.चेअरमन

 

 दौलतनगर दि.31:- दौलतनगर, ता.पाटण येथील लोकनेते बाळासाहेब देसाई सहकारी साखर कारखान्याचा सन २०२3-२4 मधील 50 व्या गळीत हंगामाचा शुभारंभ समारंभ शुक्रवार दि.03 नोव्हेंबर,२०२3 रोजी दुपारी 12.30 वा. लोकनेते बाळासाहेब देसाई सहकारी उद्योग व शिक्षण समुहाचे मार्गदर्शक, महाराष्ट्र राज्याचे राज्य उत्पादन शुल्क मंत्री तथा सातारा व ठाणे जिल्हयाचे पालकमंत्री नामदार शंभूराज देसाई व त्यांच्या सुविद्य पत्नी मा.सौ. स्मितादेवी शंभूराज देसाई, कारखान्याचे चेअरमन मा.यशराज देसाई(दादा), मोरणा शिक्षण संस्थेचे अध्यक्ष मा.श्री.रविराज देसाई(दादा) यांचे प्रमुख उपस्थितीत व कारखान्याचे ज्येष्ठ १4 सभासद यांचे शुभहस्ते कारखाना कार्यस्थळ,दौलतनगर,ता.पाटण येथे संपन्न होणार असल्याची माहिती कारखान्याचे व्हा.चेअरमन पांडूरंग नलवडे यांनी प्रसिध्दीपत्रकाव्दारे दिली आहे.

                 पत्रकात म्हंटले आहे की, चालु गळीत हंगामाची पुर्वतयारी पुर्ण झाली असून गाळप हंगाम पुर्ण क्षमतेने होण्याच्या दृष्टीने कारखान्यातील सर्व कामकाज पुर्णत्वाकडे गेले आहे. कारखान्याने ऊस तोडणी व वाहतूकीकरीता पुरेसे तोडणी मजुर व वाहनांचे करार पुर्ण केलेले असून कारखान्याकडे करार केलेली सर्व ऊस तोडणी व वाहतूक तोडणी मजुर यंत्रणा कारखाना कार्यक्षेत्रात दाखल होण्यास सुरुवात झाली आहे.यंदाचाही गळीत हंगाम कारखान्याचे सभासद,ऊस उत्पादक शेतकरी यांचे सहकार्यातून यशस्वी होईल असा विश्वास व्यक्त करीत या गळीत हंगामाचा शुभारंभ हा प्रतिवर्षाप्रमाणे कारखान्याचे ज्येष्ठ १4 सभासद श्री.बाळाराम पाटलू निकम बाचोली,श्री.जगन्नाथ परशराम चव्हाण कुंभारगाव,श्री.सतिश रामचंद्र पवार शिंगणवाडी, श्री.विनायक गणपती चव्हाण नारळवाडी,श्री.सुरेश चंद्रु संकपाळ विहे,श्री.आनंदराव हणमंत जाधव मारुलहवेली,श्री.रामचंद्र गणपती पानस्कर मल्हारपेठ,श्री.दिलीप कुंडलिक साळूंखे येराड,श्री.विनायक आण्णा जामदार नावडी,श्री.सुभाष दाजीराम देशमुख तारळे,श्री.संपतराव दिनकर पानस्कर बहुले,श्री.शंकर रामचंद्र देसाई ऊरुल,श्री.सखाराम ज्ञानू मुगदूम येरफळे व श्री.दत्तात्रय विठ्ठल पवार नाडे या १4 ज्येष्ठ सभासदांचे शुभहस्ते व लोकनेते बाळासाहेब देसाई सहकारी उद्योग व शिक्षण समुहाचे मार्गदर्शक, महाराष्ट्र राज्याचे राज्य उत्पादन शुल्क मंत्री तथा सातारा व ठाणे जिल्हयाचे पालकमंत्री नामदार शंभूराज देसाई व त्यांच्या सुविद्य पत्नी मा.सौ.स्मितादेवी शंभूराज देसाई, कारखान्याचे चेअरमन मा.यशराज देसाई(दादा) व मोरणा शिक्षण संस्थेचे अध्यक्ष मा.श्री. रविराज देसाई (दादा) यांचे प्रमुख उपस्थितीत शुक्रवार दि.03 नोव्हेंबर,२०२3 रोजी दुपारी 12.30 वा. संपन्न होणार असून या गळीत हंगाम शुभारंभानिमित्त कारखान्याचे संचालक प्रशांत राजाराम पाटील व त्यांच्या सुविद्य पत्नी सौ. राधिका प्रशांत पाटील यांचे शुभहस्ते सत्यनारायण महापुजा आयोजीत केलेली आहे. तरी या समारंभास कारखान्याचे सर्व सभासद,ऊस उत्पादक शेतकरी, पदाधिकारी, कार्यकर्ते, हितचिंतक यांनी बहुसंख्येने उपस्थित रहावे, असे आवाहनही व्हा.चेअरमन पांडूरंग नलवडे यांनी शेवटी पत्रकात केले आहे.